1 ቦንቾ ተዎፍሎሳ፥ ኑ ግዳ ፎልንትደ ባዝስ ጋሙንꬅ፥ ፋስ ዳንዳእንትደ ጋር ጻፍዳ። 2 ይና ታሪክቶ ኡን ጻፍዳና ቲኖፓ አይኪ ኣፈ ማርኩንꬅን ቃላ ጻፊ ኑስ ኦህዳኖ። 3 ታንን ታ ባጋራ ቲኖፓ ቆፒ ብእዳንፓ ሱባ ይና ታሪክታ Ꮉንዳኖ ሉልዚ ኔስ ተዎፍሎሳስ ጻፍዛና ታስ ሎኦ ማቂ በንትዳ። 4 ይናን፥ ነ ታማርዳና ቱሮ ማቅዳኖ ኤርሶደስ።

5 ይሁዳ ካት ሄሮድሳ ዎደ አብያ ባጋፓ ማቅደ ዛካርያሳ ጋዘ አይሁደ ካህነ የነ። ኤ ማችታን አሮና ኮቻፓ። እ ሱንꬅታን ኤልሳቤጦ። 1 ዜና 24:10 6 ላምኡንꬅን ላꬄ ዎጋን ኪቶ ኡባ ናጊ ቦረ ባይዝን ጾዘ ቲንተ ጽሎትꬃራ የዝዳ። 7 ይኦፕ አትን ኤልሳቤጣ ꬎኦንꬅ ማቅደ ግሾ ኡንትስ ናአ ባያ። ላምኡንꬅን ጭንግዳ።

8 ፈቲ ዎደ ዛካርያሳ ፋ ታርቲ ወደ ጾዘ ቲኖ ካህነትꬃራ ኦቻነ። 9 ካህነትꬅ ዎጋራ ጾዘ ኬꬃ ገሊ እጻነ ጩግሳደስ ኤዛ እጻ የልዳ። 10 እጻነ ጩግዘ ዎደ አሱንꬅ ኡባ ባለ ዎሳነ።

11 ላꬄ ኪታንችዘ ዣርሾ ዣርሽዘ በስትፓ ምዛቅ ዛላራ ኤቂ በንትዳ። 12 ዛካርያሳ ኤዛ ብእ ታኒ ጋማ ዣሽትዳ። 13 የዝን ኪታንችዘ ኤጎ፥ «ዛካርያሳ ዣሽትፐ፤ ነ ዎስታ ስንትዳ። ነ ማችታ ኤልሳቤጣ ꬊራꬅ ናአ የሎዳ፥ ኤዛ ዋሐንሳ ጋእ ነ ሱንꬆዳ። 14 ኤ ኔስ ዋሎን ኡፋይስ ማቃዳ፤ ጋሙንꬅ ኤ የልንተ ኡፋይቶዳ። 15 ላꬄ ቲኖ ኤ ዳማ ማቃዳ፤ ዎይነ ኡሺ ማቅን መለ ማꬅዘ ኡሺ ኡዣማ። ፋ እንቲ ሳዝተ የዛራ ጌሽ አያናራ ኩሞዳ። ፋይዶ 6:3 16 እስራኤለ አሱንꬃፓ ጋሙንꬃና ፋ ላꬄ፥ ጾዘጎ ማሆዳ። 17 አዱንꬅ ዎዝንቶ ናኡንꬃጎ ማሆዳ፥ ኪትንቶሱንꬃና ጽሎትꬅ ጭንጫትꬃጎ ማሆደ ጋር፥ ላꬅስ ኮሽዘ ዎርዣ ጊግሳደስ ኤልያሳ አያናራን ዎልቃራ ላꬄ ቲንተ Ꮉማዳ» ያጋይዳ። ሚል. 4:5-6

18 ዛካርያሳ ኪታንችዘጎ፥ «ታ ይኖ አኮራ ኤሮደ? ታራን ታ ማችትራ ጭንግዳ» ጋይዳ።

19 ኪታንችዘ ማህ፥ «ታኒ ጾዘ ቲንተ ኤቅዘ ጋብርኤለ። Ꮉና ምስራችቶ ኔስ ኦሆደስ ጾዛፓ ኪትንትዳ። ዳነ. 8:16፤ 9:21 20 ይኬ፥ ዎድቶ ናጊ ፎልንቶደ ታ ቃልቶ ነ አማናንጽ እጽደ ግሾ Ꮉና ፎልንቶደ ዎንꬅስ ነ ዶንታ ሙመ ማቃዳ፥ ኦህንቶደስን ነ ዳንዳአማ» ያጋይዳ።

21 የ ዎደ ዛካርያሳ ጾዘ ኬꬅተ ገሊ ጋምእደ ግሾ አኮ ይእዶ ጋእ አሱንꬅ ባለ ናግተራ ጋምእዳ። 22 ኤ ባለ ኬዚ ኡንታና ኦህሳደስ ዳንዳእካያ። ማላ ኩሸራ ቤዛንፕ አትን ኦህንቶደስ ዳንዳኦሳኖ ብእደ ዎደ ቆንጭꬅ ብእዳኖ ኤርዳ።

23 ዛካርያሳ ኦቻ ዎድቶ ፎሊ ፋ ካራ ማቅዳ። 24 ይንፓ ሱባ፥ ኤ ማችታ ኤልሳቤጣ ዎዳጽዳ። እችን አግና ኩሙꬅ ፋና ጌንꬅ አስስ በንትካይዛራ ጋምእዳ። 25 እዛ፥ «ላꬂ ፋ ማሮትꬅተ ታ ቶችቶ አስ ግዳፓ Ꮉሶደስ ብእ Ꮉና ዎድተ Ꮉኖ ታስ ኦችዳ» ያጋይዳ።

26 ኤልሳቤጣ ዎዳጽዳንፓ እዝፑንꬃ አግንተ፥ ጾዚ ኪታንቾ ጋብርኤለ ጋልላ ጋደ የዘ ናዝረተ ካታማ ኪትዳ። 27 ኤዝን ዮሰፋ ጋዘ ካት ዳዉተ ኮቻፓ ማቅደ አꬄስ ኦጭንትደ ዉዱርትጎ ኪትንትዳ። ይና ዉዱርታ ማይራሞ ጋእንታነ። ማቶ. 1:18 28 ኪታንቾ ኢጎ Ꮉንግ፥ «ጋማ ካꬍንትዳነ፥ ሳሮ ኔስ ማቀ፥ ጾዚ ኔራ የነ» ያጋይዳ።

29 ማይራማ ኤ ኦህተ ጋማ ታኒ፥ «Ꮉና አኮ ሳር» ጋእ ቆፕዳ። 30 ኪታንችዘ ማህ፥ «ማይራመ፥ ዣሽትፐ፤ ነ ጾዘ ቲንተ ናሾ ደንግዳ። 31 ይኬ ነ ዎዳጾዳ ꬊራꬅ ናአ የሎዳ፥ ኤ ሱንꬅቶን የሱሳ ጋእ ሱንꬆዳ።ማቶ. 1:21 32 ኤ ዳማ ማቃዳ፥ ኡባፓ ካታራ ጾዘ ናአ ጋእንት ጼግንቶዳ። ላꬄ ጾዘ ኤ አዳይ ዳዉተ አራታ ኤስ እንጎዳ። 2 ሳመ. 7:12-13፥ 16፤ ኢሳ. 9:7 33 ኤ ያይቆባ ኮቻላ አፋ መዽና ካእቶዳ፤ ኤ ካእቱምትስ Ꮉልኤ ባያ» ያጋይዳ።

34 ማይራማ ኪታንችዘጎ፥ «ይና ዋይዝ Ꮉኖደ? ታ ꬊራꬃራ የልንትካያ» ያጋይዳ።

35 ኪታንችዘ ማህ፥ «ጌሽ አያና ኔላ አፋ ዎꬎዳ፥ ኡባፓ ካታራ ጾዘ ዎልቅታ ኔላ አፋ ሸምፖዳ። ይኒ ግሾ፥ የልንትደ ጌሽ ናአይ ጾዘ ናአ ጋእንቶዳ። 36 ይኬ፥ ነ እግንታ ኤልሳቤጣ ፋ ጭማትꬅ ላይꬅተ ꬊራꬅ ናአ ዎዳጽዳ። እዛ ꬎንꬅ ጋእንትዳኖ፥ የዝን Ꮉተ እዝፑንꬃ አግና አይክዳ። 37 ጾዛ ጋምዘባዝ ባያ»መꬎ 18:14 ያጋይዳ።

38 ማይራማ፥ «ዬዛኮ፥ ታኒ ላꬄ አርትስ፥ ነ ቃልት ጋር ታስ ይኦ» ያጋይዳ። ይንፓ ሱባ፥ ኪታንችዘ ኢፓ ሻክንትዳ።

39 ማይራማ ይና ሳምንተ ደንዲ ይሁዳ ሳአ የዘ ፈቲ አለ ካታማ ቅትዳ። 40 ዛካርያሳ ካራ ገሊ ኤልሳቤጦ ሳሮꬅዳ። 41 ኤልሳቤጣ ማይራማ ሳሮꬅዛኖ ስእዘ ዎደ እ ሳዝተ የዘ ናአይ ኡፋይሳራ ዶልዳ። ኤልሳቤጣ ጌሽ አያናራ ኩሚ፥ 42 ፋ ቃልቶ ꬎቅ ዪዚ፥ «ኔኒ ማቹንꬃፓ አንጅንትዳኖ፥ ነ ዎዳጽደ ናአይን አንጅንትዳያ። 43 ይኦ የዝን፥ ታ ላꬄ እንተ፥ ኔኒ ታጎ የኦደ ጋር ታ ኦደ? 44 ይኬ ነ ሳሮትꬅቶ ታ ስእዘ ዎደ ታ ሳዝተ የዘ ናአይ ኡፋይሳፓ ዶልዳ። 45 ላꬂ ፎሎዳ ጋእ እንግደ ቃልቶ አማንዳና፥ እዛ አንጅንትዳኖ» ያጋይዳ።

46 ማይራማ Ꮉኒ ጋራ ያጋይዳ፦

56 ማይራማ ኤልሳቤጥ ካለ Ꮉይꬕ አግና ጋር ጋምእ ፋ ካራ ማቅዳ።

57 ኤልሳቤጥስ የሎ ቃማ የልን ꬊራꬅ ናአ የልዳ። 58 እ ዶꬁንꬅን እ እግኑንꬅ ላꬂ ዳማ ማሮትꬅ ኦችዳኖ ስእ፥ ኢራ ዎላ ኡፋይትዳ። 59 ኦስፉንꬆ ቃምተ ዦጋ ናአያ ጋራዞደስ ይእዳ። ኤ አዳይ ሱንꬅተ ዛካርያሳ ጋእ ሱንꬆደስ ኮይዳ። ሌዌ 12:3 60 የዝን እንታ፥ «አደ፥ ዋሐንሳ ጋእንቶደስ ቤዛነ» ያጋይዳ። 61 ኡንትን፥ «ነ እግኑꬃፓ Ꮉይ ሱንራ ጼግንትደ ኦደን ባያ» ያጋይዳ። 62 ኤ አዳይ ኦና ጋእ ሱንꬆድ የዛኮ ኤሮደስ ኮይ ኤዛ ማላ ኦጭዳ። 63 ኤ ጻፍዘባዝ ኦጪ ኤኪ፥ «ኤ ሱንꬅታ ዋሐንሳ» ጋእ ጻፍዳ። ኡቡንꬅ ኤ ጻፍዳኖ ብእ ጋማ ቆፕዳ። 64 ኢራ ዛካርያሳ እልአንꬅታ ብልንትዳ፥ ጾዝ ጋላትተራ ኦህንተ አይክዳ። 65 ዶꬁንꬅ ኡባ ዣሽሞራ ኩምዳ። Ꮉና Ꮉንዳና አለ ይሁዳ ሳአ ኦህንትዳ። 66 ይኖ ስኤዘ ኡቡንꬅ፥ «Ꮉይ ናአይ አኮ ይአድ የሳ?» ጋእ ፋ ግዳ ኦህንትዳ። ላꬄ ኩሽታ ኤራ የነ።

67 ዋሐንሳ አዳይ ዛካርያሳ ጌሽ አያናራ ኩሚ Ꮉኒ ጋራ ያጋእ ትንቢተ ኦህዳ።

80 ናአይ ድጭዳ፥ አያናራ ምንግዳ፥ እስራኤለ አሱንꬅስ በንቶደ ዎንꬅስ አኮ ባይዘ ጋናሳ የዝዳ።