1 «ይንታላ አፋ ፍርድንታመ ፋና መሉንꬃላ አፋ ፍርድፐተ። 2 አኮስ ጋይኮ፥ መሉንꬃላ አፋ ይን ፍርድዛን ፋና ይንታላ አፋ ፍርድንቶዳ፤ ይን መሉንꬅስ ማክደ ባዝተ ይንትስ ማህ ማክንቶዳ። 3 ነ ኣፍተ የዘ ቱስ ፋና የዛያ ብእካይዛራ ነ እሻይ ኣፍተ የዘ ቡርዛ አኮስ በኤ?ማር. 4:24 4 ነ ኣፍተ ቱስ የሳደራ ነ እሻይ ኣፍተ የዘ ቡርዛ ኬሶ ጋዉደስ ዋይዝ ዳንዳኤ? 5 ናተ ጩቡዛዮ፥ ቲኒ ነ ኣፍተ የዘ ቱስ ፋና የዛያ ኬሶ። ይንፓ ሱባ፥ ነ እሻይ ኣፍተ የዘ ቡርዛ ኬሶደስ ነ ጌሽ በአዳ።

6 «ሱባ ማቂ ይንታና ꬋኣመ ፋና ጌሽ ባዝ ካኑንꬅስ ኦልፐተ። ፋ ቶህተ የꬊ ኢሳመ ፋና ይን አልኦ ባዝ ጉዳይሉንꬅ ቲኖ ኦልፐተ።

7 «ዎሶተ ይንትስ እንግንቶዳ፥ ኮዮተ ይን ደንጎዳ፥ ፉርꬅቶ ቁንኮተ ይንትስ ቡግንቶዳ። 8 ዎስዘ ኦደስን እንግንቶዳ፥ ኮይዘ ኦደስን በንቶዳ፥ ፉርꬅቶ ቁንክዘስን ቡግንቶዳ።

9 «ይን ግዳፓ ናአይ ቦራ ዎስኮ ሹች እንግዘ ኦደ? 10 ዎይ ሞሎ ዎስኮ ሾሽ እንግዘ የነ? 11 ዬዝን ይን ኢታ ማቅተራ ይን ናኡንꬅስ ሎኦ ባዝ እንገ ኤርኮ፥ ይን ሳሎ አዳይ ፋና ዎስዙንꬅስ ሎኦ ባዝ ዋይዝ ጋንꬅ እንጋሞ? 12 መሉንꬅ ይንትስ ኦቾደ ፋና ይን ኮይዘ ባዝ ኡባ ይንትን መሉንꬅስ ኦቾተ። አኮስ ጋይኮ፥ ሙሴ ህግተን ናቡንꬅ ታማርስዛናን Ꮉኖ።

13 «ጹንꬅ ፉርꬃራ ገሎተ፤ አኮስ ጋይኮ፥ ꬋብሰስ ካንግዘ ኦግዘ ዳማ፥ ፉርꬅታን ዳልጋ። ኢራ ገልዘ አሱንꬅ ጋማ። ሉቃ. 6:31 14 የዝን ደኦጎ ካንግዘ ኦግታን ፉርꬅታን ጹንꬅ፤ የይጋ ገልዘ አሱንꬅን ኤራꬅ።

15 «አፋራ ዱሮ አዚ ፋ ጋꬅተ ሱዹመ ማቂ ይን ግዳ ገልዘ ዎርዶ ናቡንꬃፓ ናግንቶተ። 16 ይን ኡንታና፥ ኡን ኣፍትፓ ኤሮዳ፤ አንጋꬃፓ ዎይነ ኣፈ፥ ከንችከሎፓ Ꮉልሞ ማጽንቶስ። 17 ይኒ ፋና ሎኦ ምንጻ ኡባ ሎኦ ኣፈ አፋነ፤ ኢታ ምንጻ ኢታ ኣፈ አፋነ። 18 ሎኦ ምንጻ ኢታ ኣፈ አፎስ፥ ማህ ኢታ ምንጻ ሎኦ ኣፈ አፎደስ ዳንዳኦስ። 19 ሎኦ ኣፈ አፎሰ ምንጻ ኡባ ጋችንቲ ታማ ኦልንቶዳ። 20 ይኒ ግሾ፥ ይን ኡንታና፥ ኡን ኣፍተ ኤሮዳ። ማቶ. 3:10፤ ሉቃ. 3:9

21 «ሳሎ የዘ ታ አዳይ ቆፍቶ ኦችዘ አስ ሳሎ ካእቱሞ ገሎደፕ አትን ጨር ታና ‹ላꬆ፥ ላꬆ› ጋዘ ኡባ ሳሎ ካእቱሞ ገሎስ። ማቶ. 12:33 22 ፍርዳ ቃማ ጋሙንꬅ፥ ‹ላꬆ፥ ላꬆ፥ ነ ሱንꬅተ ትንቢተ ኦህካ? ነ ሱንꬅተ ቱና አያና ከስካ? ነ ሱንꬅተ ክለ ባዝ ኦችካ?› ያጋኦዳ። 23 የ ዎደ ታኒ፥ ‹ታ ይንታና ሙሎን ኤሮስ፥ ይን ኢታ ኦችዙንꬆ ታፓ Ꮉኮተ› ጋውዳ።

24 «ይኬ፥ Ꮉና ታ ቃልቶ ስእ ኦችዘ ኦደን ፋ ኬꬅቶ ላላላ አፋ ኬጽደ ዎዝናራ የዘ አስ ፋና። ማዝ. 6:8 25 እራ ቡክዳ፥ Ꮉሮ ጎግዳ፥ ባቆ ባቂ የ ኬꬅዛ ኡርቂዳ። የዝን ኬꬅታ ላላላ ኬጽንትደ ግሾ ጎልእካያ። 26 Ꮉና ታ ቃልቶ ስእ ኦቾሰ ኦደን ፋ ኬꬅቶ ሻፈላ አፋ ኬጽደ ቦዛ አꬃ አዛነ። 27 እራ ቡክዳ፥ Ꮉሮ ጎግዳ፥ ባቆ ባቂ፥ የ ኬꬅዛ ኡርቂን፥ የ ኬꬅዘ ጎልእዳ፤ ኤ ጎልእታን ዳማ» ያጋይዳ።

28-29 የሱሳ ፋ ኦህቶ Ꮉስደ ዎደ ኤ ትምርትታ ህገ አስታማሩንꬅ ፋና ማቃንጽ አደትꬅ ዎልቃር ማቅደ ግሾ አሱንꬅ ኤ ትምርትተ ጋማ ቆፕዳ።