19
ኤከን ገለ ባዝ
(ማር. 10:1-12)
1 የሱሳ ይኖ ኦህ Ꮉስዳንፓ ሱባ ጋልላፓ ደንዲ ዮርዳኖሳ ቦርካፓ ሰኮ ዛላ የዘ ይሁዳ ሳአ ቅትዳ። 2 ጋማ አሱንꬅ ኤዛ ካሊ Ꮉንግን ኤ ፋꬅዳ።
3 ፋርሳዉንꬅ ኤዛ ፋታኖደስ ኮይ ኤጎ ይእ፥ «ፈቲ አስ አኮ ባጋራን ፋ ማችቶ ዳኮደስ ቤዘ?» ያጋእ ኦጭዳ።
4 የሱሳ ማህ፥ «ጾዚ ቲኖ ꬊራꬅን ማቾን ማህ መꬍዳኖ ይን ናባብካተ? 5 ‹ይኒ ግሾ፥ ፈቲ አስ ፋ አዳያን ፋ እንቶ አሺ ፋ ማችትራ ፈቶ ማቃነ፥ ላምኡንꬅን ፈቲ አሾ ማቃነ።›መꬎ 1:27፤ 5:1 6 ይኒ ግሾ፥ ኡን ፈቲ አሾ ማቃነፕ አትን ላምእ ማቆስ። ይኬ፥ ጾዚ አጭዳኖ አስ ሻክፐ» ያጋይዳ። መꬎ 2:24
7 ፋርሳዉንꬅ፥ «ዬዝን፥ ሙሴ ፈቲ አስ ዳፎ ዋርቃተ እንግ ዳኮደ ፋና አኮስ ኪትዶ?» ያጋእ ኦጭዳ።
8 የሱሳ ማህ፥ «ይን፥ ይን ማቹንꬃና ዳኮደ ፋና ሙሴ ይንትስ ጋይዳና፥ ይን ዎዝና ምንꬅት ግሾፕ አትን ቲኖፓ ይኒ ጋር ባያ። መꬎ 24:1 9 ታ ይንትስ ኦህነ፤ ፋ ማችቶ ጎመ ዋይንትካይዝን ዳኪ መለ ኤክዘ ኦደን ኦላልዳ» ያጋይዳ።
10 ኤ ታማሩንꬅ ኤጎ፥ «አዝኒ ባዝን ማች ባዝ ይኒ ጋር ማቅኮ ኤከን ገለን አትኮ ሎኦ» ያጋይዳ። ማቶ. 5:32፤ 1 ቆሮ. 7:10
11 የሱሳ ማህ፥ «ይኒ ጋርዘ ትምርተ ጾዚ ዳንዳአ እንግዱንꬅስ ፋትን አስ ኡቡንꬅስ ባያ። 12 ይኬ፥ የልንትተራ አሽትመ ማቂ የልንትዱንꬅ የነ፥ ማህ አስ ቃራትዱንꬅ የነ፥ ማህ ሳሎ ካእቱሞ ግሾ ጋእ ፋና አሽትመ ማህዱንꬅ የነ። ይኒ ግሾ፥ Ꮉኖ ኤኮደስ ዳንዳእዘ ኦደን ኤኮ» ያጋይዳ።
የሱሳ ኤራꬅ ናኡንꬃና አንጅዳ
(ማር. 10:13-16፤ ሉቃ. 18:15-17)
13 የሱሳ ፋ ኩሽቶ ኤራꬅ ናኡንꬃላ ጋዲ ኡንትስ ዎሶደ ፋና ፈቲ ፈቲ አሱንꬅ ናኡንꬃና ኤጎ ክእዳ። የዝን ኤ ታማሩንꬅ አሱንꬃና ካጭዳ። 14 የዝን የሱሳ፥ «ሳሎ ካእቱሞ Ꮉንስ ፋና የዙንꬅስ ማቅደ ግሾ ኤራꬅ ናኡንꬅ ታጎ የእዛኖ ካይፐተ፤ ዮኦ ጋኦተ» ያጋይዳ።
15 ፋ ኩሽቶ ኡንታላ ጋድዳንፓ ሱባ ይና በስትፓ አሺ ቅትዳ።
ናአትꬅ ዱረ አꬃ
(ማር. 10:17-31፤ ሉቃ. 18:18-30)
16 ፈቲ ቃማ ፈቲ አꬄ የሱሳጎ ይእ፥ «አስታማርዛዮ፥ ታኒ መዽና ደኦ ደንጎደስ አኮ ሎኦ ባዝ ኦቾ?» ያጋይዳ። 17 የሱሳ ኤጎ፥ «ሎኦ ባዝስ ነ ታና አኮስ ኦጨ? ፈቲ ጾዛፕ አትን መለ ሎኦ ባያ። የዝን ነ መዽና ደኦ ኤኮደስ ኮይኮ ኪቶ ናጎ» ያጋይዳ።
18 አꬄ ማህ፥ «አኖ ኪታ» ያጋእ ኦጭዳ።
የሱሳ ማህ፥ «ዎꬍፐ፥ ኦላልፐ፥ ካይስትፐ፥ ዎርዶ ማርክꬍፐ፥ 19 ነ አዳያን ነ እንቶ ቦንቾ፥ አስ ኡባ ነ ፋና ካꬎ» ያጋይዳ። ከዘ 20:13-16፤ ማሄ 5:17-20
20 የ ሻካንዘ፥ «ታኒ Ꮉኖ ኡባ ናአትꬃፓ ደንꬅ ናግዳ። ዬዝን፥ መለ ታስ ፋጭደባዝ አኮ ባዞ?» ያጋእ ኦጭዳ። ከዘ 20:12፤ ማሄ 5:16፤ ሌዌ 19:18
21 የሱሳ ማህ፥ «ነ ፎሎ ማቆደስ ኮይኮ Ꮉንግ ኔስ የዘ ባዝ ባይዝ ዳሁንꬅስ እንጎ፤ ነ ሳሎ ዱረትꬅ ደንጎዳ። የይዝ ማቂ ይእ ታና ካሎ» ያጋይዳ።
22 የዝን የ ሻካንዘ ጋማ ዱረ ማቅደ ግሾ ይኖ ስእደ ዎደ አዛንተራ አሺ ቅትዳ። 23 ይንፓ ሱባ፥ የሱሳ ፋ ታማሩንꬃና፥ «ታ ይንትስ ቱሮ ኦህነ፤ ዱረ ሳሎ ካእቱሞ ገሎዳና ጋማ ማꬋ። 24 ዱረ አስ ጾዘ ካእቱሞ ገሎዳንፓ ግማለ ማርፐ ኡሩንꬃራ ኣꬍዛና ላፋ» ያጋይዳ።
25 የሱሳ ታማሩንꬅ ይኖ ስእ ጋማ ቆፒ፥ «ዬዝን፥ ኦደ አቶደስ ዳንዳኦደ?» ያጋእ ኦጭዳ።
26 የሱሳ ኡንታና ዳኪ ብእ፥ «Ꮉና አስስ ዳንዳእንቶስ፥ የዝን ጾዝስ ኡባና ዳንዳእንታነ» ያጋይዳ።
27 ጴጥሮሳ ማህ፥ «ኑኒ ኡባ ባዝ አሺ ነና ካልዳ። ዬዝን፥ ኑ አኮ ደንጎደ?» ያጋይዳ። 28 የሱሳ ኡንታጎ Ꮉኒ ጋር ያጋይዳ፦ «ታኒ ይንትስ ቱሮ ኦህነ፤ አስ ናአይ ዮኦደ ክለ አላምተ ፋ ቦንቾ አራታላ በትዘ ዎደ ይን ታጶ ላምኡንꬅ፥ ታና ካልዱንꬅ፥ ታጶ ላምእ አራታላ በቲ ታጶ ላምእ እስራኤለ ባጉንꬃላ አፋ ፍርዶዳ። 29 ታ ሱንꬅት ግሾ ኬꬅቶ ዎይ እሹንꬃና ዎይ ምሹንꬃና ዎይ አዳያ ዎይ እንቶ ዎይ ናኡንꬃና ዎይ ጋድቶ አሽደ ኦደን ጼት ኩሸ ኤኮዳ። ማህ መዽና ደኦ ኤኮዳ። ማቶ. 25:31፤ ሉቃ. 22:30 30 የዝን ጋሙንꬅ Ꮉተ የስተ ቲኖ ማቅዱንꬅ ሱባ ማቆዳ፥ ማህ ሱባ ማቅዱንꬅ ቲኖ ማቆዳ» ያጋይዳ።