٢٥
ڒْحَارْضْ وِيسّْ ثْڒَاثَا ن بِيلْذَاذْ
١ خَاسْ ؤُشَا يَارَّا-د بِيلْذَاذْ، إِ د-يُوسِينْ زِي شُوحَا، إِنَّا:
٢ صُّولْطَا ذ جّهْذْ إِسَّاڭّْوَاذنْ
أَقَا أَثنْ غَارسْ،
نتَّا إِتّڭّْ ڒهْنَا ذِي ڒُْوعْڒَا نّسْ.
٣ مَا إِزمَّارْ أَذْ حسْبنْ
مشْحَاڒْ إِ غَارسْ ن ڒْْعسْكَارْ؟
خْ مَانْ وَارْ ثتّْڭعّذْ ثْفَاوْثْ نّسْ؟
٤ مَامّشْ خنِّي إِزمَّارْ بْنَاذمْ
أَذْ يِيڒِي ذ أَمْسڭّذْ زَّاثْ إِ أَربِّي،
مَامّشْ إِزمَّارْ
ونِّي د-إِتّْوَارْونْ زِي ثمْغَارْثْ
أَذْ يِيڒِي ذ أَمزْذَاڭْ؟ ◘25:4 أَيُوبْ 4:17، 18، 19؛ 15:14، 15، 16
٥ خْزَارْ، عَاذْ ثَازِيرِي سِيمَانْثْ نّسْ
وَارْ ثتّْوسّڭْ س ڒصْفَايثْ،
إِثْرَانْ وَارْ صْفِينْ ذِي ثِيطَّاوِينْ نّسْ. ◘25:5 أَيُوبْ 15:15
٦ أَهْثَا عَاذْ بْنَاذمْ، ونِّي ذ أَوكِّي،
ؤُ مِّيسْ ن بْنَاذمْ، ونِّي ذ أَكشَّاوْ. ◘25:6 أَيُوبْ 4:19؛ إِزهد. 22:7