١ ”حْضَامْ، وَارْ ثْصدَّاقمْ زَّاثْ إِ إِوْذَانْ، حِيمَا أَذْ كنِّيوْ ژَترنْ. مَاڒَا أَمْيَا، وَارْ غَارْومْ إِتِّيڒِي بُو ڒَْاجَارْ زِي بَابَاثْومْ إِ إِدْجَانْ ذڭْ إِجنْوَانْ. ٢ مَاڒَا ثْصدّْقذْ، وَارْ ت تّڭّْ ذِي ڒُْْبُوقْ أَمْ مَامّشْ ث تّڭّنْ إِمْنَافْقنْ ذِي ثمْزِيذَاوِينْ ؤُ ذِي زّْنَاقِي، حِيمَا أَذْ ثنْ شنّْعنْ إِوْذَانْ. س ثِيذتّْ نشّْ أَذْ أَومْ إِنِيغْ، نِيثْنِي أَقَا ؤُفِينْ ڒَْاجَارْ نْسنْ زِي بعْذَا. ◘6:‏2 رُوم. 12‏:‏8. ٣ مَاشَا شكْ، خْمِي غَا ثْصدّْقذْ، إِتّْخصَّا أَفُوسْ نّشْ أَزڒْمَاضْ وَارْ إِسِّينْ مِينْ إِتّڭّْ ؤُفُوسِي نّشْ، ٤ حِيمَا صّذْقثْ نّشْ أَذْ ثِيڒِي س ثْنُوفّْرَا ؤُشَا بَابَاشْ، ونِّي إِتّْوَاڒَانْ ذِي ثْنُوفّْرَا، أَذْ شكْ إِخدْجصْ س بْطَايْطَايْ.“ ◘6:‏4 لك. 14‏:‏14.

٥ ”مَاڒَا ثژُّودْجذْ، وَارْ تِّيڒِي شَا أَمْ يِيمْنَافْقنْ إِنِّي ؤُمِي إِعْجبْ أَسنْ ڒْْحَاڒْ أَذْ ژَّادْجنْ أَمْ بدّنْ ذِي ثمْزِيذَاوِينْ ذ ثْغمُّورَا ن زّْنَاقِي حِيمَا أَذْ ثنْ ژَترنْ إِوْذَانْ. س ثِيذتّْ نشّْ أَذْ أَومْ إِنِيغْ، أَقَا نِيثْنِي ؤُفِينْ ڒَْاجَارْ نْسنْ زِي بعْذَا. ◘6:‏5 [لك. 11‏:‏2‏-‏4] ٦ مَاشَا شكْ، مَاڒَا ثژُّودْجذْ، أَذفْ غَارْ وخَّامْ نّشْ، بلّعْ ثَاوَّارْثْ، ژَّادْجْ إِ بَابَاشْ ونِّي إِدْجَانْ ذِي ثْنُوفّْرَا، ؤُشَا بَابَاشْ إِ إِتّْوَاڒَانْ ذِي ثْنُوفّْرَا ذ نتَّا إِ شكْ إِ غَا إِخدْجْصنْ س بْطَايْطَايْ. ◘6:‏6 2 إِج. 4‏:‏33؛ ڒخ. 10‏:‏4. ٧ مَاڒَا ثژُّودْجمْ وَارْ تّْعَاوَاذمْ إِ وَاوَاڒْ أَمْ مَامّشْ تّْژَادْجَانْ لْكُوفَّارْ، مِينْزِي إِتّْغِيڒْ أَسنْ س وَاوَاڒنْ نْسنْ أَطَّاسْ أَذْ أَسنْ إِتّْوَاسڒْ. ◘6:‏7 1 إِج. 18‏:‏28؛ إِشا. 1‏:‏15. ٨ وَارْ تِّيڒِيمْ خنِّي أَمْ نِيثْنِي، مِينْزِي بَابَاثْومْ إِسّنْ مِينْ ثحْذَاجمْ قْبڒْ ذ أَسْ إِ غَا ثتَّارمْ شَا. ٩ أَمُّو إِ غَا ثژَّادْجمْ كنِّيوْ:

’أَ بَابَاثْنغْ إِ إِدْجَانْ ذڭْ إِجنْوَانْ،

أَذْ يِيڒِي إِسمْ نّشْ إِتّْوَاقدّسْ، ◘6:‏9 لك. 11‏:‏2.

١٠ أجّْ أَذْ د-ثَاسْ ثْڭلْذِيثْ نّشْ،

أَذْ يِيڒِي ڒْْخَاضَارْ نّشْ

أَمْ ذڭْ ؤُجنَّا أَمُّو عَاوذْ ذِي ثمُّورْثْ.

١١ أوْشْ أَنغْ أَسّْ-أَ أَغْرُومْ إِ نهْذَاجْ.

١٢ غْفَارْ أَنغْ إِمَارْوُوسَا نّغْ،

أَمْ مَامّشْ نْسَامحْ عَاوذْ

إِ يِينِّي د أَنغْ إِتُّورْسنْ،

١٣ ؤُ وَارْ ذ أَنغْ سِيذِيفْ شَا ذڭْ ؤُجَارّبْ،

مَاشَا فكّْ أَنغْ زڭْ ؤُمْعفَّانْ.

مِينْزِي ثَاڭلْذِيثْ ذ جّهْذْ ذ ؤُعُودْجِي

أَذْ إِڒِينْ إِ شكْ إِ ڒبْذَا قَاعْ!‘ ◘6:‏13 مت. 13‏:‏19.

١٤ مَاغَارْ مَاڒَا كنِّيوْ ثْسَامْحمْ إِ إِوْذَانْ إِ إِعذِّيينْ نْسنْ، ؤُڒَا ذ بَابَاثْومْ إِ إِدْجَانْ ذڭْ إِجنْوَانْ أَذْ أَومْ إِغْفَارْ. ◘6:‏14 مك. 11‏:‏25؛ كُول. 3‏:‏13. ١٥ مَاشَا مَاڒَا كنِّيوْ وَارْ ثتّْسِيمِيحمْ إِ إِوْذَانْ، أَقَا ؤُڒَا ذ بَابَاثْومْ وَارْ إِغفَّارْ شَا إِعذِّيينْ نْومْ.“ ◘6:‏15 مت. 18‏:‏35؛ يَاع. 2‏:‏13.

١٦ ”ڒَْامِي ثْژُومّمْ، وَارْ تّڭّمْ أَغمْبُوبْ أَبَارْشَانْ أَمْ يِيمْنَافْقنْ، إِنِّي إِسّْنقْڒَابنْ أَغمْبُوبْ نْسنْ حِيمَا أَذْ ثنْ ژَترنْ إِوْذَانْ بلِّي أَقَا ژُومّنْ. س ثِيذتّْ نشّْ أَذْ أَومْ إِنِيغْ، أَقَا نِيثْنِي ؤُفِينْ ڒَْاجَارْ نْسنْ زِي بعْذَا. ◘6:‏16 إِشا. 58‏:‏3؛ مت. 9‏:‏14؛ مك. 2‏:‏18؛ لك. 5‏:‏33. ١٧ مَاشَا شكْ، مَاڒَا ثْژُومّذْ، ذْهنْ أَزدْجِيفْ نّشْ ؤُشَا سِيرذْ أَغمْبُوبْ نّشْ، ١٨ حِيمَا وَارْ ثْبِينِيذْ شَا إِ إِوْذَانْ بلِّي ثتّْژُومّذْ، مَاشَا إِ بَابَاشْ ونِّي إِدْجَانْ ذِي ثْنُوفّْرَا، ؤُشَا بَابَاشْ إِ إِتّْوَاڒَانْ ذِي ثْنُوفّْرَا، أَقَا نتَّا إِ شكْ إِ غَا إِخدْجْصنْ.“

١٩ ”وَارْ سْمُونَامْ شَا ڒكْنُوزْ إِ يِيخفْ نْومْ ذَا ذِي دُّونشْثْ مَانِي إِ ثنْ غَا ثشّْ ثْشِينْذَا ذ دّْرَا، ؤُ مَانِي غَا سّْنُوقّْبنْ إِخوَّاننْ، أَذْ ثنْ أَشَارنْ، ◘6:‏19 [لك. 12‏:‏33‏-‏34؛ 11‏:‏34‏-‏36؛ 16‏:‏13] — أَوڒن. 23‏:‏4؛ عبر. 13‏:‏5؛ يَاع. 5‏:‏1. ٢٠ مَاشَا سْمُونمْ إِ يِيخفْ نْومْ ڒكْنُوزْ ذڭْ ؤُجنَّا مَانِي وَارْ ثنْ ثتّتّْ شَا ثْشِينْذَا ذ دّْرَا، ؤُ مَانِي وَارْ سّْنُوقُّوبنْ إِخوَّاننْ، وَارْ ثنْ تَّاشَارنْ. ◘6:‏20 لك. 12‏:‏33؛ 1 تِيم. 6‏:‏19. ٢١ مِينْزِي مَانِي غَا يِيڒِي ڒْْكنْزْ نّشْ، أَقَا أَذْ ذِينْ يِيڒِي ؤُڒَا ذ ؤُڒْ نّشْ.“

٢٢ ”ڒفْنَارْ ن أَرِّيمثْ نتَّا ذ ثِيطّْ. مَاڒَا خنِّي ثِيطّْ نّشْ أَقَا ثصْفَا، أَذْ ثِيڒِي أَرِّيمثْ نّشْ مَارَّا ذ ثَافَاوْثْ. ◘6:‏22 لك. 11‏:‏34‏-‏36؛ ٢٣ مَارَا ثِيطّْ نّشْ ذ ثَاعفَّانْثْ، خنِّي أَذْ ثِيڒِي أَرِّيمثْ نّشْ مَارَّا ذ ثَادْجسْثْ. مَاڒَا ثَافَاوْثْ ثنِّي ذَايكْ ذ ثَادْجسْثْ، مشْحَاڒْ ثمْغَارْ ثَادْجسْثْ!

٢٤ ؤُڒَا ذ إِجّْ وَارْ إِزمَّارْ أَذْ إِخْذمْ إِ ثْنَاينْ ن إِسِيذِيثنْ، مِينْزِي خنِّي نتَّا أَذْ إِشَارْهْ إِجّنْ، أَذْ إِخْسْ ونّغْنِي، نِيغْ أَذْ إِوقَّارْ إِجّنْ، أَذْ إِسّحْقَارْ ونّغْنِي. كنِّيوْ وَارْ ثْزمَّارمْ أَذْ ثْسخَّارمْ إِ أَربِّي ذ ثنْعَاشِينْ.“ ◘6:‏24 لك. 16‏:‏13.

٢٥ ”س ؤُيَا نشّْ أَذْ أَومْ إِنِيغْ: ’وَارْ كسِّيمْ أَمْنُوسْ ذِي ثُوذَارْثْ نْومْ، مِينْ غَا ثشّمْ نِيغْ مِينْ غَا ثسْومْ، ؤُڒَا إِ أَرِّيمثْ نْومْ مَامّشْ ت إِ غَا ثسّْيَارْضمْ. خْزَارمْ، مَا وَارْ ثحْڒِي ثُوذَارْثْ خْ مَاشَّا نِيغْ أَرِّيمثْ خْ وَارُّوضْ؟ ◘6:‏25 [لك. 12‏:‏22‏-‏34] — إِزهد. 37‏:‏5؛ 55‏:‏23؛ فِيل. 4‏:‏6؛ 1 تِيم. 6‏:‏8؛ 1 بُط. 5‏:‏7. ٢٦ خْزَارمْ غَارْ إِجْضَاضْ ن ؤُجنَّا، أَقَا نِيثْنِي وَارْ زَارّْعنْ، وَارْ مجَّارنْ ؤُشَا وَارْ تّْخمِّيڒنْ ذِي ڒمْرَاسِي. وَاخَّا أَمنِّي بَابَاثْومْ إِ إِدْجَانْ ذڭْ إِجنْوَانْ إِ ثنْ إِسّشَّانْ. خْزَارمْ، مَا كنِّيوْ وَارْ ثسّكّْوِيمْ شَا كْثَارْ أَطَّاسْ خَاسنْ؟ ◘6:‏26 أَيُوبْ 38‏:‏41؛ إِزهد. 147‏:‏9. ٢٧ مَانْ ونْ زَّايْومْ إِزمَّارْ س ومْنُوسْ نّسْ أَذْ يَارْنِي مْغِيرْ إِجّْ ن ؤُغِيڒْ ذِي ثُوزّڭَّارْثْ نّسْ؟ ٢٨ ؤُ مَايمِّي ثْكسِّيمْ أَمْنُوسْ إِ وَارُّوضْ؟ خْزَارمْ مَامّشْغمّْينْثْ ثْلِيلِّيشِينْ ذڭْ إِيَّارْ. نِيثنْثِي وَارْ خدّْمنْثْ، وَارْ تّْقَارْضْشنْثْ، ◼6:‏28 ’ثِيلِيلِّيشِينْ‘ - إِجّْ ن مَارْكَا ن نُّووَارَاثْ ذَايْسنْ أَژْرِي أَطَّاسْ. ٢٩ مَاشَا نشّْ أَذْ أَومْ إِنِيغْ، ؤُڒَا ذ سُولِيمَانْ ذِي مَارَّا أَعُودْجِي نّسْ وَارْ يَارْضْ شَا أَمْ يِيجّنْ زَّايْسنْ. ٣٠ مَاڒَا أَربِّي إِسّْيَارْضْ أَمُّو أَرْبِيعْ ن إِيَّارْ إِ إِدْجَانْ أَسّْ-أَ ؤُشَا ثِيوشَّا أَذْ إِمّنْضَارْ ذِي ثفْقُونْثْ، مَا خنِّي وَارْ كنِّيوْ إِسّْيِيرّضْ أَطَّاسْ حْسنْ زَّايسْ، أَ كنِّيوْ إِ ذِي إِدْجَا ذْرُوسْ ن لْ-إِيمَانْ؟ ٣١ س ؤُيَا وَارْ كسِّيمْ شَا أَمْنُوسْ، وَارْ قَّارمْ: ’مِينْ غَا نشّْ؟‘، ؤُ: ’مِينْ غَا نْسُو؟‘، نِيغْ: ’مِينْ غَا نْيَارْضْ؟‘ ٣٢ مَاغَارْ ڒڭْنُوسْ ن دُّونشْثْ أَرزُّونْ مَانْ أَيَا مَارَّا، مَاشَا بَابَاثْومْ إِ إِدْجَانْ ذڭْ إِجنْوَانْ إِسّنْ أَقَا ثحْذَاجمْ مَانْ أَيَا مَارَّا. ٣٣ أَرْزُومْ أَمزْوَارُو خْ ثْڭلْذِيثْ ن أَربِّي ذ ثْسڭْذَا نّسْ، ؤُشَا مَانْ أَيَا مَارَّا أَذْ غَارْومْ إِمَّارْنِي عَاوذْ. ◘6:‏33 1 إِج. 3‏:‏13؛ إِزهد. 37‏:‏25؛ 55‏:‏23. ٣٤ س ؤُيَا وَارْ كسِّيمْ أَمْنُوسْ إِ مِينْ إِ غَا يِيڒِي ثِيوشَّا، مِينْزِي ثِيوشَّا أَذْ ثكْسِي أَمْنُوسْ إِ يِيخفْ نّسْ. إِشْفَا إِ كُوڒْ أَسّْ ثُوعفّْنَا نّسْ.“