1 የ ዎደ የሱሳ ታማሩንꬅ ይእ፥ «ሳሎ ካእቱሞ ኡባፓ አꬍዘ ኦደ?» ያጋእ ኦጭዳ። 2 የሱሳ ፈቲ ኤራꬅ ናአ ጼጊ ኡን ግዳ ኤስ Ꮉኒ ፋና ያጋይዳ። ሉቃ. 22:24 3 «ታኒ ይንትስ ቱሮ ኦህነ፤ ይን ላምንታንጽኮ ኤራꬅ ናኡንꬅ ፋና ይአንጽኮ ሳሎ ካእቱሞ ሙሎን ገሎደስ ዳንዳኦስ። 4 ይኬ፥ Ꮉና ኤራꬅ ናኡንꬅ ጋር ፋና ካዉሽዘ ኦደን ሳሎ ካእቱሞ ኡባፓ አꬍዛ ማቆዳ። ማር. 10:15፤ ሉቃ. 18:17 5 Ꮉይ ፋና የዘ ናአ ታ ሱንꬅተ ሞክዘ ኦደን ታና ሞካነ።

6 «የዝን ታና አማንዘ Ꮉና ኤራꬁንꬃፓ ፈታ ናጋራ ኦቾደ ፋና ꬉበ ማቅዘ ኦደን ዳማ ጋች ዎጻ ፋ አፉርተ አጪ ጪሞ አባ ኦልንትዛኮ ኤስ ሎኦ። 7 አላመ ግዳ አስ ናጋራ ኦቾደ ፋና ኦችዙንꬅ የዘ ግሾ አላምቶ ባደ። ይኒ ፋና የዘ ባዝ ይእካይዛራ አቶስ፥ የዝን ꬉበ ኤ ባጋራ የእዘ አꬃ ባደ።

8 «ነ ኩሽዘ ዎይ ነ ቶህዘ ነና ባልꬅኮ ኔፓ ጋቺ ኦሎ። ነ ላምእ ኩሸራ ዎይ ላምእ ቶሄራ መዽና ታማ ኦልንቶደፓ ኩሸ ዎይ ቶሄ ዱጻ ማቂ ደኦ የዝኮ ኔስ ሎኦ። 9 ማህ ነ ኣፍዘ ነና ባልꬅኮ ዎጪ ኬሲ አላ ኦሎ። ነ ላምእ ኣፈራ ጋናመ ታማ ኦልንቶደፓ ፈቲ ኣፈራ ደኦ የዝኮ ኔስ ሎኦ። ማቶ. 5:30

10 «ታ ይንትስ ኦህነ፤ ሳሎ የዘ ኡንታና ናግዘ ኪታንቹንꬅ ኡባ ዎደ ሳሎ የዘ ታ አዳይ ቲኖ የዘ ግሾ ይን Ꮉና ኤራꬁንꬃፓ ፈታያ ለቃመ ፋና ናግንቶተ። ማቶ. 5:29 11 አስ ናአ ꬋብዱንꬃና አሾደስ ይእዳ» ያጋይዳ። ሉቃ. 19:10

12 ማህ የሱሳ፥ «ይንትስ አኮ አዘ? ፈቲ አꬄስ ጼት ዱሮ የዙንꬃፓ ፈታይ ꬋብኮ ኡዱፉን ታም ኡዱፉኑንꬃና ደረላ ኦሊ አሺ የ ꬋብዳያ ኮዮደስ ቅቶሳነ? 13 ታ ቱሮ ኦህነ፤ ኤ ደንግደ ዎደ ኡዱፉን ታም ኡዱፉኑንꬃፓ አꬂ ꬋቢ በንትደ ፈቲ ዱርዘራ ኡፋይታነ። 14 ይኒ ፋና፥ ሳሎ የዘ ይን አዳይ Ꮉና ኤራꬁንꬃፓ ፈታይ ꬋቦደ ፋና ኮዮስ።

15 «ነ እሻይ ነና ቆህኮ ነ ጻላላ ኤጎ Ꮉንግ ኤ ባልቶ ኤስ ኦሆ። ኤ ነና ስእኮ ነ እሻያ ኔስ እሸ ማሆ። 16 የዝን ኤ ነና ስአንጽ እጽኮ፥ ላምእ ዎይ Ꮉይꬕ አስ ማርካራ ኦህታ ላꬅንትዘ ግሾ ፈቲ ዎይ ላምእ አስ ኤኪ ኤጎ Ꮉንጎ። ሉቃ. 17:3 17 ኤ ኡንታና ስአንጽኮ፥ ዎሳ ኬꬃ ኦሆ። ዎሳ ኬꬂ ጋዘባዝ ስአንጽኮ አማኖሰ አስ ፋና ዎይ ቃራጠ ጋችዘ አስ ፋና ኤዛ ፋይዶ። ማሄ 19:15

18 «ታ ይንትስ ቱሮ ኦህነ፤ ሳአላ ይን አጭደባዝ ኡባ ሳሎ አጭንትደባዝ ማቃዳ። ሳአላ ይን ብልደ ባዝ ኡባ ሳሎ ብልንትደባዝ ማቃዳ።

19 «ማህ ታ ይንትስ ኦህነ፤ ሳአላ ይንታፓ ላምኡንꬅ ፋ ዎስዘ ባዝ ፈቲ ዎዝና ማቂ ጾዝ ዎስዘ ባዝ ማቅኮ ሳሎ የዘ ታ አዳይ ይንትስ ኦቾዳ። ማቶ. 16:19፤ ዋሐ. 20:23 20 ታና ካልዙንꬃፓ ላምእ ዎይ Ꮉይꬕ ማቂ ሺቅዘ በሳ ታኒ ኡን ግዳ በንቶዳ» ያጋይዳ።

21 የ ዎደ ጴጥሮሳ የሱሳጎ ይእ፥ «ላꬆ፥ ታ እሻይ ታና ቆህኮ ዋንꬅ ቶሄ ታኒ አቶ ጋኦደስ ቤዘ? ላፑን ቶሄ የሎደስነ?» ጋእ ኦጭዳ።

22 የሱሳ ማህ፥ «አደ፥ ላፑን ታም ቶሄ ላፑናፕ አትን ላፑን ቶሄ ጻላላ ባያ። ሉቃ. 17:3-4

23 «ይኒ ግሾ፥ ሳሎ ካእቱሞ ፋስ ኦችዙንꬃራ ፋ ሚሽታ ፋጨዛኮን ጉጁንተዛኮ በአደስ ቆፕደ ካትዛ አዛነ። መꬎ 4:24 24 የ ካትዘ ሚሽታ ፋጨዛኮን ጉጁንተዛኮ በእዘ ዎደ ጋማ ጋለ የዘ ፈቲ አꬃ ኤጎ ክእዳ። 25 የዝን የ አርዘ ጋልቶ ጭጎደስ ጋምን ኤራን፥ ኤ ማችትራ፥ ኤ ናኡንꬃራ ኤስ የዘ ባዝ ኡባ ባይዝንት ጋልታ ጭግንቶደ ፋና ላꬄ ኪትዳ። 26 ዬዝን አርዘ ፋ ላꬄ ቶህትላ ጎልእ፥ ‹አደ ኤራꬅ ዎደ ጋምኦ፥ ታ ጋልቶ ኡባ ታ ጭጎዳ› ያጋእ ዎስዳ። 27 ኤ ላꬅዘ ኤስ ይቅስንት፥ ዳኪ አሽዳ፤ ኤ አጭቶን ማርዳ።

28 «የዝን የ አርዘ ኬዚ Ꮉንግ ፋ ላገ ኦችዙንꬃፓ ፈታያ ፋፓ ኤራꬅ ሚሸ ታልእዳያ፥ ‹ኔላ አፋ የዘ ታ ሚሽቶ ታስ ጭጎ› ጋእ አፉርቶ አይክዳ።

29 «ኤ ላግዘ አርዘ ኤ ቲንተ ቡንቁንት፥ ‹አደ ኤራꬅ ዎደ ጋምኦ ታኒ ታ አጭቶ ኡባ ጭጎዳ› ያጋእ ዎስዳ።

30 «የዝን እጺ ኤኪ ካንግ ፋ ላግዘ አጭቶ ጭጎደ ዎንꬅስ አች ኬꬃ ገልꬅዳ። 31 ይኒ ግሾ፥ መለ ላግዘስ ኦችዙንꬅ ይኖ ብእደ ዎደ ጋማ ዥልꬍዳ፥ Ꮉንግ ፋ ላꬄስ ኤ ኦችደ ባዝቶ ኡባ ኦህዳ።

32 «ዬዝን ላꬄ የ አርዛ ጼግዝ፥ ‹Ꮉይ ኢታ አርዛዮ፥ ነ ታና ዎስደ ግሾ ታ ነ አጭቶ ኡባ ኔስ ማርዳ። 33 ዬዝን፥ ታ ነ አጭቶ ማርዳን ፋና ነ ነ ላገ ማቅደ አርዘ አጭቶ ማሮደስ ነና ቤዞሶ?› ያጋይዳ። 34 ይኒ ግሾ፥ ላꬄ ጋማ ዥልꬊ፥ ኤ ፋ አጭቶ ኡባ ጭጎደ ዎንꬅስ ኡንእንቶደ ፋና አች ኬꬃ ኦልዳ።

35 «ይኒ ፋና፥ ይን ፈተ ፈተ ይን እሻ ዎዝናፓ ማራንጽኮ ሳሎ የዘ ታ አዳይ ይንታና ይኒ ፋና ኦቾዳ» ያጋይዳ።