1 የሱሳ ታጶ ላምእ ሐዋሩንꬃና ፋጎ ጼጊ፥ ቱና አያና ከሶደ ጋራን Ꮉርገ ኡባ ፋꬆደ ጋር ዎልቃን አደትꬅ ዎልቃ እንግዳ። 2 ጾዘ ካእቱሞ ባዝ ማርክꬋደ ፋና Ꮉርግንትዙንꬃና ፋꬆደ ፋና ኪትዳ። 3 ኤ ኡንታጎ፥ «ጉፈ ማቅን ስልጰ ማቅን ካꬃ ማቅን ብራ ማቅን ላምእ ማእዘ አፉላ ማቅን ኦገስ ጋእ አኮን አይክፐተ። ሉቃ. 10:4-11 4 ይና ካታምትፓ ይን ኬሳደ ዎንꬅስ ዛቆትꬅ ይን ገልደ በሳ ጋምኦተ። 5 ኦደን ይንታና ሞካንጽ እጽኮ ይና ካታምትፓ ከዝተራ ኡንትስ ኤርስዘ ማርካ ማቃደ ፋና ይን ቶህተ የዘ ጹርቶ ፍጺ ከዞተ።» 6 ኡንትን ኪትንትዳን ፋና ኬዚ ዎንገለ ኦህተራ ዱማ ዱማ ካራ ጋንጨ Ꮉርጋንቹንꬃና ፋꬅተራ አꬍዳ።

7 ጋልላ ሳአ አህዘ ሄሮድሳ የሱሳራ ኦችንትደባዝቶ ሙሎ ስኤዘ ዎደ ይርግዳ። አኮስ ጋይኮ፥ ፈቲ ፈቲ አሱንꬅ ዋሐንሳ Ꮉይቆፓ ደንድካይዛራ አታማ ያጋይዳ። ማቶ. 16:14፤ ማር. 8:28፤ ሉቃ. 9:19 8 ባጉንꬅ፥ «ኤልያሳ በንትዳ» ጋነ፤ መሉንꬅ ማህ፥ «ዛጋ ናቡንꬃፓ ፈተ Ꮉይቆፓ ደንድዳ» ያጋእ ኦህንታነ። 9 የዝን ሄሮድሳ፥ «ዋሐንሳ አፉርቶ ታ ጋችዚ ዎꬍዳ። ዬዝን፥ Ꮉንጋራ ያጋእንት ኤ ባዝ ኦህንትዘ፥ ኤ ኦደ?» ያጋእ የሱሳ ፋ ኣፍተ በአደስ ኮያነ።

10 ታጶ ላምእ ሐዋሩንꬅ ሱባ ማቂ ይእ፥ ኡን ኦችዳኖ ሙሎ የሱሳስ ኦህዳ። ኤ ኡንታና ኤኪ ቤተሳይዳ ካታማፓ ጋጻ ካንግዳ። 11 የዝን ጋማ አሱንꬅ የሱሳ ማቅዛኖ ኤሪ ኤዛ ካልዳ። ኤ ኡንታና ሞኪ ኤኪ ጾዘ ካእቱሞ ባዝ ታማርስዳ፤ ፋጾደስ ኮይዙንꬃና ፋꬅዳ።

12 ሳአ ኡጉርደ ዎደ ታጶ ላምእ ሐዋሩንꬅ ኤጎ ሺቂ፥ «ኑ የዘ አኮ ባይዘ ሳአ ማቅደ ግሾ አሱንꬅ ዱማ ዱማ ካራ ጋንጨን ካታማን ቅቲ፥ ካꬃን አቅዘ በሲ ኮዮደ ፋና አሱንꬃና ሞይዞ» ያጋይዳ።

13 የዝን ኤ፥ «ኡንትስ ሙእዘ ባዝ ይን እንጎተ» ያጋይዳ።

ኡን፥ «ኑስ የዘ እችን ቦራን ላምእ ሞሎን ማቅደ ግሾ Ꮉንꬅ አሱንꬅስ ማቅዘ ካꬃ ኑኒ Ꮉንግ ዎንጋንጽኮ ማቆስ» ያጋይዳ። 14 ይና በስተ እችን ሙኩል ማቃደ ꬊራꬁንꬂ የነ።

የሱሳ ፋ ታማሩንꬃጎ፥ «እችንታም እችንታም ሻኪ ሻኪ አሱንꬃና በትꬆተ» ያጋይዳ።

15 ኤ ታማሩንꬅ፥ ኤ ኪትዳን ፋና አሱንꬃና በትꬅዳ። 16 ኤ እችን ቦርቶን ላምእ ሞልቶ ኤኪ፥ ሳሎ ብእ፥ ጾዝ ጋላቲ፥ ባጽ አሱንꬃና ሙሎ የልꬆደ ፋና ፋ ታማሩንꬅስ እንግዳ። 17 ኡቡንꬅ ሙእ ምዥዳ። ኡንታፓ አትደ ታጶ ላምእ ሌማተ ኩሙꬅ ማቅዳ።

18 ፈቲ ዎደ የሱሳ ፋ ጻላላ ዎሶደራ፥ ኤ ታማሩንꬅ ኤጎ ይእዳ። ኤ፥ «አሱንꬅ ታና ኦና ጋኤ?» ጋእ ኦጭዳ።

19 ኡን ማህ «ፈተ ፈተ፥ ‹ጻማቅዘ ዋሐንሳ፥ ባጉንꬅ ኤልያሳ፥ መሉንꬅ ማህ፥ ዛጋ ናቡንꬃፓ ፈተ Ꮉይቆፓ ደንድዳ› ያጋነ» ያጋይዳ። ማቶ. 14:1፥ 2፤ ማር. 6:14-15፤ ሉቃ. 9:7-8

20 ኤ ማህ፥ «ዬዝን ይን ታና ኦና ጋኤ» ያጋይዳ። ጴጥሮሳ፥ «ኔኒ ጾዛፓ ዶርንትደ ክርስቶሳ» ያጋእ ማህዳ። ዋሐ. 6:68፥ 69

21 የሱሳ Ꮉኖ ኦደስን ኦህፐተ ጋእ ምንꬂ ኦህዳ።

23 የሱሳ አሱንꬅ ኡቡንꬃጎ፥ «ታና ካሎደስ ኮይዘ ኦደን የዝኮ ፋና ካዶ፥ ፋ ማስቃልቶ ኡባ ቃማ ቶኪ ታና ካሎ። ማቶ. 10:38፤ ሉቃ. 14:27 24 ፋ ሸምፕቶ አሾደስ ኮይዘ ኡቡንꬅ እዞ ꬋብሳነ፥ ፋ ሸምፕቶ ታ ግሾ ጋእ ꬋብስዘ ኦደን እዞ አሻነ። ማቶ. 10:39፤ ሉቃ. 17:33፤ ዋሐ. 12:25 25 አስ አላመ ሙሎባዝ ደንግዛ፥ ማቅኮን ፋ ሸምፕቶ ꬋብስዘባዝ ዎይ ቆህዘ ባዝ ማቅኮ ኤዛ አኮ ማደ? 26 ኦደን ታ ግዳን ታ ቃልተን ዬልꬍኮ አስ ናአይ ፋ ቦንቾራ ይኒ ጋራ አዳይ ቦንቾራን ጌሽ ኪታንቹንꬅ ቦንቾራ የእዘ ዎደ እዘ ዬልꬎዳ። 27 ታ ይንትስ ቱሮ ኦህነ፤ Ꮉነ ኤቅዱንꬅ ግዳፓ ጾዘ ካእቱሞ ብእካይዛራ Ꮉይቆሰ አሱንꬅ የነ» ያጋይዳ።

28 የሱሳ ይና ኦህቶ ኦህን፥ ኦስፉን ቃማፓ ሱባ ጴጥሮሳ፥ ያይቆባን ዋሐንሳን ፋራ ኤኪ ዎሶደስ ደረላ አፋ ከዝዳ። 2 ጴጥ. 1:17-18 29 ኤ ዎሳላ አፋ የዝን ኤ ስንታ ላምንትዳ፤ አፉልታን አዋ ፋና ፎእ ቦጽዳ። 30 ላምእ አሱንꬅ፥ ኡንትን ሙሴራን ኤልያሳራ ቦንቾራ በንቲ፥ 31 የሩሳላመ ፎልንቶደስ የዘ ባዝ፥ ይናን፥ ኤ Ꮉና አላምትፓ ሻክንቶደ ባዝ ኤራ ኦህንታነ። 32 ጴጥሮሳን ኤራ የዙንꬅ ገንቲ አትን፥ ኡን ገንቶፓ ደንድዘ ዎደ ኤ ቦንችቶን ኤራ ኤቅደ ላምእ አሱንꬃና ብእዳ። 33 አሱንꬅ የሱሳፓ ሻክንት ቅቶደስ ይአደራ፥ ጴጥሮሳ የሱሳጎ፥ «ላꬆ፥ Ꮉነ የዛና ኑስ አኮ ጋር ሎኦ! ፈታ ኔስ፥ ፈታ ሙሴስ፥ ፈታ ኤልያሳስ ማህ Ꮉይꬕ ጋባ ጋቦዳ» ጋይዳ። የዝን ኤ ፋስ አኮ ጋኤዛኮን ኤሮስ።

34 ኤ ያጋእ ኦህንቶደራ ꬎነ ይእ ኡንታና ጎዝዳ። ታማሩንꬅ ꬎንቲ ግዳ ገልተራ ዣሽትዳ። 35 ꬎነ ግዳፓ፥ «ታ ዶርደ ናአይ Ꮉያ ኤዛ ስኦተ» ያጋዘ ኦꬂ ስንትዳ። ኢሳ. 42:1፤ ማቶ. 3:17፤ 12:18፤ ማር. 1:11፤ ሉቃ. 3:22 36 የ ኦꬅዘ ስንትዳንፓ ሱባ የሱሳ ፋስ የዝተ በንትዳ። የ ዎደ ኡን ብእዳኖ ኦደስን ኦህካይዛራ፥ ፋ ዎዝንተ አይኪ ስእ ጋይዳ።

37 ዎንትስቶ ኡን ደርዘፓ ዎꬍዘ ዎደ ጋማ አሱንꬅ ይእ ኤራ የልንትዳ። 38 የ ዎደ አሱንꬅ ግዳፓ ፈቲ አስ፥ «አስታማርዛዮ፥ ታ ፈቲ ናአያ ይእ ቦኦያ። 39 ቱና አያና ቆፕካይዝን አይኪ ዉይስዛነ፤ ጎፑንቶ ጮሽ ጉዱꬃነ፥ አሽቶ ቆህ ኡንእꬅ ኬሳደስ ኮዮስ። 40 ነ ታማሩንꬅ ከሶደ ጋር ዎስዳ፥ የዝን ኡን ዳንዳእካያ» ያጋእ ዎስዳ።

41 የሱሳ፥ «አማኖ ባይዘ ዎቦ የለቱንꬆ፥ አይደ የሎደስ ታ ይንታራ የሳደ፥ ይንታና ዳንዳኦደ? ነ ናአያ Ꮉንግ Ꮉንካ ኤኪ ዮኦ» ያጋይዳ።

42 ናአያ ኤኪ የእዘ ዎደ ቱና አያንዘ ሳአ ኦሊ ጉዲ ጎቅዝዳ። የዝን የሱሳ ቱና አያንዛ ካጪ ናአይፓ ኬስን ፋꬅዳ። ናአያን ናአይ አደስ እንግዳ።

46 የሱሳ ታማሩንꬅ፥ «ኑ ግዳ ዳማ ማቃደ ኦደ?» ጋእ ላለ አይክዳ። ሉቃ. 22:24 47 የሱሳ ኡን ዎዝና ቆፍቶ ኤሪ ዦጋ ናአ ፋ ካለ ኤስ፥ 48 «Ꮉይ ዦጋ ናአያ ታ ሱንꬅተ ኤክዘ ኦደን ታና ኤካነ፥ ታና ኤክዘ ታና ኪተዛያ ኤካነ፥ ይን ኡቡንꬃፓ ኤርዛይ፥ ኤ ዳማ ማቃዳ» ያጋይዳ። ማቶ. 10:40፤ ሉቃ. 10:16፤ ዋሐ. 13:20

49 ዋሐንሳ፥ «ላꬆ፥ ፈቲ አስ ነ ሱንꬅተ ቱና አያና ኬሶደራ ብእ ኤ ኑራ ማቆሰ ግሾ ካይዳ» ያጋይዳ።

50 የሱሳ ማህ፥ «ይንታና እጾሰ፥ ኤ ይን ባጋ። ይኒ ግሾ፥ ኤዛ ካይፐተ» ያጋይዳ።

51 የሱሳ ሳሎ ቅትዘ ዎደ ኡክደ ግሾ የሩሳላመ ቅቶደስ ቆፍቶ ምንꬂ ደንድዳ። 52 ሳማራ ሳአ የዘ ፈቲ ካራ ጋንጨ Ꮉንግተራ፥ ኡባ ባዝ ኤስ ጊግሳደ ፋና አስ የይጋ ኪትዳ። 53 የዝን ኤ Ꮉንግዛና የሩሳላመ ማቅዳኖ ኡን ኤርዘ ግሾ ኡን ኤዛ ሞኪ ኤክካያ። 54 የሱሳ ታማሩንꬅ ያይቆባራን ዋሐንሳራን ይኖ ብእ፥ «ላꬆ፥ ሳሎፓ ታማ ዎꬊ ኡንታና ሞኦ ጋዉደ ፋና ነ ኮያነ?» ያጋይዳ። 2 ካት 1:9-16 55 የዝን የሱሳ ሱባ ማቂ ኡንታና ካጪ፥ [ይን ግዳ አኮ አያና የዛኮ ይን ኤሮስ። አስ ናአይ አስ አሾደስ ይእዳፕ አትን ꬋብሶደስ ባያ]*ግርኬ ማጻፈ ግዳ ባያ ያጋይዳ። 56 የይጋፓ ደንዲ መለ ካራ ጋንጨ ቅትዳ።

57 ኡን ኦገራ Ꮉማደራ፥ ፈቲ አስ፥ «ነ ቅትዘ በሳ ኡባ ታ ካሎዳ» ያጋይዳ።

58 የሱሳ ማህ፥ «ዎርካናስ ዶቺ፥ ላንዳስ ኬꬂ የነ፥ የዝን አስ ናአይ ፋ ኦምቶ ሸምፕዘ በሲ ባያ» ያጋይዳ።

59 Ꮉንካያን፥ «ነ ታና ካሎ» ያጋይዳ። የዝን አꬄ፥ «ላꬆ፥ ቲኒ ታ አዳያ ሞጊ የኦዳ» ያጋይዳ።

60 የዝን የሱሳ፥ «Ꮉይቆ የዙንꬅ Ꮉይቂዱንꬃና ሞጎደ ፋና ኡንትስ አሺ አሾ፤ ነ Ꮉንግ ጾዘ ካእቱሞ ሳባኮ» ያጋይዳ።

61 ማህ መለ አስ፥ «ላꬆ፥ ታ ነና ካሎዳ፥ የዝን ቲኒ ታ ካራ አሱንꬃና ሳሮꬅ የኦዳ» ያጋይዳ። 1 ካት 19:20

62 የሱሳ ማህ፥ «ኮፀ አይኪ ሱብ በእዘ ኦደን ጾዘ ካእቱሞስ ቤዞስ» ያጋይዳ።