16
ማላ በአደስ ኦጭደ ኦች
(ማር. 8:11-13፤ ሉቃ. 12:54-56)
1 ፋርሳዉንꬅን ሳዱቃዉንꬅ የሱሳጎ ይእዳ። ኤዛ ፋታኖደስ ኮይ፥ ፋና ሳሎፓ ማላ ቤዞ ጋእ ኦጭዳ። 2 የዝን ኤ ኡንታጎ፥ «ሳአ ኡጉርዘ ዎደ ‹ሳሎ ዞቂደ ግሾ ዎንታ አዎዳ› ያጋነ። ማቶ. 12:38፤ ሉቃ. 11:16 3 ዎንትዘ ዎደ፥ ‹ሳሎ ዞቂ ꬎንꬍደ ግሾ እራ ቡኮዳ› ያጋነ። ዬዝን ይን ሳሎ ማላ ብእ ኤራነ፥ የዝን ዎደ ማላ ኤሮደስ ዳንዳእካያ። 4 ኢታን አማንንቶሰ የለቱንꬅ ማላ ኮያነ። የዝን ኡንትስ ዮናሳ ማላፓ መለ ማላ እንግንቶስ» ያጋይዳ። ይንፓ ሱባ፥ ኡንታና እዘ አሺ መለ በሳ ቅትዳ። ማቶ. 12:39፤ ሉቃ. 11:29
ፋራሳዉንꬅን ሳዱቃዉንꬅ እርሾ
(ማር. 8:14-21)
5 ኡን አባፕ ጎደ ፍንꬃ ፊንግደ ዎደ ዳቦ ኤኪ ዮኦዳኖ ቦትዳ። 6 የሱሳ ኡንታጎ፥ «ፋርሳዉንꬃፓን ሳዱቃዉንꬅ እርሾፓ ናግንቶተ» ያጋይዳ። 7 ኡንትን ፋ ግዳ፥ «ኤ ይኖ ጋይዳና ኑ ዳቦ ኤኪ ይእካይዘ ግሾ ማቃዳ» ያጋይዳ። ሉቃ. 12:1 8 የሱሳ ኡን ቆፍቶ ኤሪ፥ «ይን፥ አማኖ ፋጨዙንꬆ! ዳቦ ኤካንጽ ይእደ ግሾ ዎል ግዳ አኮስ ኦህንተ? ጋእ ኦጭዳ። 9 Ꮉተን ይን ቲሮስተ? እችን ሙኩል አሱንꬅ እችን በሸ ቦራ ግሽዳኖን ኡን ሙእ ምዥን ይን ዋንꬅ ሌማተ ኩሙꬅ ደንዛኮ ቦትዳተ? 10 ይኒ ጋራን፥ ላፑን ቦራ ኦይዲ ሙኩል አሱንꬅስ ግሽዳኖ ኡን ሙእ ምዥን፥ ይን ዋንꬅ ሌማተ ኩሙꬅ ደንዛኮ ቲሮስተ?ማቶ. 14:17 11 ይኬ፥ ታኒ ፋርሳዉንꬅን ሳዱቃዉንꬅ እርሾፓ ናግንቶተ ጋእ ኦህዛና ዳቦ ባዝ ማቆሳኖ ቲሮስተ?» ያጋይዳ። ማቶ. 15:34 12 ዬዝን፥ ኤ ታማሩንꬅ የሱሳ ኦህዘ ቡካ ደንꬆደስ ኦልንትዘ እርሾባዝ ማቅካይዝን ፋርሳዉንꬅን ሳዱቃዉንꬅ ትምርተፓ ናግንቶደ ፋና ማቅዳኖ ቲርዳ።
ጴጥሮሳ የሱሳ ባዝ ኦህዳ
(ማር. 8:27-30፤ ሉቃ. 9:18-21)
13 የሱሳ ቂሳርያ ፍልጶሳ ሳአ የልደ ዎደ ፋ ታማሩንꬃጎ፥ «አሱንꬅ፥ አስ ናአያ ኦና ጋኤ?» ያጋእ ኦጭዳ።
14 ኡን፥ «ፈተ ፈተ ጻማቅዘ ዋሐንሳ፥ መሉንꬅ ኤልያሳ ማህ Ꮉንኩንꬅ ኤርምያሳ ዎይ ናቡንꬃፓ ፈታ ጋነ» ያጋይዳ።
15 የሱሳ ማህ፥ «ዬዝን፥ ይን ታና ኦና ጋኤተ?» ጋእ ኡንታና ኦጭዳ። ማቶ. 14:1
16 ስሞን ጴጥሮሳ ማህ፥ «ኔኒ ክርስቶሳ፥ ደኦ ጾዘ ናአ» ያጋይዳ።
17 የሱሳ ጴጥሮሳጎ፥ «ዮና ናአ ስሞና፥ ነ አንጅንትዳያ! Ꮉኖ ኔስ ቆንጭዝደ ሳሎ የዘ ታ አዳያፕ አትን አስ ባያ። ዋሐ. 6:68 18 ታ ኔስ ኦህነ ጴጥሮሳ፥ ነ ላላ! ታኒ Ꮉይ ላልዘላ አፋ ታ ዎሳ ኬꬂ ኬጾዳ። ጋናመ ዎልቃን እዞ ጋሞስ። 19 ሳሎ ካእቱሞ ቁልፈ ታ ኔስ እንጎዳ። ሳአ ነ አጭደባዝ ኡባ ሳሎ ጾዘ ካለ አጭንትደባዝ ማቃዳ። ሳአ ነ ብልደ ባዝ ኡባ ሳሎ ጾዘ ካለ ብልንትደባዝ ማቃዳ» ያጋይዳ።
20 ይንፓ ሱባ፥ ኤ፥ ክርስቶሳ ማቅዳኖ ኦደስን ኦሃመ ፋና ፋ ታማሩንꬅስ ምንꬂ ኪትዳ። ማቶ. 18:18፤ ዋሐ. 20:23
የሱሳ ፋና የሎደ ማꬍቶ ኦህዳ
21 ይና ዎድትፓ ደንꬂ የሱሳ ፋ ታማሩንꬅስ፥ «ታኒ የሩሳላመ Ꮉንጎደስ ቤዛነ። የይጋ ዎርዣ ጭሙንꬅ፥ ካህኑንꬅ Ꮉላቁንꬅን ህገ አስታማሩንꬅ ኩሸ ማꬋ ኤኮደስ ቤዛነ። ኡን ታና ዎꬎዳ፥ የዝን ታኒ Ꮉይꬒንꬃ ቃማ Ꮉይቆፓ ደንዶዳ» ያጋእ ቆንጭዝዳ።
22 ጴጥሮሳ የሱሳ ጋጻ ኬሲ፥ «ላꬆ፥ ይኒ ፋና የዘ ባዝ ነና ሙሎን የልፐ!» ያጋእ ካጭዳ።
23 የሱሳ ጴጥሮሳጎ ሱብ ማቂ፥ «Ꮉይ ጻላህዛዮ፥ ታፓ Ꮉኮ! ኔኒ አስ ቆፋ ቆፓነፕ አትን ጾዘ ቆፋ ቆፖሰ ግሾ ታስ ꬉበ ማቃነ» ያጋይዳ።
24 ይንፓ ሱባ፥ የሱሳ ፋ ታማሩንꬃጎ፥ «ኦደን ታና ካሎደስ ኮይዘ ባዝ ማቅኮ ፋና ካዶ፥ ፋ ማስቃልቶ ቶኪ ታና ካሎ። 25 ፋ ሸምፕቶ አሾደስ ኮይዘ ኡቡንꬅ ꬋብሶዳ። የዝን ፋ ሸምፕቶ ታ ግሾ ጋእ አꬂ እንግዘ አሾዳ። ማቶ. 10:38፤ ሉቃ. 14:27 26 አሲ አላመ ኩሙꬅ ፋ ባዝ ማህ፥ ፋ ሸምፕቶ ꬋብስኮ ኤዛ አኮ ማደ? ዎይ አሲ ፋ ሸምፕቶ ዎዞደስ አክ እንጎደስ ዳንዳኤ?ማቶ. 10:39፤ ሉቃ. 17:33፤ ዋሐ. 12:25 27 አስ ናአ ፋ አዳይ ቦንቾራ ፋ ኪታንቹንꬃራ ዮኦዳ። የ ዎደ ፈቲ ፈቲ አꬄስ ኤ ኦችት ፋና እንጎዳ። 28 ታ ቱሮ ኦህነ፤ አስ ናአ ፋ ካእቱሞ ቦንቾራ ማቂ ዮኦደራ በአደ ዎንꬅስ Ꮉነ ኤቅደ አሱንꬃፓ Ꮉይቃሙንꬅ የነ» ያጋይዳ። ማቶ. 25:31፤ ማዝ. 62:12፤ ሮመ 2:6