1 أَرِي إِ لْمَالَاكْ ذِي ثْمسْمُونْثْ ن أَفَاسُوسْ!

”أَمُّو إِ إِقَّارْ ونِّي غَارْ إِدْجَا سبْعَا ن إِثْرَانْ ذڭْ ؤُفُوسْ نّسْ، ونِّي إِڭُّورنْ ذِي ڒْوسْطْ ن سبْعَا ن ڒقْنَاذڒْ ن وُورغْ: 2 ’نشّْ سّْنغْ ڒخْذَايمْ نّشْ ذ وَارْبَارْ نّشْ ذ صّْبَارْ نّشْ، بلِّي وَارْ ثْزمَّارذْ أَذْ ثْحمْڒذْ إِنِّي إِعفّْننْ ؤُشَا ثْقدْجْبذْ إِنِّي إِتّڭّنْ إِخفْ نْسنْ ذ رُّوسُولْ، مَاشَا وَارْ دْجِينْ شَا، ؤُشَا ثُوفِيذْ ثنْ ذ أَيْثْ ن بُو-إِخَارِّيقنْ. ◼2:‏2 ’رُّوسُولْ‘ - نِيغْ ’إِمَازَاننْ‘. 3 شكْ ثْصبَّارذْ ؤُ ثكْسِيذْ أَرْمحْ خْ سِّيبّثْ ن يِيسمْ إِنُو ؤُ وَارْ ثُوحِيڒذْ شَا. 4 مَاشَا غَارِي خَاكْ شَا، بلِّي ثجِّيذْ ثَايْرِي نّشْ ثَامزْوَارُوثْ. 5 عْقڒْ مَانِيسْ-د ثوْضِيذْ ؤُشَا ثُوبْ، خنِّي أڭّْ ڒخْذَايمْ ثِيمزْوُورَا! مَاڒَا وَارْ إِدْجِي أَمنِّي، أَذْ غَاركْ د-أَسغْ ذغْيَا، أَذْ كسّغْ ڒْقنْذِيڒْ نّشْ، مَاڒَا وَارْ ثتُّوبذْ شَا. 6 مَاشَا مَانْ أَيَا ثِيوْضذْ، أَقَا ثْشَارّْهذْ ڒخْذَايمْ ن أَيْثْ ن إِنِيكُولَايِيثنْ، ثِينِّي شَارّْهغْ ؤُڒَا ذ نشّْ. ◼2:‏6 ’إِنِيكُولَايِيثنْ‘ - نِيثْنِي ذ إِوْذَانْ إِنِّي إِفّْغنْ زڭْ وبْرِيذْ ن لْ-إِيمَانْ ذِي لْمَاسِيحْ (خْژَارْ أَسَا. 2:6؛ 2:15)  ◘2:‏6 أَسَا. 2‏:‏6.

7 ونِّي غَارْ دْجَانْ إِمزُّوغنْ، أجّْ إِ-ث أَذْ إِسڒْ مِينْ إِقَّارْ أَرُّوحْ إِ ثْمسْمُونِينْ.

ونِّي إِ غَا إِغلّْبنْ أَذْ ث سّشّغْ زِي ثْشجَّارْثْ ن ثُوذَارْثْ إِ يدْجَانْ ذِي جّنّثْ ن أَربِّي.‘ “ ◼2:‏7 ’ثَاشجَّارْثْ‘ - نِيغْ ’أَدَّاڭْ‘ (’إِدَّاڭنْ‘).  ◘2:‏7 أَمز. 2‏:‏9؛ أَسَا. 22‏:‏2.

8 أَرِي إِ لْمَالَاكْ ن ثْمسْمُونْثْ ن سْمِيرْنَا!

”أَمُّو إِ إِقَّارْ ونِّي ذ أَمزْوَارُو ذ ؤُنڭَّارُو، ونِّي إِمُّوثنْ ؤُشَا إِدَّارْ: ◘2:‏8 إِشا. 41‏:‏4؛ 44‏:‏6؛ أَسَا. 1‏:‏17. 9 ’أَقَا سّْنغْ ڒْمحْنثْ نّشْ ذ وزْڒَاضْ نّشْ، قَاعْ أَمنِّي شكْ ثتّجَّارذْ، ؤُ أَقَا-يِي سّْنغْ ؤُڒَا ذ أَشقّفْ ن يِينِّي إِقَّارنْ أَقَا أَثنْ ذ ؤُذَاينْ س ثِيذتّْ، مَاشَا نِيثْنِي وَارْ دْجِينْ شَا ذ ؤُذَاينْ، مَاشَا ذ ثَامْزِيذَا ن شِّيطَانْ. 10 وَارْ تّڭّْوذْ شَا زِي مِينْ غَا ثتّْوَاعدّْبذْ. أَقَا إِبْڒِيسْ أَذْ إِنْضَارْ شَا زَّايْومْ ذِي ڒحْبسْ، حِيمَا أَذْ ثتّْوَاجَارّْبمْ. أَذْ غَارْومْ ثِيڒِي ڒْمحْنثْ نعشْرَا ن وُوسَّانْ. إِڒِيمْ ذ إِمْثِيقَّانْ أَڒْ ڒْموْثْ، ڒخْذنِّي أَذْ أَومْ وْشغْ تَّاجْ ن ثُوذَارْثْ.

11 ونِّي غَارْ دْجَانْ إِمزُّوغنْ، أجّْ إِ-ث أَذْ إِسڒْ مِينْ إِقَّارْ أَرُّوحْ إِ ثْمسْمُونِينْ.

ونِّي إِ غَا إِغلّْبنْ وَارْ ذ أَسْ د-ثتِّيوِي شَا ثْخسَّارْثْ زِي ڒْموْثْ وِيسّْ ثْنَاينْ.‘ “ ◘2:‏11 مت. 13‏:‏9.

12 أَرِي إِ لْمَالَاكْ ذِي ثْمسْمُونْثْ ن بِيرْغَامُوسْ!

”أَمُّو إِ إِقَّارْ ونِّي غَارْ إِدْجَا سِّيفْ إِقْضعْ خْ ثْنَاينْ ن وُوذْمَاونْ: ◘2:‏12 أَسَا. 1‏:‏16؛ 2‏:‏16. 13 ’نشّْ سّْنغْ مَانِي ثْزدّْغذْ، ذِيهَا مَانِي إِتّْبدَّا ڒْعَارْشْ ن شِّيطَانْ. أَقَا ثقِّيمذْ ثطّْفذْ ذڭْ يِيسمْ إِنُو ؤُشَا وَارْ ثنْكَارذْ شَا لْ-إِيمَانْ ذَايِي، ؤُشَا ذڭْ وُوسَّانْ ؤُمِي ثُوغَا شكْ ثتّْمنْغذْ جْمِيعْ أَكْ-ذ ؤُشهَّاذْ أَمْثِيقِّي إِنُو ذِي طّْوعْ ن مَارَّا إِشهَّاذنْ إِنُو إِمْثِيقَّانْ، أَقَا إِتّْوَانغْ نتَّا جَارْ أَومْ. 14 مَاشَا غَارِي خَاكْ شَا، مِينْزِي غَاركْ ذِينِّي شَا إِنِّي إِتّطّْفنْ ذڭْ ؤُسڒْمذْ ن بَالْعَامْ، ونِّي ثُوغَا إِسّْڒمْذنْ إِ بَالَاكْ مَامّشْ غَا إِنْضَارْ ثَاعنْكْرِيفْثْ إِ أَيْثْ ن إِسْرَائِيل، حِيمَا أَذْ شّنْ زِي مِينْ غَارْصنْ إِ لْ-أَصْنَامْ ؤُشَا أَذْ سفْسَّاذنْ إِخفْ نْسنْ. ◘2:‏14 ڒخْڒ. 22‏:‏23؛ 24‏:‏14؛ 25‏:‏1؛ 31‏:‏16. 15 غَاركْ ذِينْ عَاوذْ شَا إِنِّي إِتّطّْفنْ ذِي ثْغُورِي ن إِنِيكُولَايِيثنْ. ◼2:‏15 ’إِنِيكُولَايِيثنْ‘ - نِيثْنِي ذ إِوْذَانْ إِنِّي إِفّْغنْ زڭْ وبْرِيذْ ن لْ-إِيمَانْ ذِي لْمَاسِيحْ (خْژَارْ أَسَا. 2:6؛ 2:15) 16 س ؤُينِّي ثُوبْ! مَاڒَا وَارْ إِدْجِي أَمنِّي، أَذْ غَارْومْ د-أَسغْ ذغْيَا، أَذْ كِيسنْ مّنْغغْ س سِّيفْ ن ؤُقمُّومْ إِنُو. ◘2:‏16 إِشا. 49‏:‏2؛ أَفا. 6‏:‏17؛ عبر. 4‏:‏12؛ أَسَا. 1‏:‏16.

17 ونِّي غَارْ دْجَانْ إِمزُّوغنْ، أجّْ إِ-ث أَذْ إِسڒْ مِينْ إِقَّارْ أَرُّوحْ إِ ثْمسْمُونِينْ.

ونِّي إِ غَا إِغلّْبنْ أَذْ أَسْ سّشّغْ ’مَانَّا‘ إِنُّوفَارنْ ؤُشَا أَذْ أَسْ وْشغْ إِجّْ ن ؤُقَايَاسْ ذ أَشمْڒَاڒْ، ؤُشَا خْ ؤُقَايَاسْ نِّي إِتّْوَارِي خَاسْ إِجّْ ن إِسمْ ن جْذِيذْ، وَارْ ث إِسِّينْ حذْ مْغِيرْ ونِّي ث إِطّْفنْ.‘ “ ◘2:‏17 ؤُف. 16‏:‏4‏-‏36.

18 أَرِي إِ لْمَالَاكْ ذِي ثْمسْمُونْثْ ن ثِييَاثِيرَا!

”أَمُّو إِ إِقَّارْ مِّيسْ ن أَربِّي ونِّي غَارْ إِدْجَا ثِيطَّاوِينْ أَمْ يِيحُوذَاقْ ن ثْمسِّي ذ إِضَارنْ نّسْ أَمْ نّْحَاسْ زِي لُوبْنَانْ: ◘2:‏18 أَسَا. 1‏:‏14، 15. 19 ’نشّْ سّْنغْ ڒخْذَايمْ نّشْ ؤُڒَا ذ ثَايْرِي نّشْ ذ لْ-إِيمَانْ نّشْ ذ ثْسخَّارْثْ نّشْ ذ صّْبَارْ نّشْ، أَقَا ڒخْذَايمْ نّشْ ثِينڭُّورَا إِمْغَارنْ خْ ثْمزْوُورَا. 20 مَاشَا غَارِي خَاكْ أَطَّاسْ، مِينْزِي ثجِّيذْ ثَامطُّوثْ نّشْ إِزَابِيلْ، ثنِّي إِقَّارنْ بلِّي نتَّاثْ ذ ثَانَابِيثْ، ثسّڒْمَاذْ ؤُشَا ثسّْغكّْوَا إِمْسخَّارنْ إِنُو، حِيمَا أَذْ سّْفسْذنْ إِخفْ نْسنْ ؤُشَا أَذْ شّنْ مِينْ إِتّْوَاغَارْصنْ إِ لْ-أَصْنَامْ. ◘2:‏20 1 إِج. 16‏:‏31؛ 2 إِج. 9‏:‏7. 21 أَقَا وْشِيغْ أَسْ شَا ن ڒْوقْثْ حِيمَا أَذْ ثثُوبْ، مَاشَا نتَّاثْ وَارْ ثتّخْسْ شَا أَذْ ثثُوبْ زِي فَارْقْ-شّْغڒْ نّسْ. 22 خْزَارْ، أَذْ تغضْڒغْ ذِي ثَاسُّوثْ، أَذْ ثِيڒِي ثحْڒشْ أَڒْ ڒْموْثْ، ؤُشَا إِنِّي أَكِيذسْ إِزنَّانْ، أَذْ ثنْ نذْهغْ ذِي ڒْمحْنثْ ثَامقّْرَانْثْ مَاڒَا وَارْ ثُوبنْ شَا زِي مِينْ ڭِّينْ. 23 ثَارْوَا نّسْ أَذْ ثنْ وْثغْ س ڒْموْثْ ؤُشَا مَارَّا ثِيمسْمُونِينْ أَذْ فهْمنْثْ أَقَا نشّْ ذ ونِّي إِقدْجْبنْ ثِيژَّاڒْ ذ وُوڒَاونْ ؤُشَا أَذْ وْشغْ إِ كُوڒْ إِجّنْ زَّايْومْ أَنشْثْ ن ڒخْذَايمْ نْومْ. ◘2:‏23 1 صم. 16‏:‏7؛ 1 إِم. 28‏:‏9؛ 29‏:‏17؛ إِزهد.7‏:‏10؛ 62‏:‏13؛ إِرْم. 11‏:‏20؛ 17‏:‏10؛ 32‏:‏19؛ مت. 16‏:‏27؛ ڒخ. 1‏:‏24؛ رُوم. 2‏:‏6؛ 14‏:‏12؛ 2 كُور. 5‏:‏10؛ ڭال. 6‏:‏5؛ أَسَا. 20‏:‏12. 24 مَاشَا إِ كنِّيوْ ؤُ إِ إِنّغْنِي ذِي ثِييَاثِيرَا - إِخْسْ أَذْ يِينِي إِ مَارَّا إِنِّي وَارْ غَارْ ثدْجِي شَا ثَاغُورِي-يَا، وَارْ سِّيننْ ؤُمِي قَّارنْ نِيثْنِي ’ڒَْادْجَاغْ ن شِّيطَانْ‘ - أَذْ أَومْ إِنِيغْ: نشّْ وَارْ خَاومْ تّْذَارَّاشغْ شَا ثَاغْرَارْثْ نّغْنِيثْ. 25 مَاشَا مِينْ غَارْومْ، طّْفمْ ذَايسْ أَڒْ د غَا يَاسغْ. ◘2:‏25 أَسَا. 3‏:‏11.

26 ونِّي إِ غَا إِغلّْبنْ ؤُ ونِّي إِ غَا إِطّْفنْ ذِي ڒخْذَايمْ إِنُو، أَذْ أَسْ وْشغْ صُّولْطَا خْ ڒڭْنُوسْ 27 مَاحنْذْ أَذْ ثنْ يَارْوسْ س ؤُزدْجَاضْ ن وُوزَّاڒْ، أَذْ ثنْ ثَارْژِيمْ أَمْ إِغَارَّافنْ ن بُو-ثْڒَاخْثْ، أَمْ مَامّشْ إِ ثطّْفغْ ؤُڒَا ذ نشّْ زِي بَابَا، ◘2:‏27 إِزهد. 2‏:‏8‏-‏9. 28 ؤُشَا نشّْ أَذْ أَسْ وْشغْ إِثْرِي ن ڒفْجَارْ.

29 ونِّي غَارْ دْجَانْ إِمزُّوغنْ، أجّْ إِ-ث أَذْ إِسڒْ مِينْ إِقَّارْ أَرُّوحْ إِ ثْمسْمُونِينْ.‘ “