8
የሱሳ ቁርሱማ Ꮉርግንትዛ ፋꬅዳ
(ማር. 1:40-45፤ ሉቃ. 5:12-16)
1 የሱሳ ደርዘፓ ዎꬍዘ ዎደ ጋማ አሱንꬅ ኤዛ ካልዳ። 2 ይኬ ፈቲ ቁርሱማ Ꮉርግንትዘ ኤጎ ሺቂ፥ ኤ ቲንተ ቡንቁንቲ፥ «ላꬆ፥ ነ ቆፋ ማቅኮ ታና ጌሽ ፋꬆደስ ዳንዳአነ» ያጋይዳ። 3 የሱሳ ፋ ኩሽቶ ዳኪ ኤዛ ቦቺ፥ «ዬ፥ ታ ቆፋ፥ ፋጾ» ያጋይዳ። አꬄ ኢራ ጌዥ አትዳ። 4 የሱሳ ኤጎ፥ «ነ ፋጽቶ ኦደስን ኦህፐ። የዝን Ꮉንግ ነ ጌዥ ፋጽዳኖ ካህኑንꬃና ቤዞ። ነ ፋጽዳንስ ማርካ ማቃደ ፋና Ꮉንግ ሙሴ ኪትደ ዣርሽቶ ዣርሾ» ያጋይዳ። ሌዌ 14:1
ማቶ Ꮉላቅዘ አማኖ
5 የሱሳ ቅፍርናሆመ ካታማ የልደ ዎደ ፈቲ ማቶ Ꮉላቅዘ ኤጎ ሺቂ፥ 6 «ላꬆ፥ ታ አርዘ ዎቢ ጋማ ዋይንት፥ ካራ ዎይእ የነ» ያጋእ ዎስዳ።
7 የሱሳ ማህ፥ «ታኒ Ꮉንግ ኤዛ ፋꬆዳ» ያጋይዳ።
8 የዝን ማቶ Ꮉላቅዘ ማህ፥ «ላꬆ፥ ነ ታ ካራ ገሎደስ ታ ቤዘ አስ ባያ፥ የዝን ነ Ꮉይጋ በቲ ቃላ ጻላላ ኦሆ፥ ታ አርዘ ፋጾዳ። 9 አኮስ ጋይኮ፥ ታፓ ካታራ ታ ኪትንትዘ አሱንꬅ የነ፥ ማህ ታፓ ጋꬃራ ታስ ኪትንትዙንꬅ የነ። ኡንታፓ ፈታያ፥ ‹ቅቶ› ጋይኮ ቅታነ፤ Ꮉንካያ ማህ ‹Ꮉንካ ዮኦ!› ጋይኮ የእነ። ታ አርዛ፥ ‹Ꮉኖ ዪዞ› ጋይኮ ዪዛነ» ጋይዳ።
10 የሱሳ ይኖ ስእደ ዎደ ጋማ ቆፒ፥ ፋና ካልዘ አሱንꬃጎ፥ «ታ ይንትስ ቱሮ ኦህነ፤ ታኒ Ꮉኒ ጋርዘ አማኖ እስራኤለ አስ ግዳን ብእካያ። 11 ታ ይንትስ ኦህነ፤ ጋሙንꬅ አዋ ኬሳፓን አዋ ገሎፓ ይእ፥ ሳሎ ካእቱሞ አብራሃማራ፥ ይሳቃራን ያይቆባራ ፈትላ በቶዳ። 12 የዝን ሳሎ ካእቱሞ ላቶደስ ቤዝን አትዱንꬃና ባለ ꬉማ ኦሎዳ። እዘ ኡንትስ ዬፎን አች ጋርጭንገ ማቃዳ» ያጋይዳ።
13 የሱሳ ማቶ Ꮉላቅዘጎ፥ «ነ ካራ Ꮉንጎ፥ ነ አማንቲ ፋና ኔስ Ꮉኖ» ያጋይዳ። ኤ አርዘ ኢራ ፋጺ አትዳ።
የሱሳ ጋማ Ꮉርግንትዙንꬃና ፋꬅዳ
(ማር. 1:29-34፤ ሉቃ. 4:38-41)
14 የሱሳ ጴጥሮሳ ካራ ገልዘ ዎደ ጴጥሮሳ ማችት እንታ ኦማ ኦꬂ ምሻ Ꮉርገራ Ꮉርግንቲ ዎይእ የዛኖ ብእዳ። 15 የሱሳ እ ኩሽቶ ቦችደ ዎደ ኦꬅታን ምችታ አሺ አሽዳ። ፋጺ ደንዲ ኤዛ ሞክዳ።
16 የ ዎደ ኡጉረ ቱና አያናራ አይክንትደ ጋማ አሱንꬃና፥ አሱንꬅ የሱሳጎ ክእዳ። ኤዝን ቱና አያኑንꬃና ፋ ቃልተ ከስዳ፥ Ꮉርግንትዙንꬃና ኡባ ፋꬅዳ። 17 ይነን ናበ ኢሳያሳ፥
«ኤ ኑ ኢታ Ꮉርግቶ ፋስ ኤክዳ፥
ኤ ኑ Ꮉርግቶ ቶክዳ»
ጋይደ ቃልታ ፎልንትዳ። ኢሳ. 53:4
የሱሳ ካልዙንꬃና የልዘ ማꬋ
(ሉቃ. 9:57-62)
18 የሱሳ ጋማ አሱንꬅ ኤ ካለ ኤቅዳኖ ብእ፥ አባፓ ሰኮ ፍንꬃ ፊንጎደ ፋና ፋ ታማሩንꬃና ኪትዳ። 19 ህገ አስታማሩንꬃፓ ፈታይ፥ «አስታማርዛዮ፥ ነ Ꮉንግዘ በሳ ኡባነ ታ ካሎዳ» ያጋይዳ።
20 የሱሳ ኤጎ «ዎርካኑንꬅስ ኦላ የነ፥ ሳሎ ላንዱንꬅስ ኬꬂ የነ። የዝን አስ ናአይስ ፋ ኦምቶ ሸምፕዘ በሲ ባያ» ያጋይዳ።
21 የሱሳ ካልዘ አሱንꬃፓ ፈታይ፥ «ላꬆ፥ ታኒ ቲኖ Ꮉንግ ታ አዳያ ሞጊ ዮኦዳ» ያጋይዳ።
22 የዝን የሱሳ፥ «Ꮉይቂዱንꬅ ፋ Ꮉይቁንꬃና ሞጎ፤ ነ ታና ካሎ» ያጋይዳ።
የሱሳ አባ ዙልꬅ ስእ ዪዝዳ
(ማር. 4:35-41፤ ሉቃ. 8:22-25)
23 የሱሳ የꬋደስ ጎንገ ገልደ ዎደ ኤ ታማሩንꬅን ኤራ ቅቶደስ ገልዳ። 24 ኡን ቆፕካይዛራ የዝን፥ ዳማ ዙሉንተ Ꮉꬅትላ አፋ ደንድን ጎንግቶ ቆꬎደስ የልዳ። የዝን የሱሳ ገንትዳ። 25 ኤ ታማሩንꬅ ኤጎ ሺቂ ኤዛ ባርክꬂ፥ «ላꬆ፥ ኑ ꬋባነ ኑና አሾያ» ያጋይዳ።
26 የሱሳ ኡንታጎ፥ «ይን፥ አማኖ ፋጨዙንꬆ፥ አኮስ ዣሽተተ?» ያጋይዳ። ደንዲ፥ ዙሉንቶን ዡብቶ ስእ ይዝዳ። ኤልስ ኡባ ባዝ ስእ ጋይዳ።
27 ኤ ታማሩንꬅ ጋማ ቆፒ፥ «Ꮉይ፥ መለ አቶ የዝን፥ ዙሉንተን ዡባን ኪትንትዘ ዋይደ አሶ?» ያጋይዳ።
ቱና አያና አይክደ ላምእ አሱንꬃና
(ማር. 5:1-20፤ ሉቃ. 8:26-39)
28 የሱሳ አባፓ ሰኮ ፍንꬃ የዘ ገርገሶነ ጋዘ ሳአ የልደ ዎደ ቱና አያና አይክደ ላምእ አሱንꬅ ቦዛፓ ኬዚ ኤራ የልንትዳ። ኡን ጋማ ኢታን ዣሽዘ አስ ማቅደ ግሾ አስ ይና በስትራ አꬎደስ ዳንዳኦስ። 29 ኡንትን፥ «ጾዘ ናአዮ፥ ኔራ ኑና አኮ የልꬅዘ? ዎደ የልካያ የዝን ኑና ፍርዶደስ ይእዳ?» ጋእ ኡክዳ።
30 ኡንታፓ ጋማ Ꮉክካይዛር ጉዳይለ ዉደ የንግንታነ። 31 ቱና አያኑንꬅ የሱሳ፥ «ነ ኑና ከሶደ ባዝ ማቅኮ፥ ሰኮ ጉዳይሉንꬅ ዉደ ግዳ ዳኮያ» ያጋእ ዎስዳ።
32 የሱሳ፥ «ቅቶተ» ያጋይዳ። ቱና አያና አሱንꬃፓ ኬዚ ጉዳይሉንꬃጎ ገልዳ። ጉዳይሉንꬅን ኡባ ጋጋ ዶናራ ዎጺ Ꮉንግ አባ ቆꬍንት Ꮉይቂዳ።
33 ጉዳይለ ዉደ የንግዙንꬅን ዎጺ ካታማ Ꮉንግ፥ Ꮉንደ ባዝን ቱና አያና አይክደ አሱንꬃላ አፋ ኦችዳኖ ኡባ ኦህዳ። 34 ዬዝን፥ ካታማ የዘ አሱንꬅ ኡቡንꬅ የሱሳ ቦኦደስ ከዝዳ። ኡን የሱሳ ብእደ ዎደ ፋ ጋድትፓ ኬዚ ቅቶደ ፋና ዎስዳ።