١ س ؤُينِّي، أَ أَيْثْمَا إِمْقدَّاسنْ، إِنِّي إِتّْوَاڒَاغَانْ س ثْڒَاغِيثْ ن ؤُجنَّا، خْزَارمْ غَارْ رَّاسُولْ وَانِيثَا، غَارْ أَرَّايْسْ ن إِكهَّاننْ ن شّْهَاذثْ نّغْ، يَاسُوع لْمَاسِيحْ، ◼3:‏1 ’رَّاسُولْ‘ - نِيغْ ’أَمَازَانْ‘.  ◘3:‏1 عبر. 4‏:‏14؛ 6‏:‏20؛ 8‏:‏1؛ 9‏:‏11. ٢ ونِّي ذ أَمْثِيقِّي إِ ونِّي إِ-ث-إِ-د-إِسّْڭعّْذنْ، أَمْ مَامّشْ ثُوغَا مُوسَا ذ أَمْثِيقِّي ذِي مَارَّا ثَادَّارْثْ نّسْ. ◘3:‏2 ڒخْڒ. 12‏:‏7. ٣ مِينْزِي أَعُودْجِي ن وَانِيثَا ذ أَمقّْرَانْ س وَاطَّاسْ خْ ونِّي ن مُوسَا، أَمْ شَّانْ ن ؤُبنَّايْ ن ثَادَّارْثْ إِمْغَارْ خْ شَّانْ ن ڒبْنِي نّسْ. ٤ مِينْزِي مَارَّا ثَادَّارْثْ ثتّْوَابْنَا زڭْ إِجّنْ، مَاشَا ونِّي إِبنَّانْ مَارَّا ذ أَربِّي. ◘3:‏4 2 كُور. 5‏:‏17، 18؛ أَفا. 2‏:‏10. ٥ ثتّْوَاوكّڒْ إِ مُوسَا مَارَّا ثَادَّارْثْ نّسْ أَمْ إِ يِيجّْ ن ؤُمْسخَّارْ، مَاحنْذْ أَذْ إِشْهذْ خْ ثْمسْڒَايِينْ مِينْ خفْ غَا إِسِّيوڒْ نتَّا. ◘3:‏5 أَعَوذ. 18‏:‏15، 18. ٦ مَاشَا لْمَاسِيحْ أَمْ مِّيسْ إِتّْوَاڭّْ خْ ثَادَّارْثْ نّسْ، ؤُ ثَادَّارْثْ نّسْ ذ نشِّينْ، مَاڒَا نقِّيمْ نتّطّفْ ذِي ڒَْامَانْ ؤُ ذڭْ ؤُعُودْجِي ن ؤُسِيثمْ نّسْ أَڒْ أَنڭَّارْ. ◘3:‏6 رُوم. 5‏:‏2؛ 1 كُور. 3‏:‏16؛ 6‏:‏19؛ 2 كُور. 6‏:‏16؛ 1 بُط. 2‏:‏5.

٧ مَاشَا مِينْزِي أَرُّوحْ إِقدّْسنْ إِنَّا ...

”أَقَا أَسّْ-أَ مَاڒَا ثسْڒِيمْ ثْمِيجَّا نّسْ، ◘3:‏7 إِزهد. 95‏:‏7؛ عبر. 4‏:‏7.

٨ وَارْ تّسّقْسِيحمْ شَا ؤُڒَاونْ نْومْ

مَاحنْذْ أَذْ ث ثسْعَارمْ،

أَمْ إِنِّي إِغوّْغنْ،

أَمْ ذڭْ وَاسّْ ن ؤُجَارّبْ ذِي ڒخْڒَا، ◘3:‏8 ؤُف. 17‏:‏2، 7؛ إِزهد. 95‏:‏8

٩ ؤُمِي ذ أَيِي جَارّْبنْ ڒجْذُوذْ نْومْ، قدْجْبنْ أَيِي،

أَمْ ژْرِينْ ثِيمڭَّا إِنُو

أَربْعِينْ ن إِسڭّْوُوسَا.

١٠ ... س ؤُيَا عِيفّغْ زِي جِّيڒْ نِّي، نِّيغْ:

’وَا ذ إِجّْ ن ڒْْڭنْسْ إِ إِودَّارنْ ذڭْ وُوڒْ نّسْ

نِيثْنِي وَارْ سِّيننْ شَا إِبْرِيذنْ إِنُو!‘،

١١ أَڒَامِي جُّودْجغْ ذڭْ وغْضَابْ إِنُو:

’وَارْ د-تِّيذْفنْ شَا غَارْ أَرَّاحثْ إِنُو!‘ “ ◘3:‏11 ڒخْڒ. 14‏:‏21‏-‏23؛ أَعَوذ. 1‏:‏34؛ إِزهد. 95‏:‏7‏-‏11.

١٢ س ؤُينِّي، أَ أَيْثْمَا، حْضَامْ حِيمَاعمَّارْصْ وَارْ إِتِّيڒِي حذْ زَّايْومْ غَارسْ ؤُڒْ ذ أَعفَّانْ إِ وَارْ إِتِّيمْننْ ؤُمِي غَا ثَاڭّْوجمْ خْ أَربِّي إِدَّارنْ، ١٣ مَاشَا قدْجْبمْ إِخفْ نْومْ كُوڒْ أَسّْ، أَڒْ أَسّْ ؤُمِي قَّارنْ: ’أَسّْ-أَ!‘، حِيمَا ؤُڒَا ذ إِجّْ زَّايْومْ وَارْ إِتّقْسِيحْ شَا س ؤُغكّْوِي ن دّنْبْ. ١٤ مِينْزِي نتّْوَاسّْمُونْ أَطَّاسْ أَكْ-ذ لْمَاسِيحْ مَاڒَا نقِّيمْ نْشبَّارْ زڭْ ؤُمزْوَارْ أَڒْ أَنڭَّارْ ذِي ڒْْعَاهْذْ-أَ إِ ذَايسْ ڒَْامَانْ.

١٥ س ؤُيَا إِتّْوَانَّا أَمُّو:

”أَقَا أَسّْ-أَ،

مَاڒَا ثسْڒِيمْ ڒْْحسّْ ن ثْمِيجَّا نّسْ،

وَارْ ثسّقْسِيحمْ شَا ؤُڒَاونْ نْومْ

مَاحنْذْ أَذْ ث ثسْعَارمْ.“ ◘3:‏15 عبر. 3‏:‏7.

١٦ خنِّي مِينْ إِعْنَانْ نِيثْنِي إِنِّي إِسْڒِينْ ث، خنِّيغوّْغنْ؟ مَا وَارْ دْجِينْ نِيثْنِي مَارَّا ذ إِنِّي د-إِفّْغنْ زِي مِيصْرَا س ؤُفُوسْ ن مُوسَا؟ ١٧ زِي مَانْ ونْ إِعِيفّْ نتَّا خنِّي أَربْعِينْ ن إِسڭّْوُوسَا؟ مَا وَارْ إِدْجِي زڭْ يِينِّي إِخْضَانْ، إِنِّي ؤُمِي إِوْضَانْ إِغْسَانْ نْسنْ ذِي ڒخْڒَا؟ ◘3:‏17 ڒخْڒ. 14‏:‏36؛ إِزهد. 106‏:‏26؛ 1 كُور. 10‏:‏10؛ يَاه. 5. ١٨ إِ ؤُمِي إِجِّيدْجْ نتَّا، بلِّي وَارْ د-تِّيذْفنْ شَا غَارْ أَرَّاحثْ نّسْ؟ مَا وَارْ إِدْجِي إِ يِينِّي وَارْ ذ أَسْ تِّيقّنْ؟ ◘3:‏18 أَعَوذ. 1‏:‏34. ١٩ أَقَا نتّْوَاڒَا بلِّي نِيثْنِي وَارْ زمَّارنْ أَذْ أَذْفنْ خْ سِّيبّثْ ن بْڒَا لْ-إِيمَانْ نْسنْ.