24
የሱሳ ጾዘ ኬꬅታ ዉልእንቶዳኖ ቲኖ ኦህዳ
(ማር. 13:1-2፤ ሉቃ. 21:5-6)
1 የሱሳ ጾዘ ኬꬃፓ ኬዚ ቅትዝን፥ ኤ ታማሩንꬅ ኤጎ ይእ፥ ጾዘ ኬꬅ ግምብቶ ቤዝዳ። 2 የሱሳ ኡንታጎ ማህ፥ «ዬ! Ꮉኖ ኡባኖ በእነተ? ታኒ ይንትስ ቱሮ ኦህነ፤ ሹች ሹቻላ አፋ ኬልንትደ ፋና ፈትን ዉልእንትካይዛራ አቶስ» ያጋይዳ።
ቲኖፓ Ꮉኖደባዝ
(ማር. 13:3-13፤ ሉቃ. 21:7-19)
3 የሱሳ ሻማሄ ደረላ አፋ በቴዝን፥ ኤ ታማሩንꬅ ፋ ጻላላ ኤጎ ይእ፥ «ይና አይደ Ꮉኖድ የዛኮ ኑስ ኦሆ። ማህ ነ የእትስን ዎደ ዉርሱꬅትስ ማላ አኮ? ያጋእ ኦጭዳ።
4 «የሱሳ ማህ፥ ይንታና ኦደን ባልꬃመ ፋና ናግንቶተ! 5 አኮስ ጋይኮ፥ ጋማ አሱንꬅ ታ ሱንꬅተ፥ ‹ታኒ ክርስቶሳ፥ ጾዚ አስ አሾደስ ኪትዳያ› ያጋይትራ ይእ ጋማ አስ ባልꬆዳ። 6 ይን ኦላን ኦላ ዎረ ስኦደስ የነ። ይኒ ጋርዘ ባዝ Ꮉኖደስ ቤዝዘ ግሾ ይርግፐተ። የዝን ዉርሱꬅታ Ꮉጋ። 7 ዎርዣ ዎርዣራ፥ ፈቲ ካእቱሞ መለ ካእቱሞራ ኦልንቶዳ። ናየን ሳአ ኤንኤ ዱማ ዱማ በሳ ማቃዳ። 8 ይና ኡባና የሎ ꬋኤስ ዞቀ ፋና።
9 «የ ዎደ አሱንꬅ ይንታና ዋየስ አꬂ እንጎዳ፥ አጮዳን ዎꬎዳ። ታ ሱንꬅት ግሾ አስ ኡባ ይንታና እጾዳ። 10 የ ዎደ ጋሙንꬅ አማኖ አሾዳ። ፋ ግዳ ፈተ ፈታያ አꬂ እንጎዳ፥ ፈተ ፈታያ እጾዳ። ማቶ. 10:22 11 ማህ ጋማ ዎርዶ ናቡንꬅ ደንዲ ጋሙንꬃና ባልꬆዳ። 12 ኢታትꬅ ጋንግዘ ግሾ ጋማ አሱንꬅ ሲቅታ ቶዮዳ። 13 የዝን ዉርሱꬅ የሎደስ ገንጭደ አꬄ አቶዳ። 14 አስ ኡባስ ማርካ ማቃደ ፋና ጾዘ ካእቱሞ ዎንገለ ሳአ ኡባ ኦህንቶዳ። ይንፓ ሱባ፥ ዉርሱꬅታ ዮኦዳ። ማቶ. 10:22
ꬋብሰ ቱና
(ማር. 13:14-23፤ ሉቃ. 21:20-24)
15 «ይኒ ግሾ፥ ናብዘ ዳነላ ኦህደ ꬋብሰ ቱናትꬅ ጌሽ በሳ ኤቅዳያ ይን ቦኦዳ። ቆፕዘ ይና ዋግዛኮ ናባብዘ ቆፖ!ማሄ 9:27፤ 11:31፤ 12:11 16 ይኒ ዎደ ይሁዳ ሳአ የዙንꬅ ደረጎ ዎጾ። 17 ፎቀላ አፋ የዘ አꬄ ፋ ኬꬅተ የዘ ባዝ ኤኮደስ ኬꬃ ገላንጽ ዎጾ። 18 ጋደ የዘ ፋ ማኦ ኤኮደስ ሱብ ማቅፐ። ሉቃ. 17:31 19 የ ዎደ ዎዳꬅ ማቹንꬅን ꬋንꬅዘ ማቹንꬅስ ጋማ ኡንእንተ ማቃዳ። 20 ባርጎ ዎይ ሳምባታ ይን ዎጺ ꬋብዛና ማቃመ ፋና ጾዝ ዎሶተ። 21 አኮስ ጋይኮ፥ ሳአ መꬍንትዳንፓ Ꮉይኖ የሎደስ Ꮉንካይዘ ባዝ፥ ማህ ቲኖስን ሙሎ Ꮉኖሰ ማꬋ Ꮉኖዳ። 22 ይና ቃምት ፋይድቶ Ꮉትꬅካይዛኮ አስ ማቅደ ኦደን አቶስ። የዝን ኤ ፋ ዶርደ አሱንꬅ ግሾ ይና ቃምት ፋይድቶ Ꮉትꬆዳ።መꬎ 12:1፤ ቆን. 7:14
23 «የ ዎደ ኦደን ይንታና፥ ‹ይኬ፥ ክርስቶሳ Ꮉነ› ዎይ ‹ሰካ የነ› ያጋይኮ አማንፐተ። 24 አኮስ ጋይኮ፥ ዎርዶ ክርስቶሱንꬅን ዎርዶ ናቡንꬅ ደንዶዳ። ኡንትስ ዳንዳእንትኮ፥ መለ አቶ የዝን ጾዝስ ዶርንትዱንꬃና ባልꬆደስ ዳማ ማላን ጋማ ቆፍዘ ባዝ ኦቾዳ። 25 ቆፖተ፥ ታ ይንትስ Ꮉኖ ቲኒ ኦህነ።
26 «ይኒ ግሾ፥ አሱንꬅ ይንታጎ፥ ‹ይኬ፥ ክርስቶሳ አኮ ባይዘ ጋናስ ሳአ የነ› ጋይኮ፥ እዘ Ꮉንግፐተ። ዎይ ይንታጎ፥ ‹ይኬ፥ ቆልአ የነ› ጋይኮ፥ ኡንባዝ አማንፐተ። 27 አኮስ ጋይኮ፥ ዜልንꬅ ሳሎ ዜልንጊ፥ አዋ ከሳፓ ገሎ የሎደስ በንትዛን ጋር፥ አስ ናአ የእታ ይኒ ጋር ማቃዳ። ሉቃ. 17:23-24
28 «ባዉታ የዘ በሳ አንኩንꬂ ሺቆዳ። ሉቃ. 17:37
29 «የ ዎደ ይና ዋየ ቃምትፓ ሱባ፥
«ኢራ አዋ ꬉሞዳ፥
አግናን ፋ ፎእቶ ካዮዳ።
ኢሳ. 13:10፤ ኤር. 2:10ጾልንቶን ሳሎፓ ዎꬎዳ፥
ማህ ሳሎ የዘ ዎልቃ ቡቁንቶዳ።
30 የ ዎደ አስ ናአ የኤ ማላ ሳሎላ አፋ በንቶዳ። ሳአ የዘ አስ ኡባ ዬኮዳ። ማህ አስ ናአይ፥ ዎልቃራን ዳማ ቦንቾራ ሳሎ ꬎነ ግዳራ ዬዝን ይን ቦኦዳ። 31 ኤ ፋ ኪታንቹንꬃና ዳማ ፉግዘ ሞይዘራ ኪቶዳ። ኡን ሳአ ኦይዲ ዛላ ቅቲ፥ Ꮉይጋ ጋጻፓ ሰኮ ጋጻ የሎደስ የዘ ኤስ ዶርንትዱንꬃና ሺሾዳ። ማሄ 7:13፤ ዛካ. 12:10
ላꬂ ዮኦደ ቃማ ማላ
(ማር. 13:28-31፤ ሉቃ. 21:29-33)
32 «በለሰ ምንጻፓ ታማሮተ። እዛ ኣጪ Ꮉየ ኬስዘ ዎደ ቶርቼ ኡክዳኖ ይን ኤራነ። 33 ይኒ ጋራን፥ ይን Ꮉኖ ኡባ በእዘ ዎደ ፉርꬃ ኡክዳኖ ኤሮተ። 34 ታኒ ይንትስ ቱሮ ኦህነ፤ Ꮉና ኡባና ፎልንቶደ ዎንꬅስ፥ Ꮉና የለቱንꬅ አꬋማ። 35 ሳሎን ሳአን አꬎዳ፥ የዝን ታ ቃልታ አꬎኦስ።መꬎ 6:5
ላꬂ ዮኦደ ቃምቶ ኦደን ኤሮስ
(ማር. 13:32-37፤ ሉቃ. 17:26-30፥ 34-36)
36 «ይና ቃምቶን ይና ሳቶ ሳሎ የዘ ታ አዳይፕ አትን መለ ሳሎ ኪታንቹንꬃና ማቅን ዎይ ናአያ ማቅን ኦደን ኤሮስ። 37 አስ ናአ የእታ፥ ኖሄ ዎደ Ꮉንዳን ጋር ማቃዳ። 38 የ ዎደ ꬋብሰ Ꮉꬅ ዮኦደፓ ቲኖ ኖሄ ማርካበ ገልደ ቃማ የሎደስ፥ አሱንꬅ ሙእተን ኡዥተ፥ ኤክተራ ገልተራ ጋምእዳ። 39 ꬋብሰ Ꮉꬅ ይእ፥ ኡንታና ኡባ ꬋብሶደ ዎንꬅስ ቆፕካያ። አስ ናአ የእታን ይኒ ፋና ይአዳ።
40 «የ ዎደ ላምእ አሱንꬅ ጋደ ኦቾዳ። ኡንታፓ ፈታይ ኤክንቶዳ፥ Ꮉንካይ አቶዳ። 41 ላምእ ማቹንꬅ ዎላ ጋጮዳ። ኡንታፓ ፈታ ኤክንቶዳ Ꮉንካና አቶዳ።
42 «ይኬ፥ ይን ላꬄ አኮ ቃማ ዮኦድ የዛኮ ይን ኤሮሰ ግሾ ሚንግ ናጎተ። 43 የዝን ካይዞ ቃማፓ አኮ ሳተ ዮኦደ የዛኮ ካርቲ አዳይ ኤርዛኮ፥ ፋ ኬꬅታ ቦክንታመ ፋና ባርክ ናጎዳ የሻ። 44 ይኒ ጋራን፥ አስ ናአይ ይን ቆፕካይዘ ሳተ ዮኦደ ግሾ ይን ጊጊ የዞተ።
ኢታን ሎኦ አሩንꬅ አዝዘ
(ሉቃ. 12:41-48)
45 «ዬዝን፥ ፋ ካራ አሱንꬅስ ካꬃ ኮሽዘ ዎደ እንጎደ ፋና ኤ ላꬅዘ ዶርደ አማንንትዘን ዎዝናራ የዘ አሮ ኦደ? 46 ኤ ፋ ላꬄ ኪትዳኖ ኦችዝን ኤ ላꬄ ይእ ደንግደ አርዘ አንጅንትዳ። 47 ታኒ ይንትስ ቱሮ ኦህነ፤ ላꬂ የ አርዛ ፋ ባዝትላ ኡባ ሹሞዳ። 48 የዝን የ አርዘ ኢታ ማቅኮ፥ ‹ታ ላꬄ ጋምእ ዮኦዳ› ያጋእ ፋ ዎዝንተ ቆፒ፥ 49 ፋ ላገ ኦችዙንꬃና Ꮉ አይክኮ፥ ማꬅንትዙንꬃራ ሙይኮ ኡዥኮ፥ 50 የ አርዘ ላꬄ ኤ ቆፕካይዘ ቃማን ኤ ኤሮሰ ሳተ፥ 51 ይእ ኤዛ ጋቾዳ። ኤ እጽቶን ጩቡንꬃራ ማሆዳ። ይና በስተ ኤስ ዬፎን አች ጋርጭንገ ማቃዳ።