1 ذڭْ وُوسَّانْ إِعْذُونْ إِسِّيوڒْ أَربِّي ذِي كُوڒْ ڒْوقْثْ ؤُ ذڭْ وَاطَّاسْ ن إِبْرِيذنْ أَكْ-ذ ڒجْذُوذْ نّغْ س إِنَابِييّنْ. 2 ذڭْ وُوسَّانْ-أَ إِنڭُّورَا أَقَا إِسِّيوڒْ-د أَكِيذْنغْ س مِّيسْ، ونِّي إِڭَّا ذ أَوْرِيثْ ن كُوڒْشِي، س ونِّي عَاوذْ إِڭَّا زّْمَانَاثْ. ◘1:‏2 أَمز. 1‏:‏3؛ إِزهد. 33‏:‏6؛ مت. 21‏:‏38؛ يُوح. 1‏:‏3؛ أَفا. 3‏:‏9؛ كُول. 1‏:‏16. 3 مِينْزِي نتَّا ذ ثَاللّشْثْ ن ؤُعُودْجِي نّسْ ؤُڒَا ذ تّسْوِيرْثْ ن سِيمَانْثْ نّسْ، ؤُ نتَّا ذ ونِّي يَاربُّونْ مَارَّا ثِيمسْڒَايِينْ س جّهْذْ ن وَاوَاڒْ نّسْ. أَقَا نتَّا إِسِّيزْذڭْ دّْنُوبْ نّغْ ذِي طّْبِيعثْ ن يِيخفْ نّسْ، ؤُشَا إِرُوحْ إِقِّيمْ غَارْ يفُوسْ ن لْعَاضِيمْ ذِي ڒُوعْڒَا. ◘1:‏3 2 كُور. 4‏:‏4؛ فِيل. 2‏:‏6؛ كُول. 1‏:‏15. 4 نتَّا يُوعْڒَا أَطَّاسْ خْ لْمَالَاكَاثْ أَمْ إِسمْ إِ إِطّفْ ذ ڒْوَارْثْ، أَقَا إِشْنَا خْ ونِّي نْسنْ.

5 مِينْزِي إِ مَانْ ثنْ زِي لْمَالَاكَاثْ إِنَّا أَربِّي:

”مِّي إِ ثدْجِيذْ شكْ،

أَسّْ-أَ نشّْ جِّيغْ-د شكْ!“،

ؤُشَا عَاوذْ إِنَّا:

”نشّْ أَذْ أَسْ إِڒِيغْ ذ بَابَاسْ

ؤُ نتَّا أَذْ أَيِي يِيڒِي ذ مِّي“؟ ◘1:‏5 2 صم. 7‏:‏14؛ 1 إِم. 17‏:‏13؛ 22‏:‏10؛ إِزهد. 2‏:‏7؛ ڒخ. 13‏:‏33؛ عبر. 5‏:‏5.

6 ؤُشَا خنِّي خْمِي د-إِسِّيذفْ أَمنْزُو غَارْ دُّونشْثْ، إِنَّا:

”أَذْ أَسْ سجْذنْثْ مَارَّا لْمَالَاكَاثْ ن أَربِّي.“ ◘1:‏6 إِزهد. 97‏:‏7.

7 مَاشَا خْ لْمَالَاكَاثْ إِنَّا:

”نتَّا إِڭَّا لْمَالَاكَاثْ نّسْ ذ إِسمِّيضنْ،

ؤُشَا إِمْسخَّارنْ نّسْ

ذ إِشْثْ ن ثْمسِّي إِتّحْذُوذُوقنْ“، ◘1:‏7 إِزهد. 104‏:‏4

8 مَاشَا خْ مِّيسْ:

”ڒْْعَارْشْ نّشْ، أَ أَربِّي،

أَقَا إِدْجَا إِ ڒبْذَا قَاعْ.

أَزدْجَاضْ ن ثْڭلْذِيثْ نّشْ،

أَقَا-ت ذ أَزدْجَاضْ إِسڭّْذنْ. ◘1:‏8 إِزهد. 45‏:‏7.

9 أَقَا ثخْسذْ ثَاسڭْذَا، ثْشَارْهذْ ڒْغَارْ.

س ؤُينِّي أَقَا إِذْهنْ إِ شْ

أَربِّي، أَربِّي نّشْ،

س زّشْثْ ن ڒفْرَاحثْ

سنّجْ إِ إِمْعَاشَارنْ نّشْ.“ ◘1:‏9 إِزهد. 45‏:‏7، 8

10 ؤُشَا خنِّي:

”زڭْ ؤُبدُّو ثڭِّيذْ شكْ ذْسَاسْ ن ثمُّورْثْ،

إِجنْوَانْ دْجَانْ ذ ڒْخذْمثْ ن إِفَاسّنْ نّشْ. ◘1:‏10 إِزهد. 102‏:‏26.

11 إِنَا أَذْ تّْوَاثحَّانْ، مَاشَا شكْ أَذْ ثْذُومذْ،

ؤُشَا إِنَا مَارَّا أَذْ أَرْشَانْ أَمْ وَارُّوضْ. ◘1:‏11 إِشا. 51‏:‏6؛ 2 بُط. 3‏:‏7، 10.

12 أَمشْنَاوْ إِجّْ ن ؤُسڒْهَامْ أَذْ ثنْ تّْضفْسذْ.

أَذْ تّْوَابدّْڒنْ أَمْ وَارُّوضْ،

مَاشَا شكْ أَذْ ثِيڒِيذْ ذ ونِّي

ؤُشَا إِسڭّْوُوسَا نّشْ وَارْ قطِّينْ شَا.“ ◘1:‏12 إِزهد. 102‏:‏26‏-‏28.

13 مَاشَا إِ مَانْ ثنْ زِي لْمَالَاكَاثْ إِنَّا إِجّْ ن وَاسّْ:

”قِّيمْ غَارْ يفُوسْ إِنُو

أَڒْ ذ غَا ڭّغْ ڒْعذْيَانْ نّشْ

ذ ثَانبْذَاثْ سَاذُو إِضَارنْ نّشْ“؟ ◘1:‏13 إِزهد. 110‏:‏1؛ ڒخ. 2‏:‏34؛ 1 كُور. 15‏:‏25؛ أَفا. 1‏:‏20؛ عبر. 10‏:‏12.

14 مَا وَارْ دْجِينْثْ نِيثنْثِي ذ أَرُّوحَاثْ إِ ثْسخَّارْثْ، تّْوَاسّكّنْثْ-إِ-د حِيمَا أَذْ سخَّارنْثْ إِ يِينِّي غَا إِوَارْثنْ ثُوذَارْثْ؟