1 ታ እሹንꬆ፥ ይንታፓ ጋሙንꬅ አስታማረ ማቅፈ። ኑ፥ አስታማሩንꬅ መሉንꬃፓ አꬍዘ ፍርዳ ኤኮዳኖ ይን ኤራነ። 2 ኑ ኡባና ጋማ ባዛራ ባልንታነ። ፋ ኦህተ ባልንቶሰ ኦደን ፋናትꬅቶ ናጎደስ ዳንዳእዘ ፎሎ አስ። 3 ፋራዚ ኑስ ኪትንቶደ ፋና ሉጋመ ባርሲ ኑ ኮይዘ በሳ ኡባ ካንታነ። 4 ማርካበ አኮ ፋና ዳማ ማቂ ዳማ ባቆራ ኡርቂንትኮን፥ ኤዛ እዥዘ አꬄ ፋ ኮይዘ ዛላ ማህ ኤራꬅ እዥዘ ባዛራ እዢ ቅታነ። 5 ይኒ ፋና እልአንꬂ ጋላ ግዳፓ ኤራꬅ ማቅኮን ጋማ ዳማ ባዛ ጬቅንታነ።

ኤራꬅ ታማ ዳማ ጉርደ ምቻነ። 6 እልአንꬂ ታማ ፋና። እልአንꬂ ኑ አሽቲ ግዳ ኢታራ ኩምደ አላመ፤ ጋላ ኡባ ቱንዛነ። ጋናመፓ ከዝዘ ታማ ጋር ኑ ደኦ የስቶ ኡባ ምቻነ። ፋ ኦምትስን ጋናመ ምችንቶዳ። 7 ጾꬅን ላንዳን፥ ሳዛር ጎቹንትዙንꬅን አባ የዘ መꬍንትደ ባዝ ኡባ አስ Ꮉራነ፤ ኡንትን Ꮉርንታነ። 8 የዝን ኦደን እልአንꬅ Ꮉሮደስ ዳንዳእካያ። እልአንꬂ ዎꬍዘ ማርዘ ኩምደ አቆሰ ኢታ መꬎ። 9 ኑ እልአንꬅተ፥ ኑ፥ ላꬅን አደ ማቅደ ኑ ጾዛ ጋላታነ። ማህ እራ ጾዝ አዚ መꬍንትደ አስ ባዳነ። 10 ፈቲ ዶናፓ ጋላታን ባድꬅን ከዛነ። ታ እሹንꬆ፥ ይኒ ጋራ ይአደስ ቤዞስ። መꬎ 1:26 11 Ꮉꬅ ኣፈ ፈቲ ዶቻፓ ማልእዘ Ꮉꬅን ጫንግዘ Ꮉꬂ ከሳደስ ዳንዳአነ? 12 ታ እሹንꬆ፥ በለሰ ምንጻፓ ሻማሄ አፎደስ ዳንዳአነ? ዎይ ዎይነ ምንጻ በለሰ ምንጻ ኣፈ አፎደስ ዳንዳአነ? ጫሞ Ꮉꬅ ኣፈፓ ማልኦ Ꮉꬅ ኬሳደስ ዳንዳኦስ።

13 ይን ግዳ ጭንጫን አካክዘ ኦደ? ፋ ሎኦ የስቶ፥ አሽከትꬃራን ጭንጫትꬃራን የዚ ቤዞ። 14 የዝን ይን ዎዝንተ ጫሞ ቃናተን ፋና ካꬍዘባዝ የዝኮ ይና ጭንጫትꬅተ ጬቅንትፐተ፤ ቱርላ አፋ ዎርድꬍፐተ። 15 ይኒ ጋርዘ ጭንጫትꬅ ሳሎፓ ይእደባዝ ማቅካይዝን ይና አሳፓ፥ አላመፓ፥ ጻላሄፓ። 16 ቃናተን ፋና ካꬍዘባዝ የዘ በሳ ካችን ኢታ ኦቻ ኡባ የነ። 17 የዝን ሳሎፓ የእዘ ጭንጫትꬅ ኡባፓ ቲኖ ጌሽ። ማህ ሳሮትꬅ፥ ሎኦትꬅ፥ ኪትንተ፥ አስ ማረ፥ ሎኦ ኣፈ ኩምዳያ፥ አስ ሻጎሳን ጩቦትꬅ ባይዛያ። 18 ሳሮትꬅ ካꬍዙንꬅ ሳሮትꬅ ቡድ ጽሎትꬅ ኣፈ ማጻነ።