1 ታ እሹንꬆ፥ ይን ኑ ቦንቾ ላꬄ የሱስ ክርስቶሳ አማንዘባዝ ማቅኮ፥ አስ ስኖ ብእ አስ ቦንችፐተ። 2 አዝዘስ፥ ዎርቃ ምግዶ አꬂ፥ ሎኦ ማኦ ማእደ ዱረ አስ ይን ሺቅተ ይእዳ። ማህ ጩርቃ ማኦ ማእደ ዳሃ አስን ይእዳ። 3 ሎኦ ማኦ ማእደ አꬃ ይን አꬂ ቦንቺ፥ «ነ Ꮉነ ሎእዘ ኦይዳላ በቶ» ጋእ፥ ማህ ዳሃ አꬃ፥ «ነ የይጋ ኤቆ ዎይ Ꮉነ ታ ቶህት ካለ ሳእተ በቶ» ጋነ። 4 ዬዝን፥ ይን፥ ይን ግዳ ሻኮ መꬍዙንꬃና ኢታ ቆፋራ የዘ ዳይኑንꬅ ፋና ባነ?

5 ታ ሲቆ እሹንꬆ፥ ስኦተ። አማኖራ ዱረ ማቃደ ፋናን ፋና ሲቅዙንꬅስ እንጎዳ ጋይደ ሳሎ ካእቱሞ ላቶደ ጋር Ꮉና ሳእተ የዘ ዳሁንꬃና ጾዚ ዶርካነ? 6 የዝን ይን ዳሁንꬃና ቶቻነ። ይንታና ኡንእꬅዙንꬅን ፍርዳ ኬꬃ ጎችዙንꬅ ዱሩንꬃና ባነ? ይንታና ዳይና ቲኖ ጎችዙንꬅ ኡንታና ባነ? 7 ይን ጼግንትዘ ይና ሎኦ ሱንꬅቶ ጫዥዙንꬅ ኡንታና ባነ?

8 የዝን ጌሽ ማጻፍተ፥ «አስ ኡባ ነና ነ ካꬍዛን ጋራ ካꬎ» ጋእንት ጻፍንትደ ጾዘ ካእቱሞ ህግቶ ይን ፎልኮ ሎኦ ኦቻነ። ሌዌ 19:18 9 የዝን ይን አስ ስኖ ብእ ቦንችኮ፥ ናጋራ ኦቻነ፤ ማህ ህገን ይንታና ህገ መንꬅደ አስ ፋና ፍርዶዳ። 10 ኦደን ጾዘ ህገ ኡባፓ ፈታ መንꬂ፥ አትዳኖ ኡባ ናግኮ ኡባኖ መንꬅደ ፋና ፋይድንታነ። 11 «ላምፐ» ጋይደ ላꬄ፥ ማህ «ዎꬍፐ» ጋይዳ። የዝን ነ ላማንጽ አሺ ዎꬍደ ባዝ ማቅኮ፥ ህገ መንꬅዳ።ከዘ 20:13-14፤ ማሄ 5:17-18 12 አሮትꬃፓ ኬስዘ ህገ ቲኖ ፍርዳ ኤኮደስ የዘ አስ ፋና ኦህንቶተን ኦቾተ። 13 አስ ማሮሳ ኦናን ጾዚ ማርካይዛራ ፍርዶዳ። የዝን ማሮትꬅ ፍርዳ ጋማነ።

14 ታ እሹንꬆ፥ ይንታፓ ፈቲ አስ ታስ አማኖ የነ ጋእ፥ ፋ አማንቶ ኦቻራ ቤዛንጽኮ ኤዛ አኮ ማዶደ? ኤ አማንታ ኤዛ አሾደስ ዳንዳአነ? 15 አዝዘስ ፈቲ እሻይ ዎይ ፈቲ ምሽታ ካልꬍኮን ኡንትስ ሙእዘባዝ ꬋብኮ፥ 16 ይንታፓ ፈቲ አስ ኡንታጎ፥ «ሳሮ ቅቶተ! ይንታና ታማ ካዦተ! ምዦተ!» ጋእ፥ ኮሽዘ ባዝ ኡንትስ እንጋንጽኮ ኡንታና አኮ ማደ? 17 ይኒ ግሾ፥ ኦቻ ባይዘ አማኖ ፋ ኦምተ Ꮉይቂዳያ።

18 የዝን ፈቲ አስ፥ «ኔስ አማኖ የነ፤ ማህ ታስ ኦቻ የነ። ኔኒ ነ አማንቶ ነ ኦችትፓ ሻጊ ታና ቤዞ፤ ታንን ታ አማንቶ ታ ኦችተ ነና ቤሳዳ» ጋዉዳ። 19 ኔኒ፥ ፈቲ ጾዚ የዛኖ አማናነ፤ ይና ሎኦ። ቱና አያኑንꬅን አማናነ፤ ዣሽሞራ ጎቃነ። 20 ናተ ቦዛዮ! አማኖ ኦቻፓ ሻክንት ማዶሳኖ ኤሮደስ ኮያነ? 21 ኑ አዳይ አብራሃማ፥ ፋ ናአ ይሳቃ ዣርሾ በሳላ ጋድደ ዎደ ፋ ኦችትራ ጽልካነ?መꬎ 22:1-14 22 ኤ አማንታን ኤ ኦችታ ዎላ ትምንትዳኖ ቦኦሳ? ኤ አማንታ ኤ ኦችተ ፎልንትዳ። 23 ጌሽ ማጻፍታ፥ «አብራሃማ ጾዝ አማንዳ። ጾዚ ይኖ ኤስ ጽሎትꬅ ማህ ፋይድዳ» ጋይዳና ፎልንትዳ። ማህ ኤ ጾዘ እግና ጋእንት ጼግንትዳ። መꬎ 15:6፤ 2 ዜና 20:7፤ ኢሳ. 41:8 24 አስ አማኖ ጻላላራ ማቅካይዝን ኦቻራ ጽልዛኖ በእነ።

25 ይኒ ፋና፥ ኦላለ Ꮉንትዘ ረአባ እስራኤለፓ ኪትንትዱንꬃና ሞኪ መለ ኦገራ ኡንታና ሞይዝደ ዎደ ፋ ኦችተ ጽልካነ?ኢያ. 2:1-21

26 ሸምፖ ሻክንትደ አሾ Ꮉይቆ ማቅዛንፋና፥ ኦቻ ሻክንትደ አማኖን Ꮉይቆ።