1 بُوطْرُوسْ، رَّاسُولْ ن يَاسُوع لْمَاسِيحْ، إِ يِينِّي إِتّْوَافَارْزنْ ذ إِمعْزَابْ، إِنِّي إِتّْوَاژدْجْعنْ ذِي بُونْطُوسْ، ڭَالَاطِييَا، كَابَّاذُوكِييَا، أَسِييَا ذ بِيثِينِييَا، ◼1:‏1 ’رَّاسُولْ‘ - نِيغْ ’أَمَازَانْ‘.  ◘1:‏1 يَاع. 1‏:‏1. 2 إِنِّي إِتّْوَافَارْزنْ عْلَاحْسَابْ ثُوسّْنَا إِ إِدْجَانْ غَارْ أَربِّي، بَابَاثْنغْ، قْبڒْ، س ثُوقدّْسِي ن أَرُّوحْ، إِ طَّاعثْ ؤُ إِ ؤُرُوشِّي س إِذَامّنْ ن يَاسُوع لْمَاسِيحْ: أَرْضَا ذ ڒهْنَا أَذْ ذَايْومْ إِمَّارْنِي. ◘1:‏2 رُوم. 1‏:‏7؛ 1 كُور. 1‏:‏3؛ ڭال. 1‏:‏3؛ أَفا. 1‏:‏2؛ 2 بُط. 1‏:‏2؛ يَاه. 2.

3 لْبَارَاكَا إِ أَربِّي، بَابَاسْ ن سِيذِيثْنغْ يَاسُوع لْمَاسِيحْ، ونِّي ذ أَنغْ د-يجِّينْ زِي جْذِيذْ س أَرّحْمثْ نّسْ ثَامقّْرَانْثْ س ثْنُوكْرَا ن يَاسُوع لْمَاسِيحْ، مَاحنْذْ أَذْ ثِيڒِيمْ ذ أَسِيثمْ إِدَّارنْ، ◘1:‏3 رُوم. 6‏:‏23؛ 1 كُور. 15‏:‏20؛ 2 كُور. 1‏:‏3؛ أَفا. 1‏:‏3؛ يَاع. 1‏:‏18. 4 مَاحنْذْ أَذْ غَارْومْ ثِيڒِي إِشْثْ ن ڒْوَارْثْ وَارْ ثْفنِّي، وَارْ ثتّْوَابقّضْ، وَارْ ثتّسْڒِيوْ، ونِّي إِ ذ أَومْ إِتّْوَاسّْوجْذنْ ذڭْ إِجنْوَانْ، ◘1:‏4 كُول. 1‏:‏5؛ 2 تِيم. 1‏:‏12. 5 أَمْ ثتّْوَاحْضَامْ كنِّيوْ س جّهْذْ ن أَربِّي ؤُ س لْ-إِيمَانْ إِ ثُوذَارْثْ إِ إِوجْذنْ حِيمَا أَذْ ثتّْوَاسّضْهَارْ ذِي ڒْوقْثْ ثَانڭَّارُوثْ. 6 ذَايسْ إِ غَا ثْفَارْحمْ إِ ڒبْذَا، وَاخَّا ثْحزْنمْ ذِي ڒْوقْثْ-أَ ذْرُوسْ زِي سِّيبّثْ ن عْڒَامْ كُوڒْ إِجَارِّيبنْ إِ خَاومْ د-إِتّكّنْ، ◘1:‏6 رُوم. 5‏:‏3؛ عبر. 10‏:‏37؛ 1 بُط. 5‏:‏10؛ يَاع. 1‏:‏2. 7 حِيمَا ثَاقدْجبْثْ ن لْ-إِيمَانْ نْومْ، ثنِّي ثِيغْڒَا خْ وُورغْ إِقُّورنْ ونِّي إِتّْوَاسِّيصْفنْ زِي ثْمسِّي، أَذْ ثِيڒِي إِ ؤُسمْغَارْ ذ شَّانْ ذ ؤُعُودْجِي خْ مِينِّي د-غَا إِضْهَارْ يَاسُوع لْمَاسِيحْ، ◘1:‏7 إِشا. 48‏:‏10؛ 1 كُور. 3‏:‏13؛ يَاع. 1‏:‏3؛ 1 بُط. 4‏:‏12. 8 ونِّي وَارْ ث ثژْرِيمْ، وَاخَّا ثتّخْسمْ ث. س لْ-إِيمَانْ زَّايسْ ثْفَارّْحمْ كنِّيوْ س إِشْثْ ن ڒفْرَاحثْ إِعُودْجنْ وَارْ إِزمَّارْ أَذْ زَّايسْ إِنْطقْ إِڒسْ، ◘1:‏8 يُوح. 20‏:‏29. 9 مَاغَارْ أَذْ ثطّْفمْ ڒْمُونثْ ن لْ-إِيمَانْ نْومْ، أَقَا-ت ذ ثُوذَارْثْ ن بُوحْبڒْ نْومْ. 10 ثُوذَارْثْ-أَ ثُوغَا أَرزُّونْ خَاسْ إِنَابِييّنْ، إِنِّي ثُوغَا إِتّْنَابّنْ خْ أَرْضَا إِ ذ أَومْ د-إِكَّارنْ، ◘1:‏10 أَمز. 49‏:‏10؛ دَان. 2‏:‏44؛ Ḥag. 2‏:‏8؛ زَاك. 6‏:‏12. 11 ؤُمِي ثُوغَا أَرزُّونْ مَانْ ڒْوقْثْ إِ ذ أَسنْ إِسّْشنْ أَرُّوحْ ن لْمَاسِيحْ إِ ذَايْسنْ إِزدّْغنْ، ؤُ مَانْ ڒْوقْثْ إِ خفْ ثُوغَا إِشهّذْ، أَقَا أَذْ د-يَاسْ ؤُودّبْ إِ غَا إِكّنْ خْ لْمَاسِيحْ ؤُڒَا ذ أَعُودْجِي نّسْ أَوَارْنِي مَانْ أَيَا. ◘1:‏11 إِزهد. 22‏:‏7؛ إِشا. 53‏:‏3؛ دَان. 9‏:‏24. 12 أَقَا إِتّْوَاسَّارْڭبْ أَسنْ، أَقَا مَارَّا مِينْ خفْ ثُوغَا أَرزُّونْ، أَقَا وَارْ ث أَرْزُونْ ذِي ثِيزِي نْسنْ، مَاشَا ثُوغَا تّْنَابّنْ ذِي ثِيزِي نّغْ ؤُ زِي سِّيبّثْ نّغْ خْ ثْمسْڒَايِينْ إِ ذ أَومْ إِتّْوَاسْسَّارْڭْبنْ ڒخُّو زڭْ يِينِّي إِ ذ أَومْ إِبشَّارنْ س ڒخْبَارْ أَصبْحَانْ س أَرُّوحْ إِقدّْسنْ نِّي د-إِتّْوَاسْسّكّنْ زڭْ ؤُجنَّا، ثِيمسْڒَايِينْ إِ ذِي تّْمژّْرنْثْ ؤُڒَا ذ لْمَالَاكَاثْ أَذْ ذَايْسنْثْ خْزَارنْثْ. ◘1:‏12 ڒخ. 2‏:‏4؛ أَفا. 3‏:‏10.

13 س ؤُينِّي حزْممْ ڒْخَانْسْرَا ن ڒعْقڒْ نْومْ، إِڒِيمْ ثتّْفَاقمْ نِيشَانْ، ؤُشَا سْمُونمْ مَارَّا أَسِيثمْ نْومْ ذِي ڒفْرَاحثْ إِ ذ أَومْ غَا يَاوْضنْ خْمِي د غَا إِضْهَارْ سِيذِيثْنغْ يَاسُوع لْمَاسِيحْ. ◘1:‏13 لك. 12‏:‏35؛ أَفا. 6‏:‏14. 14 إِڒِيمْ أَمْ ثَارْوَا إِتّطَّاعنْ، وَارْ د-ثْذكّْوِيڒمْ ثْشَارّْشمْ ذِي نّشْوَاثْ نْومْ ثِينِّي ثُوغَا ثضْفَارمْ قْبڒْ س نّشْوثْ، ؤُمِي ثُوغَا كنِّيوْ عَاذْ ذ إِقُوبَّانِييّنْ. 15 مَاشَا ڒخُّو إِڒِيمْ ذ إِمْقدَّاسنْ ذِي مَارَّا مِينْ ثتّڭّمْ، أَمْ مَامّشْ نتَّا ونِّي خَاومْ د-إِڒَاغَانْ، أَقَا-ث ذ أَمْقدَّاسْ، ◘1:‏15 لك. 1‏:‏75. 16 مِينْزِي ثُورَا:

”إِڒِيمْ ذ إِمْقدَّاسنْ، مِينْزِي ؤُڒَا ذ نشّْ ذ أَمْقدَّاسْ!“ ◘1:‏16 لَاوِي 11‏:‏44،45؛ 19‏:‏2؛ 20‏:‏7.

17 ؤُ مَاڒَا ثتّْڒَاغَامْ إِ ثَابَابَاثْ، ونِّي وَارْ إِتّڭّنْ س وُوذْمَاونْ، ذ ونِّي إِحكّْمنْ كُوڒْ إِجّنْ عْلَاحْسَابْ ڒخْذَايمْ نّسْ، خنِّي ؤُيُورمْ س ثِيڭّْوُوذِي ذِي ڒْوقْثْ-أَ ؤُمِي كنِّيوْ عَاذْ ذ إِمعْزَابْ ذِي دُّونشْثْ-أَ. ◘1:‏17 أَعَوذ. 10‏:‏17؛ 2 إِم. 19‏:‏7؛ أَيُوبْ 34‏:‏19؛ ڒخ. 10‏:‏34؛ رُوم. 2‏:‏11؛ ڭال. 2‏:‏6؛ أَفا. 6‏:‏9؛ كُول. 3‏:‏25. 18 مَاغَارْ ثسّْنمْ بلِّي كنِّيوْ وَارْ ثتّْوَافْذِيمْ س نُّوقَارْثْ ذ وُورغْ إِفنَّانْ زِي ڒخْذَايمْ نْومْ إِبضْڒنْ ثِينِّي ثطّْفمْ كنِّيوْ زِي ڒجْذُوذْ نْومْ، ◘1:‏18 1 كُور. 6‏:‏20؛ 7‏:‏23. 19 مَاشَا س إِذَامّنْ إِغْڒَانْ ن إِزْمَارْ وَارْ ذَايسْ بُو ڒْعِيبْ، وَارْ إِبقّْضنْ، أَقَا-ث ذ لْمَاسِيحْ. ◘1:‏19 ڒخ. 20‏:‏28؛ عبر. 9‏:‏12؛ أَسَا. 1‏:‏5. 20 نتَّا ثُوغَا إِتّْوَافَارْزْ إِ مَانْ أَيَا قْبڒْ مَا أَذْ إِتّْوَاڭّْ ذْسَاسْ ن دُّونشْثْ، ؤُشَا إِتّْوَاسّضْهَارْ أَومْ-د ڒخُّو ذِي زّْمَانَاثْ إِنڭُّورَا ن ڒْوقْثْ ذِي طّْوعْ نْومْ، ◘1:‏20 رُوم. 16‏:‏25؛ أَفا. 1‏:‏9؛ 3‏:‏9؛ كُول. 1‏:‏26؛ 2 تِيم. 1‏:‏9؛ ثِيث. 1‏:‏2. 21 إِ كنِّيوْ إِنِّي زَّايسْ إِتَّامْننْ ذِي أَربِّي، ونِّي ث-إِ-د-إِسّْنكَّارنْ زِي ثَادَّارْثْ ن إِمتِّيننْ ؤُشَا إِوْشَا أَسْ أَعُودْجِي، حِيمَا لْ-إِيمَانْ ذ ؤُسِيثمْ نْومْ أَذْ إِڒِينْ خْ أَربِّي. ◘1:‏21 ڒخ. 2‏:‏33؛ فِيل. 2‏:‏9. 22 ذ مَانْ أَيَا حِيمَا أَذْ تّْوَاقدّْسنْ ڒعْمُورْ نْومْ س طَّاعثْ إِ ثِيذتّْ، أَذْ تّْوَاعمَّارنْ س ثَايْرِي بْڒَا ڒْفَارْزْ ن بْنَاذمْ، ؤُشَا أَذْ ثخْسمْ أَيَاوْيَا س وُوڒْ إِزْذِيڭْ إِكْمڒْ، ◘1:‏22 رُوم. 12‏:‏10؛ أَفا. 4‏:‏3؛ عبر. 13‏:‏1؛ 1 بُط. 2‏:‏17. 23 أَمْ إِوْذَانْ إِ د-إِتّْوَاخڒْقنْ ذ جْذِيذْ، وَارْ إِدْجِي زِي زَّارِيعثْ إِفنَّانْ، مَاشَا زِي ثنِّي وَارْ إِفنِّينْ، أَقَا زڭْ وَاوَاڒْ إِدَّارنْ ن أَربِّي إِ إِتّْذُومَانْ إِ ڒبْذَا. ◘1:‏23 يَاع. 1‏:‏18؛ 1 يُوح. 3‏:‏9.

24 ”مِينْزِي مَارَّا دَّاثْ أَمْ أَرْبِيعْ

ؤُشَا مَارَّا أَژْرِي نّسْ

أَمْ ثَاوَارْذشْثْ ذڭْ ييَّارْ س أَرْبِيعْ،

أَرْبِيعْ أَذْ إِسْڒَاوْ، ثَاوَارْذشْثْ أَذْ ثوْضَا، ◘1:‏24 إِشا. 40‏:‏6‏-‏8؛ 1 كُور. 7‏:‏31؛ يَاع. 1‏:‏10؛ 4‏:‏14؛ 1 يُوح. 2‏:‏17.

25 مَاشَا أَوَاڒْ ن أَربِّي نّغْ

إِتّْغِيمَا إِ ڒبْذَا قَاعْ.“

أَوَاڒْ-أَ نتَّا ذ ڒخْبَارْ أَصبْحَانْ ونِّي ذ أَومْ د-إِتّْوَابَارّْحنْ.