1 የሱሳራን ኤ ታማሩንꬃራ የሩሳላመ ኡክ፥ ሻማሄ ደርዘላ የዘ ቤተፋገ ጋዘ ጉቱተ የሊተራ፥ የሱሳ ፋ ታማሩንꬃፓ ላምኡንꬃና ፋፓ ቲኖ Ꮉንጎተ ጋእ ኪትዳ፦ 2 «ይንታፓ ቲኖ የዘ ጉቱተ Ꮉንጎተ። የይጋ ፈቲ Ꮉረ አቻ የዛኖ እ ናእትራ ይን ደንጎዳ። ኡንታና ብሊ ታጎ ኤኪ ዮኦተ። 3 ኦደን ይንታና ኦጭኮ፥ ‹ላꬂ ኡንታና ኮያነ› ያጋኦተ። ኤ ኡንታና ኤለ ማሆዳ» ያጋይዳ።

4 ይናን ናብዘ፥

6 ኤ ታማሩንꬅ Ꮉንግ የሱሳ ኡንታና ኪትዳን ፋና ኦችዳ። ዛካ. 9:9 7 Ꮉርቶን Ꮉርቲ ናእቶን ክእ ካታራ ፋ ማእቶ ኡን ባንተ ጋድዳ። የሱሳ ማእትላ አፋ በትዳ። 8 ጋማ አሱንꬅ ፋ ማእቶ ኦግተ ዪጽዳ። መሉንꬅ ታሸ ታርሺ ኦግተ ኦልዳ። 9 የሱሳፓ ቲኖራ Ꮉንግዙንꬅን ኤፓ ሱባራ ካልዙንꬅ ጋማ አሱንꬅ፥

10 የሱሳ የሩሳላመ ካታማ ገልደ ዎደ ይና ካታምተ የዘ አሱንꬅ ኡቡንꬅ፥ «Ꮉይ ኦደ?» ያጋእ ቱርቱርዳ። ማዝ. 118:25

11 አሱንꬅ፥ «Ꮉይ ጋልላ የዘ ናዝረተ ካታማፓ ይእደ ናበ የሱሳ» ያጋይዳ።

12 የሱሳ ጾዘ ኬꬃ ገሊ፥ የይጋ ባይዙንꬃናን ዎንግዙንꬃና ኡባ ባለ ባይእዳ። ሚሸ ላምዙንꬃና ጠርጴዝቶን ዎለ ባይዝዘ ኦይድቶ ሽሪ ኦልዳ። 13 ኤዝን ኡንታጎ፥ «ጾዘ ቃልተ፥ ‹ታ ኬꬅታ ጾዝ ዎስዘ ኬꬂ ጋእንታነ› ጋእንት ጻፍንትዳ። የዝን ይን ፋኖ አችንትዘ ዎምኦ ማህዳተ» ያጋይዳ።

14 የሱሳ ጾዘ ኬꬃ የሳደራ ቆቁንꬅን ዎቡንꬅ ኤጎ ይእን ኡንታና ፋꬅዳ።ኢሳ. 56:7፤ ኤር. 7:11 15 የዝን ካህኑንꬅ Ꮉላቁንꬅን ህገ አስታማሩንꬅ የሱሳ ኦችደ ጋማ ቆፍዘ ባዝቶ ብእዳነን ዦጋ ናኡንꬅ ጾዘ ኬꬃ፥ «ዳዉተ ናአይ፥ ጋላትንቶ» ያጋእ ኡክዛኖ ስእ ካጭዳ። 16 ኡን የሱሳጎ፥ «Ꮉንስ ጋዛኖ ነ ስእነ?» ያጋይዳ።

የሱሳ፥ «ዬ ስእነ፥ ጾዘ ቃልተ፥ ‹ዦጋ ናኡንꬅ ዶንተን ꬋንግዘ ናኡንꬅ ዶንተ ጋላታ ጊግዛነ› ጋእንት ጻፍንትዳኖ ይን ናባብካተ?» ያጋይዳ። 17 ኡንታና የይጋ አሺ ብታንያ ካታማ Ꮉንግ አቅዳ።

18 የሱሳ ዎንታ ጎዳ ካታማ ማቂ ይእተራ ናይꬍዳ። 19 ኦገ ጋጻ ፈቲ በለሰ ምንጻ ብእ ኢጎ Ꮉንግዳ። የዝን Ꮉየፕ አትን መለ አኮን ደንግካያ። ይኒ ግሾ፥ እዞ፥ «ይኬፓ ላምእንꬃ ኣፈ አፍፐ!» ያጋይዳ። ይና በለሰ ምንጽታ ኤልሲ መሊ አትዳ።

20 ኤ ታማሩንꬅ ይኖ ብእ፥ «Ꮉና በለስታ ዋይዝ ኤልሲ መልዶ?» ያጋእ ጋማ ቆፕዳ።

21 የሱሳ ማህ፥ «ታኒ ይንትስ ቱሮ ኦህነ፤ ይንትስ አማኖ የዝኮ፥ ማህ ይን ስꬋንጽኮ በለስትላ ታኒ ኦችዳን ፋና ጻላላ ኦቾስ፥ የዝን ‹Ꮉይ ደርዛ ሾድንት አባ ዎꬎ› ያጋይኮ Ꮉኖዳ። 22 አማኒ ይን ዎስዘ ባዝ አኮን ማቅኮ ይን ኤኮዳ» ያጋይዳ። ማቶ. 17:20፤ 1 ቆሮ. 13:2

23 የሱሳ ጾዘ ኬꬃ ገሊ ታማርሶደራ፥ ካህኑንꬅ Ꮉላቁንꬅን አይሁደ ጭሙንꬅ ኤጎ ይእ፥ «ነ Ꮉኖ ኦቾደ ፋና ኔስ አኮ አደትꬅ ዎልቃ የዘ? ኔስ Ꮉኖ አደትꬅ ዎልቅቶ እንግደ ኦደ?» ያጋእ ኦጭዳ።

24 የሱሳ ኡንታጎ፥ «ታኒ ይንታና ፈቲ ባዝ ኦጫነ፤ ይን ታስ ይኖ ማህኮ፥ ታንን አኮ አደትꬅ ዎልቃራ ኦችዛኮ ይንትስ ኦሆዳ። 25 ዋሐንሳ ጽንቃተ አናፓ? ጾዛፓነ አሳፓ?» ያጋይዳ።

ኡን ፋ ግዳ ዞርንት፥ «ኑ፥ ‹ጾዛፓ› ጋይኮ፥ ኤ ኑና፥ ‹ዬዝን አኮስ አማናንጽዶ?› ያጋኦዳ። 26 ኑ፥ ‹አሳፓ› ጋይኮ፥ አስ ኡቡንꬅ ዋሐንሳ ናበ ማህ በእዘ ግሾ ኑ አሱንꬃና ዣሽታነ» ያጋይዳ። 27 ይኒ ግሾ፥ «ኑ ኤሮስ» ያጋእ ማህዳ።

ኤዝን፥ «ይኬ፥ ታንን Ꮉኖ አኮ አደትꬅ ዎልቃራ ኦችዛኮ ይንትስ ኦሆስ» ያጋይዳ።

28 «የሱሳ ማህ Ꮉኒ ጋር ያጋይዳ፦ ላምእ ꬊራꬅ ናኡንꬅ የዘ ፈቲ አꬄ የነ። የ አꬄ ፈቲ ናአይጎ Ꮉንግ፥ ‹ታ ናአዮ፥ Ꮉይኖ ዎይነ ግዳ Ꮉንግ ኦቾ› ያጋይዳ። 29 ናአይ ማህ፥ ‹አቶ Ꮉንጎስ› ያጋይዳ። የዝን ሱባፓ ፋ ዎዝንተ ቆፒ ኦቾደስ Ꮉንግዳ። 30 አዳይ ፋ Ꮉንካይ ናአይጎ Ꮉንግ፥ ፋ ቲኖ ናአይጎ ጋይዳን ፋና ኪትዳ። ኤዝን፥ ‹የኤ፥ ታ አዳዮ› ያጋይዳ። የዝን Ꮉንግካያ። 31 Ꮉንꬅ ላምእ ናኡንꬃፓ ፋ አዳይስ ኪትንትደ አዮ?» ያጋይዳ።

ኡንትን፥ «ቲኖያ» ያጋይዳ።

የሱሳ ኡንታጎ፥ «ታ ይንትስ ቱሮ ኦህነ፤ ቃራጠ ጋችዙንꬅን ኦላልዙንꬅ ይንታፓ ቲኒ ጾዘ ካእቱምቶ ገሎዳ። 32 ጻማቅዘ ዋሐንሳ ሉለ ኦገ ታማርስተራ ይእን ኤ ጋዛኖ አማንካያ። የዝን ቃራጠ ጋችዙንꬅን ኦላልዙንꬅ አማንዳ። ይን መለ አቶ የዝን፥ ኡንታና ብእ ይን ናጋርትፓ ማቂ አማንካያ» ያጋይዳ። ሉቃ. 3:12፤ 7:29-30

33 ማህ የሱሳ Ꮉኒ ጋር ያጋይዳ፤ «መለ አዝዘ ስኦተ፥ ዎይነ ቱክደ ፈቲ አꬄ የነ። የ ዎይንዘ ካንቶ ዉቱꬂ ጋስዳ። ዎይነ ጭጭዘ ኦላን ቦክዳ። ዎይንዛ ናጎደስ ሻኮን ሻክዳ። ይንፓ ሱባ፥ ጋድቶ ኮꬄ እንግ መለ ሳአ ቅትዳ። 34 ዎይነ ኣፍቶ ማጽዘ አግና የልን ፋና የልዘ ባግቶ ኤኪ ኮኦደ ጋር ፋ አሩንꬃና ኡንታጎ ዳክዳ። ኢሳ. 5:1-2 35 ኮꬄ እንግደ አዳይ ኤ አሩንꬃና አይኪ ፈታያ Ꮉꬍዳ፥ Ꮉንካያ ዎꬍዳ ማህ አትዱንꬃና ሹቻራ ꬎግዳ። 36 ዎይነ አታክልት አዳይ ቲኑንꬃፓ ኣꬍዘ መለ አሩንꬃና ኪትዳ። ኮꬄ ኤክዱንꬅ ኡንታና Ꮉንኩንꬃላ አፋ ኦችዳን ጋር ኦችዳ። 37 ዉርሱꬅተ ኤ፥ ‹ታ ናአያ ኡን ቦንቾዳ!› ያጋእ ፋ ናአያ ኡንታጎ ኪትዳ።

38 «የዝን ጋድቲ አዳይ ናአያ ብእ ዎል ግዳ ‹ጋድቶ ላቶደ Ꮉያ፥ ኤዛ ዎꬊ ጋድቶ ኑ ኤኮዳ!› ያጋይዳ። 39 ናአያ አይኪ ዎይነ ግድትፓ ጋጻ ኬሲ ዎꬍዳ።

40 «ይኬ፥ ዎይነ አታክልት ላꬄ የእዘ ዎደ የ ኮꬄ ኤክደ አዱንꬃና ዋይሳደ?» ያጋእ ኦጭዳ።

41 ኡን ማህ፥ «ኤ የ ኢታ አሱንꬃና ኢታ ዎ ዎꬊ፥ ዎይንዘ ኣፍዘ ዎደ ኤዛ የልዘ ባግቶ ዎደራ ዎደራ እንግዘ መለ አስስ ኮꬄ እንጎዳ» ያጋይዳ።

42 የሱሳ ማህ ኡንታጎ፥ ጾዘ ቃልተ፥

43 «ይኒ ግሾ፥ ታኒ ይንትስ ኦህነ፤ ጾዘ ካእቱሞ ይንታፓ ኤክንቲ ሎኦ ኣፈ ኣፍዘ አሱንꬅስ እንግንቶዳ። [ 44 Ꮉይ ሹችዘላ አፋ ጎልእዘ ኡባ መቆዳ። ማህ Ꮉይ ሹችዘ ኤላ አፋ ዎꬍዘ አꬄን ጋጭንቶዳ»]†ፈቲ ፈቲ ዛጋ ማጻፍተ ፋይዶ 44 ጉጃነ (ሉቃሳ 20:18 ቦኦተ) ያጋይዳ። ማዝ. 118:22

45 ካህኑንꬅ Ꮉላቁንꬅን ፋርሳዉንꬅ የሱሳ ኦህደ አዝዝቶ ስእደ ዎደ ፋና ኦህዳኖ ኤርዳ። 46 ኡን የሱሳ አይኮደስ ኮይዳ፥ የዝን አሱንꬅ የሱሳ ናበ ማህ በእዘ ግሾ አሱንꬅስ ዣሽትዳ።