12
1 ونِّي إِتّخْسنْ تَّارْبِييّثْ،
إِتّخْسْ ثُوسّْنَا،
مَاشَا ونِّي إِشَارّْهنْ أَوبّخْ
أَقَا نتَّا ذ أَقفُّوحْ.
2 بْنَاذمْ ذ أَصبْحَانْ إِتَّافْ أَرْضَا ن سِيذِي،
مَاشَا أَرْيَازْ إِنكّْوَانْ ثَاحْرَايْمشْثْ
أَذْ ث إِبَارّحْ ذ بُو-ؤُمَارْوَاسْ.
3 بْنَاذمْ وَارْ إِزمَّارْ
أَذْ إِقِّيمْ إِبدّْ ؤُمِي إِتّڭّْ ڒْغَارْ،
مَاشَا أَژْوَارْ ن إِمْسڭَّاذنْ
وَارْ إِزمَّارْ أَذْ إِنْهزّْ. ◘12:3 أَوڒن. 10:25
4 ثَامْغَارْثْ إِمحْضنْ
ذ تَّاجْ ن ورْيَازْ نّسْ،
مَاشَا ثنِّي ث يَارِّينْ إِتّْسضْحَا،
ذ ثنِّي أَمْ وَارصُّوضْ ذڭْ إِغْسَانْ نّسْ. ◘12:4 1 كُور. 11:7
5 إِخمِّيمنْ ن إِمْسڭَّاذنْ ذ ڒْحقّْ،
إِخَارِّيصنْ ن إِعفَّاننْ ذ ڒْغشّْ مَارَّا.
6 أَوَاڒنْ ن إِعفَّاننْ
ڒبْثنْ ذڭْ إِذَامّنْ،
مَاشَا أَقمُّومْ ن يِينِّي إِڭُّورنْ نِيشَانْ
أَذْ ثنْ إِسّنْجمْ.◘12:6 أَوڒن. 1:11، 18؛ 11:9
7 إِعفَّاننْ تّْنقْڒَابنْ ؤُ وَارْ دْجِينْ عَاذْ،
مَاشَا ثَادَّارْثْ ن إِمْسڭَّاذنْ
أَذْ ثقِّيمْ ثْبدّْ. ◘12:7 إِزهد. 37:36-40؛ أَوڒن. 11:21
8 إِتّْوَاسّمْغَارْ بْنَاذمْ
عْلَاحْسَابْ ڒْقدّْ ن ڒعْقڒْ نّسْ،
مَاشَا ونِّي ذِي إِدْجَا وُوڒْ إِفَارْغنْ،
أَذْ إِتّْوَاسّحْقَارْ.
9 إِحْڒَا ونِّي وَارْ إِحسّْبنْ
خْ إِخفْ نّسْ أَطَّاسْ،
مَاشَا غَارسْ إِجّْ ن ؤُمْسخَّارْ،
خْ ونِّي إِتّْشنّْعنْ س إِخفْ نّسْ،
مَاشَا أَغْرُومْ وَارْ غَارسْ يدْجِي. ◘12:9 أَوڒن. 13:7
10 أَمْسڭّذْ إِسّنْ
ڒعْمَارْ ن ڒبْهِيمثْ نّسْ،
مَاشَا أَرّحْمَاثْ ن ؤُعفَّانْ قسْحنْثْ. ◘12:10 أَعَوذ. 25:4
11 ونِّي إِشَارّْزنْ ثَامُّورْثْ نّسْ،
أَذْ إِجَّاونْ س وغْرُومْ،
مَاشَا ونِّي يَاردّْفنْ مِينْ إِدْجَانْ إِخْوَانْ،
وَارْ غَارسْ شَا وُوڒْ إِمْثنْ. ◘12:11 أَوڒن. 28:19
12 أَعفَّانْ إِتّخْسْ مِينْ إِدْجَانْ ذِي ثْرَاشَّا
ن يِينِّي إِتّڭّنْ ڒْغَارْ،
مَاشَا أَژْوَارْ ن إِمْسڭَّاذنْ
إِتّْغِيمَا إِتِّيشْ.
13 ذڭْ ؤُخطُّو ن إِينْشِيشنْ
ذَايسْ إِجّْ ن ڒْفخْ ذ أَعفَّانْ،
مَاشَا أَمْسڭّذْ أَذْ إِنْجمْ زِي ڒحْصَارثْ. ◘12:13 أَوڒن. 10:14؛ 18:7
14 زِي ڒْغِيدْجثْ ن ؤُقمُّومْ نّسْ
إِتّْوَاسّْجِيونْ بْنَاذمْ س ڒْخِيرْ،
مِينْ د-تَّاوْينْ إِفَاسّنْ ن بْنَاذمْ
أَذْ غَارسْ د-إِذْوڒْ. ◘12:14 أَوڒن. 13:2
15 أَبْرِيذْ ن ؤُبُوهَاڒِي نِيشَانْ ذِي ثِيطَّاوِينْ نّسْ،
مَاشَا ونِّي إِتّسْڒَانْ إِ شّْوَارْ،
أَقَا نتَّا ذ أَمِيغِيسْ. ◘12:15 أَوڒن. 3:7
16 أَبُوهَاڒِي إِسّْشَانَا ڒْهمّْ نّسْ
ذڭْ وَاسّْ ذ إِجّْ،
مَاشَا ونِّي إِفتّْننْ،
إِتّْذَاڒَا ڒحْيَا نّسْ.
17 ونِّي د-إِنطّْقنْ ثِيذتّْ،
إِسّْشَانَا ثَاسڭْذَا،
مَاشَا أَشهَّاذْ إِسّْخَارِّيقنْ
إِسّْشَانَا أَشْمَاثْ. ◘12:17 أَوڒن. 14:5
18 أَقَا ذِينْ ونِّي إِتّْهَارْوَاضنْ
أَمْ ثجِّيثْ ن سِّيفْ،
مَاشَا إِڒسْ ن إِمِيغِيسنْ
إِتَّاوِي-د أَڭنْفُو. ◘12:18 إِزهد. 57:5؛ 59:8؛ أَوڒن. 16:27
19 إِينْشِيشنْ إِشُّورنْ س ثِيذتّْ
أَذْ تّْوَاضْمنْ إِ ڒبْذَا،
مَاشَا إِڒسْ إِسّْخَارِّيقنْ مْغِيرْ
إِ يِيجّْ ن ؤُمُورْ وَاهَا.
20 أَشْمَاثْ أَقَا-ث ذڭْ وُوڒْ
ن يِينِّي إِنكّْوَانْ ثُوعفّْنَا،
مَاشَا إِ يِينِّي إِنسّْحنْ ڒهْنَا،
أَقَا ذِينْ ڒفْرَاحثْ.
21 أَمْسڭّذْ وَارْ ث إِڒقّفْ ڒْغشّْ،
مَاشَا إِعفَّاننْ أَذْ تّْوَاشُّورنْ س ڒْغَارْ.
22 إِينْشِيشنْ إِسْخَارِّيقنْ ذ نّْعِي إِ سِيذِي،
مَاشَا إِنِّي إِتّمْصُورُّوفنْ س ڒَامَانْ
يَارْضَانْ أَسْ.
23 بْنَاذمْ إِفثْننْ إِسّْذُورُّويْ ثُوسّْنَا نّسْ،
مَاشَا ؤُڒْ ن إِبُوهَاڒِييّنْ
إِسْغُويُّو س ثُوبُّوهڒْيَا ذِي ڒخْڒَا. ◘12:23 أَوڒن. 13:16؛ 15:2
24 أَفُوسْ ن ونِّي إِمحْضنْ أَذْ إِحْكمْ،
مَاشَا ڒعْڭزْ إِندّهْ غَارْ ثسْمُوغِي. ◘12:24 أَوڒن. 10:4
25 أَمْنُوسْ ذڭْ وُوڒْ ن بْنَاذمْ
إِسّْهكّْوَا إِ-ث،
مَاشَا أَوَاڒْ إِصبْحنْ إِسّْفَارَّاحْ إِ-ث. ◘12:25 أَوڒن. 15:13
26 أَمْسڭَّاذْ إِسّْشَانَا أَبْرِيذْ إِ جَّارْ نّسْ،
مَاشَا أَبْرِيذْ ن ؤُعفَّانْ
يَارَّا إِ-ثنْ أَذْ ودَّارنْ.
27 أَمعْڭُوزْ وَارْ إِضفَّارْ شَا أَنيْمَارْ نّسْ.
مَاشَا أَڭْڒَا إِغْڒَانْ ن إِوْذَانْ أَقَا ذ أَمْحَاضْ.
28 ذڭْ ؤُمسْرُوقْ ن ثْسڭْذَا ثدْجَا ثُوذَارْثْ،
أَبْرِيذْ ن ڒَاثَارْ نّسْ وَارْ ذَايسْ بُو ڒْموْثْ.
◘12:3 12:3 أَوڒن. 10:25
◘12:4 12:4 1 كُور. 11:7
◘12:6 12:6 أَوڒن. 1:11، 18؛ 11:9
◘12:7 12:7 إِزهد. 37:36-40؛ أَوڒن. 11:21
◘12:9 12:9 أَوڒن. 13:7
◘12:10 12:10 أَعَوذ. 25:4
◘12:11 12:11 أَوڒن. 28:19
◘12:13 12:13 أَوڒن. 10:14؛ 18:7
◘12:14 12:14 أَوڒن. 13:2
◘12:15 12:15 أَوڒن. 3:7
◘12:17 12:17 أَوڒن. 14:5
◘12:18 12:18 إِزهد. 57:5؛ 59:8؛ أَوڒن. 16:27
◘12:23 12:23 أَوڒن. 13:16؛ 15:2
◘12:24 12:24 أَوڒن. 10:4
◘12:25 12:25 أَوڒن. 15:13