24
وَارْ تَّاسمْ.
زڭْ إِرْيَازنْ إِعفَّاننْ،
وَارْ أَرزُّو شَا ثْمُونثْ أَكِيذْسنْ. 24:‏1 إِزهد. 37‏:‏1؛ أَوڒن. 3‏:‏31؛ 23‏:‏17
مَاغَارْ ؤُڒْ نْسنْ إِتّقّرْ غَارْ ؤُردّدْجْ،
أَوَاڒنْ ن إِينْشِيشنْ نْسنْ
إِ د-إِتّْوَاينْ غَارْ أَرْژِييّثْ. 24:‏2 إِزهد. 10‏:‏7
ثَادَّارْثْ ثتّْوَابْنَا س ثِيغِيثْ،
ثتّْوَاسّمْثنْ س ڒفْهَامثْ،
س ثُوسّْنَا تّْوَاعمَّارنْ
إِخَّامنْ ن ذَاخڒْ،
س مَارَّا أَڭْڒَا إِغْڒَانْ ذ وَاڭْڒَا إِڒِيقّنْ.
أَرْيَازْ أَمِيغِيسْ إِجْهذْ،
أَرْيَازْ ن ثُوسّْنَا يَارنِّي ذِي جّهْذْ نّسْ، 24:‏5 أَوڒن. 21‏:‏22
مَاغَارْ إِتّْخصَّا
أَذْ إِتّْوَانْذهْ ؤُمنْغِي س ؤُذبَّارْ،
ؤُ س ڒمْغَارثْ ن ؤُمْشَاوَارْ أَذْ يِيڒِي ؤُسنْجمْ. 24:‏6 أَوڒن. 11‏:‏14؛ 15‏:‏22؛ 20‏:‏18
ثِيغِيثْ ثُوعْڒَا خْ ؤُبُوهَاڒِي،
نتَّا وَارْ يَارزّمْ أَقمُّونْ نّسْ
ذِي ثوَّارْثْ ن ثنْذِينْثْ. 24:‏7 أَوڒن. 14‏:‏6
 
ونِّي إِتّْخَارِّيصنْ ذِي ڒْغَارْ،
أَذْ أَسْ ڒَاغَانْ أَرَّايْسْ ن بُو-ثحْڒَايْمشْثْ.
ڒمْوَايَاڒْ ن ؤُخَارّصْ ن ؤُبُوهَاڒِي ذ دّنْبْ،
ؤُ أَمسْثهْزِييْ ذ نّْعِي إِ بْنَاذمْ.
10 مَاڒَا ثَارْخُوذْ زڭْ إِخفْ نّشْ
ذڭْ وَاسّْ ن ڒحْصَارثْ،
أَمُّو ؤُڒَا ذ جّْهذْ نّشْ أَذْ ثتّْوَاحْصَارْ.
11 سنْجمْ إِنِّي إِتّْوَاطّْفنْ
مَاحنْذْ أَذْ تّْوَانْغنْ،
إِنِّي ثنْ إِتَّاوْينْ
غَارْ مَانِي ثنْ إِ غَا نْغنْ،
سْبدّْ إِ-ثنْ! 24:‏11 إِزهد. 82‏:‏4
12 مَاڒَا شكْ أَذْ ثِينِيذْ:
”خْزَارْ، أَقَا وَارْ نسِّينْ وَالُو خْ مَانْ أَيَا!“،
مَا ونِّي إِوزّْننْ ؤُڒَاونْ،
وَارْ ث إِسَّارْڭِيبْ؟
ونِّي إِحطَّانْ ڒعْمَارْ نّشْ، إِسّنْ إِ-ث!
نتَّا أَذْ إِخدْجصْ بْنَاذمْ
عْلَاحْسَابْ ڒْخذْمثْ نّسْ. 24:‏12 أَيُوبْ 34‏:‏11؛ إِزهد. 62‏:‏13؛ إِرْم. 32‏:‏19؛ رُوم. 2‏:‏6؛ أَسَا. 22‏:‏12
 
13 أشّْ ثَامّنْثْ، أَ مِّي،
مَاغَارْ نتَّاثْ ثصْبحْ،
ثَامّنْثْ ن ثغْرَاسْثْ
أَقَا ذ ثْمِيژِيذْثْ إِ وَانغْ نّشْ.
14 أَمُّو إِ ثدْجَا ثُوسّْنَا ن ثِيغِيثْ
إِ ڒعْمَارْ نّشْ.
مَاڒَا ثُوفِيذْ ت، خنِّي ثدْجَا ثِيوشَّا،
ڒَْايَاسْ نّشْ وَارْ إِتّْوَاقطّعْ شَا. 24:‏14 إِزهد. 19‏:‏11؛ 119‏:‏103؛ أَوڒن. 23‏:‏18
15 أَ أَعفَّانْ، وَارْ ثتّْحَامَا
خْ ثْزذِّيغْثْ ن ؤُمْسڭّذْ،
وَارْ هدّمْ أَمْشَانْ ن وَاريّحْ نّسْ!
16 مَاغَارْ أَمْسڭّذْ
أَذْ إِوْضَا سبْعَا ن ثْوَاڒَاوِينْ،
أَذْ د-إِكَّارْ عَاوذْ،
مَاشَا إِعفَّاننْ أَذْ نّْقَارْضنْ س ڒْغَارْ. 24:‏16 أَيُوبْ 5‏:‏19؛ إِزهد. 34‏:‏20؛ عَام. 5‏:‏2؛ 8‏:‏14
17 وَارْ فَارّحْ إِ ؤُوطُّو ن ڒعْذُو نّشْ،
مَاڒَا نتَّا إِنْقَارْضْ،
أجّْ ؤُڒْ نّشْ وَارْ إِفَارّحْ، 24:‏17 أَيُوبْ 31‏:‏29؛ أَوڒن. 17‏:‏5
18 مَاحنْذْ سِيذِي وَارْ ث إِژَارّْ
ؤُ مَانْ أَيَا أَذْ يِيڒِي ذ ڒْعِيبْ ذِي ثِيطَّاوِينْ نّسْ،
أَڒَامِي نتَّا أَذْ خَاسْ إِسّْحيّذْ أَغْضَابْ نّسْ.
19 وَارْ تّْخيِّيقْ أَطَّاسْ
خْ ونِّي إِتّڭّنْ ڒْغَارْ،
وَارْ تَّاسمْ زڭْ إِعفَّاننْ، 24:‏19 إِزهد. 37‏:‏1؛ 73‏:‏3؛ أَوڒن. 3‏:‏31؛ 23‏:‏17؛ 24‏:‏1
20 مَاغَارْ أَقَا ونِّي إِتّڭّنْ ڒْغَارْ
وَارْ غَارسْ ثِيوشَّا،
ڒفْنَارْ ن إِعفَّاننْ أَذْ إِتّْوَاسّخْسِي. 24:‏20 أَيُوبْ 18‏:‏5، 6؛ أَوڒن. 13‏:‏9؛ 20‏:‏20
21 أَ مِّي، ڭّْوذْ سِيذِي ذ ؤُجدْجِيذْ،
وَارْ تّْخدْجضْ شَا إِخفْ نّشْ
أَكْ-ذ يِينِّي إِخْسنْ أَذْ نْقڒْبنْ كُوڒْشِي،
22 مَاغَارْ أَذْ د-يَاسْ ؤُضيّعْ نْسنْ
ذڭْ إِجّْ ن ؤُمُورْ،
وِي إِسّْننْ أَنڭَّارُو أَعفَّانْ
ن إِسڭّْوُوسَا نْسنْ؟
 
أَوَاڒنْ إِوزْننْ ن أَيْثْ ن ثِيغِيثْ -ثَاسْغَارْثْ 2
23 ؤُڒَا ذ يِينَا ذ أَوَاڒنْ إِوزْننْ ن إِمِيغِيسنْ.
أَسْفَارْزْ ن وُوذْمَاونْ ذِي دّعْوثْ
وَارْ إِدْجِي شَا مْلِيحْ. 24:‏23 ؤُف. 23‏:‏3، 6؛ لَاوِي 19‏:‏15؛ أَعَوذ. 1‏:‏17؛ 16‏:‏19؛ أَوڒن. 18‏:‏5؛ 28‏:‏21؛ يُوح. 7‏:‏24؛ يَاع. 2‏:‏1
24 ونِّي إِقَّارنْ إِ ؤُعفَّانْ: ”شكْ ذ أَمْسڭّذْ!“،
وَانِيثَا أَذْ ث نعْڒنْ ڒڭْنُوسْ،
أَذْ ث شَارْهنْ شُّوعُوبْ. 24:‏24 أَوڒن. 17‏:‏15؛ إِشا. 5‏:‏23
25 مَاشَا إِنِّي ثنْ إِ غَا إِحَاكْمنْ،
أَذْ إِڒِينْ مْلِيحْ،
لْبَارَاكَا س مَارَّا ڒْخَارْ أَذْ غَارْسنْ د-ثَاسْ.
26 أَمْ إِجّنْ ونِّي إِسُّوذُومنْ إِينْشِيشنْ،
أَمُّو إِ يدْجَا ونِّي د-إِتَّارَّانْ
س وَاوَاڒنْ إِسڭّْمنْ.
27 سوْجذْ ڒْخذْمثْ نّشْ بَارَّا،
كمّڒْ  إِ-ت إِ يِيخفْ نّشْ ذڭْ إِيَّارْ،
ؤُشَا بْنَا ثَادَّارْثْ نّشْ أَوَارْنِي مَانْ أَيَا!
28 وَارْ تِّيڒِي ذ أَشهَّاذْ بْڒَا سِّيبّثْ
خْ جَّارْ نّشْ.
مَا إِعدّڒْ أَذْ ثْغَارّذْ س إِينْشِيشنْ نّشْ؟
29 وَارْ قَّارْ: ”أَمْ مَامّشْ إِ ذ أَيِي إِڭَّا،
أَمُّو إِ د-أَسْ غَا ڭّغْ ؤُڒَا ذ نشّْ!“،
مَاغَارْ نشّْ أَذْ د-خڒْفغْ زِي كُوڒْ  إِجّنْ
عْلَاحْسَابْ ڒْخذْمثْ نّسْ. 24:‏29 رُوم. 12‏:‏17، 19
 
30 نشّْ كّغْ خْ ييَّارْ ن إِجّْ ن ؤُمعْڭُوزْ،
خْ ؤُمَارْجعْ ن ؤُضِيڒْ ن إِجّْ ن بْنَاذمْ
س وُوڒْ نّسْ وَارْ إِمْثِيننْ.
31 خْزَارْ، ثْڭعّذْ-د خَاسْ مَارَّا ثيْزِيثْ،
ثذْڒَا ثْزڭّْوَارْثْ ؤُذمْ ن ثمُّورْثْ نّسْ،
أَقَا ڒْحِيضْ نّسْ ن وژْرُو إِتّْوَاهْذمْ.
32 ڒَْامِي ت ژْرِيغْ، كْسِيغْ ت غَارْ وُوڒْ إِنُو،
ژْرِيغْ ت ؤُشَا كْسِيغْ ت أَمْ يِيجّْ ن ؤُوبّخْ.
33 ”أجّْ أَيِي أَذْ طّْصغْ شْوَايْثْ ذْرُوسْثْ،
شْوَايْثْ ذْرُوسْثْ ن ؤُنُوذمْ،
شْوَايْثْ ذْرُوسْثْ ن ؤُبُوزّڒْ س إِفَاسّنْ ضفْصنْ، 24:‏33 أَوڒن. 6‏:‏10، 11
34 ذِينِّي د غَا يَاسْ زّڒْضْ نّشْ،
ؤُڒَا ذ ڒغْبنْ نّشْ
أَمْ يِيجّْ ن ورْيَازْ س ڒسْنَاحْ.“ 24:‏34 أَوڒن. 6‏:‏11
 
 

24:1 24:‏1 إِزهد. 37‏:‏1؛ أَوڒن. 3‏:‏31؛ 23‏:‏17

24:2 24:‏2 إِزهد. 10‏:‏7

24:5 24:‏5 أَوڒن. 21‏:‏22

24:6 24:‏6 أَوڒن. 11‏:‏14؛ 15‏:‏22؛ 20‏:‏18

24:7 24:‏7 أَوڒن. 14‏:‏6

24:11 24:‏11 إِزهد. 82‏:‏4

24:12 24:‏12 أَيُوبْ 34‏:‏11؛ إِزهد. 62‏:‏13؛ إِرْم. 32‏:‏19؛ رُوم. 2‏:‏6؛ أَسَا. 22‏:‏12

24:14 24:‏14 إِزهد. 19‏:‏11؛ 119‏:‏103؛ أَوڒن. 23‏:‏18

24:16 24:‏16 أَيُوبْ 5‏:‏19؛ إِزهد. 34‏:‏20؛ عَام. 5‏:‏2؛ 8‏:‏14

24:17 24:‏17 أَيُوبْ 31‏:‏29؛ أَوڒن. 17‏:‏5

24:19 24:‏19 إِزهد. 37‏:‏1؛ 73‏:‏3؛ أَوڒن. 3‏:‏31؛ 23‏:‏17؛ 24‏:‏1

24:20 24:‏20 أَيُوبْ 18‏:‏5، 6؛ أَوڒن. 13‏:‏9؛ 20‏:‏20

24:23 24:‏23 ؤُف. 23‏:‏3، 6؛ لَاوِي 19‏:‏15؛ أَعَوذ. 1‏:‏17؛ 16‏:‏19؛ أَوڒن. 18‏:‏5؛ 28‏:‏21؛ يُوح. 7‏:‏24؛ يَاع. 2‏:‏1

24:24 24:‏24 أَوڒن. 17‏:‏15؛ إِشا. 5‏:‏23

24:29 24:‏29 رُوم. 12‏:‏17، 19

24:33 24:‏33 أَوڒن. 6‏:‏10، 11

24:34 24:‏34 أَوڒن. 6‏:‏11