1 ይንፓ ሱባ፥ ላꬂ መለ ላፑን ታም ላምእ *ላፑን ታም ላምእ፦ ፈቲ ፈቲ ማጻፉንꬅ ላፑን ታም ጋነ፤ ማህ ፋይዶ 17 ቦኦ። አሱንꬃና ዶርዳ። ኤ Ꮉማደስ ቆፕደ ካታምተን ካራ ጋንጨ ኡባ ቲኒ Ꮉማደ ጋራ ላምእ ላምእ ማህ ኪትዳ። 2 የሱሳ ኡንታጎ፥ «ይኬ ሺቆደ ካꬃ ጋማ የዝን ኦችዙንꬅ ኤራꬅ። ማቅደ ግሾ፥ ካꬃ ላꬃይ ኦችዙንꬃና ኪቶደ ፋና ዎሶተ። ማቶ. 9:37-38 3 ይኬ፥ ቅቶተ፥ ዱሩንꬅ ፋና ሱꬉሙንꬅ ግዳ ይንታና ታ ዳኮዳ። ማቶ. 10:16 4 ይን ቅትዘ ኦግትስ፥ ብራ ማቅኮን ካርጥተ ጫማ አይክፐተ። ኦገላ አፋ ኦደን ሳሮꬅፐተ።ማቶ. 10:7-14፤ ማር. 6:8-11፤ ሉቃ. 9:3-5 5 ይን ገልዘ ኬꬃ ኡባ ቲኒ፥ ‹ሳሮ Ꮉና ኬꬅትስ ማቀ› ያጋኦተ። 6 ሳሮ ካዽዘ አስ ይና በስተ የዝኮ፥ ይን ሳርታ እዘ ሸምፖዳ፤ ኮዮስ ጋይኮ ይን ሳርታ ይንትስ ማቃዳ። 7 ኦችዘስ ዳሞዘ ቤዘ ግሾ ይን ገልደ ኬꬅተ ይንትስ ሺሽደባዝ ኡባ ሙእተራን ኡዥተራ እዘ ጋምኦተ። ፈተ ካራፓ ፈተ ካራ ዉትፐተ። 1 ቆሮ. 9:14፤ 1 ጢሞ. 5:8 8 አኮ ካታማን ይን ገልዘ ዎደ አሱንꬅ ይንታና ሞኪ፥ ይንትስ ሺሽደባዝ ኡባ ሞኦተ። 9 ይና ካታምተ የዘ Ꮉርግንትዙንꬃና ፋꬅተራ፥ ‹ጾዘ ካእቱሞ ይንታጎ ኡክዳ› ያጋእ ኦሆተ። 10 የዝን ፈቲ ካታማ ገልዘ ዎደ አሱንꬅ ይንታና ሞካንጽ እጽኮ ቡጫላ ኬዚ Ꮉንጋራ ጋኦተ:ሐዋ. 13:51 11 ‹ኑ ቶህትላ የዘ ይን ካታምት ጹርቶ ፍጻነ፥ የዝን ጾዘ ካእቱሞ ይንታጎ ኡክዳኖ ኤሮተ›ማቶ. 10:7-14፤ ማር. 6:8-11፤ ሉቃ. 9:3-5 12 ጾዘ ፍርዳ ቃማ Ꮉና ካታምትፓ ሶዶመ ካታማስ ፍርዳ ኤራꬅ ማቃዳኖ ታ ይንትስ ኦህነ» ያጋይዳ። መꬎ 19:24-28፤ ማቶ. 10:15፤ 11:24

13 ካሊ፥ የሱሳ፥ «ባደ ክኦራዚነ፥ ባደ ቤተሳይዳ፥ ባደ፥ ይን ግዳ ኦችንትደ ክለ ባዝታ ጢሮሳ ግዳን ስዶናን ኦችንተዛኮ እዘ የዘ አሱንꬅ አዛኖ አፉላ ማእ፥ ቡዶላ አፋ በቲ ዛጋ ማሮትꬅ ገሊ አቶድ የሻ። ኢሳ. 23:1-18፤ ሕዝ. 26:1-21፤ ኢዩ. 3:4-8፤ አሞ. 1:9-10፤ ዛካ. 9:2-4 14 ይኒ ግሾ፥ ይንታፓ አꬊ ጢሮሳስን ስዶናስ ጾዘ ፍርድታ ኤሮዳ። 15 ባደ ቅፍርናሆመ፥ ሳሎ የሎደስ ነና ꬎቅ ኦቾደስ ኮያነ? ነ ሱለ ስኦለ ኦልንቶዳ» ያጋይዳ። ኢሳ. 14:13-15

16 ማህን የሱሳ ፋ ታማሩንꬃጎ፥ «ይንታና ስእዘ ታና ስእነ፥ ይንታና ኤኮሳይ ታና ኤኮስ፥ ታና ኤኮሳይ ታና ኪተዛያ ኤኮስ» ያጋይዳ። ማቶ. 10:40፤ ማር. 9:37፤ ሉቃ. 9:48፤ ዋሐ. 13:20

17 ላፑን ታም ላምእ ታማሩንꬅ ኪትንትደ በስትፓ ጋማ ኡፋይትተራ ማቅዳ። የሱሳጎ ሺቂ፥ «ላꬆ፥ ነ ሱንꬅተ ቱና አያኑንꬅን ኑስ ኪትንትዳ» ያጋይዳ።

18 የሱሳ ኡንታጎ፥ «ጻላሄ ሳሎፓ ዳዳ ፋና ዎꬎደራ ታ ብእዳ። 19 ይኬ፥ ሾሽን ማስማሶ የꬎደ ፋናን ሞርከ ዎልቃ ተቆደ ፋና ዎልቃ ይንትስ እንግዳ። ይንታና ቆሆደባዝ አኮን ባያ። ማዝ. 19:13 20 ማቅኮን፥ ይን ሱንꬅታ ሳሎ ማዝጋበ ጻፍንትደ ግሾ ኡፋይቶተፕ አትን ቱና አያኑንꬅ ኪትንትደ ግሾ ኡፋይትፐተ» ያጋይዳ።

21 የ ዎደ የሱሳ ጌሽ አያናራ ኡፋይት፥ «ሳሎ ሳአ ላꬆ፥ Ꮉኖ ጭንጩንꬃፓን ኤሩንꬃፓ አቺ ታማርካይዙንꬅስ ቆንጭዝደ ግሾ ጋላትንቶ። ዬ ታ አዳዮ፥ ይኖ ነ ኦቾደስ ሎኦ ቆፋ ማቅዳ።

22 «ኡባ ባዝታ ታ አደፓ ታስ እንግንትዳ። ናአይ ኦደ የዛኮ ሎይꬂ አደፓ አትን መለ ዎይ ናአይ ቆንጭሳደስ ኮይዘፓ መለ ኦደን አዳያ ኤርዘ ባያ» ያጋይዳ። ዋሐ. 3:35፤ 10:15

23 ካሊ፥ የሱሳ ዱማ ፋ ታማሩንꬃጎ፥ «ይን በእዛኖ በእዙንꬅ አንጅንትዱንꬃና። 24 ቱሮ ጋማ ናቡንꬅን ካቱንꬅ ይን በእዛኖን ስእዛኖ በአደስን ስኦደስ አሙꬍዳ፥ የዝን ብእካያ፥ ስእካያ» ያጋይዳ።

25 ይኬ፥ ፈቲ ዎደ ሙሴ ዎጋ ኤርዘ ፈቲ አꬄ ደንዲ የሱሳ ያጋእ ፋታና ኦቺ ኦጭዳ። «አስታማርዛዮ፥ መዽና ደኦ ላቶደስ ታኒ አኮ ኦቾ?» ያጋይዳ። ማቶ. 22:35-40፤ ማር. 12:28-34

26 የሱሳ፥ «ሙሴ ማጻፍተ ጻፍንትዳና ዋገ? ነ ዋይዝ ናባበ?» ያጋይዳ።

27 አꬃይ ማህ፥ « ‹ነ ላꬃ ነ ጾዛ፥ ነ ኩሙꬅ ዎዝናፓ፥ ነ ኩሙꬅ ሸምፖፓ፥ ነ ኩሙꬅ ዎልቃፓን ነ ኩሙꬅ ቆፋፓ ካꬎ። ማህ አስ ነ ዶꬅዛ ነ ኦምት ጋር ካꬎ› ያጋነ» ያጋይዳ። ሌዌ 19:18፤ ማሄ 6:5

28 የሱሳ ኤጎ፥ «ነ ልከ ማህዳ፥ ኔንን ይኒ ጋራ ኦቾ። ነ መዽና ደኦ የሳዳ» ያጋይዳ። ሌዌ 18:5

29 የዝን አꬄ ፋና ጽሎ ማሆደስ ኮይ፥ «ኤ ታ ዶꬅዘ ኦደ?» ያጋይዳ።

30 ኤ ኦጭዳንስ የሱሳ ያጋእ ማሄ እንግዳ፥ «ፈቲ አስ የዛይ የሩሳላመ ካታማፓ ሱለ እያርኮ ካታማ ዎꬎደራ ኦገላ አፋ ፋኑንꬅ ኬዚ ጉድዳ። ኤ ማእቶ ጋሪ ኤኪ Ꮉይቆፓን ፋጻፓን ግዳ አሺ ቅትዳ። 31 ሱባፓ፥ አይሁደ ካህነ ፈተ ይና ኦግትራ ፋ አ ጋእ አꬍተራ አꬃ ብእ ደሽ ጋእ አꬍዳ። 32 ማህ ፈቲ ሌወ የዛይ ይና በስቶ የሊተራ አꬃ ብእ መለ በሳራ አꬊ ቅትዳ። 33 የዝን፥ ፈቲ ሳማራ ጋደ አስ የዛይ ይና ኦግትራ ይእተራ አꬃ ብእ ኤስ ይቅስንቲ 2 ዜና 28:15 34 ኤጎ ሺቂ፥ ኤ Ꮉርግዘ በስትላ ዛይተን ዎይነን ጉጂ አጭዳ። ፋ Ꮉርዘላ በትꬂ ዛቆ አቅዘ ኬꬃ ካንግዳ። ይና በስተ ኤስ ኮሽዘ ባዝ ሙሎ ኦችዳ። 35 ዎንትስቶ ላምእ ድናረ ኬሲ ዛቆ ሞክዘ ካርቲ አደስ እንግ፥ ‹ወይአ Ꮉይ አꬃ ሎይꬂ ቦኦ። ታ ኔስ እንግዳንፓ ካታራ ነ ኬስደ ባዝ ሙሎ ታ ኔስ ጭጎዳ› ያጋይዳ።

36 «ይኬ፥ Ꮉንꬅ Ꮉይꬕ አሱንꬃፓ ፋኑንꬅ ጉድደ አꬄስ ዶꬅꬋደ ኔስ ኦና አዘ?»

37 አꬃይ ማህ፥ «ኤስ ይቅስንትዳያ» ጋይዳ።

የሱሳ፥ «ኔንን Ꮉንግ ይኒ ጋራ ኦቾ» ያጋይዳ።

38 የሱሳ ፋ ታማሩንꬃራ ኦገ Ꮉንግተራ ፈቲ ካራ ጋንጨ የልዳ። የይጋ ማርታ ጋእንትዘ ፈቲ ማችታ እዛ ፋ ካራ ሞክዳ። ዋሐ. 11:1 39 ኢስን ማይራሞ ጋዘ ምሻ የነ፥ ማይራማ ቃላ ስእተ ላꬄ ቶሄ ካለ በትዳ። 40 የዝን ማርታ ጋማ ኦቻራ ኡንእንት የሱሳጎ ሺቂ፥ «ላꬆ፥ ታ ምሽታ ኦችቶ ታ ጻላላስ አሺ በቲ አትን ታ ላቢዘ ዎደ ነ ብእተራ ስእ ጋነ? እዛ ታና ማዶደ ፋና ኦሆሶ» ያጋይዳ።

41 የዝን ላꬂ Ꮉንጋራ ጋእ ማህዳ፥ «ማርታ፥ ማርታ፥ ኔኒ ጋማባዛር ኡንእንት ማꬍꬋነ። 42 ማቅኮን፥ ኮሽዘ ፈትባዝ ጻላላ። ማይራማ ሎኦ ባዝ ዶርዳ፥ ይናን ኢፓ ኤክንቶስ» ያጋይዳ።