١ ثُوغَا أَفِيغَارْ ذ أَحْرَايْمِي خْ مَارَّا ڒْْمَاڒْ ن ڒخْڒَا إِ إِڭَّا سِيذِي أَربِّي. إِنَّا إِ ثمْغَارْثْ: ”مَا ذ ثِيذتّْ إِنَّا أَربِّي: ’غَارْومْ وَارْ تّتّمْ شَا زِي مَارَّا ثِيشجِّيرَا ن جّنّثْ‘؟“ ٢ ثنَّا ثمْغَارْثْ إِ ؤُفِيغَارْ: ”زِي ڒْْغِيدْجثْ ن ثْشجِّيرَا ن جّنّثْ نْزمَّارْ أَذْ نشّْ، ٣ مَاشَا زِي ڒْْغِيدْجثْ ن ثْشجَّارْثْ ذِي ڒْْوسْطْ ن جّنّثْ، إِنَّا أَربِّي: ’وَارْ زَّايسْ تّتّمْ، وَارْ ت تّْحَاذَامْ، حِيمَا وَارْ ثتّْمتِّيمْ.‘ “ ٤ إِنَّا ؤُفِيغَارْ إِ ثمْغَارْثْ: ”كنِّيوْ وَارْ ثتّْمتِّيمْ شَا س ڒْْموْثْ قَاعْ، ◘3:‏4 2 كُور. 11‏:‏3. ٥ مَاشَا أَربِّي إِسّنْ بلِّي أَسّْ نِّي ذِي زَّايسْ إِ غَا ثشّمْ، أَذْ أَرْزْمنْثْ ثِيطَّاوِينْ نْومْ ؤُشَا أَذْ ثِيڒِيمْ أَمْ أَربِّي، أَذْ ثسّْنمْ ڒْْخَارْ زِي ڒْْغَارْ.“ ◘3:‏5 يُوح. 8‏:‏44.

٦ ثژْرَا ثمْغَارْثْ بلِّي ثَاشجَّارْثْ ثصْبحْ إِ مَاشَّا ؤُشَا ثعْجبْ أَسنْثْ إِ ثِيطَّاوِينْ، أَقَا ثَاشجَّارْثْ ثڭَّا ذَايسْ مژْرِي مَاحنْذْ أَذْ زَّايسْ ثذْوڒْ ذ ثَامِيغِيسْثْ. خنِّي ثكْسِي زِي ڒْْغِيدْجثْ نّسْ، ثشَّا ؤُشَا ثوْشَا عَاوذْ إِ ورْيَازْ نّسْ إِ ثُوغَا أَكِيذسْ، ؤُشَا نتَّا إِشَّا. ◘3:‏6 رُوم. 5‏:‏12، 14‏-‏21؛ 1 تِيم. 2‏:‏14. ٧ نَّارْزْمنْثْ ثِيطَّاوِينْ نْسنْ ؤُشَا ؤُفِينْ إِخفْ نْسنْ ذ إِعَارْيَاننْ. خنِّي خيّْضنْ ثِيفْرَايْ ن وَارْثُو، ؤُشَا ڭِّينْ زَّايْسنْثْ ثِيبَانْثِيوِينْ إِ يِيخفْ نْسنْ. ٨ خنِّي سْڒِينْ نِيثْنِي ثْمِيجَّا ن سِيذِي أَربِّي إِڭُّورْ ذِي جّنّثْ غَارْ ؤُوطُّو ن ثْمذِّيثْ، ؤُشَا إِفَّارْ أَذَامْ ذ ثمْغَارْثْ نّسْ زڭْ وُوذمْ ن سِيذِي أَربِّي جَارْ ثْشجِّيرَا ن جّنّثْ.

٩ ؤُشَا إِڒَاغَا سِيذِي أَربِّي أَذَامْ، إِنَّا أَسْ: ”مَانِي ثدْجِيذْ؟“ ١٠ نتَّا إِنَّا: ”سْڒِيغْ إِ ثْمِيجَّا نّشْ ذِي جّنّثْ ؤُشَا ڭّْوذغْ مِينْزِي نشّْ ذ أَعَارْيَانْ، خنِّي فَّارغْ.“ ◼3:‏10 ’أَعَارْيَانْ‘ - نِيغْ ’أَزعْپُوذْ‘. ١١ إِنَّا أَسْ نتَّا: ”وِي ذ أَشْ إِنَّانْ بلِّي شكْ ذ أَعَارْيَانْ؟ مَا ثشِّيذْ زِي ثْشجَّارْثْ نِّي خْ شكْ وصِّيغْ ’أَقَا أَذْ زَّايسْ ثشّذْ؟“ ١٢ إِنَّا أَذَامْ: ”ثَامْغَارْثْ نِّي ذ أَيِي ثوْشِيذْ، نتَّاثْ ثوْشَا أَيِي زِي ثْشجَّارْثْ ؤُشَا شِّيغْ.“ ١٣ إِنَّا أَسْ سِيذِي أَربِّي إِ ثمْغَارْثْ: ”مَانَاوْيَا إِ ثڭِّيذْ؟“ ثنَّا أَسْ ثمْغَارْثْ: ”إِغَارَّا أَيِي ؤُفِيغَارْ ؤُشَا شِّيغْ.“ ◘3:‏13 أَسَا. 12‏:‏13.

١٤ إِنَّا سِيذِي أَربِّي إِ ؤُفِيغَارْ:

”ڒَْامِي ثڭِّيذْ أَيَا،

أَقَا أَشْ ذ أَمنْعُوڒْ جَارْ مَارَّا ڒبْهَايمْ

ؤُ جَارْ مَارَّا ڒْْمَاڒْ ن ڒخْڒَا.

خْ ؤُعذِّيسْ نّشْ أَذْ ثْمُورْذذْ،

ؤُشَا أَذْ ثشّذْ ؤُشَاڒْ

مَارَّا ؤُسَّانْ ن ثُوذَارْثْ نّشْ. ◼3:‏14 ’ڒْْمَاڒْ نْ ڒخْڒَا‘ - مَارَّا ڒوْحُوشْ إِ إِدْجَانْ ذِي ڒخْڒَا، ذِي ذمْنثْ، ذِي ڒْْغَابثْ (نِيغْ ذِي ثَاڭَانْثْ)، ذڭْ وزْغَارْ ؤُ ذِي صّحْرَا.

١٥ أَذْ ڭّغْ ڒعْذَاوَاثْ جَارْ أَشْ ذ ثمْغَارْثْ،

جَارْ زَّارِيعثْ نّشْ ذ زَّارِيعثْ نّسْ.

ذ ثنِّي نّسْ أَذْ ثڒْبزْ أَزدْجِيفْ نّشْ،

ؤُ شكْ أَذْ أَسْ ثْڒبْزذْ أَنِيرْزْ نّسْ.“ ◘3:‏15 أَمز. 24‏:‏60؛ مت. 4‏:‏1؛ كُول. 2‏:‏15.

١٦ إِنَّا إِ ثمْغَارْثْ:

”أَطَّاسْ إِ غَا أَرْنِيغْ ڒحْرِيقْ ذ ڒوْجعْ ن ثَارْوَا نّمْ.

س ڒحْرِيقْ أَذْ د-ثَارْوذْ إِحنْجِيرنْ،

ؤُشَا غَارْ ورْيَازْ نّمْ أَذْ ثمّژْرذْ،

مَاشَا نتَّا أَذْ خَامْ إِحْكمْ.“ ◘3:‏16 1 كُور. 14‏:‏34؛ 1 تِيم. 2‏:‏11، 12؛ ثِيث. 2‏:‏5؛ 1 بُط. 3‏:‏6.

١٧ ؤُشَا إِنَّا إِ أَذَامْ:

”مِينْزِي ثسْڒِيذْ غَارْ ثْمِيجَّا ن ثمْغَارْثْ نّشْ

ؤُ ثشِّيذْ زِي ثْشجَّارْثْ ثنِّي خْ شكْ وصِّيغْ:

’أَقَا أَذْ زَّايسْ ثشّذْ!‘،

أَذْ ثِيڒِي ثمُّورْثْ ذ نّعْڒثْ خْ سِّيبّثْ نّشْ.

س ثَامَارَا أَذْ زَّايسْ ثشّذْ،

مَارَّا ؤُسَّانْ ن ثُوذَارْثْ نّشْ.

١٨ إِسنَّاننْ ذ ثْزڭّْوَارْثْ إِ ذ أَشْ د غَا ثسّغْمِي،

ؤُشَا أَذْ ثشّذْ أَفْسُو ن ييَّارْ.

١٩ س ثِيذِي ن ؤُغمْبُوبْ نّشْ أَذْ ثشّذْ أَغْرُومْ

أَڒْ د غَا ثْذوْڒذْ غَارْ ثمُّورْثْ إِ زِي ثمّكْسِيذْ،

مِينْزِي شكْ ذ أَشَاڒْ ؤُشَا غَارْ ؤُشَاڒْ إِ غَا د-ثْذوْڒذْ.“

٢٠ إِڒَاغَا أَذَامْ إِسمْ ن ثمْغَارْثْ نّسْ حَاوَّا مِينْزِي نتَّاثْ ذ يمَّاسْ ن مَارَّا إِنِّي إِدَّارنْ. ◼3:‏20 ’حَاوَّا‘ - إِسمْ وَانِيثَا إِخْسْ أَذْ يِينِي ’ثنِّي إِدَّارنْ‘ نِيغْ ’ثنِّي إِتِّيشنْ ثُوذَارْثْ‘. ٢١ إِڭَّا سِيذِي أَربِّي إِ أَذَامْ ذ ثمْغَارْثْ نّسْ أَرُّوضْ س يِيڒمْ ؤُشَا يَارْضْ أَسنْ ث. ◘3:‏21 2 كُور. 5‏:‏1‏-‏5 ٢٢ إِنَّا سِيذِي أَربِّي: ”خْزَارْ، أَذَامْ وَا، أَقَا إِذْوڒْ أَمْ يِيجّنْ زَّايْنغْ، إِسّنْ ڒْْخَارْ ذ ڒْْغَارْ. ڒخُّو، أجّْ إِ-ث وَارْ إِسّْوَاژَّاضْ أَفُوسْ نّسْ مَاحنْذْ أَذْ إِكْسِي زِي ثْشجَّارْثْ ن ثُوذَارْثْ عَاوذْ، أَذْ يشّْ ؤُ خنِّي أَذْ إِدَّارْ إِ ڒبْذَا.“ ٢٣ ؤُشَا إِسُّوفُّوغْ إِ-ث سِيذِي أَربِّي زِي جّنّثْ ن عَاذْنْ حِيمَا أَذْ إِخْذمْ ثَامُّورْثْ إِ زِي ثُوغَا إِمّكْسِي. ٢٤ يُوژّڒْ خْ أَذَامْ ؤُشَا إِڭَّا إِكِيرُوبنْ شَّارْقْ إِ جّنّثْ ن عَاذْنْ ذ يِيجّْ ن سِّيفْ إِتّحْذُوذُوقْ، إِتّشْضِيضِيحْ سَّا ذ سَّا إِ ؤُعسِّي خْ وبْرِيذْ ن ثْشجَّارْثْ ن ثُوذَارْثْ. ◼3:‏24 ’إِكِيرُوبنْ‘ - إِشْثْ ن لْمَارْكَا ن لْمَالَاكَاثْ إِقدّْسنْ.