1 ናኡንꬆ፥ ይንታና የልዱንꬅስ ላꬄ ግሾ ጋእ ኪትንቶተ፥ ይና ቤዝዘ ባዝ። 2 «ነ አዳያን ነ እንቶ ቦንቾ።» ይና ኡፋይስ ቃላ የዘ ቲኖ ኪታ። ቆላ. 3:20 3 «ነ ይኖ ኦችኮ ኡባ ባዝ ኔስ ጊጎዳ፤ ነ በርታ ሳአላ ጳርጎዳ»።ከዘ 20:12፤ ማሄ 5:16

4 አዱንꬆ፥ ይን ናኡንꬃና ላꬄ ዞረራን ሴረራ ድቾተ ፋትን ኡንታና ዥልዝፐተ። ቆላ. 3:21

5 አሩንꬆ፥ ይን ክርስቶሳስ ኪትንትዛን ፋና ዣሽሞራን ጎቀራ፥ ይን ዎዝንተ ሱርተራ አሾስ ላꬂ ማቅዱንꬅስ ኪትንቶተ። 6 አስ ቲኖ ሳባ ደንጎደስ ኡን በእዘ ዎደ ጻላላ ኦችፍተ። የዝን ጾዘ ቆፋ ኦችዘ ክርስቶሳ አሩንꬃና ማቆተ። 7 አስስ ማቅካይዝን ላꬅስ ጋእ ይን ኩምꬅ ዎዝንትፓ ኦቾተ። 8 አሮ ማቅን ዎይ ላꬂ ማቅን ፈታይ ፈታይ ፋ ኦችደ ሎኦ ኦችትስ ላꬃፓ አንጆ ኩሸ ኤኮዳኖ ኤሮተ።

9 ይን ላꬁንꬆ፥ ማንድዛኖ አሺ ሎኦ ባዝ ኦቾተ፥ ይንታናን ኡንታናን አህዘ ላꬃይ፥ ሳሎ የዛይ አስ ስኖ ብእ ፍርዳ ደሽ ይዞሳኖ ይን ኤራነ። ቆላ. 4:1፤ ማሄ 10:17፤ ቆላ. 3:25

10 አትዳነ፥ ላꬃራን ኤ ዳማ ዎልቂተ ሚንግዱንꬃና ማቆተ። 11 ጻላሄ ጭሞ እጺ ዳንዳኦደ ጋር ጾዘ ይንትስ እንግደ ኦላ ሚሸ ኡባ ማኦተ። 12 ኑ ኦልንትዛና ሱꬃራን አሾራ ባያ፤ ሳሎ የዘ ቱና አያና ኦላንቹንꬃራ፤ አደትꬅ ዎልቃ አዱንꬃራ፥ Ꮉላቁንꬃራን Ꮉና ꬉማ አላምቶ አህዙንꬃራ።

13 ይኒ ግሾ፥ ኢታ ቃማ እጾደስ ኡባኖ ፎሊ፥ ሚንግ ኤቆደስ ይን ዳንዳኦደ ጋር ጾዘ ኦላ ሚሸ ኡባ ማኦተ። 14-15 ይኬ ይን ቃዝንተ ቱሮትꬅ ዳንጪ፥ ጽሎትꬅ ጹሩረ ማእ፤ ሳሮትꬅ ዎንገለራ ጊግንቲ ይን ቶህተ ጫማ ፋና አꬂ ሚንግ ኤቆተ። 16 ኡባንላ ጉጂ፥ ጻላሄ ዳክዘ ኢታ ሎብዘ ታማ ዶንገ ኡባ ꬋብሶደስ ዳንዳእዘ አማኖ ጎንዳለ ደንꬆተ።ኢሳ. 11:5፤ ኢሳ. 59:17፤ 52:7 17 አቶትꬅ ብራታ ባርኔጻ ጋር ይን ኦምተ ጋዶተ፤ አያና ማሻ አይኮተ፤ ኤዝን ጾዘ ቃላ። 18 ዎሳራን መሉንꬅስ ዎሳራ ኡባ ዎደ አያናራ ዎሶተ። ይና ቆፍትራ ጌሹንꬅስ ዎስተራ ኡባ ዎደ ምንጎተ። ኢሳ. 59:17

19 ታኒ ዎንገለ ጋꬅ ቆፋ ቆንጭዝ ኦሆደ ፋና ጾዚ ታስ ቃላ እንጎደ ፋና ዎሶተ። 20 ዎንገለ ኪታስ ሳንꬃላታራ አጭንትዳይ ኤ ግሾ ኦሆደስ ቤዝዘ ፋና ቆንጭዝ ኦሆደ ፋና ታስ ዎሶተ።

21 ታኒ ዋይዘ የዛኮን አኮ ኦችዛኮ ይን ኤሮደ ጋር ኑ ሲቆ እሻይ፥ ላꬄ ኦችተ አምንንትደ ኦቻንችዛይ፥ ትክቆሳ፥ ታ ባዝ ኡባ ይንትስ ኦሆዳ። 22 ኑ ባዝ ይን ኤሮደ ፋናን ይን ዎዝንቶ ምንꬅꬆደ ጋር ይንታጎ ኪትዳና ይኒ ግሾስ። ሐዋ. 20:4፤ 2 ጢሞ. 4:12፤ ቆላ. 4:7-8

23 ጾዘ አደፓ፥ ላꬄ የሱስ ክርስቶሳፓ ሳሮትꬅን ሲቆ አማኖራ ዎላ አማንዘ ኡቡንꬅስ ማቀ። መꬎ 21:10 24 ቶዮሰ ሲቆን ኑ ላꬄ የሱስ ክርስቶሳ ካዽዘ ኡቡንꬅስ አꬎ ኬሃትꬅ ማቀ፤ አምንኤ።