1 ይንፓ ሱባ፥ የሱሳ ሺቅደ አሱንꬅስን ፋ ታማሩንꬅስ Ꮉኒ ጋር ያጋይዳ። 2 «ህገ አስታማሩንꬅን ፋርሳዉንꬅ ሙሴ ህገ ታማርሶደስ አደትꬅ ዎልቃራ የነ። 3 ይኒ ግሾ፥ ኡን ይንታና ኪትደ ኡባ ኦችቶ ናጎተ። የዝን ኡን ኦችዛን ፋና ኦችፈተ። አኮስ ጋይኮ፥ ኡን ኦህዛንፋና ኦቾስ። 4 ኡን ቶኮደስ ዳንዳእንቶሰ ቶፎ አጪ አስ ቶሳነ። የዝን ፋስ መለ አቶ የዝን፥ የ ቶፍዛ አሱንꬅ ቶክዘ ዎደ ግልአ በርꬃራ ቦቾደስ ኮዮስ።

5 «የዝን ኡን ፋ ኦችቶ ኡባ አስ በአደ ፋና ኦቻነ። ፋ ስንተን ኩሽተ አጭዘ ማጻፈ ጽቅሰ የዘ ኪታፈ ዳልግዛነ፥ ፋ አፉልቲ ማጫርቶን ጳርግዛነ። *ይኖ ኡን ኦችዘ ጾዝስ ታ እንግንትዳ ጋዛኖ ፋና ቤሳደስ (ማህ. 15:37-41)። 6 ሞክንትዘ በሳ ቦንቾ በስን አይሁደ ዎሳ ኬꬃ ጋማ ሎኦ ኦይዳ ካꬋነ።ማቶ. 6:1፤ ማሄ 6:8፤ ፋይዶ 15:38 7 አሱንꬅ ጋበ ኡንታና ቦንቾራ ሳርꬆዳኖን ‹አስታማርዛዮ› ጋእ ጼግዛኖ ኮያነ።

8 «የዝን ይን አስታማርዘ ፈቶ ጻላላ ማቅደ ግሾን ይን ኡባ እሹንꬃና ማቅደ ግሾ ‹አስታማረ› ጋእንቲ ጼግንትፐተ። 9 ይንትስ ሳሎ ፈቲ አዳይ ጻላላ የዘ ግሾ Ꮉነ ሳአላ ኦደን ‹አዳዮ› ጋእ ጼግንትፐተ። 10 ይንትስ ፈቲ ላꬂ ክርስቶሳ ጻላላ የዘ ግሾ ‹ላꬆ› ጋእንት ጼግንትፐተ። 11 ይን ግዳ አንግስትዘ ይንትስ አሮ ማቀ። 12 ፋና ꬎቅ ዪዘ ኦደን ቶቾዳ፤ ፋና ቶችዘ ኦደን ꬎቅ ጋውዳ። ሉቃ. 14:11፤ 18:14

13 «ይን፥ ጩቡንꬆ፥ ህገ አስታማሩንꬆ ፋርሳዉንꬆ፥ አሱንꬅ ቲኖ ሳሎ ካእቱሞ ጎርድዙንꬆ ይንታና ባደ። ይን፥ ይን ኦምተ ገሎስ ማህ መሉንꬃናን ገልꬆስ።

14 [«ይን ጩቡንꬆ፥ ህገ አስታማሩንꬆን፥ ፋርሳዉንꬆ ቡዳኑንꬅ ኬꬅቶ ይን ቦንቅተ፥ አስ ቦኦ ጋእ ዎሳ ጳርግዛነ። ይኒ ግሾ ይንታና ባደ። ኡባፓ ኣꬍዘ ፍርዳ ይንታና ናጋነ።]†ፈቲ ፈቲ ዛጋ ማጻፉንꬅ ፋይዶ 14 ጉጃነ።

15 «ይን፥ ጩቡንꬆ፥ ህገ አስታማሩንꬆ ፋርሳዉንꬆ፥ ይን ፈቲ አስ አማንꬆደስ አባራን ሳአራን ዉታነ። የዝን ይን ኤዛ አማንꬅደ ዎደ የ አꬃ ይንታፓ አꬂ ጋናመስ ጊግዘ ግሾ ይንታና ባደ።

16 «ኦደን ጾዘ ኬꬃራ ጫቂኮ አኮን ባያ። የዝን ጾዘ ኬꬃ የዘ ዎርቃራ ጫቂኮ፥ ይና ጫቅታ ኤዛ ጎሞዳ ጋዘ ቆቁንꬆ፥ ይንትስ ቆቂ መሉንꬃና ካልꬅዙንꬆ፥ ይንታና ባደ። 17 ይን፥ ኤዩንꬆ፥ ቆቁንꬆ፥ ዎርቃ አꬋነነ? ዎርቂዛ ጌሽዘ ጾዘ ኬꬅታ አ? 18 ማህ ‹ኦደን ዣርሾ ዣርሽዘ በስተ ጫቂኮ፥ አኮን ባያ። የዝን ኦደን ኤ ካታራ የዘ ዣርሽተ ጫቂኮ፥ ይና ጫቅታ ኤዛ ጎሞዳ› ያጋእ ታማርሳነ። 19 ይን፥ ቆቁንꬆ፥ ዣርሽታ አꬋነነ? ዣርሽቶ ጌሽዘ በስታ አ? 20 ይኒ ግሾ፥ ዣርሾ በስተ ጫቂዘ አꬄ፥ ይና ዣርሾ በስተን ኤላ አፋ የዘ ኡባነ ጫቃነ። 21 ጾዘ ኬꬃ ጫቂዘ አꬄ፥ ይና ጾዘ ኬꬅተን እዘ የዘ ጾዘላ ጫቃነ። 22 ሳሎ ጫቂዘ አꬄ ጾዘ አራትተን የ አራትዘላ በትደ ጾዘላ ጫቃነ።

23 «ይን፥ ጩቡንꬆ፥ ህገ አስታማሩንꬆን ፋርሳዉንꬆ፥ ይንታና ባደ። ይን ካርꬅ ጋላፓ፥ ናትራፓን ጻሎተፓ አስራታ ከሳነ። የዝን ህግተ የዘ ኣꬊ ኮሽዙንꬃና አሽዳ። ይናን ሉለ ፍርዳ፥ ማሮትꬅን ኡባ ባዛ አማንንተ። መሉንꬃናን አሽካይዛራ Ꮉንሳና ይን ኦቾደስ ቤዛነ። ኢሳ. 66:1፤ ማቶ. 5:34 24 ይንትስ ቆቂ መለ አስ ካልꬅዙንꬆ፥ ይን ኡሽትፓ ዉኑኖ ኬሲ ግማለ ቆꬋነ።ሌዌ 27:30

25 «ይን፥ ጩቡንꬆ፥ ህገ አስታማሩንꬆ ፋርሳዉንꬆ፥ ይንታና ባደ። ይን ቡርጩቆስን ሳነስ ካታ ዛልቶ ጌሻነ። የዝን ኡን ጋንጭተ ቦንቃን ቂራትꬅ ኩምዳ። 26 ናተ ቆቀ ፋርሳዉዛዮ፥ ቡርጩቆስን ሳነስ ጋንጭቶ ቲኒ ጌሾ። ይንፓ ሱባ፥ ካታ ዛልታን ጌሽ ማቃዳ።

27 «ይን፥ ጩብንꬆ፥ ህገ አስታማሩንꬆን ፋርሳዉንꬆ፥ ይንታና ባደ። ባለ ዛላራ ቦꬅ ቃላመ ትዥንቲ ሎእ፥ ጋንጭተ መቃꬅን ዎቅደባዝ ኩምደ ቦዛ ይን አዛነ። 28 ይኒ ፋና፥ ካታ ዛላራ አስስ ሎኦ አዛነ። የዝን ይን ጋንጭተ ጩቦን ኢታትꬅ ኩምዳ። ሐዋ. 23:3

29 «ይን፥ ጩቡንꬆ፥ ህገ አስታማሩንꬆን ፋርሳዉንꬆ፥ ይንታና ባደ። ይን ናቡንꬅስ ቦዛ ኬጻነ፥ ማህ ጽሉንꬅ ቦዛን ሎይꬃነ። 30 ማህ ይን፥ ‹ኑኒ ዛጋ ኑ አዱንꬅ ዎደ የዘ ባዝ ማቅዛኮ፥ ኡንታራ ዎላ ናቡንꬅ ሱꬅቶ ጉሳማ የሻ› ያጋነ። 31 ይኒ ግሾ፥ ይን ናቡንꬃና ዎꬍደ አስ ናኡንꬃና ማቅዳኖ ይን ይን ኦምተ ማርክꬋነ። 32 ይኬ፥ ይን አዱንꬅ አይክዳኖ ይን ፎሎተ።

33 «Ꮉንꬅ ሾሹንꬆ፥ ጎፕ ናኡንꬆ፥ ይን ጋናመ ፍርዳፓ ዋይዝ አቶደ? 34 ይኒ ግሾ፥ ታ ኦህዛኖ ስኦተ፤ ታኒ ናቡንꬃና፥ ጭንጫ አሱንꬃናን አስታማሩንꬃና ይንታጎ ኪቶዳ። ኡንታፓ ፈታ ፈታ ይን ዎꬎዳን ማስቃላላ አፋ ሱጾዳ። ባጉንꬃና አይሁደ ዎሳ ኬꬃ አላንጋራ ጋራፎዳን ካታማፓ ካታማ ባይኦዳ። ማቶ. 3:7፤ 12:34፤ ሉቃ. 3:7 35 ይኒ ግሾ፥ ጽሎ አቤላ ሱꬃፓ ደንꬂ፥ ጾዘ ኬꬃፓን ዣርሾ በሳፓ ግድተ ይን ዎꬍደ ባራክያ ናአ ዛካርያሳ ዎደ የሎደስ Ꮉይቂደ ጽሎ አስ ኡባ ግሾ ይንታና የሎዳ። 36 ታኒ ይንትስ ቱሮ ኦህነ፤ ይንትን ይን አዱንꬅ ኦችደ ባልትስ Ꮉና ፍርድታ ኡባ Ꮉንꬅ የለቱንꬃላ የሎዳ። መꬎ 4:8፤ 2 ዜና 24:20

37 «የሩሳላመ፥ የሩሳላመ፥ ናቡንꬃና ዎꬍዛነ! ጾዚ ኔጎ ኪትዱንꬃና ሹቻራ ꬎግዛነ! ሉኩለ ፋ ናኡንꬃላ አፋ ቀፈራ Ꮉጵዛን ፋና ታኒ ነ አሱንꬃና ታ ሹጵተ ሺሾደስ ዋንꬅ ቶሄ ኮይዶ! የዝን ታና ነ እጽዳ። 38 ይኬ፥ ይን ጾዘ ኬꬅታ ካይስ ማቃዳ። 39 ታኒ ይንትስ ኦህነ፤ ‹ላꬄ ሱንꬅተ የእዘ አንጅንትዳያ› ይን ጋኦደ ዎንꬅስ ላምእንꬃ ታና ቦኦስ» ያጋይዳ። ኤር. 22:5