1 የሱሳን ኤ ታማሩንꬅ አባ ፊንግ፥ ገርገሶነ ጋዘ ሳአ የልዳ። 2 የሱሳ ጎንግዘፓ ዎꬍዘ ዎደ ቱና አያና አይክደ ፈቲ አꬄ ቦዛፓ ኬዚ ኤራ የልንትዳ። 3 የ አꬄ ቦዛ ግዳ አቂ ፌዢ የነ። ኤዛ ኦደን ጋደራ አጮደስ ዳንዳኦስ። 4 ኤ ጋማ ቶሄ ዱላራን ሳንꬃላታራ አጭንቲ የነ። የዝን ሳንꬃላቶን ዱꬃነ፥ ዱልዛን መንꬅꬃነ። ኤዛ ማሆደስ ዳንዳእዘ ኦደን ባያ። 5 ኤ ቃማን አዋራ ይና ቦዝተን ደረላን ዉይሳነ፥ ፋ ጋልቶን ሹቻራ ቃዉጻነ።

6 የሱሳ Ꮉኮራ ብእደ ዎደ ዎጺ Ꮉንግ ኤ ቲንተ ቡንቁንትዳ። 7 የ አꬄ ፋ ቃልቶ ꬎቅ ዪዚ፥ «ኡባፓ ካታራ የዘ ጾዘ ናአ የሱሳ፥ ኔራ ታና አኮ የልꬅዘ? ታና ꬋብሳመ ጋር ታኒ ነና ጾዘ ሱንꬅተ ዎሳነ» ያጋይዳ። 8 ኤ ይኖ ጋይዳና የሱሳ ኤዛ፥ «ናተ Ꮉይ ቱና አያንዛዮ፥ Ꮉይ አꬄፓ ከዞ» ያጋይደ ግሾ።

9 የሱሳ ኤጎ፥ «ነ ሱንꬅታ ኦደ?» ያጋእ ኦጭዳ።

ኤ፥ «ኑኒ ጋማ ማቅደ ግሾ ታ ሱንꬅታ ሌግዮና» ያጋይዳ። 10 ቱና አያኑንꬅ ፋና ይና ጋድትፓ ኬሲ ዳካመ ጋር የሱሳ ምንꬂ ዎስዳ።

11 የ ደርዘላ ጋማ ጉዳይለ ዉደ የንግንታነ። 12 ቱና አያኑንꬅ የሱሳጎ፥ «ኑና ሰካ ጉዳይለ ዉዱተ ዳኮያ፥ ኡን ግዳ Ꮉንግ ገሎዳ» ያጋእ ዎስዳ። 13 የሱሳ ኡንታጎ፥ «ቅቶተ» ያጋይዳ። ዬዝን ቱና አያኑንꬅ አꬄፓ ኬዚ ጉዳይሉንꬅ ግዳ ገልዳ። ላምእ ሙኩል ማቃደ ጉዳይለ ዉደ ጋጋ ዶናራ ዎጺ Ꮉንግ አባ ገሊ ቆꬍንትዳ።

14 ጉዳይለ ዉደ የንግዙንꬅ ዎጺ Ꮉንግ Ꮉንዳኖ ካታማራን ጋጻረራ ኦህዳ። የዝን አሱንꬅ Ꮉንዳኖ በአደስ ከዝዳ። 15 አሱንꬅ የሱሳጎ የእዘ ዎደ ቱና አያናራ አይክንትደ አꬃ ብእዳ። ኤ ፋ ዎዝንተ ማቂ፥ ማኦ ማእ፥ እዘ በትዳኖ በእዘ ዎደ ኡቡንꬅ ዣሽትዳ። 16 ይኖ ብእደ ጋር አሱንꬅ ቱና አያኑንꬅ አይክደ አꬄላ አፋን ጉዳይሉንꬃላ አፋ Ꮉንዳኖ ኡባ አሱንꬅስ ኦህዳ። 17 ይኒ ግሾ፥ አሱንꬅ ፋ ሳእትፓ የሱሳ ከዞደ ጋር ዎስዳ።

18 የሱሳ ጎንግተ ገልዘ ዎደ ቲኖ ቱና አያና አይኪ ዳክደ አꬄ፥ የሱሳራ Ꮉንጎደስ ኤዛ ዎስዳ። 19 የዝን የሱሳ እጺ ኤጎ፥ «ነ ካራ ማቂ፥ ላꬂ ኔስ አኮ ጋር ዳማ ባዝ ኦቼዛኮን አኮ ጋር ማረዛኮ ነ ካራ አሱንꬅስ ኦሆ» ያጋይዳ። 20 አꬃይ Ꮉንግ ታጵ ካታማ ጋእንትዘ ሳአ ዉቲ፥ የሱሳ ፋስ አኮ ጋር ዳማ ባዝ ኦቼዛኮ ኦህዳ። ኤ ኦህዳኖ ስእደ አሱንꬅ ኡቡንꬅ ጋማ ቆፕዳ።

21 የሱሳ ማቂ፥ ጎንገ ገሊ፥ አባ ፊንግዳንፓ ሱባ ጋማ አሱንꬅ አባ ጋጻ ኤ ካለ ዉቲ ሺቅዳ። 22 እያሮሳ ጋዘ አይሁደ ዎሳ ኬꬃ Ꮉላቁንꬃፓ ፈተ፥ የሱሳ ብእደ ዎደ ኤጎ ይእ ኤ ቶህትላ አፋ 23 ጎልእ፥ «ታ ናታ Ꮉርግንቲ Ꮉይቆደስ ይእነ። እዛ ፋጺ የሳደ ጋር ይእ ነ ኩሽቶ ኢላ አፋ ጋዶያ» ያጋእ የሱሳ ምንꬂ ዎስዳ።

24 የሱሳ እያሮሳራ ቅትዳ። ኤ Ꮉማደራ ጋማ አሱንꬅ ኤዛ ካሊ ኡንእꬅዳ።

25 ታጶ ላምእ በረ እ ጋልትፓ ሱꬅ ጎግዘ ፈቲ ማችታ የነ። 26 ጋማ አክሙንꬅ እዞ አክምዳ፥ የዝን እዛ ፋጻ ካእንትዳ። እዛ ፋ ቆልቶ ኡባ Ꮉስንን ኢስ Ꮉንካ ኢትዳፕ አትን አኮን ማድካያ። 27 ይና ማችታ የሱሳ ባዝ ስእ፥ አሱንꬃና አꬊ የሱሳ ሱባራ ይእ ኤ ማእቶ ቦችዳ። 28 እዛ፥ «ታኒ መለ አቶ የዝን ኤ ማእቶ ቦችዛኮ ፋጾዳ» ጋእ ቆፕዳ።

29 ኢፓ ጎግዘ ሱꬅታ ኢራ ኤቂ አትዳ። እዛ ፋ ዋይትፓ ፋጽዳኖ ፋ ጋልተ ኤርዳ። 30 የሱሳ ኢራ ፋፓ ዎልቃ ኬዝዳኖ ፋ ኦምተ ኤሪ፥ ጋማ አስ ግዳ ሱብ ማቂ፥ «ታ ማእቶ ቦችደ ኦደ?» ያጋይዳ።

31 ኤ ታማሩንꬅ፥ «አሱንꬅ ነና ኡርቂዛኖ ብእተራ፥ ‹ዋይዝ ታና ኦደ ቦችደ ጋኤ?› » ያጋይዳ።

32 የሱሳ ይኖ ኦኒ ኦቼዛኮ በአደስ ዉቱꬂ ዳኪ ብእዳ። 33 የዝን ማችታ ፋስ Ꮉንዳኖ ኤሪ፥ ዣሽሞራ ጎቅተራ ይእ የሱሳ ቲንተ ጎልእዳ፤ ማህ Ꮉንዳኖ ኡባ ቱርቶ ኤስ ኦህዳ። 34 የይን፥ የሱሳ ኢጎ፥ «ናእተ፥ ነና ነ አማንታ ፋꬅዳ፥ ሳሮራ ቅቶ፥ ነ ዋይትፓ ፋጾ» ያጋይዳ።

35 የሱሳ Ꮉጋ ይኖ ኦሆደራ፥ አይሁደ ዎሳ ኬꬃ Ꮉላቃ ካራፓ ኪትንትደ አሱንꬅ ይእ፥ «ነ ናታ Ꮉይቂዳ፥ አስታማርዛ አኮስ ላቢዘ?» ያጋይዳ።

36 የዝን የሱሳ ኡን ጋዛኖ ስእ፥ አይሁደ ዎሳ ኬꬃ Ꮉላቅዘጎ፥ «አማኖ ጻላላ አማኖፕ አትን ዣሽትፐ» ያጋይዳ። 37 የሱሳ ጴጥሮሳፓ፥ ያይቆባፓን ያይቆባ እሸ ዋሐንሳፓ መለ ኦደን ፋና ካላመ ጋር ካይዳ። 38 ኡንቲ አይሁደ ዎሳ ኬꬃ Ꮉላቅዘ ካራ የልደ ዎደ የሱሳ አሱንꬅ ዎዝና ꬋቢ ዬክዙንꬃናን ዘለሉንꬃና ብእዳ። 39 ገሊ አሱንꬃጎ፥ «አኮስ ሙዢ ዬከተ? ናታ ገንትዳፕ አትን Ꮉይቂካያ» ያጋይዳ።

40 አሱንꬅ ኤላ አፋ ሚጭዳ። የዝን አሱንꬃና ኡባ ባለ ኬሲ፥ ናቲ አዳያን፥ እንቶን Ꮉይꬕ ታማሩንꬃና ፋራ ኤኪ ናታ የዘ በስተ ገልዳ። 41 የሱሳ ናቲ ኩሽቶ አይኪ፥ «ጻልታ፥ ቁሚ» (ኤራꬅ ናእተ፥ ነና ጋነ ደንዶ) ያጋይዳ።

42 ናታ ኢራ ደንዲ ኤቂ የꬍዳ። እዛ ታጶ ላምእ በረ ናአ። ይነ አሱንꬅ ጋማ ቆፕዳ። 43 የሱሳ ይኖ ኡን ኦደስን ኦሃመ ጋር ኡንታና ምንꬂ ኪትዳ። ኡንቲ ኢስ ሙእዘ ባዝ እማደ ጋር ኦህዳ።