1 «የ ዎደ ሳሎ ካእቱሞ ፋ ኩራዝቶ አይኪ፥ ማቾ ኮኦደስ ቅትደ ꬊራꬃያ ሞኮደስ ከዝደ ታጵ ዉዱሩንꬃና አዛነ። 2 ኡንታፓ እችኑንꬅ ቦዛ፥ ማህ እችኑንꬅ ጭንጫ። ሉቃ. 12:35 3 ቦዙንꬅ ኩራዘ አይክዳ፥ የዝን መለ ላምባ አይክካያ። 4 የዝን ጭንጩንꬅ ፋ ኩራዝተ መለ ጉጃ ላምባ አይክዳ። 5 ማችቶ ኤክዘ ጋምእን፥ የንꬅ ዉዱሩንꬅ ገንቶ አይክን ገንትዳ።

6 «ግዲ ብላሄ ማቅዘ ዎደ ‹ይኬ፥ ማችቶ ኤክዛይ የልዳ፥ ኤዛ ሞኮደስ ከዞተ› ያጋዘ ዳማ ደንꬅꬅዘ ኪታ ስንትዳ።

7 «የ ዎደ የንꬅ ዉዱሩንꬅ ኡቡንꬅ ባርክ፥ ፋ ኩራዝቶ ጊግዝዳ። 8 ቦዙንꬅ ጭንጩንꬃጎ፥ ‹ኑ ጾምፕታ Ꮉይቆደስ ዪዘ ግሾ ሻጊ ይን ላምቢትፓ ኑስ እንጎያተ› ያጋይዳ።

9 «የዝን ጭንጩንꬅ ኡንታጎ ማህ፥ ‹አደ፥ ኑስን ይንትስን ማቅዘ ላምባ ባያ። ይኒ ግሾ፥ ይንትስ Ꮉንግ ዎንግ ኤኮተ› ያጋይዳ። 10 ቦዛ ዉዱሩንꬅ ላምባ ዎንጎደስ ቅትን፥ ማችቶ ኤክዘ ይእዳ። ጊግንቲ በትደ እችን ዉዱሩንꬅ ኤራ ዎላ ዣጋና ኬꬃ ሙስስ ገልዳ፤ ፉርꬅቶን ጎርዲ አሽዳ።

11 «ሱባፓ Ꮉንኮ ዉዱሩንꬅ ይእ፥ ‹ላꬆ፥ ላꬆ፥ ኑስ ቡጎያ› ያጋይዳ።

12 «የዝን ኤ ኡንታጎ ማህ፥ ‹ታኒ ይንትስ ቱሮ ኦህነ፤ ታ ይንታና ኤሮስ!›

13 «ይኬ፥ አስ ናአ ዮኦደ ቃምቶ ዎይ ሳቶ ይን ኤሮሰ ግሾ ባርክ ናጎተ።

14 «ሳሎ ካእቱሞ ፋ ኦችዙንꬃና ጼጊ ፋስ የዘ ባዝ ኡንትስ እንግ ኦገ ቅቶደስ ከዝደ አꬃ አዛነ። 15 ኡንትስ ኦማራ ኦማራ ኡን ዎልቅት ጋር ፈታይስ እችን መክሊተ፥ *መክሊተ-ፈቲ መክሊተ ፈቲ አስ ኦችዘስ እድመ ኩሙꬅ እንግንትዘ ዳሞዘ። ፈታይስ ላምእ መክሊተ ማህ ፈታይስ ፈቲ መክሊተ እንግ ፋ ኦገ ቅትዳ። ሉቃ. 19:11-27 16 እችን መክሊተ ኤክደ አርዘ ኢራ Ꮉንግ ዛልእ፥ መለ እችን መክሊተ ትርፍዝዳ። 17 ይኒ ጋር፥ ማህ ላምእ መክሊተ ኤክደ አርዘ መለ ላምእ ትርፍዝዳ። 18 የዝን ፈቲ መክሊተ ኤክዳይ Ꮉንግ፥ ኦላ ቦኪ፥ ፋ ላꬅዘ ብርዛ ሞግዳ።

19 «ጋማ ዎደፓ ሱባ የንꬅ አሩንꬅ ላꬄ ይእ፥ ፋ ሚሽቶ ኡንታራ ብእዳ። 20 እችን መክሊተ ኤክደ አርዘ ይእ፥ መለ እችን መክሊተ ክእ፥ ‹ታ ላꬆ፥ ነ ታስ እችን መክሊተ እንግዳ። የዝን ታኒ መለ እችን መክሊተ ትርፍዝዳ› ያጋይዳ። 21 ኤ ላꬄ፥ ‹ዛምባይ! ነ ሎኦን አማንꬅዘ አሮ፤ ነ ኤራꬅ ባዛ አማንንትዳ። ታኒ ነና ጋማ ባዛላ አፋ ሹሞዳ፤ Ꮉነ ገሊ ነ ላꬄራ ኡፋይቶ› ያጋይዳ።

22 «ማህ ላምእ መክሊተ ኤክዳይ ይእ፥ ‹ታ ላꬆ፥ ነ ታስ ላምእ መክሊተ እንግዳ። የዝን ታኒ መለ ላምእ መክሊተ ትርፍዝዳ› ያጋይዳ። 23 ኤ ላꬄ፥ ‹ዛምባይ! ነ ሎኦን አማንꬅዘ አሮ፤ ነ ኤራꬅ ባዛ አማንንትዳ። ታኒ ነና ጋማ ባዛላ አፋ ሹሞዳ፤ Ꮉነ ገሊ ነ ላꬄራ ኡፋይቶ› ያጋይዳ።

24 «ማህ ፈቲ መክሊተ ኤክዳይ ይእ፥ ‹ታ ላꬆ፥ ነ ቡድካይዛራ ማጽዛን ቡርግካይዛራ ሺሽዘ ኢታ አስ ማቅዳኖ ታ ኤራነ። 25 ይኒ ግሾ፥ ዣሽቲ ነ መክሊትዛ ሳአ ሞግዳ። ነ መክሊትዘ Ꮉይንሸ› ያጋይዳ።

26 «ኤ ላꬄ ማህ፥ ‹Ꮉይ ኢታ አዛልአ አርዛዮ፥ ታኒ ቡድካይዛራ ማጽዛኖን ቡርግካይዛራ ሺሽዘ አስ ማቅዳኖ ኤርዳ። 27 ዬዝን፥ ነ ታ መክሊትዛ ባንከ ጋደዛኮ፥ ታኒ ማቅዘ ዎደ ታ መክሊትዛ ትርፈራ ኤኮዳኖ ካይዳ። 28 ይኒ ግሾ፥ መክሊትዛ ኤፓ ኤኪ፥ ታጵ መክሊተ የዘስ እንጎተ። 29 አኮስ ጋይኮ፥ የዘ ኡቡንꬅስ ጉጅንቶዳን ጋንጎዳ። የዝን ባይዘፓ መለ አቶ የዝን፥ የ ኤስ የዛይን ኤክንቶዳ። 30 Ꮉይ ማዶሰ አርዛ ባለ ꬉማ ኬሲ ኦሎተ። እዘ ኤስ ዬፎነ አች ጋርጭንገ ማቃዳ› ያጋይዳ። ማቶ. 8:12፤ 22:13፤ ሉቃ. 13:28

31 «አስ ናአ፥ ኪታንቾ ኡቡንꬃራ፥ ፋ ቦንቾራ የእዘ ዎደ ኤ ፋ ቦንቾ ካእቱሞ አራታላ በቶዳ። 32 ሳአ የዘ አስ ኡባ ኤ ቲኖ ሺቆዳ። ዉደ አዳይ ዱሩንꬃና ዴሹንꬃፓ ሻክዛን ፋና ኤ የ አሱንꬃና ላምእ በሳ ሻጎዳ። ማቶ. 16:27፤ ማቶ. 19:28 33 ማህ ዱሩንꬃና ምዛቅ ዛላራ ዴሹንꬃና ዎርክታ ዛላራ ኤሶዳ።

34 «ይንፓ ሱባ፥ ካትዘ ምዛቅ ዛላራ የዙንꬃጎ Ꮉኒ ፋና ያጋዉዳ፦ ‹ታ አዳይ አንጅዱንꬆ፥ Ꮉንካ ይእ ሳአ መꬍንትዘ ዎደ ይንትስ ጊግደ ካእቱምቶ ላቶተ። 35 አኮስ ጋይኮ፥ ታኒ ናይꬍን ሙዝዳ፥ ባርꬍን ኡሽዳ፥ ዛቆ አስ ማቂ ይእን ሞክዳ፥ 36 ካልꬍን ማእስዳ፥ Ꮉርግንትን ኦጭዳ፥ አጭንትን ታና ኦጭዳ› ያጋይዳ።

37 «ይንፓ ሱባ፥ ጽሉንꬅ ማህ፥ ‹ላꬆ፥ ነ ናይꬍን አይደ ብእ ሙዝዶ? ዎይ ነ ባርꬍን አይደ ብእ ኡሽዶ? 38 ነ ዛቆ ማቂ ይእን አይደ ብእ ሞክዶ? ዎይ ነ ካልꬍን አይደ ማይዝዶ? 39 ነ Ꮉርግንትን ዎይ አጭንትን ኔጎ Ꮉንግ ነና አይደ ኦጭዶ?› ያጋዉዳ። 40 ካትዘ ማህ፥ ‹ታኒ ይንትስ ቱሮ ኦህነ፤ ይን ታና ካልዘ Ꮉንꬅ እሹንꬃፓ†እሸ ጋእንትዙንꬅ ኤዛ ካልዙንꬃና። ኤርዘስ ኦችዳና ታስ ኦችዳ› ያጋዉዳ።

41 «የ ዎደ ዎርክታ ዛላራ የዙንꬃጎ፥ ‹Ꮉንꬅ ባድንትዱንꬆ፥ ታ ካለፓ Ꮉኮተ። ጻላሄስን ኤ ኪታንቹንꬅስ ጊግደ መዽና ታማ ቅቶተ። 42 አኮስ ጋይኮ፥ ናይꬍን ታና ሙዝካያ፤ ባርꬍን ኡሽካያ። 43 ታኒ ዛቆ ማቂ ይእን ታና ሞክካያ፥ ካልꬍን ማይዝካያ፥ Ꮉርግን አጭንትን ታና ኦጭካያ ያጋዉዳ።

44 «የ ዎደ ኡን፥ ‹ላꬆ፥ ነ ናይꬍን ዎይ ባርꬍን ዎይ ዛቆ ማቂ Ꮉንግን ዎይ ካልꬍን ዎይ Ꮉርግን ዎይ አጭንትን ብእ ነና አይደ ማዳንጽ እጽዶ?› ያጋእ ማሆዳ።

45 «የ ዎደ ካትዘ ማህ ኡንታጎ፥ ‹ታኒ ይንትስ ቱሮ ኦህነ፤ ይን ታና ካልዘ Ꮉንꬅ ኡቡንꬃፓ ኤርዛያ ማዳንጽ እጽኮ፥ ታና ማዳንጽ እጽዳያ› ያጋዉዳ። 46 ይኒ ግሾ፥ የንꬅ አሱንꬅ መዽና ፍርዳስ ማህ ጽሉንꬅ መዽና ደኦስ ቅቶዳ» ያጋይዳ።