1 ፋስጋ ባአለ ቦንችዘ ቃማን ቦራ ባአለ ቦንችዘ ቃማ የሎደስ ላምእ ቃማ አትዳ። ካህኑንꬅ Ꮉላቁንꬅን ህገ አስታማሩንꬅ አስ ኤርካይዝን የሱሳ ገኒ አይኪ ዎꬎደስ ኦገ ኮያነ። ከዘ 12:1 2 «አሱንꬅ ካች ከሳመ ፋና ፋስጋ ቦንችዘ ቃምተ ይኖ ኦቾስ» ያጋይዳ።

3 የሱሳ ብታንያ ካታምተ ቁርሱማራ Ꮉርግንትደ ስሞና ኬꬃ ሙንታላ አፋ በቴዝን፥ ፈቲ ማችታ አልባስጥሮሰ ብልቃጠ ኩሙꬅ ናርዶሳ ጋዘ ጋማ አልኦ ሽቶ ኤኪ ይእዳ። የ ብልቃጽዛ መንꬂ ሽቶ የሱሳ ኦምተ ጉስዳ። ሉቃ. 7:37 4 ይና በስተ የዘ አሱንꬃፓ ፈተ ፈተ ዥልꬊ፥ «Ꮉይ ሽትዛ ጨር Ꮉሪ ላልዛና አኮሶ? 5 Ꮉይ ሽትዛ Ꮉይꬕ ጼት ድናረስ *ድናረ:- ፈቲ አስስ ፈቲ ቃማ ኦቻስ ጭግንትዘ ሚሸ። ባይዝ፥ ብርቶ ዳሁንꬅስ እማደስ ዳንዳእንታነ» ያጋእ ፋ ግዳ ኦህንትዳ። የይዝ፥ ይና ማችቶ ጋማ ለቂዳ።

6 የዝን የሱሳ «Ꮉና ማችቶ አኮን ጋእፐተ፤ እዞ አኮስ ዋይተ? እዛ ታስ ሎኦ ባዝ ኦችዳ። 7 ዳሁንꬅ ኡባ ዎደ ይንታራ የነ። ይን ኮየዘ ዎደ አይደን ይን ኡንታና ማዶደስ ዳንዳአነ፥ የዝን ታኒ ኡባ ዎደ ይንታራ የዞስ። ማሄ 15:11 8 እዛ ፋ ዳንዳእዳኖ ኦችዳ፤ ማህ ታና ሞገስ ጊግሳደስ ቲንꬊ ሽቶ ትዥዳ። 9 ታኒ ይንትስ ቱሮ ኦህነ፤ ሳአ ኡባነ ዎንገለ ኦህንትዘ አባን፥ አሱንꬅ እዞ ቲሮደ ፋና Ꮉና እዛ ኦችዳና ኦህንቶዳ» ያጋይዳ።

10 ታጶ ላምእ ታማሩንꬃፓ ፈተ አስቆሮቱ ይሁዳ ጋእንትዘ የሱሳ ካህኑንꬅ Ꮉላቁንꬅስ አꬂ እማደስ ኡንታጎ Ꮉንግዳ። 11 ኡንቲ ይኖ ስኤዘ ዎደ ኡፋይት፥ «ኑኒ ኔስ ብራ እንጎዳ» ያጋይዳ፤ ይሁዳ የሱሳ አꬂ እማደስ ዎትዘ ዎደ ኮያነ።

12 ቦራ ባአለ ቦንችንትዘ ቲኖ ቃማ፥ ፋስጋ ካꬃ ማአደስ ማራ ሹክዘ ዎደ የሱሳ ታማሩንꬅ ኤጎ፥ «ፋስጋ ቦንችዘ ቃማ ነ ማአደ ካꬃ ኑ አባ Ꮉንግ ጊግሳደ?» ጋእ ኦጭዳ።

13 የሱሳ ፋ ታማሩንꬃፓ ላምኡንꬃና Ꮉኒ ጋራ ያጋእ ኪትዳ፦ «ካታማ ቅቶተ፤ ይን Ꮉማደራ፥ ጹጋራ Ꮉꬅ ቶኪ ፈቲ አꬄ ይንታራ የልንቶዳ፤ ኤዛ ካሎተ። 14 ኤ Ꮉንግ ገልዘ ካርቲ አደጎ፥ ‹አስታማርዘ ኔጎ፥ «ታኒ ታ ታማሩንꬃራ ፋስጋ ማአደስ ዛቆ ኬꬅታ አባ የነ?» ጋይዳ› ያጋኦተ። 15 ካርቲ አዳይ ይንታና ፎቀላ የዘ ጊጊ በትደ ዳልጋ ክፍለ ቤሳዳ፤ የይጋ ጊግዞተ» ያጋይዳ።

16 የ ታማሩንꬅ ኬዚ፥ ካታማ Ꮉንግዳ፤ የሱሳ ኡንታጎ ኦህዳን ጋራ ደንግ፥ ፋስጋ ካꬃ ጊግዝዳ።

17 ሳታ ኡጉርዘ ዎደ የሱሳ ታጶ ላምእ ታማሩንꬃራ የይጋ Ꮉንግዳ። 18 ኡንቲ በቲ ካꬃ ማአደራ፥ የሱሳ ኡንታጎ፥ «ታኒ ይንትስ ቱሮ ኦህነ፤ ይንታፓ ፈተ ታራ ሙእዘ፥ ታና አꬂ እንጎዳ» ያጋይዳ። ማዝ. 41:9

19 ኤ ታማሩንꬅ አዛኒ፥ ፋ ኦምተ ኦምተ፥ «ቱሮ ታና የሳነ?» ያጋእ ኤዛ ኦጭዳ።

20 የሱሳ ማህ፥ «የ አꬄ ይን ታጶ ላምኡንꬃፓ ፈታ፤ ኤ ታራ ፈትላ ፋ ኩሽቶ ጋባተ ዳክዛያ። 21 አስ ናአይ፥ ጌሽ ማጻፍተ Ꮉይቆዳ ጋእዳን ጋራ Ꮉይቆዳ፥ የዝን አስ ናአያ፥ አꬂ እንግዘ አꬃ ባደ። የ አꬄ የልንትካይዛር አተዛኮ ኤስ ሎኦ የሻ» ያጋይዳ።

22 ኡንቲ ማአደራ፥ የሱሳ ቦራ ኤኪ፥ ጾዝ ጋላትዳ፤ የ ቦርዛ ባጽ፥ ፋ ታማሩንꬅስ እንግተራ፥ «Ꮉተ፥ Ꮉና ታ አሽቶ» ያጋይዳ።

23 ጹአ ኤኪ፥ ጾዝ ጋላቲ፥ ኡንትስ እንግን ኡቡንꬅን የ ጹእዘፓ ኡዥዳ። 24 የሱሳ፥ «Ꮉና ጋማ አሱንꬅ ግሾ ጎግዘ ጫቆ ሱꬅ። 25 ታኒ ይንትስ ቱሮ ኦህነ፤ ታ ጾዘ ካእቱምተ ክለ ዎይነ ኡሻደ ቃምታ የሎደስ ማህ Ꮉይ ዎይንዘፓ ኡዦስ» ያጋይዳ።

26 ማዝሙረ የጽዳንፓ ሱባ ሻማሄ ደርዘላ አፋ ከዝዳ።

27 የሱሳ ኡንታጎ፥ «ይን ኡባ ታና አሺ አሺ ላልንቶዳ፤» ጻፍንትዳን ፋና፥

29 ጴጥሮሳ ማህ፥ «ኡንቲ ኡቡንꬅ ነና አሺ አሺ ꬋብኮን፥ ታ ነና አሾስ» ያጋይዳ።

30 የሱሳ ጴጥሮሳጎ፥ «ታኒ ኔስ ቱሮ ኦህነ፤ Ꮉይኖ ቃማ ሉኩለ ላምእ ቶሄ ኦሎዳንፓ ቲኖ ነ ታና Ꮉይꬕ ቶሄ ካዶዳ» ያጋይዳ።

31 የዝን ጴጥሮሳ ካሰንፓ ምንꬂ፥ «ታኒ መለ አቶ የዝን፥ ኔራ ዎላ Ꮉይቅዛኮን፥ ነና ካዶስ» ያጋይዳ። ማህ መሉንꬅ ኡቡንꬅ ይኒ ፋና ጋይዳ።

32 ጌተሰማነ ጋዘ በሳ Ꮉንግዳ፤ የሱሳ ፋ ታማሩንꬃጎ፥ «ታኒ ጾዝ ዎሲ ማቃደ ዎንꬅስ ይን Ꮉነ በቶተ» ያጋይዳ።

33 የሱሳ ጴጥሮሳ፥ ያይቆባራን ዋሐንሳ ፋራ ኤኪ ቅትዳ፤ ጋማ ዋይንት ኡንእንትዳ። 34 ማህ ኡንታጎ፥ «ታኒ Ꮉይቆስ ዎንꬅስ አዛንዳ፥ Ꮉነ ጋምኦተ፤ ገንትፐተ» ያጋይዳ።

35 ኤራꬅ ቲኖ ሺቂ፥ ሳአላ ቡንቁንቲ፥ ዳንዳእንትዘ ባዝ ማቅኮ፥ Ꮉና ዋየ ሳታ ፋፓ አꬎደ ጋር፥ ጾዝ ዎስዳ። 36 ማህ፥ «አባ፥ ታ አዳዮ፥ ኡባ ባዝታ ኔስ ዳንዳእንታነ፥ Ꮉና ዋየ ጹኡቶ ታፓ Ꮉሶ። የዝን ነ ቆፍታ Ꮉኖፕ አትን ታ ቆፍታ Ꮉንፐ» ያጋይዳ።

37 የሱሳ ማቂ ይእ፥ ኡን ገንተዝን ደንግ፥ ጴጥሮሳጎ፥ «ስሞና፥ ገንትዳ? ኔኒ ፈቲ ሳተን ባርክ ናጎደስ ዳንዳኦሳ? 38 ማꬋ ይን ገላመ ጋር ባርክ ናጊ ጾዝ ዎሶተ። አያና ጊግዳ፥ የዝን ይን አሽታ ላቢꬅ» ያጋይዳ።

39 ማህካ Ꮉንግ ቲኖስትፋና ጾዝ ዎስዳ። 40 ፋ ታማሩንꬃጎ ሱብ ማቂ ይእዘ ዎደ ገንተዝን ደንግዳ። ኡን ኣፍቶ ገንቶ ጎዚ አይክደ ግሾ ኤ አኮ ኦህዛኮን ኤሮስ።

41 Ꮉይꬕንꬃ ኡንታጎ ይእ፥ «Ꮉኖ የሎደስ ገንቲ ሸምፖላ? ይኬ፥ ማቃዳ፤ ሳታ የልዳ፤ ቦኦተ! አስ ናአይ፥ ናጋራንቾ አሱንꬅስ አꬊ እንግንቶደ ዎድታ የልዳ። 42 ደንዲ የꬎተ፤ ቦኦተ፥ ታና አꬂ እንጎዳይ የልዳ» ያጋይዳ።

43 የሱሳ ይኖ Ꮉጋ ኦሆደራ፥ ታጶ ላምእ ኤ ታማሩንꬃፓ ፈተ፥ ይሁዳ፥ ኤልሲ የሊ አሽዳ። ማህ ካህኑንꬅ Ꮉላቁንꬅ፥ ህገ አስታማሩንꬅን ጭሙንꬅ ኪትን፥ ማሻን ጉፈን አይኪ ጋማ አሱንꬅ ኤራ ዎላ ይእዳ። 44 የሱሳ አꬂ እንግዳይ የንꬅ ጋማ አሱንꬅስ፥ «ታኒ ዬርዛይ ኤዛ፤ ኤዛ አይኪ፥ ምንꬂ ናጊ፥ ኤኪ ካንጎተ» ያጋእ ማላ ኦህ ጋድዳ።

45 ይሁዳ የሊ ዎꬍደ ጋር የሱሳጎ ሺቂ፥ «አስታማርዛዮ» ያጋእ የሱሳ ዬሪ ኤክዳ። 46 የንꬅ ጋማ አሱንꬅ የሱሳ አይክዳ። 47 የዝን ካለ ኤቅዱንꬃፓ ፈተ ፋ ማሽዛ ሾዲ ካህኑንꬅ Ꮉላቅዘ አርዛ ጉዲ፥ ኤ Ꮉይዛ ጋቺ ኦልዳ።

48 የሱሳ ማህ፥ የንꬅ አሱንꬃጎ፥ «ታና ፋኖ ማህ፥ ፋኖ አይክዘፋና አይኮደስ ማሻን ጉፈን አይኪ ይእዳተ? 49 ታኒ ጾዘ ኬꬃ ታማርስተራ፥ ኡባ ዎደ ይንታራ የዘ ዎደ ታና አይክካይዛራ፥ የዝን ጌሽ ማጻፍተ ጋእዳና ፎልንቶደስ ቤዛነ» ያጋይዳ። ሉቃ. 19:47፤ 21:37

50 ኤ ታማሩንꬅ ኡቡንꬅ ኤዛ አሺ አሺ ላልንትዳ።

51 ላጻና ጻላላ ማእደ ፈቲ ናአትꬅ አꬃ የሱሳ ካልዛያ አሱንꬅ አይክዳ። 52 የዝን የ አꬄ ላጽንዛ አሺ አሺ፥ ጽራ ካሎ ዎጺ ቅትዳ።

53 አሱንꬅ የሱሳ ካህኑንꬅ Ꮉላቅዘ ኬꬃ ካንግዳ። እዘ ካህኑንꬅ Ꮉላቁንꬅ፥ ጭሙንꬅን ህገ አስታማሩንꬅ ሺቂ የነ። 54 ጴጥሮሳ ካህኑንꬅ Ꮉላቅዘ ዎፋ የሎደስ Ꮉኮራ ኤዛ ካሊ Ꮉንግ እዘ ኪትንትዙንꬃራ በቲ ታማ ካዣነ።

55 ካህኑንꬅ Ꮉላቁንꬅን ፍርዳ ሻንጉንꬅ ኡባ የሱሳ ዎꬎደስ ኤላ አፋ ማርካ ኮይዳ፥ የዝን አኮን ደንግካያ። 56 ጋማ አሱንꬅ ኤላ አፋ ዎርዶ ማርክꬍዳ፥ የዝን ኡን ማርካትꬅታ ፈቶ ባያ።

57-58 ፈቲ ፈቲ አሱንꬅ ደንዲ ኤቂ የሱሳላ፥ «ኤ፥ ‹ታኒ አስ ኬጽደ Ꮉና ጾዘ ኬꬅቶ ላሊ፥ አስ ኩሸራ ኬጽንትካይዘ መለ ጾዘ ኬꬂ Ꮉይꬕ ቃማ ግዳ ኬጾዳ› ጋኦደራ ኑኒ ስእዳ» ያጋእ ዎርዶ ማርክꬍዳ።ዋሐ. 2:19 59 ማቆ የዝን፥ ኡን ማርካትꬅታ ይናን ፈቶ ባያ።

60 ካህኑንꬅ Ꮉላቅዘ አስ ኡቡንꬅ ቲንተ ደንዲ ኤቂ፥ «Ꮉንስ ነና ሞትዘ ሞትስ ነ ማህዘባዝ ባ?» ያጋእ የሱሳ ኦጭዳ። 61 የዝን የሱሳ ስእ ጋይዳ፤ አኮን ማህካያ። ካህኑንꬅ Ꮉላቅዘ፥ «አንጅንትደ ጾዘ ናአይ፥ ክርስቶሳ ነናነ?» ያጋእ ማህ ኦጭዳ።

62 የሱሳ ማህ፥ «ዬ ታና፥ ይን አስ ናአይ፥ ዎልቃማ ጾዘፓ ምዛቅ ዛላራ በቴዝን ማህ ሳሎ ꬎነራ የኦደራ በአዳ» ያጋይዳ። ዳነ. 7:13

63 ካህኑንꬅ Ꮉላቅዘ ፋ ማእቶ ፌꬊ፥ «ኑስ መለ ማርካ አኮ ኮሸ? 64 ይን ኤ ጫሽቶ ስእዳ፤ ይን ቆፍታ አኮ?» ያጋይዳ። ኡን ኡቡንꬅ፥ «ኤ Ꮉይቆደስ ቤዛነ» ያጋእ ኤላ አፋ ፍርድዳ። ሌዌ 24:15

65 ኡንታፓ ፈተ ፈተ ኤላ አፋ ጩተ አይክዳ። ኤ ኣፍቶ ጎዚ ባቂተራ፥ «ነና ቆጽደ ኦደ? አነ ኑስ ኦሆ!» ያጋይዳ። ናግዙንꬅ ኤዛ ጉድተራ ካንግዳ።

66 ጴጥሮሳ ካህኑንꬅ Ꮉላቅዘ ዎፋ ዬካ ዛላራ የዝን፥ ካህኑንꬅ Ꮉላቅዘ ማች አሩንꬃፓ ፈታ እዘ ይእዳ። 67 ጴጥሮሳ ታማ ካዣኖ ብእ፥ ዳኪ ሎይꬂ ብእ፥ «ኔንን ናዝረተ የሱሳራ የነ» ያጋይዳ።

68 የዝን ጴጥሮሳ፥ «ነ ጋዛና አኮ የዛኮን ታ ኤሮስን፥ ታስ ቲርንቶስ» ያጋእ ካድዳ። ያጋእ ማቂ ዎፋ ከዝዳ [ኢራ ሉኩለ ኦልዳ]†ፈቲ ፈቲ ማጻፍተ ኢራ ሉኩለ ኦልዳ ጋዛና ባያ ።

69 ይና አርታ ጴጥሮሳ ብእ፥ ኤ ካለ ኤቅደ አሱንꬃጎ፥ «Ꮉይ አꬄን ኡንታራ የነ» ጋእ ማህ ኦህዳ። 70 የዝን ጴጥሮሳ ማህን ካድዳ። ኤራꬅ ጋምኦደራ፥ ካለ ኤቅደ አሱንꬅ ማህ ጴጥሮሳጎ፥ «ኔኒ ጋልላ ሳአ አስ ማቅደ ግሾ ቱሮ ኡንታራ የነ» ያጋይዳ።

71 የዝን ጴጥሮሳ፥ «ታኒ ይን ጋዘ አꬃ ኤሮስ!» ያጋእ ፋና ባድተራ ጫቆ አይክዳ።

72 ኢራ ሉኩለ ላምእንꬃ ኦሊ አሽዳ። ጴጥሮሳ የሱሳ ኤጎ፥ «ኔኒ ሉኩለ ላምእ ቶሄ ኦሎዳንፓ ቲኖ Ꮉይꬕ ቶሄ ታና ካዶዳ» ኤጎ ጋይዳኖ ቲሪ ዬክዳ።