Ramatua Yesus Tutui Malole na
tuka
Lukas susura na
1
Ubeaꞌ taon de Lukas duiꞌ tutuiꞌ ia
1-3 Papa Teofilus* Nai dedea Yunani nadeꞌ Teofilus sosoa na nae, ‘lahenda fo sue neuꞌ Manetualain’. Ia nana Lukas susura masososa na fo ana duiꞌ ana fee Teofilus. susuek.
Soda-moleꞌ.
Lahenda dodouꞌ usaha duiꞌ tutuiꞌ laꞌeneuꞌ hihii-nanauꞌ fo dadi nai ita talada. Ara duiꞌ tutuiꞌ fo ami bubuluꞌ neme Ramatua Yesus lahenda nara mai, ma neme lahenda fekeꞌ fo rita mataꞌ a. Tutuiꞌ ria tui-bekan nai ami talada neme masososan losaꞌ besaꞌ ia. Basa tutuiꞌ sira natetu no Manetualain hehelu Na neme uluꞌ mai.
Au parisaꞌ besa-besa hihii-nanauꞌ ria neme dadadi masososa oe na mai so. Huu ria na, au aetuꞌ an duiꞌ atalololes tuka momori-dadadin. No ria na, papa bisa bubuluꞌ matetuꞌ mandadiꞌ ria. Ma papa bisa mamahere mae, hata fo lahenda tui fee a, nana tutui napuputaꞌ ta ria fa. Tebe-tebe hapu basa sira!
Manetualain eilaꞌo-limalopen neme nusatetu-ikutemaꞌ a mai nafada memaꞌ Yohanis Mana Saraniꞌ a boboki na
Tutuiꞌ ia masososa na leo iaꞌ: Tepoꞌ fo mane Herodes pareta nai Propinsi Yudea, touꞌ esa nade Sakaria. Ria nana malaka agama Yahudi esa rian. Ma ria boe lima-eiꞌ neme lahenda nabuaꞌ malaka agama baꞌi Abia mai. Sakaria sao na nade Elisabet. Elisabet papa na malaka agama. Ria nana tititi-nonosiꞌ neme baꞌi Musa aꞌan Harun mai. 1 Israel no Yahuda Tutui na 24:10; Kalua reme Masir 7:7 Sira dua masoda nara tuka matetuꞌ Manetualain pareta na ma atoran nara katemaꞌ. Lahenda ra hadaꞌ asa. Dua si ramalasi so, tehuu anaꞌ taꞌa, huu fo Elisabet nana teditei-tamadaleꞌ.
Laiꞌ esa de, Sakaria no Abia lahenda nabua nara fai nonoi lakan nai Uma Mamaso Ina a, nai kota Yerusalem. Tuka sira biasa na, malaka agama ra hela lot, ela bubuluꞌ fai ria bea riꞌ nonoi lakan fo masoꞌ leo Uma Mamaso Ina a Kama Malalao-malalafu na neu. Nai na lahenda ria muste hotu ai maboo-meniꞌ nai Manetualain mata Na. Fai ria Sakaria hela na lot a. 10 Boe ma ana leo daleꞌ neu. Fai fo ana hotu ai maboo-meniꞌ nai Kama ria daleꞌ, lahenda dodouꞌ ara hule-haradoi rai uma a matan. 11 Kekeneu te, Manetualain eilaꞌo-limalopen esa neme nusatetu-ikutemaꞌ a mai, napadei nai mamana hohotu ai maboo-meniꞌ ria boboa ona na.
12 Sakaria nita leoꞌ na, boe ma ana bii nan seli losaꞌ ta bubuluꞌ nae tao ubeaꞌ fa. 13 Tehuu eilaꞌo-limalope ria dedea nae, “Sakaria! Bosoꞌ biiꞌ! Huu fo Manetualain namanene o huhule-haradoi ma so. De, neuꞌ ko sao ma boki fee o ana touꞌ esa. O muste foin nade Yohanis. 14 Neuꞌ ko lahenda dodouꞌ ramahoꞌo sama-sama ro emi, huu no emi hapu anaꞌ so. Anaꞌ ia neuꞌ ko tao na o dale ma namahoꞌo-natadale. 15 Manetualain Dula-dale Malalao-malalafu Na kuasa na sama-sama no ni, mulai neme mama na nairu ni a. Ana muste naluli ara-ralu. Tepoꞌ fo nambau ina mai, Manetualain pake ni dadi neuꞌ lahenda bauinaꞌ. Susura Dudui Nadeꞌ a 6:3 16 Neuꞌ ko lea-nore noo lahenda Israel dodouꞌ ratafali mai tuka sira Ramatua na, fo riꞌ Manetualain. 17 Ria leleo-lalaꞌon ma kuasa na sama leoꞌ Manetualain mana nesi matan, baꞌi Elia. Ana mai naꞌuluꞌ ita Ramatua na. Ana tao na ina-ama a dale nara ratafali sue-lai ana nara. Ma lahenda fo rasadea Manetualain boe, ana tao na si ratafali fo tuka Manetualain hihii-nanaun. No ria na ana tao na lahenda ra sadia dale nara de sipoꞌ Ramatuaꞌ a mamai Na.” Maleaki 4:5-6
18 Tehuu Sakaria natane natafaliꞌ eilaꞌo-limalope ria nae, “Hapu nai bea bisa leo naꞌ?! Au oo sao ka mamalasi so! Neme bea mai au bubuluꞌ ae basa ia ra dadi?”
19 Basa boe ma eilaꞌo-limalope ria nataa nae, “Leo iaꞌ! Au ia Gabriel, Manetualain lahenda nadedenun. Ria riꞌ nadenu au mai, fo afada o Tutui Malole ia. Daniel 8:16; 9:21 20 Tehuu o ta nau mamahere au dedea-nafada ki fa. De o hule a, tanda na leo iaꞌ! Mulai neme besaꞌ ia mai o dadi muꞌ pakanaꞌ, ta dedea fa losaꞌ emi hapu anaꞌ ria. Neuꞌ ko o mita mataꞌ. Huu no hata fo au afada ia a, naraa laꞌe ledo-fai na te ana dadi.”
21 Lahenda kadodouꞌ fo hule-haradoi rai uma a mata na a, roi ramakokoaꞌ a, huu fo Sakaria ta kalua deaꞌ mai fa. 22 Faiꞌ fo ana kalua deaꞌ mai, te ta bisa dedea soꞌ. Ana noi tuduꞌ a, de ara bubuluꞌ rae, Manetualain natudu fee ni hihii-nanauꞌ mana dadi bebeuꞌ nai Kama Malalao-malalafuꞌ ria daleꞌ.
23 Basa nonoi lakaꞌ a, boe ma Sakaria fali leo uma na neu. 24-25 Ta doo bea boeꞌ te Elisabet nairu. De, nahaniꞌ uma na daleꞌ losaꞌ bulaꞌ lima. Ana dedea nae, “Io-oa Manetualain! Mateꞌe na Manetualain natudu dale malole Na neuꞌ au. Maneniko au hapu tititi-nonosiꞌ, sona lahenda ta ramamaeꞌ au soꞌ.”
Manetualain eilaꞌo-limalopen neme nusatetu-ikutemaꞌ a mai naneta no Maria
26 Tepoꞌ fo Elisabet nairu, tei na laꞌo bulaꞌ nee, boe ma Manetualain fee eilaꞌo-limalopen esa neme nusatetu-ikutemaꞌ a mai, leo koroꞌ esa neu, nade Nasaret, nai propinsi Galilea. Eilaꞌo-limalope ria nade Gabriel. 27 Nai Nasaret hapu ana feto anaꞌ esa nade Maria. Maria no touꞌ esa nade Yusuf dua si rahihii aoꞌ. Yusuf nana mane Daud a tititi-nonosin. Gabriel neu naneta no ana feto ana Maria. Mateos 1:18 28 Ana natudu ao na neuꞌ ana fetoꞌ ria, boe ma nae, “Ana feto anaꞌ on, soda-moleꞌ neuꞌ o! Manetualain here na o, fo sakaꞌ tao fee o hihii-nanauꞌ malole esa. Maria, Manetualain sama-sama no o.”
29 Maria namanene na eilaꞌo-limalope ria dedea na, boe ma noi namakokoaꞌ. Ana ta bubuluꞌ sosoa na ubeaꞌ fa. 30 Boe ma eilaꞌo-limalope ria sipoꞌ nae,
“Maria! O bosoꞌ biiꞌ.
Huu fo ia nana sosoa na nae Manetualain natudu dale malole Na neuꞌ o.
31 Ta dooꞌ a soꞌ te o mairu,
de neuꞌ ko boki ma ana touꞌ esa.
O muste foin nade, Yesus. Nai dedea Ibrani daleꞌ, Yeshua sosoa na nae, ‘Manetualain fee lahenda sodaꞌ’. ‘Yeshua’ ria, nai dedea Yunani daleꞌ riꞌ Yesus. Mete ni nai, Mateos 1:21.
32 Neuꞌ ko Ana dadi neuꞌ Lahenda bauinaꞌ.
Neuꞌ ko Manetualain hule Ni sona nae, ‘Ria nana Au Ana boki Ka.’
Ria nana Manetualain Madema Ana Na.
Neuꞌ ko Manetualain soꞌu nan fo pareta,
sama leoꞌ baꞌin mane Daud a.
33 Neuꞌ ko Ana pareta naroo lahenda Israel ara. Dedea Yunani a mana duiꞌ nae, ‘Ana pareta Yakob uma na’. Sosoa na nae, ‘Ana pareta lahenda Israel ara’.
Huu fo Ria pareta Na ta etu-basan fa.” 2 Samuel 7:12, 13, 16; Yesaya 9:7
34 Tehuu Maria natane Gabriel nae, “Au bei ta parna suku abua oo touꞌ esa boeꞌ! Tao leoꞌ bea de au bisa airu?”
35 Boe ma Gabriel nataa nae, “Leo iaꞌ! Manetualain Dula-dale Malalao-malalafu Na onda neuꞌ o. Ma Manetualain Madema a kuasa Na nasuru-nahapa o. No ria na, Anaꞌ fo neuꞌ ko o boki ma ni a, tebe-tebe malalao-malalafuꞌ. Huu fo Ria nana Manetualain Anan.
36 Bosoꞌ heran! Huu fo o toranoom esa nade Elisabet, nairu so boe. Lahenda rae ana ta boki fa, nana huu namalasi so. Tehuu besaꞌ ia ana nairu laꞌo bulaꞌ nee ian so. 37 Huu fo soaneuꞌ Manetualain, basan bisa dadi!” Tutui Masososaꞌ 18:14
38 Boe ma Maria sipoꞌ nae, “Malole a. Au ia nana Manetualain atan. De ela basan dadi tuka o dedeam ria. Au sadia tuka Manetualain hihii-nanaun.”
Boe ma eilaꞌo-limalope ria laꞌo ela ni.
Maria neu dama Elisabet
39-40 Basa faiꞌ hida, boe ma Maria neme Nasaret mai nalale de leo Sakaria koro na neu, nai propinsi Yudea nusa lete malelepi nara. Losa na boe ma ana kodi leo Sakaria uman daleꞌ neu, ma nafada Elisabet nae, soda moleꞌ.
41 Elisabet bei namanene Maria hara oe soda-molen ria, boe ma anaꞌ fo nai Elisabet tein daleꞌ a nababale. Ma Manetualain Dula-dale Malalao-malalafu Na onda neuꞌ Elisabet daleꞌ. 42 Boe ma ana dedea nambera nae, “Maria! Neuꞌ ko lahenda ra soꞌu ramadedema o nade ma lena heni basa inaꞌ nai dae-bafoꞌ ia! Neuꞌ ko lahenda ra boe soꞌu ramadedema Anaꞌ fo nai o teim daleꞌ a! 43 Au boe nanasoꞌu-nanafuaꞌ, huu fo au Ramatua ka mama Na mai dama au. 44 O bei kodi losa uma daleꞌ de fee hara oe soda-moleꞌ neuꞌ au, tutiꞌ a anaꞌ fo nai au tei ki daleꞌ a, boe nababale nana huu namahoꞌo-natadale. 45 Manetualain natudu dale malole Na neuꞌ o so, huu fo o mamahere mae, Ana nau tao tuka Ria hehelu Na.”
Maria io-oa neuꞌ Manetualain
46 Maria dedea nae,
“Neme au dale ka mai,
au io-oa Manetualain!
47 Au dale ka namahoꞌo-natadale,
huu fo Manetualain au manasoi-manatefa ka!
48 Ana relu-natanae neuꞌ au,
Ria ata sosoa-raraa tan ia.
Mulai neme besaꞌ ia mai, neuꞌ ko basa lahenda ra tao au neuꞌ,
ina maua-manaleꞌ, 1 Samuel 1:11
49 huu fo Manetualain tao hihii-nanau bebeuꞌ soaneuꞌ au.
Ria nana, Mana kuasa Bauinaꞌ ma Malalao-malalafuꞌ.
50 Manetualain natudu dale kasian Na neuꞌ basa lahenda fo hada-hormata ma doꞌo-tabe neuꞌ Ana,
neme tititi-nonosiꞌ esa mai leo tititi-nonosiꞌ esa neu.
51 Ana pake kuasa Na,
de tao na lahenda mana koaoꞌ ara rasidaꞌ.
52 Ana naonda heni mana pareta ra,
huu no natutua-nadedema ao nara.
Tehuu Ana soꞌu-fua lahenda dale maloe-madae aoꞌ ara. Ayub 5:11; 12:19
53 Ana nahao lahenda mamalaa-maparoeꞌ ara losa rabete,
tehuu Ana usi heni lahenda kamasuꞌi ara
fo fali no lima rouꞌ.
54 Ana tulu-fali Ria lahenda Israel nara,
ma natudu kokosen dale kasian Na neuꞌ asa.
55 Maꞌulu na Ana tao hekene-barataꞌ no ita bei-baꞌi nara,
riꞌ baꞌi Abraham no basa tititi-nonosi nara.
Besaꞌ ia hekene-barataꞌ ria mana hekeꞌ losa doo-doo na neu.” Tutui Masososaꞌ 17:7; 1 Samuel 2:1-10
56 Basa de Maria leo no Elisabet losa bulaꞌ telu. Boe ma ana fali leo uma na neu nai Nasaret.
Elisabet boki Yohanis
57 Ledo-fain losa boe ma, Elisabet boki na ana touꞌ esa. 58 Kileoboboki nara ro koro isiꞌ ara ramanene tutuiꞌ ria rae, Manetualain natudu dale malole Na so, ma fee Elisabet anaꞌ esa. Boe ma basa si ramahoꞌo boe.
59 Anaꞌ ria faiꞌ falu, boe ma ara sunat ana, tuka lahenda Yahudi ra atoran na. Ara nau foi anaꞌ ria nade Sakaria, tuka papa na nade na. Malaka Agama ra Atoran 12:3 60 Tehuu mama na ta nataa fa, ana nae, “Muste foin nade Yohanis!”
61 Tehuu ara sipoꞌ rae, “Ubeaꞌ taon de here nade Yohanis a? Ta hapu lahenda esa nai emi kileoboboki mara pake nadeꞌ ria!” 62 Boe ma ara tudu Sakaria, fo nau fee anaꞌ ria nade bea.
63 Sakaria tudu fo hule lei no garefe. Ara feen, boe ma ana duiꞌ nae, “Yohanis!” Boe ma basa lahenda ra roi ramakokoaꞌ a.
64 Kekeneu te Sakaria bisa dedea seluꞌ. Boe ma ana io-oa neuꞌ Manetualain. 65 Basa lahenda fo leo raneneaꞌ rai na, ara bii-ramataꞌu. Ma mana dadiꞌ ria tui-bekan nai sira talada, losaꞌ bisa lahenda rai propinsi Yudea lete malelepi nara boe, ratui hihii-nanauꞌ ia. 66 Lahenda fo ramanene tutuiꞌ ria, aafi rae, “Makaledoꞌ a so, Manetualain kuasa Na sama-sama no anaꞌ ria. Neuꞌ ko nambau-ina mai, te ana dadi lahenda ubeaꞌ, oo?”
Sakaria io-oa neuꞌ Manetualain
67 Basa boe ma, Manetualain Dula-dale Malalao-malalafu Na onda neuꞌ Sakaria. Huu ria de ana dedea nae,
68 “Io-oa Ramatuaꞌ, lahenda Israel ara Manetualain na!
Nana huu Ana mai so, fo soi-tefa na lahenda nara,
ela ara bosoꞌ sama leoꞌ ata a.
69 Manetualain soꞌu na Lahenda esa kuasa Na marela-masaꞌa,
de neuꞌ ko fee ita sodaꞌ a.
Ria nana neme mane Daud a tititi-nonosin mai.
70 Manetualain helu memaꞌ basa ia ra neme uluꞌ mai so,
pake Ria lahenda mana nesi mata teteka-hehere nara.
71 Besaꞌ ia Ana nau poꞌi-tata na ita,
teme ita musunoo nara mai,
ma teme lahenda fo eteꞌ ao nara ro ita a.
72-73 Ana natudu dale malole Na neuꞌ ita bei-baꞌi nara,
nana huu Ana nafarene nahere hehelu Na neuꞌ asa,
fo Ana tao hekene-barataꞌ no baꞌi Abraham.
74 Ana poꞌi-tata na ita teme musunooꞌ ara mai,
ela ita bisa doꞌo-tabe neuꞌ Ana,
ma ta bii-tamataꞌu soꞌ.
75 Ana poꞌi-tata na ita,
ela ita bisa tasoda malalao-malalafuꞌ ma roo-tetuꞌ laꞌo naroo nai Ria mata Na.
76 Yohanis! O nana au ana ki.
Neuꞌ ko lahenda ralelaꞌ rae, o nana Manetualain Madema a mana nesi mata Na.
Neuꞌ ko muu mafada lahenda ra,
fo ara sipoꞌ Ramatuaꞌ a mamai Na. Maleaki 3:1
77 Neuꞌ ko muu matudu enoꞌ fee Manetualain lahenda nara,
ela ara bubuluꞌ rae, sira hapu sodaꞌ a,
nana huu Manetualain sae-safe heni sala nara.
78-79 Huu fo Manetualain dale balaroe-balanaun ma kasian Na neuꞌ ita,
huu ria na Ana fee ita lelaꞌ,
sama leoꞌ ledo a tii-toda de neni makaledo bebeuꞌ,
Ita fo leo-laꞌo nai maiuꞌ a,
ma biiꞌ mamates a,
nana huu bei ta malole to Manetualain fa,
neuꞌ ko hapu makaledoꞌ a, fo napipipi-nalalaꞌo ita leo eno mole-dame a teu.” Yesaya 9:2
80 Yohanis tamba faiꞌ, tamba nambau-ina. Ma Manetualain Dula-dale Na feen mapii-baraꞌaiꞌ. Ana nambau-ina, boe ma neu leo nai mamana lino-nes, losaꞌ ana mulai noi ria nonoi laka na fee lahenda Israel ara.

*1:1-3 Nai dedea Yunani nadeꞌ Teofilus sosoa na nae, ‘lahenda fo sue neuꞌ Manetualain’. Ia nana Lukas susura masososa na fo ana duiꞌ ana fee Teofilus.

1:5 1 Israel no Yahuda Tutui na 24:10; Kalua reme Masir 7:7

1:15 Susura Dudui Nadeꞌ a 6:3

1:17 Maleaki 4:5-6

1:19 Daniel 8:16; 9:21

1:27 Mateos 1:18

1:31 Nai dedea Ibrani daleꞌ, Yeshua sosoa na nae, ‘Manetualain fee lahenda sodaꞌ’. ‘Yeshua’ ria, nai dedea Yunani daleꞌ riꞌ Yesus. Mete ni nai, Mateos 1:21.

1:33 Dedea Yunani a mana duiꞌ nae, ‘Ana pareta Yakob uma na’. Sosoa na nae, ‘Ana pareta lahenda Israel ara’.

1:33 2 Samuel 7:12, 13, 16; Yesaya 9:7

1:37 Tutui Masososaꞌ 18:14

1:48 1 Samuel 1:11

1:52 Ayub 5:11; 12:19

1:55 Tutui Masososaꞌ 17:7; 1 Samuel 2:1-10

1:59 Malaka Agama ra Atoran 12:3

1:76 Maleaki 3:1

1:78-79 Yesaya 9:2