15
አዱንꬅ ዎጋባዝ
(ማር. 7:1-13)
1 ይንፓ ሱባ፥ ፈቲ ፈቲ ፋርሳዉንꬅን ህገ አስታማሩንꬅ የሩሳላመፓ የሱሳጎ ይእ፥ 2 «ነ ታማሩንꬅ አኮስ ኑ አዱንꬅ ዎግቶ መን? ኡን ካꬃ ማአደፓ ቲኖ ፋ ኩሽቶ ሜጭንቶስ» ያጋእ ኦጭዳ።
3 የሱሳ ማህ፥ «ይን፥ ይን ዎጋ ግሾ ጾዘ ኪታ ፎልዛኖ አኮስ እጸ? 4 አኮስ ጋይኮ፥ ጾዚ፥ ‹ነ አዳያን ነ እንቶ ቦንቾ። ኤ ፋ አዳያ ዎይ ፋ እንቶ ጫዥዘ Ꮉይቆ ጋይካ?› ያጋይዳ። 5 የዝን ይን፥ ፈቲ አስ ፋ አዳያ ዎይ ፋ እንቶ ማዶደባዝ የዝን፥ ‹ይን ታፓ ደንግዘ ማድቶ ጾዘስ ዣርሽዳ ጋይኮ፥ ከዘ 20:12፤ ማሄ 5:16፤ ከዘ 21:17፤ ሌዌ 20:9 6 ፋ አዳያ ዎይ እንቶ ቦንቾደስ ቤዞስ› ያጋነ። የዝን ይን፥ ይን ዎጋ ፎሎደስ ጾዘ ቃላ መንꬃነ። 7 ይን፥ ጩቡንꬆ፥ ኢሳያሳ ይን ባዝ ልከ ኦህዳ፥
8 «‹Ꮉንꬅ አሱንꬅ ታና ፋ ዶንተ ቦንቻነ፥
የዝን ኡን ዎዙንታ ታፓ Ꮉኮ የነ።
9 አሱንꬅ ታና ጨር ጎይናነ፤
ኡን አስ መꬍደ ዎጋ
ጾዘ ህገ አዝዝ ታማርሳነ› ጋይዳ» ያጋይዳ።
አስ ቱንዘ ባዝ
(ማር. 7:14-23)
10 የሱሳ ጋማ አሱንꬃና ፋጎ ጼጊ፥ «ስኦተ! ቆፖተ! 11 አስ ቱንዘ ባዝ ዶናራ ገልዘባዝ ባይዝን ዶናፓ ከዘ ባዝ» ያጋይዳ።
12 ይንፓ ሱባ፥ የሱሳ ታማሩንꬅ ኤጎ ይእ፥ «ፋርሳዉንꬅ ነ ጋይዳኖ ስእ ꬉቡንትዳኖ ኤራነ?» ያጋይዳ።
13 የዝን የሱሳ ኡንትስ ማህ፥ «ሳሎ የዘ ታ አዳይ ቱክካይዘ ምንጻ ኡባ ሾድንቶዳ። 14 ኡንባዝ አሺ አሾተ፤ ኡን ቆቀ ካልስዘ ቆቁንꬃና። ቆቀ ቆቀ ካልꬅኮ፥ ላምኡንꬅን ጋጋ ቅታነ» ያጋይዳ።
15 ጴጥሮሳ ማህ፥ «ይና አዝዘ ብልꬅቶ ኑስ ኦሆያ» ያጋይዳ። ሉቃ. 6:39
16 የሱሳ ኡንታጎ፥ «ይንትስን Ꮉኖ የሎደስ ገልካነ? 17 ዶናራ ገልደባዝ ኡባ ሳዛ ገሊ ባለ ኬዝዛኖ ኤሮስተ? 18 የዝን ዶናራ ከዘ ባዝ ዎዝናፓ ከዛነ። አስ ቱንዘ ባዝ የንሳና። 19 ኡንትን አስ ዎዝና ግዳፓ ከዝዘ ኢታ ቆፋ፥ ዎ፥ ኦላለ፥ ጎመ ዎይኤ፥ ካይዞ፥ ዎርዶ ማርክ፥ ጫሽ። ማቶ. 12:34 20 የንሳና አዝዘ ባዝታ አስ ቱንዛነፕ አትን ሜጭንትካይዘ ኩሸራ ሙዛና ቱንዞስ» ጋይዳ።
ፈቲ ማችት አማኖ
(ማር. 7:24-30)
21 ይንፓ ሱባ፥ የሱሳ የይጋፓ ኬዚ ጢሮሳን ስዶና ካታማ ቅትዳ። 22 ፈቲ ካናነ ሳአ ማችታ የሱሳጎ ይእ፥ ፋ ቃልቶ ꬎቅ ዪዚ፥ «ላꬆ፥ ዳዉተ ናአዮ፥ ታስ ይቅስንቶያ፤ ታ ናቶ ቱና አያና አይኪ ኢታ ዋይꬃነ» ያጋይዳ።
23 የዝን የሱሳ ፈቲ ቃላ ማህካያ ስእ ጋይዳ። የሱሳ ታማሩንꬅ ኤጎ ይእ፥ «Ꮉና ማችታ ኑ ሱብቶ ካሊ ዉይሳነ። ይኒ ግሾ፥ ነ እዞ ሞይዞያ» ያጋእ ዎስዳ።
24 የሱሳ ማህ፥ «ታኒ ዉደፓ ꬋብደ ዱሩንꬃና እስራኤለ ኬꬃፓ ꬋብደ አሱንꬅ ጻላላስ ኪትንትዳ» ያጋይዳ።
25 የዝን እዛ፥ ኤ ቲንተ ቡንቁንቲ፥ «ላꬆ፥ ታና ማዶያ?» ያጋይዳ።
26 ኤ ማህ፥ «ናኡንꬅ ካꬃ ኤኪ ካኑንꬅስ ኦልዛና ሎኦ ባያ» ያጋይዳ።
27 ማችታን፥ «ላꬆ፥ ይና ቱሮ፥ የዝን መለ አቶ የዝን ካኑንꬅ ፋ ላꬁንꬅ ሙዝን፥ ሌማትፓ ዎꬍዘ ጉፋ ሙነ» ያጋይዳ።
28 የሱሳ ማህ፥ «Ꮉና ማችተ፥ ነ አማንታ ዳማ፤ ነ ኮይዳን ፋና ኔስ Ꮉኖ» ያጋይዳ። እ ናታ ኢራ ፋጺ አትዳ።
የሱሳ ጋማ Ꮉርግንትዙንꬃና ፋꬅዳ
29 የሱሳ ይንፓ ደንዲ ጋልላ አባ ካለ Ꮉንግዳ። ፈቲ ደረላ አፋ ኬዚ፥ እዘ በትዳ። 30 ጋማ አሱንꬅ፥ ዎቡንꬃና፥ ቆቁንꬃና፥ ኩንዱንꬃና፥ ዶና ሙሙንꬃና፥ መለ ጋማ Ꮉርጋንቹንꬃና ኤኪ፥ ኤጎ ክእ ኤ ቲንተ ጋድዳ። የሱሳ ኡንታና ፋꬅዳ። 31 ይኒ ግሾ፥ ሙሙንꬅ ኦህንትዝን፥ ጉንዱንꬅ ሉለዝን፥ ዎቡንꬅ የꬍዝን፥ ቆቁንꬅ በእዝን አሱንꬅ ብእ ጋማ ቆፕዳ፥ እስራኤለ ጾዛ ጋላትዳ።
የሱሳ ኦይዲ ሙኩል አሱንꬃና ሙዝዳ
(ማር. 8:1-10)
32 የሱሳ ፋ ታማሩንꬃና ፋጎ ጼጊ፥ «Ꮉንꬅ ጋማ አሱንꬅ ታራ Ꮉይꬕ ቃማ ጋምእደ ግሾን ኡንትስ Ꮉተ ሙእዘ ባዝ ባይዘ ግሾ ታኒ ኡንትስ ይቅስንታነ። ኡን ኦገ ላቢ ጎልአመ ፋና አኮ ሙዝካይዛራ ኡንታና Ꮉሪ ዳኮደስ ኮዮስ» ያጋይዳ።
33 ኤ ታማሩንꬅ ማህ፥ «ኑኒ Ꮉና አኮ ባይዘ ሳአ Ꮉኒ ፋና የዘ አሱንꬅስ ማቃደ ካꬃ አናፓ ደንጎደ?» ያጋይዳ።
34 የሱሳ ኡንታጎ፥ «ይንትስ ዋንꬅ ቦራ የዘ?» ያጋእ ኦጭዳ።
ኡን ማህ፥ «ላፑን ቦራን ይሻ ኤራꬅ ሞሎ የነ» ያጋይዳ።
35 የሱሳ አሱንꬃና ሳአላ በቶደ ፋና ኪትዳ። 36 ይንፓ ሱባ፥ ይና ላፑን ቦርቶን ሞሉንꬃና ኤኪ ጾዝ ጋላትዳ። ባጽ ፋ ታማሩንꬅስ እንግዳ። ኤ ታማሩንꬅ አሱንꬅስ ግሽዳ።
37 አሱንꬅን ኡባ ሙእ ምዥዳ። ኡንትን፥ ሙእን አትደ ጉፋ ላፑን ሌማተ ኩሙꬅ ደንꬅዳ። 38 ሙይደ አሱንꬅ ማቹንꬅን ናኡንꬅን ፋይድንትካይዝን ꬊራꬅ ጻላላ ኦይዲ ሙኩል። 39 የሱሳ አሱንꬃና ዳክደፓ ሱባ ጎንገ ገሊ ማገዶና ሳአ ቅትዳ።