1 የሱሳ ፋ ታማሩንꬃጎ፥ «አስ ꬉቡꬅ ናጋራ ገልꬅዘባዝ ይእካይዛራ አታማ። ማቅኮን፥ ናጋራ ግዳ ገሎደ ፋና ኦችዘ አꬃ ባደ» ያጋይዳ። 2 የ አꬄ ኤራꬁንꬃፓ ፈታ ባልꬆዳንፓ ዎጻ ፋ አፉርተ አጪ አባ ገልኮ ኤስ ሎኦ። 3 ይኒ ግሾ ናግንቶተ። ማቶ. 18:15

«ነ እሸ ናጋራ ኦችኮ ካጮ፤ አዛኒ ማሮትꬃር ማቅኮ፥ ኤስ አቶ ያጋኦ። 4 ፈቲ ቃምተ ላፑን ቶሄ ቆሂ፥ ላፑን ቶሄ፥ ‹ታኒ ታ እስዳኖ ኤርዳ ታና ማሮ› ያጋእ ኔጎ ዪኮ ኤስ አቶ ጋኦ።»

5 ሐዋሩንꬅ ላꬃጎ፥ «አማኖ ኑስ ጉጆያ» ያጋይዳ።

6 ላꬂ፥ «ጋሸ ኣፈ ፋና አማኖ ይንትስ የዝኮ ‹Ꮉይ ዋልዛ ሾድንት አባ ግዳ ቱክንቶ› ያጋይኮ ይንትስ ኪትንቶዳ» ያጋይዳ።

7 ጉጂ የሱሳ፥ «ይን ግዳፓ ፈተስ ኦችዘ ዎይ ዱሮ የንግዘ አሮ የዝኮ ኦቻ ጋደፓ ዎይ ዉደፓ ካራ ይእደ ዎደ ‹ኤለ Ꮉይጋ ይእ ካꬃ ማአደስ በቶ› ጋዘ የነ? 8 ባያ፥ ‹ታስ ካዎ ጊግዞ፤ ታ ሙእ፥ ኡዢ አሾደ ዎንꬅስ ኤቂ ሙዞ። ይንፓ ሱባ፥ ነ ሙእ ኡሻዳ› ያጋኦሳነ? 9 ይኬ፥ ላꬄ፥ አርዘ ኪቶ ፎልደ ግሾ አንጃነነ? 10 ይኒ ግሾ፥ ይንትን ኪትንትዳኖ ሙሎ ፎልደ ዎደ ‹ኑ ፋꬆሰ አሩንꬃና፤ ኦቾደስ ቤዘ ኦችቶ ፎልዳ› ያጋኦተ» ያጋይዳ።

11 የሱሳ የሩሳላመ Ꮉንግተራ ሳማራስን ጋልላ ሳአስን ግዳራ ካንꬂ አꬍዳ። 12 ፈቲ ካራ ጋንጨ ገልዘ ዎደ ቁርሱማ Ꮉርገራ አይክንትደ ታጵ አሱንꬅ ኤዛ ደንግዳ። ኡንትን Ꮉኮራ ኤቂ፥ 13 «ላꬅ የሱሳ፥ ኑስ ይቅስንቶያ» ያጋእ ኡክዳ።

14 ኤ ኡንታና ብእደ ዎደ «Ꮉንግ ይን ጋልቶ አይሁደ ካህኑንꬅስ ቤዞተ» ያጋይዳ። ኡን ኦገላ Ꮉንግተራ ጌዥዳ። ሌዌ 14:1-32

15 ኡንታፓ ፈታይ ፋ ጌዥዳኖ በኤዘ ዎደ ꬎቅ ጋይደ ቃላራ ጾዝ ቦንችተራ የሱሳጎ ማቅዳ። 16 ኤ ሳማራ ሳአ አስ፥ የዝን የሱሳ ቶህትላ አፋ ጎልእ ኤዛ ጋላትዳ።

17 የሱሳ፥ «ጌዥዱንꬅ ታጵ አስ ማቆሳነ? ዬዝን፥ ኡዱፉኑንꬅ አባ ቅትዶ? 18 Ꮉይ አላጋ አꬄፓ*Ꮉይ አላጋ አꬄፓ፦ ቁርሱማ Ꮉርግትፓ ፋጽደ አꬄ አላጋ ጋእንትዳና ኤ አይሁደ ማቆሰ ግሾስ። አትን መለ ማቂ ጾዝ ጋላትደ ባያ ጋኤነ?» ያጋእ ኦጭዳ። 19 አꬄጎ፥ «ነ አማንታ ነና ጌሽዳ፤ ደንዲ ቅቶ» ያጋይዳ።

20 ፋርሳዉንꬅ፥ «ጾዘ ካእቱሞ አይደ የኦደ?» ጋእ የሱሳ ኦጭዳ። ኤ፥ «ጾዘ ካእቱምታ በንትዘ ማላራ የኦስ። 21 ማህን እዞ፥ ‹Ꮉነ ዎይ ሰካ ያጋኦደስ ዳንዳኦስ። አኮስ ጋይኮ፥ ጾዘ ካእቱምታ ይን ግዳ የነ› » ያጋእ ማህዳ።

22 የሱሳ ፋ ታማሩንꬃጎ፥ «አስ ናአ ቃምትፓ ፈታ ቦኦደስ ይን አሙꬎደ ዎደ የኦዳ፥ የዝን ይን በአማ። 23 አሱንꬅ፥ ‹ኤ የይጋ የነ› ዎይ፥ ‹Ꮉነ የነ› ያጋኦዳ፥ የዝን ኡንታና ካሊ ቅትፐተ። 24 ዜልንꬅ ዜልንጊ ሳሎ ጋጻፓ ጋጻ ፎእዘ ፋና አስ ናአ የእት ቃምታ ይኒ ፋና ይአዳ። 25 የዝን ይና Ꮉኖዳንፓ ቲኖ አስ ናአይ ጋማ ማꬍꬋደስን Ꮉና የለተ እጽንቶደስ ቤዛነ። 26 ኖሄ ዎደ ይእደ ፋና አስ ናአይ ዎድተን ይኒ ፋና ይአዳ። መꬎ 6:5-8 27 ኖሄ ማርካበ ገልደ ቃምቶ የሎደስ አሱንꬅ ሙእተራን ኡዥተራ፥ ኤክተራን ገልተራ የሳደራ ꬋብሰ Ꮉꬅታ ይእ ኡባ ꬋብስዳ።መꬎ 7:6-24 28 ሎጠ በረን ይኒ ፋና ይእዳ። አሱንꬅ ሙእተራን ኡዥተራ፥ ዎንግተራን ባይዝተራ፥ ቱክተራን ኬጽተራ፥ ጋምእዳ። መꬎ 18:20—19:25 29 ሎጠ ሶዶመፓ ከዝደ ቃማ ዲነ ጋእንትዘ ምችዘባዝ ሳሎፓ ቡኪ ኡቡንꬃና ꬋብስዳ። 30 አስ ናአይ ቆንጭዘ ዎድተን ይኒ ጋራ ይኦዳ።

31 «የ ዎደ ኦደን ባለ የዘ ኬꬃ ግዳ የዘ ባዝ ኤኮደስ ኬꬃ ገልፐ። ይኒ ፋና፥ ጋደ የዘ አስ አኮ ባዝስን ካራ ማቅፐ። ማቶ. 24:17-18፤ ማር. 13:15-16 32 ሎጠ ማችቶ ቲሮተ፤ መꬎ 19:26 33 ፋ ሸምፕቶ አሾደስ ኮይዘ አስ ኦደን ꬋብሶዳ፤ ፋ ሸምፕቶ አꬂ እንግዘ ኦደን ኤ አሾዳ። ማቶ. 10:39፤ 16:25፤ ማር. 8:35፤ ሉቃ. 9:24፤ ዋሐ. 12:25 34 ታ ይንትስ ኦህነ፤ የ ዎደ ላምእ አሱንꬅ ፈቲ ዳꬃላ ዎይኦዳ። ፈተ ኤክንቶዳ፥ Ꮉንካይ አቶዳ። 35 ላምእ ማቹንꬅ ዎላ ጋጮደራ ፈታ ኤክንቶዳ፥ Ꮉንካና አቶዳ። 36 [ላምእ አሱንꬅ ዎላ ጋደ ኦችዙንꬃፓ ፈታይ ኤክንቶዳ፥ Ꮉንካይ አቶዳ»]†ፈቲ ፈቲ ማጻፍተ ፋይዶ 36 ባያ። ያጋይዳ።

37 ኡን፥ «ላꬆ አባ ኤክንቶደ?» ያጋእ ኦጭዳ።

ኤ፥ «ጋዉጻ የዘ በሳ አንኮ ሺቃነ» ያጋይዳ።