105
قَاذَامْ سِيذِي،
ڒَْاغَامْ خْ يِيسمْ نّسْ،
بَارّْحمْ س ثْمڭَّا نّسْ جَارْ ڒڭْنُوسْ. 105:‏1 1 إِم. 16‏:‏8‏-‏22
غنّْجمْ أَسْ، زهّْذمْ إِ نتَّا،
سِيوْڒمْ خْ مَارَّا لْمُوعْجِيزَاثْ نّسْ.
شنّْعمْ إِخفْ نّشْ
س يِيسمْ نّسْ إِقدّْسنْ،
حِيمَا ؤُڒْ ن يِينِّي يَارزُّونْ سِيذِي، أَذْ إِفَارْحْ. 105:‏3 إِزهد. 34‏:‏3
سقْسَامْ خْ سِيذِي ذ جّهْذْ نّسْ،
أَرْزُومْ ؤُذمْ نّسْ ڒبْذَا.
عقْڒمْ خْ لْمُوعْجِيزَاثْ نّسْ إِ إِڭَّا،
خْ ڒعْڒَامثْ نّسْ
ؤُ خْ ڒحْكَامَاثْ ن ؤُقمُّومْ نّسْ.
زَّارِيعثْ ن إِبْرَاهِيمْ، أَمْسخَّارْ نّسْ،
أَيْثْ ن يَاعْقُوبْ، إِنِّي زَّايسْ إِتّْوَافَارْزنْ!
 
نتَّا ذ سِيذِي، أَربِّي نّغْ.
ڒحْكَامَاثْ نّسْ إِ د-إِتَّاسنْ
خْ ثمُّورْثْ مَارَّا.
عقْڒمْ خْ ڒْعَاهْذْ نّسْ إِ ڒبْذَا،
أَوَاڒْ نِّي إِوصَّا إِ وَاڒفْ ن جِّيڒَاثْ،
إِ إِڭَّا أَكْ-ذ إِبْرَاهِيمْ،
ؤُ إِسّمْثنْ إِ-ث س ثْجَادْجِيثْ نّسْ إِ إِسْحَاقْ.
10 نتَّا إِڭَّا إِ-ث ذ ثَاوْصيّثْ إِ يَاعْقُوبْ،
إِ إِسْرَائِيل إِڭَّا إِ-ث ذ ڒْعَاهْذْ إِ ڒبْذَا، 105:‏10 أَمز. 28‏:‏13؛ 35‏:‏11؛ 1 إِم. 16‏:‏17
11 ؤُمِي إِنَّا:
”أَذْ أَشْ وْشغْ ثَامُّورْثْ ن كنْعَانْ،
أَفِيڒُو ن ڒعْبَارْ ن ثسْغَارْثْ نْومْ!“ 105:‏11 أَمز. 13‏:‏15؛ 15‏:‏18
 
12 ؤُمِي ثُوغَا كنِّيوْ ذڭْ إِجّْ ن وُورُو ن يرْيَازنْ،
س ذْرُوسْ وَاهَا،
ؤُ أَمْ يِيبَارَّانِييّنْ إِ ثدْجِيمْ ذَايسْ. 105:‏12 1 إِم. 16‏:‏19
13 نِيثْنِي ثلْعنْ زِي ڒْڭنْسْ غَارْ ڒْڭنْسْ نّغْنِي،
زڭْ إِشْثْ ن ثْڭلْذِيثْ غَارْ إِجّْ ن ڒْڭنْسْ نّغْنِي.
14 وَارْ إِجِّي ؤُڒَا ذ إِجّْ ن بْنَاذمْ
أَذْ ثنْ إِسّحْصَارْ،
إِعَاقبْ إِجدْجِيذنْ ذِي طّْوعْ نْسنْ. 105:‏14 أَمز. 35‏:‏5
15 وَارْ تّْحَاذَامْ شَا إِمذْهُوننْ إِنُو،
وَارْ تّڭّمْ ڒْغَارْ ذڭْ إِنَابِييّنْ إِنُو.
 
16 خنِّي إِڒَاغَا-د إِ ڒَاژْ غَارْ ثمُّورْثْ.
يَارْژَا أَسنْ مَارَّا ڒعْوتْشْ ن وغْرُومْ. 105:‏16 ’ڒعْوتْشْ ن وغْرُومْ‘ - لتّرْلِيجّْكْ ’أَزدْجَاضْ ن وغْرُومْ‘.
17 إِسّكّْ-د إِجّْ ن ورْيَازْ غَارْ زَّاثْ،
يُوسُوفْ إِمّنْزْ ذ إِسْمغْ. 105:‏17 أَمز. 37‏:‏27، 35؛ 45‏:‏5
18 شَارْفنْ إِضَارنْ نّسْ ذڭْ إِشذِّييّنْ،
ڒعْمَارْ نّسْ إِتّْوَاحْصَارْ ذڭْ وُوزَّاڒْ. 105:‏18 ’إِتّْوَاحْصَارْ ذڭْ وُوزَّاڒْ‘ - س ثْعِيبْرَانِيثْ ’يُوسَا-د وُوزَّاڒْ‘.
19 أَڒْ ڒْوقْثْ نِّي ذِي إِتّْوَاسّقْفڒْ
وَاوَاڒْ نّسْ
إِصفَّا أَسْ ڒْهَارْذْ ن سِيذِي.
20 إِسّكّْ ؤُجدْجِيذْ إِجّْ حِيمَا أَذْ أَسْ إِسَّارْخُو،
ڒْْحَاكمْ نْ ڒڭْنُوسْ إِضْڒقْ إِ-ث.
21 نتَّا إِڭَّا إِ-ث ذ بَابْ خْ ثَادَّارْثْ نّسْ،
ؤُڒَا ذ ڒْحَاكمْ خْ مَارَّا مِينْ غَارسْ. 105:‏21 أَمز. 41‏:‏40
22 حِيمَا أَذْ غَارسْ إِشدّْ ڒْحُوكَّامْ
ؤُ حِيمَا أَذْ إِسّڒْمذْ ثِيغِيثْ إِ إِمْغَارنْ نّسْ.
23 أَوَارْنِي أَيَا يُوسَا-د إِسْرَائِيل غَارْ مِيصْرَا،
إِقِّيمْ يَاعْقُوبْ أَمْ ؤُبَارَّانِي
ذِي ثمُّورْثْ ن حَامْ.
24 نتَّا إِڭَّا ڒْغِيدْجثْ ذِي ڒْڭنْسْ نّسْ أَطَّاسْ،
يَارَّا إِ-ث إِجْهذْ خْ يِينِّي ث إِحصَّارنْ. 105:‏24 ؤُف. 1‏:‏7، 9
 
25 نتَّا يَارَّا ؤُڒْ نْسنْ إِنّقْڒبْ،
أَڒَامِي ذوْڒنْ شَارّْهنْ ڒْڭنْسْ نّسْ،
ذوْڒنْغدَّارنْ إِمْسخَّارنْ نّسْ. 105:‏25 ؤُف. 1‏:‏9، 10، 12
26 خنِّي إِسّكّْ-د مُوسَا، أَمْسخَّارْ نّسْ،
ذ هَارُونْ ونِّي إِفَارْزْ إِ-ث نتَّا. 105:‏26 ؤُف. 3‏:‏10؛ 4‏:‏12
27 نِيثْنِي ڭِّينْ ڒعْڒَامَاثْ نْسنْ إِفَارْزنْ جَارْ أَسنْ،
ؤُ ڭِّينْ لْمُوعْجِيزَاثْ ذِي ثمُّورْثْ ن حَامْ. 105:‏27 ؤُف. 7‏:‏9
28 نتَّا إِسّكّْ-د ثَادْجسْثْ
ؤُشَا ثذْوڒْ مَارَّا ذ ثَادْجسْثْ.
نِيثْنِي وَارْغوّْغنْ شَا خْ وَاوَاڒنْ نّسْ.
29 نتَّا يَارَّا أَمَانْ نْسنْ ذ إِذَامّنْ
ؤُ إِنْغَا إِسڒْمَانْ نْسنْ. 105:‏29 ؤُف. 7‏:‏17، 18، 20؛ أَسَا. 16‏:‏3، 4
30 نتَّا يَارَّا ثَامُّورْثْ نْسنْ
ثْسفَّايْ س إِقَارْقْرِيونْ،
أَڒْ ذَاخڒْ ذڭْ إِخَّامنْ ن إِجدْجِيذنْ نْسنْ.
31 نتَّا إِسِّيوڒْ ؤُشَا يُوسَا-د
ويْڒَافْ ن إِبعَّاشْ،
نَّامُوسْ وْضَانْ-د
خْ ثمُّورْثْ نْسنْ مَارَّا.
32 نتَّا يَارَّا أَنْژَارْ نْسنْ ذ أَبْرُورِّي،
إِسّكّْ-د ثِيمسِّي ذ إِشعَّاڒنْ
خْ ثمُّورْثْ نْسنْ.
33 نتَّا إِوْثَا ثَازَايَارْثْ نْسنْ ذ وَارْثُو نْسنْ،
يَارْژَا ثِيشجُّورَا ذِي ثمُّورْثْ نْسنْ.
34 نتَّا إِسِّيوڒْ، خنِّي ثُوسَا-د ثْمُوغْرِي،
ؤُڒَا ذ بُو-وڒْسَاحْ، أَقَا أَثنْ بْڒَا ڒحْسَابْ.
35 نِيثْنِي شِّينْ مَارَّا أَفْسُو ذِي ثمُّورْثْ نْسنْ،
شِّينْ ڒْغِيدْجثْ ن ثمُّورْثْ نْسنْ.
36 نتَّا إِنْغَا مَارَّا إِمنْزَا
ذِي ثمُّورْثْ نْسنْ،
إِمنْزَا ن مَارَّا ثَارْيَاسْثْ نْسنْ. 105:‏36 إِزهد.78‏:‏51
37 نتَّا إِسُّوفّغْ إِ-ثنْ-د
س نُّوقَارْثْ ذ وُورغْ،
وَارْ ذِينْ ثُوغِي ؤُڒَا ذ إِجّْ
ذِي ثْقبَّاڒْ نْسنْ إِ إِنْذرْفنْ.
38 مِيصْرَا ثْفَارْحْ س وُوفُّوغْ نْسنْ،
مَاغَارْ ثوْضَا خَاسنْ ثِيڭّْوُوذِي ثمْغَارْ. 105:‏38 ؤُف. 12‏:‏33
 
39 نتَّا إِبزّعْ أَسيْنُو أَمْ يِيجّْ ن أَرْوَاقْ
ؤُ ثْمسِّي حِيمَا أَذْ ثوْشْ ثَافَاوْثْ س دْجِيڒثْ.
40 نِيثْنِي ژُّودْجنْ ؤُ نتَّا يَارَّا
أَذْ د-أَسنْ إِجْضَاضْ، قَّارنْ أَسْ ’ثْسَالْوَا‘،
إِسّْجِّيونْ إِ-ثنْ س وغْرُومْ ن ؤُجنَّا.
41 نتَّا يَارْزمْ ثَاصْضَارْثْ،
أَمَانْ ذُوقّْزنْ-د زَّايسْ،
ؤُزّْڒنْ خْ ڒَاژَاغْ ؤُ ذوْڒنْ أَمْ يغْزَارْ.
42 مَاغَارْ نتَّا إِعْقڒْ
خْ وَاوَاڒْ نّسْ إِقدّْسنْ،
خْ ؤُمْسخَّارْ نّسْ إِبْرَاهِيمْ. 105:‏42 أَمز. 15‏:‏14
43 نتَّا إِسُّوفّغْ-د ڒْڭنْسْ نّسْ
س ڒفْرَاحثْ،
إِنِّي زَّايسْ إِتّْوَافَارْزنْ س ؤُسْڒِيوْڒوْ. 105:‏43 ؤُف. 14‏:‏8؛ ڒخْڒ. 33‏:‏3
44 نتَّا إِوْشَا أَسنْ ثِيمُّورَا ن ڒڭْنُوسْ،
نِيثْنِي وَارْثنْ ثَامَارَا ن شُّوعُوبْ،
45 حِيمَا أَذْ طّْفنْ ذِي ثْوصَّا نّسْ،
أَذْ حْضَانْ إِزرْفَانْ نّسْ. هَالِّيلُو-يَاه. 105:‏45 ؤُف. 19‏:‏4، 5، 6؛ أَعَوذ. 4‏:‏1، 40؛ 6‏:‏21، 22، 23، 24، 25
 
 

105:1 105:‏1 1 إِم. 16‏:‏8‏-‏22

105:3 105:‏3 إِزهد. 34‏:‏3

105:10 105:‏10 أَمز. 28‏:‏13؛ 35‏:‏11؛ 1 إِم. 16‏:‏17

105:11 105:‏11 أَمز. 13‏:‏15؛ 15‏:‏18

105:12 105:‏12 1 إِم. 16‏:‏19

105:14 105:‏14 أَمز. 35‏:‏5

105:16 105:‏16 ’ڒعْوتْشْ ن وغْرُومْ‘ - لتّرْلِيجّْكْ ’أَزدْجَاضْ ن وغْرُومْ‘.

105:17 105:‏17 أَمز. 37‏:‏27، 35؛ 45‏:‏5

105:18 105:‏18 ’إِتّْوَاحْصَارْ ذڭْ وُوزَّاڒْ‘ - س ثْعِيبْرَانِيثْ ’يُوسَا-د وُوزَّاڒْ‘.

105:21 105:‏21 أَمز. 41‏:‏40

105:24 105:‏24 ؤُف. 1‏:‏7، 9

105:25 105:‏25 ؤُف. 1‏:‏9، 10، 12

105:26 105:‏26 ؤُف. 3‏:‏10؛ 4‏:‏12

105:27 105:‏27 ؤُف. 7‏:‏9

105:29 105:‏29 ؤُف. 7‏:‏17، 18، 20؛ أَسَا. 16‏:‏3، 4

105:36 105:‏36 إِزهد.78‏:‏51

105:38 105:‏38 ؤُف. 12‏:‏33

105:42 105:‏42 أَمز. 15‏:‏14

105:43 105:‏43 ؤُف. 14‏:‏8؛ ڒخْڒ. 33‏:‏3

105:45 105:‏45 ؤُف. 19‏:‏4، 5، 6؛ أَعَوذ. 4‏:‏1، 40؛ 6‏:‏21، 22، 23، 24، 25