1 የ ዎደ ሮመ ጋደ የዘ አስ ኡቡንꬅ ፋይድንቶደ ፋናን ሱንꬅታ ጻፍንቶደ ፋና ካት አዉግስጾሳ ኪትዳ። 2 ይናን ቀረኖሳ ሶርያ ጋደ አህዘ ዎደ ኦችንትደ ቲኖ ፋይዶ። 3 ይኒ ግሾ፥ ፈቲ ፈቲ አስ ፋ ሱንꬅቶ ጻፍንቶደስ ፋ የልንትደ ጋደ ቅትዳ።

4 ዮሴፋን ዳዉተ ኬꬃፓን ኮቻፓ ማቅደ ግሾ ጋልላ ናዝረተ ካታማፓ ደንዲ ዳዉተ ካታማ ማቅደ ይሁዳ ቤተለመ ቅትዳ። 5 Ꮉንጎደራ፥ የሎደስ ዎደ Ꮉልእደ ኤ ኦጪ ጋድደ፥ ማይራምራ ዎላ ጻፍንቶደስ Ꮉንግዳ። 6 ኡን እዘ የዝን ኢስ የሎ ዎደ የልዳ። 7 ፋ አንግስ ናአያ የልዳ። ጩርቃራ ጻጺ ዛቆ አቅዘ ኬꬅ በሲ ꬋብደ ግሾ ጎንጋ ግዳ ዎይꬅዳ።

8 ይና ጋድተ ቃማ ዱሮ ዉደ የንግተ ዞዘ አቅዘ ዉደ የንግዙንꬅ የነ። 9 ላꬄ ኪታንቾ ይእ ኡን ካለ ኤቅዳ። ላꬄ ቦንቾ ኡን ካንቶ ዉቲ ፎእዳ፤ ኡንትን ዳማ ዣሽሞ ዣሽትዳ። 10 ኪታንችዘ ኡንትስ፥ «ዣሽትፐተ! ይኬ፥ አስ ኡባንስ ማቅደ ዳማ ኡፋይስ ምስራቾ ኤኪ ይእዳ። 11 ይናን፥ ዳዉተ ካታምተ አሽዛይ ይንትስ Ꮉይኖ የልንትዳ። ኤዝን ላꬄ ክርስቶሳ። 12 ይናን ይንትስ ማላ ማቀ፤ ዦጋ ናአይ ጩርቃራ ጻጽንት ጎንጋ ግዳ ዎይእዳያ ይን ደማዳ» ያጋይዳ።

13 ቆፕካይዝን ጋማ ሳሎ ኪታንቹንꬅ ኪታንችዘራ ፈትላ በንቲ፥ ያጋእ ጋላትዳ፥

15 ኪታንቹንꬅ ኡንታፓ ሻክንት ሳሎ ከዝዳንፓ ሱባ ዉደ የንግዙንꬅ፥ «አነ ላꬂ ኑስ ቆንጭዝደ ባዝን Ꮉንዳኖ በአደስ ቤተለመ የꬎተ» ያጋይዳ።

16 ኡንትን ኤልሲ Ꮉንግዳ። ማይራሞ፥ ዮሴፋን ዦጋ ናአይ ጎንጋ ግዳ ዎይእዳያ ብእዳ። 17 ብእ ማቂ ናእባዝ ኡንትስ ኦህዳኖ፥ ጌሽ ይና በስተ የዘ አሱንꬅስ ማርክꬍዳ። 18 ይኖ ስእደ ኡባ ዉደ የንግዙንꬅ ኦህዳኖ ጋማ ቆፕዳ። 19 ማይራማ Ꮉንደ ባዝ ኡባ ፋ ዎዝንተ ቆፕተራ የነ የሻ። 20 የንግዙንꬅ ኡንትስ ኦህዳን ጋራ ይእን ብእዳ። ይኒ ግሾ፥ ፋ ስእደባዝስን ብእደባዝ ኡባንስ ጾዘ ቦንችተን ጋላትተ ማቅዳ።

21 ኦስፉንꬃ ቃምተ፥ ጋራዘ ዎደ የልን፥ ኢስ አግና አቶዳንፓ ቲኖ ኪታንቾ ጋድደ ሱንꬅተ የሱሳ ጋእንትዳ። ሌዌ 12:3፤ ሉቃ. 1:3 22 ሙሴ ህገ ፋና ኡን ጌዥዘ ዎደ ፎልንትዳንፓ ሱባ ዮሰፋራን ማይራምራ ዦጋ ናአ ፋ ላꬄስ እማደስ የሩሳላመ ቅትዳ። ሌዌ 12:6-8 23 ይናን፥ ላꬄ ህገራ፥ «ꬊራꬅ ማቅደ አንግስ ናአ ኡቡንꬅ ላꬅስ ዱሙꬍዳያ ማቀ» ጋእንት ጻፍንትዳኖ ፎሎደስ። ከዘ 13:2፤ 12 24 ማህ ላꬄ ህገ፥ ላምእ ኮካ ዎይ ዎለ ዣርሾደስ ካንግዳ። 25 የ ዎደ ጌሽን አማኖራ ምንꬂ ማቅደ ስሞና ጋእንትዘ አꬄ የሩሳላመ የነ። ኤ እስራኤሉንꬃና አሽዛ ናግተራ የነ። ጌሽ አያናን ኤላ አፋ የነ። 26 ማህ ክርስቶሳ ብእካይዛራ Ꮉይቃማኖ ጌሽ አያና ኤስ ቤዝን ኤሪ የነ። 27 ኤ የ ዎደ አያና ካልꬅን ጾዘ ኬꬃ ቅትዳ። ናአይ እንትራን አደራ ዎጋ ፎሎደስ ዦጋ ናአያ የሱሳ ኤኪ ገልደ ዎደ። 28 ስሞና ሞኪ ኤኪ ናአያ እርንግ፥ ያጋእ ጾዝ ጋላትዳ።

33 ዮሰፋራን ማይራምራ ኤ ባዝ ኦህንትዳነ ጋማ ቆፕዳ። 34 ስሞና ኡንታና አንጅዳ። እንታ ማይራምጎ፥ «ይኬ Ꮉይ ናአይ ጾዛፓ ዶርንትደ ጋማ እስራኤሉንꬅስ ኡን ጎልእትስን ኡን ደንድትስ ማላ ማቃዳ። ይኖን ጋሙንꬅ እጻነ። 35 ነ ሸምፕታን ማህ ማሻራ ጫድንቶዳ» ያጋይዳ። 36 ማህ አሴረ ኮቻፓ ማቅደ ፋኑኤላ ናእታ ሐና ጋእንትዘ ናብታ የነ። እዛ ጋማ ጭንግዳ፤ እዛ አዝንዘራ ላፑን በረ የዝዳ። 37 እ አዝንዘ Ꮉይቂን ኦስፉን ታም ኦይዲ በረ ማቃደ ዎንꬅስ ቃማን አዋራ ፋጨ ባይꬅ ዎሳራን ጾማራ ጾዘ ኬꬃ ኦቻነ። 38 እዛ ይና ሳተ Ꮉንግ ጾዝ ጋላትዳ፤ የሩሳላመ አቶትꬅ ዎደ ናግዘ ኡቡንꬅስ ዦጋ ናአይ ባዝ ማርክꬍዳ። 39 ዮሰፋራን ማይራምራ ላꬄ ህግተ ኪትንትደ ዎግቶ ኡባኖ ፎልዳንፓ ሱባ ጋልላ ሳአ የዘ ፋ ካታማ ናዝረተ ማቅዳ። ማቶ. 2:23 40 ናአይ ድጭተራን ምንግተራ Ꮉንግዳ። ጭንጫትꬃራ ኩምዳ፤ ጾዘ አꬎ ከሃትꬅታ ኤላ አፋ የነ።

41 ዮሰፋራን ማይራምራ ፋስካ ባአለ ቦንቾደስ ኡባ በረ የሩሳላመ ቅታነ። ከዘ 12:1-27፤ ማሄ 16:1-8 42 የሱሳስ ታጶ ላምእ በረ ማቅደ ዎደ ቲኖፓ Ꮉንግዛኒ ፋና ባልቶ ቦንቾደስ Ꮉንግዳ። 43 ባአለ ቦንችዳንፓ ሱባ ካራ ማቅዘ ዎደ ናአይ የሱሳ የሩሳላመ አትዳ። የዝን ዮሰፋራን ማይራምራ ኤ የሩሳላመ አትዳኖ ኤርካያ። 44 ኤ ካራ ማቅደ አሳራ የዘ ጋራ ይእን ኡን ፈቲ ቃማ ኦገ የꬍዳ። ኤ ባይዛኖ ኤርዳንፓ ሱባ ፋ እግኑንꬅ ካለን ላጉንꬅ ካለ ኮይዳ። 45 ኤ እዘ ꬋብን ኮይተራ ሱባ የሩሳላመ የሎደስ ይእዳ።

46 Ꮉይꬕ ቃማፓ ሱባ ጾዘ ኬꬃ አስታማሩንꬅ ግዳ በቲ ኡንባዝ ስእተን ኡንታና ኦጭተራ የዝን ደንግዳ። 47 ኤዛ ስእዘ ኡቡንꬅ ኤ ቆፍተን ማህተ ጋማ ቆፕዳ።

48 ካራ አሱንꬅ ኤዛ ደንግደ ዎደ ጋማ ቆፕዳ። ኤ እንታን፥ «ታ ናአዮ፥ አኮስ ኑና Ꮉንጋራ ኦችዶ? ነ አደራን ታራን ነና ኮይተራ ዋይዳ» ያጋይዳ።

49 የሱሳ ኡንታጎ፥ «ታና አኮስ ኮየ? ታኒ፥ ታ አዳይ ኬꬃ የሳደስ ቤዛኖ ኤሮሶ?» ያጋይዳ። 50 የዝን ኤ ኡንታጎ ጋይዳኖ ኡን ቲሪካያ።

51 ይንፓ ሱባ፥ ኡንታራ ዎላ ናዝረተ ካታማ ይእዳ። ኡንትስ ኪትንቲ የዝዳ። ኤ እንታ ይና ኡባባዝቶ ዎዝንተ ጋዲ ናጋነ። 52 የሱሳ፥ ጭንጫትራ፥ ኡደ ድቻራን ሳባራ ጾዝ ቲኖን አስ ቲኖ ድጫነ። 1 ሳመ. 2:26፤ አዝዜ 3:4