1 ይንፓ ሱባ፥ የሱሳ ጾዘ ካእቱሞ ዎንገለ ሳባክተራ ካታማራን ካራ ጋንጨራ አꬍዳ። የ ዎደ ታጶ ላምኡንꬅን ኤራ የነ። 2 ማቂ ቱና አያናፓን ዱማ ዱማ Ꮉርገፓ ፋጽደ ፈቲ ፈቲ ማቹንꬅ ኤራ የነ። ኡንትን፥ ላፑን ቱና አያኑንꬅ ከዝደ ማግደላ ማይራሞ፥ ማቶ. 27:55-56፤ ማር. 15:40-41፤ ሉቃ. 23:49 3 ሄሮድሳ ሹምደ ኩዛ ማችቶ ዮሐና፥ ሶስናራን ማህ መለ ጋሙንꬅ ኡንታና ብራራ ማድዙንꬅ የነ።

4 ጋማ አሱንꬅ ዱማ ዱማ ካታማፓ ኤጎ ሺቅን አዝዘራ ኡንትስ ኦህዳ። 5 «ፈቲ ዎት አቅዛይ ቡዱꬅ ቡዶደስ ከዝዳ። ኤ ቡዶደራ ፈቲ ፈቲ ቡዱꬅታ ኦገላ ዎꬊ የꬍንትዳ፥ ላንዳ ማጽዳ። 6 መሉንꬅ ላላ ኦሞራ የዘ ሳአላ አፋ ዎꬍዳ። Ꮉጋ ዶሎደራ ሳእተ ላኮ ባይዘ ግሾ ምጭዳ። 7 መለ ቡዱꬅታ ማህ አንጋꬅ ግዳ ዎꬍዳ። አንጋꬅትራ ዎላ ድጭደ ግሾ አንጋꬅታ ጩሊ በስተ አሽዳ። 8 መሉንꬅ ሎኦ ሳአላ አፋ ዎꬍዳ። ዶልደ ዎደ ጼት ኩሸ ኣፍዳ።» ይኖ ኦህ Ꮉሲ፥ ፋ ቃልቶ ꬎቅ ዪዚ፥ «ስእዘ Ꮉየ የዘ ኡቡንꬅ ስኦ» ያጋይዳ።

9 ኤ ታማሩንꬅ፥ «Ꮉና አዝዝትስ ብልꬅታ አኮ?» ያጋእ ኦጭዳ 10 ኤ፥ «ጾዘ ካእቱሞ ጋꬅ ቆፋ ኤሮደ ፋና ይንትስ እንግንትዳ። የዝን መሉንꬅ ብእተ ደንጋመ ጋር፥ ስእተ ቲራመ ጋር አዝዘራ ኦህነ። ኢሳ. 6:9

11 «ይኬ፥ Ꮉና አዝዝትስ ብልꬅታ Ꮉኖ፦ ቡዱꬅ ጋእንትደ ጾዘ ቃላ። 12 ኦገላ ዎꬍደ ቡዱꬅታ ቃላ ስእዙንꬃና። ማቆ የዝን፥ ኡን አማኒ አታመ ፋና ጻላሄ ቃልቶ ኡን ዎዝንትፓ ማጺ Ꮉሳነ። 13 ላላ ኦሞ የዘ ሳአላ አፋ ዎꬍደ ቡዱꬅታ ቃላ ስእ ኡፋይሳራ ኤክዙንꬃና። ኡን Ꮉተስ አማናነፕ አትን ጻጶ ባይዘ ግሾ ፋታና የልደ ዎደ ኤልሲ ካዳነ። 14 አንጋꬅ ግዳ ቡዱንተዙንꬅ ቃላ ስእዙንꬃና። ኡንትን አላመ ቆፋራ፥ ዱረትꬃራ ሳአ የስ ጊጋራ ጩሉንቲ ኮሽዘ ፋና አፍካይ። 15 ሎኦ ሳአላ ዎꬍደ ቡዱꬅታ ሎኦ ዎዝናራ ቃላ ስእ ናግዙንꬃናን ዳንዳአራ ሚንግ ኣፈ አፍዙንꬃና።

16 «ጾምፐ ጾምፒ፥ ኩርኩሮ ጉጲ ዎይ ዳꬃፓ ኦሞራ ጋድዘ ባያ። ገልዘ አስ በአደ ጋር ꬎቃ በሳ ጋዳነ። ማቶ. 5:15፤ ሉቃ. 11:33

17 «ይኒ ግሾ፥ አችንትደ ቆንጨ ከዝካይዛራ ጌንግደ ጌሻ ከዝካይዛራ አቶደ ባዝ ባያ። ማቶ. 10:26፤ ሉቃ. 12:2

18 «ይኬ፥ ይን ቃላ ዋይዝ ስእዛኮ ቲሮተ። የዘ ኡቡንꬅስ ጉጅንት እንግንቶዳ፥ ባይዘስ መለ አቶ የዝን ኤስ የዘ ኤራꬅታን ኤፓ ኤክንቶዳ» ያጋይዳ። ማቶ. 25:29፤ ሉቃ. 19:26

19 የሱሳ እንትራን እሹንꬃራ ኤጎ ይእዳ። የዝን አስ ጋማትꬃፓ ደንዲ ኤዛ ደንጎደስ ዳንዳእካያ። 20 ፈቲ አስ የሱሳጎ፥ «ነ እንትራን ነ እሹንꬃራ ነና ኮይ ባለ ካፋነ» ያጋይዳ።

21 የሱሳ ማህ፥ «ጾዘ ቃላ ስእ ኦቻላ ፌሽዙንꬅ ኡባ ታስ እንዶን ታስ እሸን» ያጋይዳ።

22 ፈቲ ዎደ የሱሳራን ኤ ታማሩንꬃራ ዎላ ጎንገ ገሊ፥ አባ ፊንጎዳ ያጋይዳ። ኡንትን ቅቶደስ ደንድዳ። 23 አባላ አፋ ኡን ፊንጎደስ Ꮉማደራ የሱሳ ገንትዳ። ቲርካይዝን ምንꬂ ባቆ አባላ ደንድዳ። Ꮉꬅታ ጎንግተ ገልን ጎንግዘ ቆꬍንተ አይክደ ዎደ ኡቡንꬅ ዣሽትዳ።

24 ኤ ታማሩንꬅ ኤጎ ሺቂ፥ «ኑ ላꬃዮ፥ ኑ ላꬃዮ፥ ኑ ꬋባነ ያጋእ» የሱሳ ደንꬅዳ።

የሱሳ ደንዲ ባቅቶን ዙሉንቶን ካጭዳ። ኤልሲ ባቅታን ዙሉንታን ዎፑ ጋይዳ። ሳሮትꬅን ማቅዳ። 25 የሱሳ ፋ ታማሩንꬃጎ፥ «ይን አማንታ አነ» ያጋይዳ። ኡንትን፥ ዣሽትተራን ጋማ ቆፕተራ ፈተ ፈተጎ፥ «ባቆን Ꮉꬅን ኪትንትዘ፥ ኤ Ꮉይ ኦደ» ያጋይዳ።

26 አባ ፊንግ ጋልላ ዛላራ የዘ ገርገሶነ ሳአ የልዳ። 27 የሱሳ ጎንገፓ ኬዚ ሳአ ዎꬎደራ ቱና አያናራ አይክንትደ አꬄ ካታማፓ ኬዚ ኤራ የልንትዳ። ጋማ በረ አፉላ ማአንጽ ካሎ ቦዛ የነፕ አትን ካራ ገሎስ። 28 የሱሳ በኤዘ ዎደ ኤ ቲንተ ቡንቁንቲ፥ ፋ ቃልቶ ꬎቅ ዪዚ፥ «ኡባፓ ካታራ የዘ ጾዘ ናአዮ የሱሳ ኔራ ታስ አኮ ፈተትꬅ የዘ? አደ ታና Ꮉተ ኡንእꬅፐ» ያጋይዳ። 29 ይኖ ኤ ጋይዳና፥ ቱና አያንዘ አꬄፓ ኬሳደ ጋር የሱሳ ካጭደ ግሾ። ጋማ ዎደ ቱና አያና ኤዛ አይኪ ጋምእደ ግሾ ሳንꬃላታራን ቶሄ አጭዘ መቆራ አጭንቲ ናግንታነ። የዝን አችቶ ዱꬂ ቱና አያናራ እዥንት አኮ ባይዘ ጋናሳ ገልዳ።

30 የሱሳ፥ «ነ ሱንꬅታ ኦደ» ያጋእ ኦጭዳ።

ኤ፥ ጋማ ቱና አያኑንꬅ ኤዛ አይክደ ግሾ ፋና፥ «ሌግዮና» ጋይዳ። 31 ቱና አያኑንꬅ ፋና ስኦለ ኪታመ ፋና ዎስዳ።

32 ይና በስተ ዞዘላ አፋ ሙእዘ ጉዳይለ ዉደ Ꮉንታነ። ሰኮ ጉዳይሉንꬅ ግዳ ገሎነ ጋእ ዎስዳ፥ ኤዝን «ገሎተ» ጋይዳ። 33 ቱና አያኑንꬅ አꬄፓ ኬዚ ጉዳይሉንꬅ ግዳ ገልዳ። ዉድታ ደርትፓ ሱለ ጉርጉጺ አባ ጌና ግዳ ቆꬍንትዳ።

34 የንግዙንꬅ Ꮉንዳኖ በኤዘ ዎደ ዎጺ Ꮉንግ፥ ካታማራን ካራ ጋንጨ ኡባ ኦህዳ። 35 አሱንꬅ Ꮉንዳኖ በአደስ ኬዚ የሱሳጎ ይእዳ። ቱና አያና ከዝደ አꬄ ማኦ ማእ፥ ኤ ዎዝንታ ማቅን፥ የሱሳ ቶሄ ካለ በተዝን ደንግ ዣሽትዳ። 36 ኤዛ በኤዘ አሱንꬅ ቱና አያናራ አይክንትደ አꬄ ዋይዝ ፋጸዛኮ ኦህዳ። 37 ገርገሶነ ካንቶ ዉቲ የዘ አሱንꬅ ዳማ ዣሽሞ ዣሽቲ የሱሳ ፋ ካለፓ ቅቶደ ጋር ዎስዳ። ኤ ጎንግዘ ግዳ ገሊ ሱብ ማቅዳ።

38 ቱና አያና ከዝደ አꬄ የሱሳራ የሳደስ ዎስዳ። 39 የዝን የሱሳ ኤጎ፥ «ነ ካራ ማቆ፥ ጾዚ አኮ ጋር ዳማ ባዝ ኔስ ኦቼዛኮ ኦሆ» ያጋእ ሞይዝዳ። አꬃይን የሱሳ አኮ ጋር ዳማ ባዝ ኤስ ኦቼዛኮ ካታማ ኡባ ማርክꬍተ ቅትዳ።

40 አሱንꬅ ናጊ ጋምእደ ግሾ የሱሳ ማቅደ ዎደ ሞኪ ኤክዳ። 41 አይሁደ ዎሳ ኬꬃ Ꮉላቃ ማቅደ እያሮሳ ጋዘ አꬄ ፋ ካራ የኦደ ፋና የሱሳ ቶህትላ አፋ ዎꬊ ዎስዳ። 42 ኤስ ታጶ ላምእ በረ ማቅደ ፈቲ ማች ናአ የዛና Ꮉርግንቲ Ꮉይቆስ የሊ የነ። የሱሳ Ꮉንግዘ ዎደ አሱንꬅ ኤዛ ኡንእꬅዳ። 43 ታጶ ላምእ በረ ሱꬂ ኤቃንጽ ጎግተራ ጋምእደ ማቻ የነ። እዛ ፋስ የዘ ሚሽቶ አክመስ እንግ Ꮉስዳ። የዝን ፋጾደስ ዳንዳእካያ። 44 እዛ የሱሳስ ሱብ ዛላራ ሺቂ፥ ኤ አፉላ ማጫርቶ ቦችዳ፥ ኢራ ጎግዘ ሱꬅታ ኤቅዳ።

45 የሱሳ፥ «ታና ቦችደ ኦደ?» ያጋይዳ። ኡቡንꬅ «ኑ ቦችካያ» ያጋእን፥ ጴጥሮሳ፥ «አስታማርዛዮ፥ ጋማ አሱንꬅ ካልዛኖን ኡንእꬅዛኖ ብእተራ ዋይዝ፥ [‹ታና ቦቼዘ ኦደ?› ጋኤ»] ያጋይዳ።

46 የዝን የሱሳ፥ «ፈቲ አስ ታና ቦችዳ፤ አኮስ ጋይኮ፥ ዎልቃ ታፓ ኬዝዳና ታስ ኤርንትዳ» ያጋይዳ።

47 ማችታ፥ እ ባዝ ቆንጭዳኖ ኤርደ ዎደ ጎቅተራ ይእ የሱሳ ቶህትላ አፋ ጎልእዳ። አኮስ ቦቼዛኮን ዋይዝ ኤልሲ ፋጸዛኮ አስ ኡባ ቲኖ ማርክꬍዳ። 48 ኤ፥ «ታ ናእተ፥ ነ አማንታ ነና ፋꬅዳ፤ ሳሮራ ቅቶ» ያጋይዳ።

49 የሱሳ Ꮉጋ ኦህ Ꮉስካይዝን፥ አይሁደ ዎሳ ኬꬃ Ꮉላቃ፥ እያሮሳ ካራፓ ፈቲ አስ ይእ፥ «እያሮሳ፥ ነ ናእታ Ꮉይቂዳ፤ አስታማርዛ Ꮉሪ ላቢዝፐ» ያጋይዳ።

50 የዝን የሱሳ ይኖ ስእ እያሮሳጎ፥ «ዣሽትፐ! አማኖ፥ ነ ናእታ ፋጾዳ» ያጋይዳ።

51 የሱሳ እያሮሳ ካራ የልደ ዎደ ጴጥሮሳፓ፥ ዋሐንሳፓ፥ ያይቆባፓ፥ ናቲ አደፓን እንትፓ አትን መለ ገሎደ ጋር ኮይካያ። 52 ይና በስተ የዘ አሱንꬅ ኡቡንꬅ ናትስ ይቅስንቲ ዬኮደር፥ የሱሳ፥ «ዬክፐተ! ናታ ገንትዳፕ አትን Ꮉይቂካያ» ያጋይዳ።

53 አሱንꬅ ናታ Ꮉይቂዳኖ ኤርደ ግሾ ኤ ኦህቶ ለቂ ሚጭዳ። 54 የዝን የሱሳ ናቲ ኩሽቶ አይኪ፥ «ናእተ ደንዶ» ያጋይዳ። 55 ናእትስ ሸምፕታ ይእን ደንዲ ኤቅዳ። የሱሳ ኡንታጎ፥ «ኢስ ሙእዘ ባዝ እንጎተ» ያጋይዳ። 56 ናቲ አደራን እንትራ ጋማ ቆፕዳ። የዝን የሱሳ Ꮉኖ፥ «ኦደስን ኦህፐተ» ያጋይዳ።