1 ካት ጢባርዮሳ ሮመ ጋደ ካእትን፥ ታጶ እቻንꬆ በረ፥ ጰንጤ ጵላጦሳ ይሁዳ አህዘ ዎደ ሄሮድሳ ጋልላ አህዘ ዎደ ኤ እሸ ፍልጶሳ እጡርያሳን ጥራኮንዶሳ አህዘ ዎደ ልሳንዮሳ አብላንሳ አህዘ ዎደ 2 ሃናራን ቃያፋራ ካህኑንꬅ Ꮉላቃ ማቂ የዝን፥ ጾዘ ቃላ ዛካርያሳ ናአ ዋሐንሳጎ አኮ ባይዘ ጋናሳ ይእዳ። 3 ዋሐንሳ፥ «ይን ናጋርትፓ ማቂ ጻማቅንቶተ። ጾዚ ይን ናጋርቶ አቶ ጋኦዳ» ያጋእ ታማርስተ ዮርዳኖሳ ቦርካ ጋጻራ የዘ ሳአ ኡባ ቅትዳ። 4 ይናን ናበ ኢሳያሳ ፋ ማጻፍተ፥ ኢሳ. 40:3-5

7 ዋሐንሳ፥ ፋ ኩሽተ ጻማቅንቶደስ ይእደ ጋማ አሱንꬃጎ፥ «Ꮉንꬅ፥ ሾሽ ናኡንꬆ ዮኦደስ የዘ Ꮉንቆፓ አቶደ ጋር ይንታና ዞርደ ኦደ?ማቶ. 12:34፤ 23:33 8 ይኬ፥ ይን ማርንተስ ቤዘ ሎኦ ኦቻ ኦቾተ፥ ይን ዎዝንተ፥ ‹ኑስ፥ ኑ አዳይ አብራሃማ የነ ጋእ ጬቅንትፐተ።› Ꮉንካ ስኦተ፥ Ꮉንꬅ ሹቹንꬃፓ ጾዚ አብራሃማስ ናአ ኬሶደስ ዳንዳአነ። ዋሐ. 8:33 9 Ꮉተ፥ ጋንደ ምንጻ ጻጶ የነ። ይኬ፥ ሎኦ ኣፈ አፎሰ ምንጻ ኡባ ጋችንቲ ታማ ኦልንቶዳ» ያጋይዳ። ማቶ. 7:19

10 አሱንꬅ፥ «ዬዝን ኑኒ አኮ ኦቾደ?» ያጋእ ኦጭዳ።

11 ዋሐንሳ ማህ፥ «ላምእ አፉላ የዘ አስ ባይዘስ ሻጎ። ካꬃ የዘ ባይዘስ ሻጎ» ያጋይዳ።

12 ቃራጠ ጋችዙንꬂ ጻማቅንቶደስ ይእ፥ «አስታማርዛዮ፥ ኑኒ አኮ ኦቾደ?» ያጋይዳ። ሉቃ. 7:29

13 ኤ ማህ፥ «ይን ጋችሳደስ ቤዛንፓ አꬂ ኤክፐተ» ያጋይዳ። 14 ማህ ዎታዳሩንꬅ ይእ፥ «ኑኒ አኮ ኦቾደ» ያጋእ ኦጭዳ።

ዋሐንሳ፥ «ኦባዝን ዎልቃራ ዳፊ ኤክፐተ፥ ኦደን ዎርዶራ ሞትፐተ፥ ይን ዳሞዝታ ይንትስ ማቃዳ» ያጋይዳ።

15 አሱንꬅ ክርስቶሳ ኡፋይሳራ ናጊ የዘ ግሾ ዋሐንሳ፥ «ኤ ክርስቶሳ ማቃነ?» ያጋእ ፋ ዎዝንተ ቆፕዳ። 16 ዋሐንሳ ኡቡንꬅስ ማህ፥ «ታኒ ይንታና Ꮉꬃራ ጻማቃነ፥ የዝን ታፓ አꬊ ሚንግዘ የኦዳ። ታኒ ኤ ጫማ ጋድቶ ብሎደስ ቤዞሰ አስ። ኤ ይንታና ጌሽ አያናራን ታማራ ጻማቆዳ። 17 ኡዱማ የዘ ካꬃ ጌሾደስ ፍꬄ ኤ ኩሽተ የነ። ጌሽ ካꬃ ፋ ፋችተ ጉሶዳ፤ ቡርቶ ꬋቦሰ ታማር ምቾዳ» ያጋይዳ።

18 ማህ ዋሐንሳ አሱንꬃና ጋማ ዞሪ ዎንገለ *ዎንገለ፦ ግርኬ ዶናራ ዎንገለ ጋዘ ቃልዘ ጋማ ኡፋይስዘ ኦሄ ዎይ ምስራቾ ጋኤ። ይና ምስራችታን ክርስቶሳ አስ ኮች ኡባ መዽና ፍርዳፓ አሾደስ ኪትንቲ ይእደ ዳማ ኡፋይስ (ሉቃ። 1:19፤ 2:10) ኦህዳ።

19 የዝን ዋሐንሳ ሄሮድሳ ፋ እሸ ማችቶ፥ ሄሮድያዳ፥ ኤክደ ግሾን መለ ኢታ ኦችት ግሾ ካጭደ ዎደ ማቶ. 14:3-4፤ ማር. 6:17-18 20 ሄሮድሳ ካሰንላ አፋ መለ ኢታ ባዝ ኡባ ጉጂ ዋሐንሳ ዎይነ ገልꬅዳ።