11
1 ڒْمِيزَانْ أَغشَّاشْ ذ نّْعِي إِ سِيذِي،
مَاشَا أَژْرُو ن ڒوْزنْ نِيشَانْ
إِتَّافْ أَرْضَا نّسْ. ◘11:1 لَاوِي 19:36؛ أَعَوذ. 25:13؛ أَوڒن. 16:11؛ 20:10، 23
2 مَاڒَا ثُوسَا-د نّْفَاخثْ،
ثُوسَا-د ؤُڒَا ذ ڒفْضِيحثْ،
3 ڒصْفَايثْ ن إِنِّي إِڭُّورنْ نِيشَانْ
ثْندّهْ إِ-ثنْ،
مَاشَا ثَاحْرَايْمشْثْ ن إِغدَّارنْ
ثَاڒدّدْجْ إِ-ثنْ. ◘11:3 أَوڒن. 13:6
4 أَڭْڒَا وَارْ إِنفّعْ
غَارْ وَاسّْ ن ؤُذُوقّزْ ن ؤُفُوڭمْ،
مَاشَا ثَاسڭْذَا ثتّْفكَّا زِي ڒْموْثْ. ◘11:4 أَوڒن. 10:2؛ حِز. 7:19؛ صَاف. 1:18
5 ثَاسڭْذَا ن ونِّي إِڭُّورنْ نِيشَانْ
إِتَّارَّا أَبْرِيذْ نّسْ نِيشَانْ،
مَاشَا أَعفَّانْ إِوطَّا س ثُوعفّْنَا نّسْ.
6 ثَاسڭْذَا ن إِنِّي إِڭُّورنْ نِيشَانْ
أَذْ ثنْ ثْفكّْ،
مَاشَا إِغدَّارنْ أَذْ تّْوَاشَارْفنْ
ذڭْ ؤُمژْرِي نْسنْ.
7 مَاڒَا إِمُّوثْ بْنَاذمْ أَعفَّانْ،
إِفْنَا ڒَايَاسْ نّسْ،
ؤُڒَا ذ مِينْ تّْرَاجَانْ
يرْيَازنْ ذَايْسنْ ثرْيَاسْثْ أَذْ إِفْنَا.
8 أَمْسڭّذْ أَذْ د-إِتّْوَافكّْ
زِي ڒحْصَارثْ،
ؤُشَا خنِّي أَعفَّانْ أَذْ د-يَاسْ
ذڭْ ومْشَانْ نّسْ.◘11:8 إِزهد. 34:20؛ أَوڒن. 21:18
9 أَمْنَافقْ إِتَّاردّدْجْ جَّارْ نّسْ
س ؤُقمُّومْ نّسْ،
مَاشَا إِمْسڭَّاذنْ
أَذْ تّْوَافكّنْ س ثُوسّْنَا. ◼11:9 ’بُو ثْنَاينْ ن وُوذْمَاونْ‘ - نِيغْ ’لْمُونَافِيقْ‘.
10 ثَانْذِينْثْ ثتّسْڒِيوْڒِيوْ
مَاڒَا إِمْسڭَّاذنْ أَقَا أَثنْ مْلِيحْ،
ؤُ مَاڒَا تّْوَاهلّْكنْ إِعفَّاننْ،
أَقَا ذِينْ أَسْڒِيوْڒوْ.
11 ثتّْوَاسّْڭعّذْ ثنْذِينْثْ
س لْبَارَاكَا ن إِنِّي إِڭُّورنْ نِيشَانْ،
مَاشَا س ؤُقمُّومْ ن إِعفَّاننْ
أَذْ ثتّْوَاهْذمْ.
12 ونِّي وَارْ غَارْ إِدْجِي شَا وُوڒْ إِمْثنْ،
إِسّحْقَارَا جَّارْ نّسْ،
مَاشَا أَرْيَازْ ونِّي غَارْ إِدْجَا ڒفْهَامثْ
إِتّسْقَارْ.
13 ونِّي إِڭُّورنْ ذَا ذ ذِيهَا س ثخْبَارْجِيثْ،
إِتّْعَارَّا مِينْ إِنُّوفَّارنْ،
مَاشَا ونِّي إِ ذِي إِدْجَا أَرُّوحْ
ذَايسْ ڒَامَانْ، أَقَا إِسّْنُوفَّارَا ثَامسْڒَاشْثْ.
14 مَاڒَا وَارْ ذِينْ أَذبَّارْ، إِوطَّا ڒْڭنْسْ،
مَاشَا أَذْ يِيڒِي ؤُسنْجمْ س ڒمْغَارثْ ن ؤُمْشَاوَارْ. ◘11:14 1 إِج. 12:1-20
15 ونِّي إِضمّْننْ ڒْبَارَّانِي،
وَارْ د أَسْ ثتّفّغْ شَا مْلِيحْ،
مَاشَا ونِّي إِشَارّْهنْ
إِنِّي إِتّڭّنْ ثِيشْثِي خْ ؤُفُوسْ،
أَقَا-ث ذِي ڒَامَانْ.
16 ثَامْغَارْثْ ثتَّافْ أَرْضَا، ثطّفْ
ذِي ڒْعزّْ نّسْ،
مَاشَا أَيْثْ ن بُو-ڒخْشُونثْ
تّطّْفنْ ذڭْ وَاڭْڒَا.
17 بْنَاذمْ س ثْمخْسِيوْثْ إِشوَّارنْ
إِتّڭّْ ڒْخَارْ إِ ڒعْمَارْ نّسْ،
مَاشَا أَقسَّاحْ إِتّْغزَّا
أَيْسُومْ ن يِيخفْ نّسْ.
18 أَعفَّانْ إِمجَّارْ ڒْغِيدْجثْ ن ڒْغشّْ،
مَاشَا ونِّي إِزَارّْعنْ ثَاسڭْذَا،
إِمجَّارْ إِشْثْ نْ ڒْمُونثْ إِمثْننْ.
19 ثَاسڭْذَا نِيشَانْ ثتَّاوِي غَارْ ثُوذَارْثْ،
ونِّي يَاردّْفنْ ڒْغَارْ،
يَارزُّو ڒْموْثْ نّسْ.
20 إِنِّي غَارْسنْ ؤُڒْ إِفَارْغنْ
أَقَا أَثنْ ذ نّْعِي إِ سِيذِي،
مَاشَا إِنِّي إِڭُّورنْ نِيشَانْ
نتَّا يَارطَّا ذَايْسنْ.
21 س ثِيذتّْ، أَعفَّانْ وَارْ إِتّْغِيمِي بْڒَا ڒخْڒَاصْ،
مَاشَا ثَارْوَا ن إِمْسڭَّاذنْ
أَذْ تّْوَاسّْنجْمنْ. ◘11:21 أَوڒن. 16:5
22 أَمشْنَاوْ إِشْثْ ن ثْخَاذنْثْ ن وُورغْ
ذِي ثِينْزَارْ ن يِيڒفْ،
أَمُّو إِ ثدْجَا إِشْثْ ن ثمْغَارْثْ ثشْنَا
وَارْ ذِي إِدْجَا ؤُميّزْ.
23 مژْرِي ن إِمْسڭَّاذنْ
مْغِيرْ غَارْ مِينْ إِصبْحنْ،
مَاشَا ڒَايَاسْ ن إِعفَّاننْ
أَقَا-ث نْهْڒَا ڒعْبَارْ.
24 أَقَا ذِينْ إِجّنْ ونِّي إِبطَّانْ س وشْرِيمْ،
وَاخَّا أَمنِّي إِتّْوَارْنِي أَسْ عَاذْ كْثَارْ،
ؤُ أَقَا ذِينْ إِجّنْ ونِّي إِمنّْعنْ كْثَارْ
خْ مِينْ إِشُووَّارنْ،
وَاخَّا مَانْ أَيَا إِندّهْ غَارْ زّڒْضْ.
25 ڒعْمَارْ نِّي إِتّْبَارْكنْ أَذْ إِتّْوَاسّْجِيونْ،
ؤُ ونِّي إِتِّيشنْ أَمَانْ،
أَذْ أَسْ إِمّوْشْ وَامَانْ
إِ نتَّا سِيمَانْثْ نّسْ. ◘11:25 إِزهد. 112:9؛ 2 كُور. 9:9
26 ونِّي إِتّْخمَّاڒنْ إِمنْذِي،
إِنعّڒْ إِ-ث شّعْبْ،
مَاشَا لْبَارَاكَا أَذْ ثِيڒِي
خْ ؤُزدْجِيفْ ن ونِّي إِزْنُوزَانْ إِمنْذِي.
27 ونِّي إِتّْشطَّارنْ ذِي طّْوعْ ن
مِينْ إِصبْحنْ،
يَارزُّو مِينْ يَارْضَانْ،
مَاشَا ونِّي إِتّْحَامَانْ ڒْغَارْ، أَذْ ث إِڒْقفْ. ◘11:27 إِزهد. 7:17؛ 9:16؛ 10:2؛ 57:7
28 ونِّي إِتّْشَاڒنْ خْ وَاڭْڒَا نّسْ، أَذْ إِوْضَا،
مَاشَا إِمْسڭَّاذنْ تّْنعْنِيعنْ
أَمْ إِفثْوَانْ إِزِيزَاونْ.◘11:28 إِزهد. 1:3، 4؛ 92:13
29 ونِّي إِهكّْوْڒنْ أَيْثْبَابْ ن ثَادَّارْثْ نّسْ،
أَذْ إِوَارْثْ أَسمِّيضْ،
ؤُ أَبُوهَاڒِي أَذْ يِيڒِي ذ أَمْسخَّارْ
ن ونِّي ذِي إِدْجَا وُوڒْ أَمِيغِيسْ.
30 ڒْغِيدْجثْ ن ؤُمْسڭَّاذْ
ذ إِشْثْ ن ثْشجَّارْثْ ن ثُوذَارْثْ،
ونِّي يَاربّْحنْ ڒعْمُورْ أَقَا-ث ذ أَمِيغِيسْ. ◼11:30 ’ثَاشجَّارْثْ‘ - نِيغْ ’أَدَّاڭْ‘ (’إِدَّاڭنْ‘).
31 خْزَارْ، أَقَا أَذْ إِتّْوَاخدْجصْ
ؤُمْسڭّذْ ذِي ثمُّورْثْ،
خنِّي مَاهُو أَعفَّانْ ذ ؤُمذْنُوبْ. ◘11:31 1 بُط. 4:17، 18
◘11:1 11:1 لَاوِي 19:36؛ أَعَوذ. 25:13؛ أَوڒن. 16:11؛ 20:10، 23
◘11:2 11:2 أَوڒن. 15:33؛ 16:18؛ 18:12
◘11:3 11:3 أَوڒن. 13:6
◘11:4 11:4 أَوڒن. 10:2؛ حِز. 7:19؛ صَاف. 1:18
◘11:8 11:8 إِزهد. 34:20؛ أَوڒن. 21:18
◼11:9 11:9 ’بُو ثْنَاينْ ن وُوذْمَاونْ‘ - نِيغْ ’لْمُونَافِيقْ‘.
◘11:14 11:14 1 إِج. 12:1-20
◘11:21 11:21 أَوڒن. 16:5
◘11:25 11:25 إِزهد. 112:9؛ 2 كُور. 9:9
◘11:27 11:27 إِزهد. 7:17؛ 9:16؛ 10:2؛ 57:7
◘11:28 11:28 إِزهد. 1:3، 4؛ 92:13
◼11:30 11:30 ’ثَاشجَّارْثْ‘ - نِيغْ ’أَدَّاڭْ‘ (’إِدَّاڭنْ‘).
◘11:31 11:31 1 بُط. 4:17، 18