1 ይኬ፥ ጾዚ ካꬍንትደ ናኡንꬅ ፋና ጾዛ ካልዙንꬃና ማቆተ። ቆላ. 3:13 2 ክርስቶሳ ኑና ካꬊ ጾዛ ኡፋይስዘ ሎኦ ሳውዘ እሞን ዣርሾ ማህ ፋ ሸምፕቶ ኑስ አꬂ እንግዳን ፋና ይንትን ሲቆራ የዞተ።

3 አኮን ኦላለ Ꮉንታ፥ ዎይ ቱናትꬅ፥ ዎይ አሞትꬅ ጋርዘ ባዝ ሙሎን ይን ካለ ስንትፐ። ይና ጌሽ ማቅደ ጾዝ አስስ ቤዞስ። ከዘ 29:18፤ ማዝ. 40:6 4 ዬልዘ ባዝን ቦዛ ኦሄ ዎይ ቅ ይንትስ ቤዞሰ ግሾ የዝፐተ፤ አꬊ ጾዝ ጋላቶተ ፋትን። 5 Ꮉኖ ኤሮተ፤ ኦንን ኦላለ Ꮉንትዘ ዎይ ቱና ባዝ ኦችዘ ዎይ አሞꬍዘን ኤቃ ጎይንዘን ዣርꬍዘ ክርስቶሳራ ጾዘ ካእቱሞ ገሎደስ ዳንዳኦስ።

6 ይንፓ ደንድዳነ ጾዘ Ꮉንቆ ኪትንቶሰ አሱንꬃላ አፋ የኦደ ግሾ ኦንን ይንታና ፋꬆሰ ኦሄራ ጭምፐ። 7 ይኬ የንሳራ ዎላ ኢታ ባዝ ኦችዙንꬃና ማቅፈተ። 8 ዛጋ ይን ꬉማ የዝዳ፥ የዝን Ꮉተ ላꬄ ባጋራ ፎኦ የነ። ይኬ፥ ፎኦ የዘ አስ ፋና Ꮉንቶተ። 9 ሎኦትꬅ ኡባ፥ ጽሎትꬅን ቱሪ ኣፈ በንትዘ ፎኦ ግዳ።

10 ይኒ ግሾ ላꬃ ኡፋይስዘ ባዝ ኦቾደስ ኮዮተ። 11 ኣፈ ባይዘ ꬉማ ኦቻራ ፈቶ ማቅፈተ፥ አꬂ ቆንጭዞተ። 12 ኡን አችቻ ኦችዘ ግሾ መለ አቶ የዝን ኦሆደስን ዬልዛነ። 13 የዝን ኡባ ባዝ ፎኦ ከዝዘ ዎደ ቆንጪ በንታነ። 14 ቆንጪ በንትዘ ኡባ ፎኦ። ይኒ ግሾ፥

15 ይኬ፥ ይን ጭንጩንꬅ ፋና ማቆተ ፋትን ጭንጫትꬅ ባይዙንꬅ ፋና ማቂ የዛመ ፋና ሎይꬂ ናግንቶተ። 16 ቃምታ ኢታ ማቅደ ግሾ ዎድቶ ዎዞተ። 17 ይኒ ግሾ፥ ላꬄ ቆፍታ አኮ የዛኮ ቆፖተ ፋትን ኤዩንꬃና ማቅፈተ። ቆላ. 4:5

18 ጌሽ አያናራ ኩሞተ ፋትን ዎይነ ኡሻራ ማꬅንትፈተ፥ ይና ꬋብሰጎ ካንጋነ። 19 ማዝሙረራን፥ ሳባራ አያና የꬃራ፥ ፈታይ ፈታይራ ኦህንቶተ። ማህ ይን ዎዝንተ ዛማርተራን ሳቢተራ ላꬃ ጋላቶተ። 20 ኑ ላꬄ የሱስ ክርስቶሳ ሱንꬅተ ኡባ ባዝስ ጾዛ አዳያ ኡባ ዎደ ጋላቶተ። ቆላ. 3:16-17

21 ክርስቶሳ ቦንቾስ ጋእ ይንታፓ ፈታይ ፈታይስ አቆተ።

22 ማቹንꬆ፥ ላꬅስ Ꮉርንትዛን ፋና ይን አዝኑንꬅስ አቆተ። 23 ክርስቶሳ ዎሳ ኬꬅትስ ኦማ ማቅዳን ጋር አዝንን ፋ ማችትስ ኦማ። ማህ ክርስቶሳ ፋ ጋላ ማቅደ ዎሳ ኬꬅቶ አሽዛ። ቆላ. 3:18፤ 1 ጴጥ. 3:1 24 የዝን ዎሳ ኬꬂ አሱንꬅ ክርስቶሳስ Ꮉርንትዛን ፋና ማቹንꬅ ፋ አዝኑንꬅስ ኡባ ባዛራ አቆተ።

25 አዝኑንꬆ፥ ክርስቶሳ ዎሳ ኬꬅቶ ካꬊ ፋና ኢስ እንግዳን ፋና ይንትን ይን ማቹንꬃና ካꬎተ። 26 ኤ ዎሳ ኬꬅቶ ፋ ቃልት ባጋራ Ꮉꬃራ ሜጭዘ ፋና ጌሻነ። ቆላ. 3:19፤ 1 ጴጥ. 3:7 27 ꬎሃ ዎይ ስኖ ቱከ ዎይ ይኒ ጋርዘ ባዝ ባይዘ ጌሽን ቦረ ባይዛኖ ማህ ቦንችንትደ ዎሳ ኬꬅቶ ፋስ ሺሾደስ ኮይ ይኖ ኦችዳ። 28 ይኒ ፋና፥ አዝኑንꬂ ፋና ካꬍዛን ጋራ ፋ ማቹንꬃና ካꬎደስ ቤዛነ። ፋ ማችቶ ካዽዘ ፋና ካꬋነ። 29 ፋና እጽዘ አስ ኦንን ባያ፥ የዝን ክርስቶሳ ዎሳ ኬꬅስ ኦችዛንን ናግዛን ፋና ፋ ጋልቶ ሙዛነን ናጋነ። 30 ኑኒ ክርስቶሳ አሳትꬅት ብልተ።

31 «ይኒ ግሾ፥ አስ ፋ አዳያን ፋ እንቶ አሺ፥ ፋ ማችትራ ፈቶ ማቃነ፤ ኡን ላምኡንꬅ ፈቲ አሾ ማቃነ» ያጋይዳ። 32 ይና ዳማ ሳዛ ቆፍታ፥ የዝን ታኒ ይኖ ክርስቶሳስን ዎሳ ኬꬅስ አዝዘ ማህ ኦህነ። መꬎ 2:24 33 የዝን፥ ይን ፈታይ ፈታይ ይን ማቹንꬃና ይኒ ፋና ካꬎተ። ማችታን ፋ አዝንዛ ቦንቾ።