١ أَ إِحنْجِيرنْ، طَاعمْ إِ لْوَالِيذِينْ نْومْ ذِي سِيذِيثْنغْ، مِينْزِي مَانْ أَيَا نِيشَانْ إِ يدْجَا. ◘6:‏1 كُول. 3‏:‏20. ٢ ثَا ذ ثَاوْصيّثْ ثَامزْوَارُوثْ س يِيجّْ ن لْوَاعْذْ: ’وقَّارْ بَابَاشْ ذ يمَّاشْ، ◘6:‏2 ؤُف. 20‏:‏12؛ أَعَوذ. 5‏:‏16؛ 27‏:‏16؛ مت. 15‏:‏4؛ مك. 7‏:‏10. ٣ حِيمَا أَذْ ثِيڒِيذْ مْلِيحْ ؤُ أَذْ ثدَّارذْ أَطَّاسْ ذِي ثمُّورْثْ.“

٤ أَ إِبَابَاثنْ، وَارْ سْعَارمْ شَا إِحنْجِيرنْ نْومْ، مَاشَا أَربَّامْ ثنْ س ؤُستّفْ ؤُ ذِي ثْغُورِي ن سِيذِيثْنغْ. ◘6:‏4 أَعَوذ. 6‏:‏7، 20؛ إِزهد. 78‏:‏4؛ أَوڒن. 19‏:‏8؛ 29‏:‏17.

٥ أَ إِمْسخَّارنْ، طَاعمْ أَيْثْبَابْ نْومْ ذِي دُّونشْثْ-أَ س ثِيڭّْوُوذِي ذ ثَارْجِيجِيثْ، ؤُ س ڒصْفَايثْ ن وُوڒْ أَخْمِي إِ لْمَاسِيحْ. ◘6:‏5 كُول. 3‏:‏22؛ 1 تِيم. 6‏:‏1؛ ثِيث. 2‏:‏9؛ 1 بُط. 2‏:‏18. ٦ وَارْ إِدْجِي قِيبَاتْشْ إِ ثِيطَّاوِينْ، أَخْمِي ثتّخْسمْ أَذْ ثَارْضَامْ إِوْذَانْ، مَاشَا أَمْ يِيمْسخَّارنْ ن لْمَاسِيحْ إِنِّي إِتّڭّنْ مِينْ يَارطَّانْ أَربِّي. ٧ خذْممْ أَسنْ س مَارَّا ؤُڒْ نْومْ ذِي ثَايْرِي، أَمْ إِ سِيذِيثْنغْ، وَارْ إِدْجِي إِ إِوْذَانْ. ٨ أَقَا ثسّْنمْ مَاڒَا ذِينْ حذْ، إِسْمغْ نِيغْ ذ أَحُورِّي، ونِّي إِ غَا إِڭِّنْ شَا ذ ثَاصبْحَانْثْ، سِيذِيثْنغْ أَذْ غَارسْ يَارّْ. ٩ عَاوذْ كنِّيوْ، أَ أَيْثْبَابْ، ڭّمْ أَمنِّي أَكْ-ذ إِمْسخَّارنْ نْومْ. سَامْحمْ أَسنْ إِعذِّيينْ نْسنْ، مَاغَارْ ثسّْنمْ، أَقَا سِيذِيثْومْ ذڭْ إِجنْوَانْ إِ يدْجَا، ؤُ نتَّا وَارْ إِتّڭّْ شَا س وُوذْمَاونْ. ◘6:‏9 أَعَوذ. 10‏:‏17؛ 2 إِم. 19‏:‏7؛ أَيُوبْ 34‏:‏19؛ ڒخ. 10‏:‏34؛ رُوم. 2‏:‏11؛ ڭال. 2‏:‏6؛ كُول. 3‏:‏25؛ 4‏:‏1؛ 1 بُط. 1‏:‏17.

١٠ س ؤُينِّي، أَ وَاوْمَاثنْ إِنُو، محْضمْ ذِي سِيذِيثْنغْ ؤُ ذِي جّهْذْ ن ثْزمَّارْ نّسْ. ١١ أَرْضمْ س مَارَّا ڒسْنَاحْ ن أَربِّي، حِيمَا أَذْ ثسّْبدّمْ إِبْرِيذنْ ن ثْحْرَايْمشْثْ ن إِبْڒِيسْ. ◘6:‏11 كُول. 3‏:‏12؛ 1 تس. 5‏:‏8. ١٢ أَقَا وَارْ نتّْمنْغِي شَا أَكْ-ذ ويْسُومْ ذ إِذَامّنْ، مَاشَا أَكْ-ذ ڒحْكَامَاثْ، أَكْ-ذ ڒْْحُوكَّامْ ذ صُّولَاطَاثْ ن دُّونشْثْ-أَ ثَابَارْشَانْثْ ؤُ أَكْ-ذ ڒَْارْيَاحْ إِعفَّاننْ إِنِّي إِدْجَانْ سَاذُو إِجنْوَانْ. ◘6:‏12 أَفا. 2‏:‏2. ١٣ س ؤُينِّي أَرْضمْ س مَارَّا ڒسْنَاحْ ن أَربِّي مَاحنْذْ أَذْ ثمّْعَاڒَامْ أَكْ-ذ ؤُمْعفَّانْ. خْمِي غَا ثِيڒِيمْ ثْوجْذمْ كُوڒْشِي، أَذْ ثقِّيممْ ثْبدّمْ. ◘6:‏13 2 كُور. 10‏:‏4. ١٤ س ؤُينِّي بدّمْ، ثْبيْسمْ س ثِيذتّْ ؤُ سْذُورْيمْ إِذْمَارنْ نْومْ س ثْسڭْذَا، ◘6:‏14 إِشا. 59‏:‏17؛ لك. 12‏:‏35؛ 2 كُور. 6‏:‏7؛ 1 بُط. 1‏:‏13. ١٥ أَذْ إِڒِينْ إِضَارنْ نْومْ تّْوَاقّْننْ س ڒْْخَاضَارْ ن لْ-إِنْجِيلْ ن ڒهْنَا. ١٦ أَكْ-ذ مَانْ أَيَا مَارَّا، كْسِيمْ ثَاسدَّارْثْ ن لْ-إِيمَانْ ذڭْ ؤُفُوسْ نْومْ، مَاحنْذْ أَذْ ثسّْخسْيمْ مَارَّا فْڒِيثْشَاثْ إِتّحْذُوذُوقنْ س ثْمسِّي ن ؤُمْعفَّانْ. ١٧ ڭّمْ لْكَاسْكْ ن ؤُسنْجمْ خْ ؤُزدْجِيفْ نْومْ ؤُشَا طّْفمْ سِّيفْ ن أَرُّوحْ إِ إِدْجَانْ ذ أَوَاڒْ ن أَربِّي. ◘6:‏17 إِشا. 59‏:‏17؛ 1 تس. 5‏:‏8؛ عبر. 4‏:‏12؛ أَسَا. 2‏:‏16. ١٨ ژَّادْجَامْ ذِي مَارَّا ثِيژَادْجْ ذ ثُوثْرَا نْومْ ڒبْذَا ذِي أَرُّوحْ، ؤُ حْضَامْ بْڒَا قطُّو ذِي ثْژَادْجِيثْ، أَمْ ثتّْژَادْجَامْ ؤُ ثْكسِّيمْ س ڒْْمعْرُوفْ ڒبْذَا ذِي طّْوعْ ن مَارَّا إِمْقدَّاسنْ، ◘6:‏18 لك. 18‏:‏1؛ رُوم. 12‏:‏12؛ كُول. 4‏:‏2؛ 1 تس. 5‏:‏17. ١٩ ؤُڒَا ذِي طّْوعْ إِنُو، حِيمَا أَذْ أَيِي إِمّوْشْ أَوَاڒْ خْمِي غَا أَرْزْمغْ أَقمُّومْ إِنُو، مَاحنْذْ أَذْ بَارّْحغْ سِّيرّْ ن ڒخْبَارْ أَصبْحَانْ س ثرْيَاسْثْ، ◘6:‏19 ڒخ. 4‏:‏29؛ 2 تس. 3‏:‏1. ٢٠ إِ زِي نشّْ ذ أَمْسكِّي س سّْنَاسڒْ، حِيمَا أَذْ خَاسْ سِّيوْڒغْ س ثرْيَاسْثْ أَمْ مَامّشْ إِشُووَّارْ أَذْ سِّيوْڒغْ. ◘6:‏20 2 كُور. 5‏:‏20.

٢١ حِيمَا أَذْ ثسّْنمْ مَامّشْ غَا يِيڒِي ؤُمدُّورْ إِنُو ؤُ مِينْ تّڭّغْ، خْزَارْ، ثِيشِيكُوسْ، إِجّْ ن ؤُمَاثْنغْ إِعِيزّنْ ذ أَمْسخَّارْ أَمْثِيقِّي ن سِيذِيثْنغْ، أَذْ كنِّيوْ إِخبَّارْ. ◘6:‏21 ڒخ. 20‏:‏4؛ كُول. 4‏:‏7؛ ثِيث. 3‏:‏12. ٢٢ أَقَا سّكّغْ ث-إِ-د إِ مَانْ أَيَا سِيمَانْثْ نّسْ، حِيمَا أَذْ ثسّْنمْ أَمدُّورْ إِنُو، ؤُشَا حِيمَا أَذْ ذَايْومْ يڭّْ ؤُڒْ. ◘6:‏22 2 تِيم. 4‏:‏12.

٢٣ ڒهْنَا أَذْ يِيڒِي أَكْ-ذ ثَاوْمَاثْ نّغْ ؤُڒَا ذ ثَايْرِي أَكْ-ذ لْ-إِيمَانْ، زِي أَربِّي، بَابَاثْنغْ، ؤُ زِي سِيذِيثْنغْ يَاسُوع لْمَاسِيحْ. ٢٤ أَذْ يِيڒِي أَرْضَا أَكْ-ذ مَارَّا إِنِّي إِتّخْسنْ سِيذِيثْنغْ يَاسُوع لْمَاسِيحْ بْڒَا ڒْْغشّْ. أَمِينْ.