أَذْلِيسْ إِقدّْسنْ أَمزْوَارُو ١٠

١٠

ثَارْوَا ن شَامْ، خَامْ ذ يَافِيثْ

١ تّْوَارْونْ أَسنْ-د إِحنْجِيرنْ أَوَارْنِي إِ سّحْڒثْ. ◘ *

٢ أَيْثْ ن يَافَاثْ ثُوغَا أَثنْ ذ جُومَارْ، مَاجُوجْ، مَاذَايْ، يَاوَانْ، ثُوبَالْ، مَاشِيكْ ذ ثِيرَاسْ. ◼ ◘

٣ إِحنْجِيرنْ ن جُومَارْ، ثُوغَا أَثنْ ذ أَشْكَانَازْ، رِيفَاثْ ذ ثُوجَارْمَا.

٤ إِحنْجِيرنْ ن يَاوَانْ ثُوغَا أَثنْ ذ إِلِيشَا، ثَارْشِيشْ ذ إِكِيتِّييّنْ ذ إِذُوذَانِييّنْ. ◼

٥ زَّايْسنْ إِ تّْوَابْضَانْثْ ثڭْزِيرِينْ ن ڒڭْنُوسْ ذِي ثمُّورَا نْسنْ، كُوڒْ إِجّنْ عْلَاحْسَابْ إِڒسْ نّسْ ؤُشَا مَارَّا عْلَاحْسَابْ ڒَْادْجْ نْسنْ ؤُ ذِي ڒڭْنُوسْ نْسنْ.

٦ أَيْثْ ن حَامْ ثُوغَا أَثنْ ذ كُوشْ، مِيصْرَايِيمْ، فُوطْ ذ كنْعَانْ. ◘

٧ إِحنْجِيرنْ ن كُوشْ ثُوغَا أَثنْ ذ سبَا، حَاوِيلَا، سَابْثَا، رَاعَامَا ذ سَابْثَاكَا. إِحنْجِيرنْ ن رَاعَامَا ثُوغَا أَثنْ ذ شَابَا ذ ذَاذَانْ.

٨ كُوشْ إِجَّا-د نِيمْرُوذْ. وَانِيثَا إِبْذَا أَذْ يِيڒِي ذ جِّيهڒْ ذِي ثمُّورْثْ. ◘ ٩ وَا ثُوغَا ذ أَنڭْمَارْ ذ أَمقّْرَانْ زَّاثْ إِ وُوذمْ ن سِيذِي. خْ ؤُيَا قَّارنْ: ’أَنڭْمَارْ أَمقّْرَانْ أَمْ نِيمْرُوذْ زَّاثْ إِ وُوذمْ ن سِيذِي.‘ ١٠ أَمزْوَارْ ن ثْڭلْذِيثْ نّسْ ثُوغَا أَثنْثْ ذ ثِيندَّامْ ن بَابِيلْ ذ إِرِيخْ ذ أَكَّاذْ ذ كَالْنَا ذِي ثمُّورْثْ ن شِينْعَارْ. ١١ زِي ثمُّورْثْ نِّي د-إِفّغْ غَارْ أَشُّورْ ؤُشَا إِبْنَا ذِينْ نِينْوَا، رِيحُوبُوثْ-عِيرْ ذ كَالَاحْ ١٢ ذ رِيسِينْ جَارْ نِينْوَا ذ كَالَاحْ، نتَّاثْ ذ ثَانْذِينْثْ ثَامقّْرَانْثْ.

١٣ مِيصْرَايِيمْ إِجَّا-د إِلُوذِييّنْ، إِعَانَامِييّنْ، إِلَاهَابِييّنْ، إِنَافْثُوحِييّنْ،

١٤ إِفَاثْرُوسِييّنْ، إِكَاسْلُوحِييّنْ، إِنِّي زِي د-إِقَّارْصنْ إِفِيلِيسْطِينِييّنْ، ؤُڒَا ذ إِكَافْثُورِييّنْ.

١٥ كنْعَانْ إِجَّا-د صِيذُونْ، أَمنْزُو نّسْ، ذ حِيثْ ١٦ ذ ؤُيابُوسِي ذ ؤُمُورِي ذ ؤُجِيرْجَاشِي ١٧ ذ ؤُحِيوِي ذ ؤُعَارْقِي ذ ؤُسِينِي ١٨ ذ ؤُرْوَاذِي ذ ؤُصَامَارِي ذ ؤُحَامَاثِي. أَوَارْنِي أَسْ مْبزّْعنْثْ مَارَّا ڒَْادْجَاثْ ن كنْعَانْ. ١٩ ثُوغَا أَيْمِيرْ ن أَيْثْ ن كنْعَانْ زِي صِيذُونْ غَارْ خِيرَارْ أَڒْ غَازَّا ؤُ سّنِّي غَارْ سَاذُومْ ذ عَامُورَّا ذ أَذْمَا ذ صابُويِيمْ أَڒْ لَاشَاعْ. ◼

٢٠ إِنَا ذ أَيْثْ ن حَامْ عْلَاحْسَابْ ڒَْادْجَاثْ نْسنْ، عْلَاحْسَابْ إِڒْسَاونْ نْسنْ، ذِي ثِيمُّورَا نْسنْ ؤُ أَكْ-ذ ڒڭْنُوسْ نْسنْ.

٢١ إِ شَامْ، ونِّي ذ جدّْ ن مَارَّا أَيْثْ ن عَابِيرْ، ؤُمَاسْ ن يَافَاثْ، أَمقّْرَانْ، تّْوَارْونْ أَسْ-د عَاوذْ إِحنْجِيرنْ. ٢٢ إِحنْجِيرنْ ن شَامْ ثُوغَا أَثنْ ذ عِيلَامْ، أَشُّورْ، أَرْفَاكْشَاذْ، لُوذْ ذ أَرَامْ. ◘

٢٣ إِحنْجِيرنْ ن أَرَامْ ثُوغَا أَثنْ ذ عُوصْ ذ حُولْ ذ جَاثِيرْ ذ مَاشْ.

٢٤ أَرْفَاكْشَاذْ إِجَّا-د شَالَاحْ ؤُ شَالَاحْ إِجَّا-د عَابِيرْ. ◘

٢٥ تّْوَارْونْ-د إِ عَابِيرْ ثْنَاينْ ن إِحنْجِيرنْ. إِجّنْ قَّارنْ أَسْ فَالَاجْ، مِينْزِي ذڭْ وُوسَّانْ نّسْ ثتّْوَافدْجقْ ثمُّورْثْ، ؤُ قَّارنْ أَسْ إِ ؤُمَاسْ يُوقْطَانْ. ◼

٢٦ يُوقْطَانْ إِجَّا-د أَلْمُوذَاذْ، شَالَافْ، هَاضَارْمَاوْثْ، يَارَاحْ، ٢٧ هَاذُورَامْ، ؤُزَالْ، ذِيقْلَا، ٢٨ عُوبَالْ، أَبِيمَايِيلْ، شَابَا، ٢٩ ؤُفِيرْ، حَاوِيلَا ذ يُوبَابْ. مَارَّا إِنَا ثُوغَا أَثنْ ذ إِحنْجِيرنْ ن يُوقْطَانْ. ٣٠ ثَامُّورْثْ مَانِي ثُوغَا زدّْغنْ ثُوغَا-ت زِي مِيشَا أَڒْ سَافَارْ، أَذْرَارْ ن شَّارْقْ.

٣١ إِنَا ذ أَيْثْ ن شَامْ عْلَاحْسَابْ ڒَْادْجَاثْ نْسنْ ؤُ عْلَاحْسَابْ إِڒْسَاونْ نْسنْ، ذِي ثمُّورَا نْسنْ ؤُ أَكْ-ذ ڒڭْنُوسْ نْسنْ.

٣٢ ثِينَا ذ ڒَْادْجَاثْ ن إِحنْجِيرنْ ن نُوحْ، عْلَاحْسَابْ مَامّشْ د-خڒْقنْ، أَكْ-ذ ڒڭْنُوسْ نْسنْ. زَّايْسنْ إِ زِي تّْوَابْضَانْ ڒڭْنُوسْ ذِي ثمُّورْثْ أَوَارْنِي إِ سّحْڒثْ. *

◘١٠:١ 10:‏1 [1 إِم. 1‏:‏1‏-‏27] — 1 إِم. 1‏:‏4

◼١٠:٢ 10:‏2 ’جُومَارْ‘ - إِسمْ وَانِيثَا إِخْسْ أَذْ يِينِي ’ونِّي بْڒَا ڒْْعِيبْ‘ نِيغْ ’ونِّي إِكمْڒنْ‘. ’مَاجُوجْ‘ - نِيغْ ’مَاخُوخْ‘، نِيغْ ’مَاڭُوڭْ‘.

◘١٠:٢ 10:‏2 1 إِم. 1‏:‏5.

◼١٠:٤ 10:‏4 ’إِكِيتِّييّنْ ذ إِذُوذَانِيينْ‘ - إِخْسْ أَذْ يِينِي ’ثِيقبَّاڒْ ن كِيثْ ذ ذُوذَانْ‘.

◘١٠:٦ 10:‏6 1 إِم. 1‏:‏8.

◘١٠:٨ 10:‏8 1 إِم. 1‏:‏10.

◼١٠:١٩ 10:‏19 ’خِيرَارْ‘ - إِسمْ-أَ وَانِيثَا إِخْسْ أَذْ يِينِي ’أَمْشَانْ إِ إِنوْجِيونْ‘. ’غَازَّا‘ - إِسمْ-أَ وَانِيثَا إِخْسْ أَذْ يِينِي ’جّهْذْ‘. ’أَذْمَا‘ - إِسمْ-أَ وَانِيثَا إِخْسْ أَذْ يِينِي ’ثَامُّورْثْ ثَازڭّْوَاغْثْ‘. ’صَاپُويِيمْ‘ - إِسمْ-أَ وَانِيثَا إِخْسْ أَذْ يِينِي ’إِغَايْضنْ ن وزْغَارْ‘ نِيغْ ’أَژْرِي ن وژْرِي‘ نِيغْ ’إِعبُّوزنْ‘ نِيغْ ’ثَانْذِينْثْ ن ڒْْعسْكَارْ‘.

◘١٠:٢٢ 10:‏22 أَمز. 11‏:‏10؛ 1 إِم. 1‏:‏17.

◘١٠:٢٤ 10:‏24 1 إِم. 1‏:‏18.

◼١٠:٢٥ 10:‏25 ’فَالَاجْ‘ - إِسمْ وَانِيثَا إِخْسْ أَذْ يِينِي ’أَبطُّو‘ نِيغْ ’أَفدْجقْ‘. ’ثتّْوَافدْجقْ‘ - أَوَاڒْ-أَ إِزمَّارْ أَذْ إِشيَّارْ غَارْ (1) ؤُبطُّو ن إِوْذَانْ ؤُمِي سِيذِي إِبطَّا إِڒسْ نْسنْ ؤُشَا ذوْڒنْ نِيثْنِي أَذْ سِّيوْڒنْ عْڒَامْ كُوڒْ إِڒْسَاونْ جَارْ أَسنْ (خْزَارْ أَمز. 11:1-9)، نِيغْ غَارْ (2) ؤُبطُّو ن ؤُمَاضَالْ (نِيغْ ’دُّونِّيثْ‘) ذڭْ إِزِييْنَانْ، إِخْسْ أَذْ يِينِي أَمْرِيكَا، إِفْرِيقِييَّا، أَسِييَا، ؤُسْثْرَالِييَا ذ ؤُرُوبَا، مَاغَارْ ذڭْ ؤُمزْوَارُو ثُوغَا ثَامُّورْثْ ذ إِجّْ ن ومْشَانْ (خْزَارْ أَمز. 1:9، 10). ’يُوقْطَانْ‘ - إِسمْ-أَ وَانِيثَا إِخْسْ أَذْ يِينِي ’أَمژْيَانْ‘.