1 የሱሳ አሱንꬅስ ማህ Ꮉኒ ጋር ያጋእ አዝዘ ኦህዳ። 2 «ጾዘ ካእቱሞ ፋ ናአይስ ዣጋና ጊግዝደ ካት አዛነ። 3 የ ካትዘ ዣጋና ዮኦደ ፋና ኦህ ጋድደ አሱንꬃና ጼጎደስ ፋ አሩንꬃና ኪትዳ። የዝን አሱንꬅ ዮኦደስ ኮይካያ። 4 ማህ መለ አሩንꬃና ጼጊ፥ ጼግንትደ አሱንꬃጎ Ꮉንግ፥ ‹ታኒ ታ ሳንጉንꬃናን ሞꬉንꬃና ሹክዳ፤ ኡባና ጊግዳ። ታ ዣጋና ድግሳጎ Ꮉንካ ዮኦተ ያጋኦተ› ያጋእ ኪትዳ። 5 የዝን ጼግንትዱንꬅ ጼግቶ እጺ፥ ፋ ኦቻ ኦቻ ቅትዳ። ፈታይ ፋ ዎታስ፥ Ꮉንካይ ፋ ዛልኤ ቅትዳ። 6 መሉንꬅ ማህ ካት አሩንꬃና አይኪ፥ ኢሲ Ꮉꬊ ዎꬍዳ።

7 «ካትዘ ጋማ ዥልꬊ፥ ፋ ዎታዳሩንꬃና ዳኪ ሸምፖ ዎꬍዱንꬃና ዎꬍዝዳ፥ ኡን ካታምቶ ኤꬅዳ። 8 ይንፓ ሱባ፥ ፋ አሩንꬃጎ፥ ‹ዣጋንታ ጊግዳ፥ የዝን ጼግንትዱንꬅ ዣጋናስ ቤዘ አስ ባያ። 9 ይኒ ግሾ፥ ዳልጋ ኦገ Ꮉንግ፥ ደንግደ አስ ኡባ ዣጋና ዮኦደ ፋና ጼጎተ› ያጋይዳ። 10 አሩንꬅን ኦገላ Ꮉንግ ፋስ ደንግደ አስ ኡባ ሎኡንꬃናን ኢቱንꬃና ክእ ዣጋና ዳሰ ገልꬂ ኩንꬅዳ።

11 «የዝን ካትዘ ካꬃ ማአደስ በትደ አሱንꬃና በአደስ ገልደ ዎደ ዣጋና አፉላ ማእካይዘ ፈቲ አስ ደንግዳ። 12 ኤጎ፥ ‹ናተ፥ ነ ዣጋና አፉላ ማእካይዛራ ዋይዝ Ꮉነ ገልዶ?› ያጋይዳ። የዝን አꬄ ስእ ጋይዳ።

13 «ካትዘ ፋ አሩንꬃጎ፥ ‹Ꮉይ አꬄ ኩሽቶን ቶህቶ አጪ፥ ባለ ꬉማ ኬሲ ኦሎተ። እዘ ዬፎን አች ጋርጭንገ ማቆዳ› ያጋይዳ።

14 «ይኒ ፋናን፥ ጾዘ ካእቱሞስ ጼግንትዱንꬅ ጋማ የዝን ዶርንትዱንꬅ ኤራꬅ» ያጋይዳ። ማቶ. 8:12፤ 25:30፤ ሉቃ. 13:28

15 ይንፓ ሱባ፥ ፋርሳዉንꬅ Ꮉንግ፥ የሱሳ ዋይዝ ኦሄራ አይኮድ የዛኮ ዞርንትዳ። 16 ፋ ታማሩንꬃናን ካት ሄሮድሳ ባጉንꬃፓ ፈታ ፈታ ኪትዳ። ኡንትን፥ «አስታማርዛዮ፥ ነ ቱሮ ኦህዛኖ ኑ ኤራነ። ነ አሳፓ አስ ሻጎስ፥ አስ ዎይጋንደስ ጋእ አኮን ኦቾስ፥ ጾዘ ኦግቶ ቱረትꬃራ ታማርሳነ። 17 አነ ኑስ ኦሆ፥ ኑኒ ሮመ ካትስ ጊራ ጊሮደስ ቤዛነን ቤዞሳ?» ያጋይዳ።

18 የዝን የሱሳ ኡን ኢታ ቆፍቶ ኤሪ፥ «Ꮉንꬅ ጩቡንꬆ፥ ታና አኮስ ፋታነተ? 19 ጊራ ጊርዘ ሚሸ ታና ቤዞተ» ያጋይዳ። ኡንትን ኤስ ድናረ ክእዳ። 20 ኤ፥ «Ꮉይስ ሱንꬅታን ብሽታ ኦደሶ?» ያጋይዳ።

21 ኡንትን፥ «ሮመ ካታይስ» ያጋይዳ።

ዬዛኮ የሱሳ ኡንታጎ፥ «ይኬ፥ ካትስ ቤዛኖ ካትስ፥ ጾዝስ ቤዛኖ ጾዝስ እንጎተ» ያጋይዳ።

22 ኡንትን ይኖ ስእደ ዎደ ጋማ ቆፒ ኤ ካለፓ አሺ ቅትዳ።

23 ይና ቃምተ Ꮉይቆፓ ደንዶ ባያ ያጋዘ ሳዱቃዉንꬅ የሱሳጎ ይእ፥ ያጋእ ኤዛ ኦጭዳ። 24 «አስታማርዛዮ፥ ‹ሙሴ፥ ፈቲ አስ ናአ የልካይዛራ Ꮉይቅኮ፥ የ Ꮉይቅደ እሻይ ኤ ማችቶ ኤኪ፥ ፋ እሻይስ ናአ የሎ› ያጋእ ኪትዳ። ሐዋ. 23:8 25 ኑ ኤርዘ ላፑን እሹንꬅ የነ። አንግሰ ማቾ ኤኪ ናአ የልካይዛራ Ꮉይቂዳ። ኤ ማችቶ ኤ ጌዘ ማህዳ። ማሄ 25:5 26 ይኒ ፋና፥ የ ላምአንን፥ Ꮉይꬓንን፥ Ꮉንግ ላፑኑንꬆ የሎደስ። 27 ኡባፓ ሱባ ይና ማችታ Ꮉይቂዳ። 28 ዬዝን፥ ላፑኑንꬅ ኡቡንꬅ እዞ ማህደ ግሾ Ꮉይቆፓ ደንድዘ ቃማ፥ ይና ማችታ ላፑኑንꬃፓ አየ ማቾ ማቃደ?» ያጋይዳ።

29 የሱሳ ማህ፥ «ይን ጾዘ ቃላን ኤ ዎልቅቶ ኤሮሰ ግሾ ባልንታነ። 30 አሱንꬅ Ꮉይቆፓ ደንድዘ ዎደ ሳሎ የዘ ኪታንቹንꬅ ፋና ማቃነፕ አትን ኤኮስን ገሎስ። 31 ማህ Ꮉይቂደ አሱንꬅ Ꮉይቆፓ ደንዶደ ባዝ ጾዚ ይንትስ ኦህዳኖ ናባብካተ? 32 ጾዚ፥ ‹ታኒ አብራሃማ ጾዝ፥ ይሳቃ ጾዝ፥ ያይቆባ ጾዝ› ያጋይዳ። ይኒ ግሾ፥ ጾዚ ፋጻ የዙንꬅ ጾዛፕ አትን Ꮉይቂዱንꬅ ጾዝ ባያ»*የሱሳ ይና በስተ ኦህደ ጾዘ Ꮉንꬅ Ꮉይቂደ Ꮉይꬑንስስ ጾዝ ማቅኮ ኡን ደኦ የነ ጋዛኖ። ያጋይዳ።

33 ጋማ አሱንꬅ ይኖ ስእ፥ ኤ ትምርትተ ጋማ ቆፕዳ። ከዘ 3:6

34 የሱሳ ሳዱቃዉንꬅስ ጋዉደ ባዝ ꬋብስዳኖ ፋራሳዉንꬅ ስእደ ዎደ ፈትላ ሺቅዳ። 35 ኡን ግዳፓ ፈቲ ህገ አስታማርዘ የሱሳ ፋታና ኦጨ ኦጭዳ። 36 «አስታማርዛዮ፥ ህገ ኡባፓ ኣꬍዘ አያ?» ያጋእ ኦጭዳ።

37 የሱሳ ማህ፥ ነ ላꬃ፥ ነ ጾዛ፥ ነ ኩሙꬅ ዎዝናፓ፥ ነ ኩሙꬅ ሸምፖፓ፥ ነ ኩሙꬅ ቆፋፓ ካꬎ። 38 ኡባፓ ኣꬍዘን ቲኖ ኪታ Ꮉኖ። ማሄ 6:5 39 ላምእንꬃ ኡባፓ ኣꬍዘ ኪታ፥ አስ ኡባ ነ ኦምቶ ነ ካꬍዛን ፋና ካꬎ ያጋዛኖ። 40 ሙሴ ህገን ናቡንꬅ ትምርተ ኡባ Ꮉና ኪትላ አፋ ካታነ ያጋይዳ። ሉቃ. 10:25-28

41 ፋርሳዉንꬅ ፈትላ ሺቂ የዝን፥ የሱሳ ኡንታና፥ 42 «ክርስቶሳ ባዝ ይን ዋጋኤተ? ኤ ኦደ ናአ?» ያጋእ ኦጭዳ።

ኡን፥ «ኤ ዳዉተ ናአ» ያጋእ ማህዳ።

43 የሱሳ ኡንታጎ፥ «ዬዝን፥ ዳዉተ ጌሽ አያናራ ማቂ ዋይዝ ክርስቶሳ፥ ‹ላꬆ› ጋእ ጼገ? ዳዉተ ጋእተራ፥

46 የሱሳስ ፈቲ ቃላ ማሆደስ ዳንዳእደ አስ ኦደን ባያ። ማህ ይና ቃምትፓ ደንꬂ መለ ኦጨ ኦጮደስ ኦደን ዳንዳእካያ።