1 ፈቲ ሳምባታ ዎደ የሱሳ ዛርጋ ጋደ ግዳራ አꬋነ። የሱሳ ታማሩንꬅ ትዣ ዛርጋ ዱꬂ ፋ ኩሽተ ሽጪ ꬋአነ።ማሄ 23:25 2 የዝን ፋርሳዉንꬅ ግዳፓ ፈተ ፈተ፥ «ሳምባታ ዎደ ህገስ ቤዞሰ ባዝ አኮስ ኦቼ?» ያጋይዳ።

3 የሱሳ ኡንታጎ ማህ፥ «ዳዉተ ናይꬍደ ዎደ ፋራ የዙንꬃራ ዎላ ኦችዳኖ ናባብካ?1 ሳመ. 21:1-6 4 ጾዘ ኬꬃ ገሊ አይሁደ ካህኑንꬅ ጻላላስን ጾዝስ ቤዝዘ ዳቡቶ ሙእዳ፤ ፋራ የዙንꬅስን እንግዳ» ያጋይዳ። ሌዌ 24:9 5 ማህ የሱሳ፥ «አስ ናአይ ሳምባታ ላꬂ» ያጋይዳ።

6 መለ ሳምባታ ቃማ የሱሳ አይሁደ ዎሳ ኬꬃ ገሊ ታማርስዳ። ይና በስተ ምዛቅ ኩሸ ጉንድደ ፈቲ አስ የነ።

9 የሱሳ፥ «አነ ታ ይንታና ፈትባዝ ኦጫነ፤ ሳምባታ ቃማ ህግተ ኦቾደስ ቤዝዛና ሎኦ ባዞነ ኢታ ባዞ? ሸምፖ አሸነ ዎይ ꬋብሰ?» ያጋይዳ።

10 ማህ የሱሳ ኤ ካለ ዉቲ የዘ አሱንꬃና ኡባ ዉቱꬂ ብእ አꬄጎ፥ «ነ ኩሽቶ ፍዲ ዪዞ» ያጋይዳ። አꬃይን ኤ ጋእዳን ጋራ የይዝን ኩሽዘ ፋጽዳ። 11 የዝን ህገ አስታማሩንꬅን ፋርሳዉንꬅን ጋማ ዥልꬍዳ። የሱሳላ አፋ አኮ ኦቾ ጋእ ፋ ግዳ ዞርንትዳ።

12 የ ዎደ ይና ቃምትፓ ፈተ ግዳ የሱሳ ዎሶደስ ደረላ አፋ ከዝዳ። ቃማ ኩሙꬅ ጾዝ ዎስተራ አቅዳ። 13 ዎንትስቶ ፋ ታማሩንꬃና ጼጊ ኡን ግዳፓ ታጶ ላምኡንꬃና ዶሪ፥ ኡንታና፥ «ሐዋሩንꬃና» ጋእ ሱንꬅዳ። 14 ኡንትን፥ ጴጥሮሳ ጋእ ሱንꬅደ ስሞና፥ ኤ እሸ እንድራሰ፥ ያይቆባ፥ ዋሐንሳ፥ ፍልጶሳ፥ ባርቶሎምዮሳ፥ 15 ማቶሳ፥ ቶማሳ፥ እልፍዮሳ ናአ ያይቆባ፥ ፋ ጋድትስ ቃናእዘ ስሞና፥ 16 ያይቆባ ናአ ይሁዳን የሱሳ አꬂ እንግደ አስቆሮቱ ይሁዳ።

17 የሱሳ ሐዋሩንꬃራ ዎላ ደርዘፓ ዎꬊ ጋናስ በሳ ኤቅዳ። ኤ ታማሩንꬃፓ ጋሙንꬅ ይና በስተ የነ ይሁዳ ሳአ ኡባፓ የሩሳላመፓ፥ ጢሮሳፓን ስዶና አባ ጋጻፓ ይእደ ጋማ አሱንꬅ የነ። 18 ኡን ይእዳና ኤ ታማርስዘባዝ ስኦደስን ፋ Ꮉርግትፓ ፋጾደስ። ቱና አያናራ ዋይንትዘ አሱንꬅን ፋጽዳ። 19 ዎልቃ ኤፓ ኬዚ አሱንꬃና ኡባ ፋꬅዘ ግሾ አሱንꬅ ኤዛ ቦቾደስ ኮያነ።

20 ፋ ታማሩንꬃጎ ብእ Ꮉንጋራ ያጋይዳ፦

23 «ይኬ፥ ይን አንጅታ ሳሎ ዳማ ማቅደ ግሾ የ ዎደ ኡፋይሳራ ዶሎተ። አኮስ ጋይኮ፥ ዛጋ ኡን አዱንꬅ ናቡንꬃላ አፋ ይኒ ጋር ኦችዳ»2 ዜና 36:16፤ ሐዋ. 7:52

27 «የዝን ታና ስእዘ ይንትስ ታ ኦህነ፤ ይን ሞርኩንꬃና ካꬎተ፤ ይንታና እጽዙንꬅስ ሎኦ ባዝ ኦቾተ። 28 ይንታና ባድዙንꬃና አንጆተ፥ ይንታና ቆህዙንꬅስ ዎሶተ። 29 ፈቲ ዛላ ꬎኦክዛ ባቂኮ Ꮉንኮ ዛልዛ ቤዞ። ነ ኮትዛ ኤኮዳ ጋዘስ ነ ሻምዛያን ጉጂ እንጎ። 30 ነና ዎስዘ ኡቡንꬅስ እንጎ፤ ኔፓ ኤክዛ ኦደን ማሆ ጋእ ኦጭፐ። 31 አሱንꬅ ይንትስ ኦቾደ ጋር ይን ኮይዛን ፋና ይንትን አሱንꬅስ ኦቾተ። ማቶ. 7:17

32 «ይን ይንታና ካዽዘ አሱንꬃና ጻላላ ካꬍኮ፥ አኮ ጋላታ ይንትስ የዘ? መለ አቶ የዝን፥ ናጋራንቹንꬅን ፋና ካዽዙንꬃና ካꬋነ። 33 ይንትስ ሎኦ ባዝ ኦችዙንꬅስ ጻላላ ሎኦ ባዝ ኦችኮ ይንትስ አኮ ጋላታ የዘ? ናጋራንቹንꬅን ይኒ ጋራ ኦቻነ። 34 ታልኤ ማሆደ አሱንꬅስ ጻላላ ይን ታልእኮ አኮ ዱማ ጋላታ የዘ? ናጋራንቹንꬅን ሱብ ማሆደ አስ ብእ ታልአነ።»

35 «የዝን ይን ሞርኩንꬃና ካꬎተ፤ ኡንትስ ሎኦ ባዝ ኦቾተ። ሱባ ኤኮደስ ቆፕካይዛራ ታልኦተ። ይነ ይን ኤኮደ አንጅታ ዳማ ማቃዳ። ይን ኡባፓ ካታራ የዘ ጾዘ ናኡንꬃና ማቃዳ። ኤ ፋና ጋላቶሱንꬅስን ኢቱንꬅስን ዳልጋ። 36 ይን ሳሎ አዳይ ማርዛ ማቅዳን ጋራ ይንትን ማርዙንꬃና ማቆተ።

37 «አሳላ ፍርድፐተ፤ ይንታላ አፋ ፍርድንቶስ። ይን ቦርንታመ ፋና ኦናን ቦርፐተ። አቶ ጋኦተ፤ ጾዚ ይንትስ አቶ ጋኦዳ። 38 እንጎተ፤ ይንትስ እንግንቶዳ። ይን ማክዳነ ይንትስ ማህ ማክንቶዳ፥ ሎኦ ማክዘ ባዝተ ባቂ፥ ኩሙꬅ፥ ላንቶደ ዎንꬅስ ይንትስ ማክንቲ እንግንቶዳ» ያጋይዳ።

39 ማህን የሱሳ ያጋእ ኡንትስ አዝዘ ኦህዳ፤ «ቆቅዘ ቆቀ ካልꬆደስ ዳንዳአነ? ካልꬅኮ ላምኡንꬅ ዎል ኤኪ ጋጋ ቅቶሳነ?ማቶ. 15:14 40 ታማረ አስታማረፓ አꬎኦስ። ዪኮን ሎይꬂ ታማርደ አꬄ ፋ አስታማርዘ ፋና ይአነ። ማቶ. 10:24-25፤ ዋሐ. 13:16፤ 15:20

41 «ነ እሸ ኣፍተ የዘ ቡርዛ አኮስ በኤ? ነ ኣፍተ የዘ ቱስ ፋና የዛ አኮስ ቦኦሳ? 42 ነ ኣፍተ የዘ ቱስ ፋና የዛ ብእካይዛራ ነ እሸጎ፥ ‹ታ እሻዮ ነ ኣፍተ የዘ ቡርዛ ኬሶ› ጋኦደስ ዋይዝ ዳንዳኤ? Ꮉይ ጩቡዛዮ፥ ቲንꬊ ነ ኣፍተ የዘ ቱስ ፋና የዛ ኬሶ። ይንፓ ሱባ፥ ነ እሸ ኣፍተ የዘ ቡርዛ ኬሶደስ ጌሽ በአዳ።

43 «ሎኦ ምንጻ ኢታ ኣፈ አፎስ፤ ይኒ ጋራ ኢታ ምንጻ ሎኦ ኣፈ አፎስ። 44 ኣፈ ኣፍዘ ምንጻ ኡባና ፋ ኣፍተ ኤርንታነ። አንጋꬃፓ በለሰ ምንጻ ኣፈ ማጽንቶስ ማህ Ꮉልሞፓ ዎይነ ኣፈ ማጽንቶስ። ማቶ. 12:33 45 ሎኦ አስ ፋ ዎዝንተ ኩምደ ሎኦ ባዝትፓ ሎኦ ባዝ ከሳነ። ኢታ አስ ፋ ዎዝንተ ኩምደ ኢታ ባዝትፓ ኢታ ባዝ ከሳነ። አስ ፋ ዎዝንተ ኩሚ ትርፍደ ባዛፓ ፋ ዶናራ ኦህነ። 12:34

46 «ታ ጋዛኖ ይን ኦቾስ፥ የዛራ ዬዝን አኮስ ታና፥ ‹ላꬆ፥ ላꬆ፥ ጋኤተ?› 47 ታጎ የእዘን ታ ቃልቶ ስእ ፎልዘ ኡቡንꬅ ኦና አዝዛኮ ታ ይንታና ቤሳዳ። 48 ኤ ኬꬂ ኬጾደስ ዝቂ ዪዚ፥ ኦላ ቦክደ፥ ኦሞራ የዘ ላላላ አፋ ኬꬂ ኤስደ ጭንጫ አꬃ አዛነ። Ꮉሮ ጎጊ የ ኬꬃ ኡርቂዳ፥ የዝን ምንꬂ ኬጽደ ግሾ ኤንእሳደስ ዳንዳእካያ። 49 የዝን ታ ቃልቶ ስእ ኦቾሰ ፋ ኬꬅቶ ሻፈላ አፋ ባስካይዛራ ኬጽደ አꬃ አዛነ። Ꮉሮ ጎጊ የ ኬꬃ ኡርቂደ ዎደ ኤልሲ ጎልእዳ። የ ኬꬅዘ ዳማ ጎልኤ ጎልእዳ» ያጋይዳ።