1 እዝፑን ቃማፓ ሱባ የሱሳ፥ ጴጥሮሳ፥ ያይቆባን ኤ እሻ ዋሐንሳ ፋራ ኤኪ ኡንታራ ጻላላ ደረላ አፋ ከዝዳ። 2 እዘ ኡን ቲንተ የሱሳ ብሽታ ላምንትዳ፤ ኤ ስንታን አዋ ፋና ፎጭዳ። ኤ አፉልታን ሎይꬂ ቦጽዳ። 2 ጴጥ. 1:17-18 3 ይኬ፥ ሙሴን ኤልያሳን ኤራ ኦህንትዝን ብእዳ። 4 ጴጥሮሳ የሱሳጎ፥ «ላꬆ ኑኒ Ꮉነ ꬉጋ ይእዳ። ነ ኮይኮ ፈታ ኔስ፥ ፈታ ሙሴስ፥ ፈታ ኤልያሳስ Ꮉነ Ꮉይꬕ ጋባ ጋቦዳ» ያጋይዳ። 5 ጴጥሮሳ ይኖ Ꮉጋ ኦህዝን ቦꬅ ፎጭደ ꬎነ ኡንታና ጎዝዳ። ꬎንቲ ግዳራ፥ «ታና ኡፋይስዘ፥ ታ ካዽዘ ናአይ Ꮉያ፥ ኤዛ ስኦተ!» ያጋዘ ቃላ ይእዳ። 6 ኤ ታማሩንꬅ ይኖ ስእደ ዎደ ታኒ ፋ ስንትራ ሳአላ ጎልእዳ። መꬎ 22:2፤ ማዝ. 2:7፤ ኢሳ. 42:1፤ ማቶ. 3:17፤ 12:18፤ ማር. 1:11፤ ሉቃ. 3:22፤ ማሄ 18:15 7 የዝን የሱሳ ኡንታጎ ሺቂ ኡንታና ቦቺ፥ «ደንዶተ፥ ዣሽትፐተ!» ያጋይዳ። 8 ኡን ꬎቅ ጋእ በእዘ ዎደ የሱሳፓ መለ ኦናን ቢካያ።

9 ኡን ደርዘፓ ዎꬍዝን የሱሳ ኡንታጎ፥ «አስ ናአ Ꮉይቆፓ ደንዶደ ዎንꬅስ Ꮉኖ ይን ብእዳኖ ኦደስን ኦህፐተ» ጋእ ኪትዳ። 10 የሱሳ ታማሩንꬅ፥ «ዬዝን፥ ህገ አስታማሩንꬅ ኤልያሳ ክርስቶሳፓ ቲኖ ዮኦዳ ጋይዳና አኮሶ?» ያጋእ ኦጭዳ።

11 የሱሳ ማህ፥ «ዬ! ኤልያሳ ቲኖ ይእ ኡባ ባዝ ጊግዞዳ። ሚል. 4:5 12 የዝን ታ ይንትስ ቱሮ ኦህነ፤ ኤልያሳ ቲኖ ይእዳ። ኡንትን ኤላ አፋ ኮይደባዝ ኦችዳፕ አትን ኤዛ ሻኪ ኤርካያ። ይኒ ጋር አስ ናአ ኡን ኩሸ ማꬋ ኤኮዳ» ያጋይዳ።

13 የ ዎደ የሱሳ ጋይዳና ጻማቅዘ ዋሐንሳ ባዝ ማቅዳኖ ቲርዳ። ማቶ. 11:14

14 ኡን ደርዘፓ አሱንꬃጎ ማቅዘ ዎደ ፈቲ አስ የሱሳ ቲንተ ቡንቁንቲ፥ 15 «ላꬆ፥ አደ ታ ናአያ ማሮያ፤ ኤዛ ጉዲ ኦልዘ Ꮉርገ ጋማ ዎደ ኡንእꬅ ታማን Ꮉꬃን ኦላነ። 16 ነ ታማሩንꬃጎ ክእዳ፥ የዝን ኡን ፋꬆደስ ዳንዳእካያ» ያጋይዳ።

17 የሱሳ ማህ፥ «ይን፥ አማኖሰ ዎቦ የለቱንꬆ አይደ የሎደስ ታ ይንታራ የሳደ? አይደ የሎደስ ታ ይንታና ዳንዳኦደ? አነ ናአያ Ꮉንካ ኤኪ ዮኦተ» ያጋይዳ። 18 የሱሳ ቱና አያንዛ ቆድን፥ ቱና አያንዘ ናአይፓ ከዝዳ፤ ይና ሳተ ናአይ ፋጽዳ። 19 ይንፓ ሱባ፥ የሱሳ ታማሩንꬅ ፋ ፋስ ኤጎ ሺቂ፥ «ኑ ቱና አያንዛ ኬሶደስ ዳንዳእካይዛና አኮሶ?» ያጋእ ኦጭዳ። 20 ኤ ኡንታጎ፥ «ይንትስ አማኖ ኤርደ ግሾስ። ታ ይንትስ ቱሮ ኦህነ፤ ጋሸ ኣፈ ፋና አማኖ ይንትስ የዝኮ ‹Ꮉይ ደርዛ Ꮉንፓ ደንዲ ጎደ አꬎ› ጋይኮ ይንትስ ኪትንቶዳ። ይንትስ ዳንዳእንቶሰ ባያ። 21 [የዝን ይኒ ጋርዘ ዎሳራን ጾማራፕ አትን Ꮉሪ ኬዞስ]» ያጋይዳ። *ፈቲ ፈቲ ዛጋ ማጻፍተ ፋይዶ 21 ባያ።

22 የሱሳ ታማሩንꬅ ጋልላ ሺቂ የዝን የሱሳ ኡንታጎ Ꮉና ፎልንቶደስ ቤዛነ፥ «አስ ናአይ አስ ኩሸ አꬊ እንግንቶዳ። 23 ኡን ኤዛ ዎꬎዳ፥ የዝን ኤ Ꮉይꬕንꬃ ቃማ Ꮉይቆፓ ደንዶዳ» ያጋይዳ።

ኤ ታማሩንꬅ ጋማ አዛንዳ።

24 የሱሳራን ኤ ታማሩንꬃራ ቅፍርናሆመ ካታማ የልደ ዎደ ጾዘ ኬꬃ ጊራ ጋችዙንꬅ ጴጥሮሳጎ ይእ፥ «ይን አስታማርዘ ጾዘ ኬꬂ ጊራ ላምእ ድናረ ጊሮሶ?» ያጋእ ኦጭዳ።

25 ጴጥሮሳ ማህ፥ «ጊራነ» ያጋይዳ። ጴጥሮሳ ኬꬃ ገልዘ ዎደ የሱሳ ቲንꬊ፥ «ጴጥሮሳ፥ ኔስ አኮ አዘ? Ꮉና ሳአ ካእቱሞ ቃራጸን ጊራ ኦፓ ኤከ? ጋደ አሳፓ ዎይ አስ ጋደ አሳፓ?»†የ ዎደ ካእቱምታ ፋ ጋደ አሱንꬃፓ ጊራ ኤኮስ። ያጋእ ኦጭዳ። ከዘ 30:13

26 ጴጥሮሳ «አስ ጋደ አሳፓ» ጋእ ማህዳ።

የሱሳ ማህ፥ «ዬዛኮ ጋደ አሱንꬅ ጊራ ግሮስ ጋኤ። 27 የዝን ኡን ꬉቡንታመ ፋና አባ Ꮉንግ ሞሎ አይክዘ ማንጻኮ ኦሎ። ቲኖ ነ አይክዘ ሞልዘ ዶና ቡጊ ጊራስ ማቅዘ ኦይዲ ድናረ ነ ግሾን ታ ግሾን ኤኪ ካንግ ጊሮ» ያጋይዳ።