49
Meatin toumien onen Iahova viteni vit,
“Mulamu, navong arvasitei nau mau,
Iahova rie lat nau tuai keke mahi meatin toumien onen.
Anatin, rie lat nau malah ris me-Isrel keil
koa amul soutin rani.
Iahova vati lat inau,
ka keihoen onak ka veni.”
 
Iahova viteni minau vit,
“Keik kovi meatin toumien onak
ka kumon tounah keil koa hemariso mok.
Anatin, kilah ris me-Isrel keil koa aka rasil ka amoul veah,
keil imai ris ito en atan kati one.
Ka koa hetetamen imok, nisakinuk kimai kihi laet tai Aes 42:6; Luk 2:32; Umen 13:47; 26:23
koa hetitin revi heha en kantri vasi keil,
keke meatin vasi keil ilea suk keke sise ten mututien onen Ahi mai rokol meatin vasi keil ten out netan.”

49:6: Aes 42:6; Luk 2:32; Umen 13:47; 26:23