13
ثَايْرِي
”مَاعْلِيكْ نشّْ سَّاوَاڒغْ
س إِڒْسَاونْ ن إِوْذَانْ ذ لْمَالَاكَاثْ،
مَاشَا وَارْ غَارِي بُو ثَايْرِي،
أَقَا ذوْڒغْ ذ نّْحَاسْ إِتّنْثُوننْ،
نِيغْ ذ أَدْجُونْ إِدّنْذُوننْ.
مَاعْلِيكْ غَارِي ثَاوْهِيبْثْ مَاحنْذْ أَذْ نبّغْ،
فهّْمغْ مَارَّا ڒسْرَارْ
ؤُ غَارِي مَارَّا ثُوسّْنَا ذ مَارَّا لْ-إِيمَانْ
أَڒْ ذ سّْمُوطِّييغْ إِذُورَارْ،
مَاشَا وَارْ ذ أَيِي ثدْجِي ثَايْرِي،
خنِّي نشّْ ذ وَالُو إِ دْجِيغْ. 13:‏2 مت. 7‏:‏22؛ 17‏:‏20؛ 21‏:‏21؛ مك. 11‏:‏23؛ لك. 17‏:‏6؛ رُوم. 12‏:‏7.
معْلِيكْ بْضِيغْ مَارَّا أَڭْڒَا إِنُو
ذ مَاشَّا خْ إِمزْڒَاضْ،
مَاعْلِيكْ وْشِيغْ أَرِّيمثْ إِنُو
حِيمَا أَذْ ت سّْشمْضنْ،
مَاشَا وَارْ ذَايِي ثدْجِي ثَايْرِي،
وَارْ ذ أَيِي ثْنفّعْ ذِي وَالُو.
ثَايْرِي ثدْجَا غَارسْ تَّاسِيعْ ن ڒْخَاضَارْ ذ ڒضْرَافثْ،
ثَايْرِي وَارْ ذَايسْ بُو ثُوسْمِي،
ثَايْرِي وَارْ ثتّْفيّشْ س يِيخفْ نّسْ،
وَارْ ذَايسْ بُو نّْفَاخثْ، 13:‏4 ’نّْفَاخثْ‘ -نِيغْ: ’تَّاكبُّورْ‘.  13:‏4 أَوڒن. 10‏:‏12؛ 1 بُط. 4‏:‏8.
ثَايْرِي وَارْ ثتّڭّْ بُو ڒفْضِيحثْ،
وَارْ ثَارزُّو ثِيزِي نّسْ،
وَارْ ثتّْوَاسَّارْزَاڭْ،
ؤُشَا وَارْ ثتّْخمَّامْ ذِي مِينْ إِدْجَانْ ذ أَعفَّانْ. 13:‏5 1 كُور. 10‏:‏24؛ فِيل. 2‏:‏4.
أَقَا وَارْ ثْفَارّحْ شَا زِي ڒْغشّْ،
مَاشَا ثْفَارّحْ زِي ثِيذتّْ. 13:‏6 2 يُوح. 4.
أَقَا ثْصبّرْ ذِي مَارَّا،
ثتَّامنْ ذِي مَارَّا،
ثسَّاثمْ مَارَّا،
ؤُشَا ثَاربُّو مَارَّا.
ثَايْرِي وَارْ ثْفنِّيعمَّارْصْ،
مَاشَا أَوَاڒنْ ن نُّوبُووَاثْ
أَذْ غَارْسنْ يِيڒِي ؤُنڭَّارْ،
إِڒْسَاونْ أَذْ ڭْنُونْ،
ؤُ ثُوسّْنَا أَذْ ثبْضڒْ.
مِينْزِي أَقَا نسّنْ غَارْ إِجّْ ن ؤُغزْذِيسْ وَاهَا،
ؤُشَا نتّْنَابّْ مْغِيرْ إِجّْ ن وزْينْ،
10 مَاشَا خْمِي د غَا ثَاسْ ڒكْمَارثْ
ڒخْذنِّي مِينْ إِدْجَانْ غَارْ إِجّْ ن وزْينْ أَذْ إِبْضڒْ.
11 ڒَامِي ثُوغَا أَيِي ذ أَحنْجِيرْ،
سِّيوْڒغْ أَمْ ؤُحنْجِيرْ،
فكَّارغْ أَمْ ؤُحنْجِيرْ،
خَارْصغْ أَمْ ؤُحنْجِيرْ،
مَاشَا ڒَامِي ذوْڒغْ ذ أَرْيَازْ،
جِّيغْ أَوَارْنِي أَيِي مِينْ إِدْجَانْ ن ؤُحنْجِيرْ.
12 ڒخُّو نتّْوَاڒَا س إِشْثْ ن ثِيسِيثْ إِبَارْشْننْ
غَارْ إِجّْ ن وَارْوَاسْ،
مَاشَا خنِّي أَذْ نْژَارْ ثِيفْرَاسْ غَارْ ثِيفْرَاسْ.
ڒخُّو سّْنغْ غَارْ إِجّْ ن وزْينْ وَاهَا،
مَاشَا خنِّي أَذْ سّْنغْ
مَامّشْ ثُوغَا تّْوَاسّْنغْ نشّْ. 13:‏12 2 كُور. 3‏:‏18.
13 مَاغَارْ ثْڒَاثَا-يَا أَذْ قِّيمنْ:
لْ-إِيمَانْ، أَسِيثمْ ذ ثَايْرِي،
مَاشَا أَمقّْرَانْ نْسنْ أَقَا-ت ذ ثَايْرِي.“
 
 

13:2 13:‏2 مت. 7‏:‏22؛ 17‏:‏20؛ 21‏:‏21؛ مك. 11‏:‏23؛ لك. 17‏:‏6؛ رُوم. 12‏:‏7.

13:4 13:‏4 ’نّْفَاخثْ‘ -نِيغْ: ’تَّاكبُّورْ‘.

13:4 13:‏4 أَوڒن. 10‏:‏12؛ 1 بُط. 4‏:‏8.

13:5 13:‏5 1 كُور. 10‏:‏24؛ فِيل. 2‏:‏4.

13:6 13:‏6 2 يُوح. 4.

13:12 13:‏12 2 كُور. 3‏:‏18.