١ ؤُشَا ذوْڒغْ بدّغْ خْ إِجْذِي غَارْ ثْمَا ن ڒبْحَارْ، ؤُشَا ژْرِيغْ إِجّْ ن ڒْْوحْشْ إِڭعّذْ-د زِي ڒبْحَارْ، غَارسْعشْرَا ن وَاشَّاونْ ذ سبْعَا ن إِزدْجِيفنْ. خْ وَاشَّاونْ نّسْعشْرَا ن تِّيجَانْ ؤُشَا خْ إِزدْجِيفنْ نّسْ إِتّْوَارِي خَاسنْ إِجّْ ن يِيسمْ ن تّكْفِيرْ. ◘13:‏1 دَان. 7‏:‏20؛ أَسَا. 17‏:‏3. ٢ ڒْْوحْشْ إِ ژْرِيغْ، يَارْوسْ ذڭْ ؤُغِيڒَاسْ، إِضَارنْ نّسْ أَمْ يِيضَارنْ ن دُّوبْ، أَخنْفُوشْ نّسْ أَمْ ؤُخنْفُوشْ ن وَايْرَاذْ. ڒْْهَايْشثْ ثوْشَا أَسْ جّهْذْ نّسْ ذ ڒْْعَارْشْ نّسْ ؤُڒَا ذ صُّولْطَا إِمْغَارنْ. ٣ إِجّنْ زڭْ إِزدْجِيفنْ نّسْ إِڭَّا أَخْمِي ث وْثِينْ أَڒْ ڒْْموْثْ، خنِّي إِتّْوَاسّْڭنْفَا ؤُيزِّيمْ نّسْ إِ إِڭِّينْ أَخْمِي إِيْزمْ أَڒْ ڒْْموْثْ، ؤُشَا مَارَّا ثَامُّورْثْ ثضْفَارْ ڒْْوحْشْ س ؤُثبْهثْ أَمقّْرَانْ. ٤ أَقَا نِيثْنِيعبْذنْ ڒْْهَايْشثْ، مِينْزِي نتَّاثْ ثوْشَا صُّولْطَا إِ ڒْْوحْشْ، ؤُشَا نِيثْنِيعبْذنْ ڒْْوحْشْ، نَّانْ: ”وِي يَارْوسنْ ذِي ڒْْوحْشْ؟“ ؤُ: ”وِي إِزمَّارنْ أَذْ كِيذسْ إِمّْعَاڒَانْ؟“ ◘13:‏4 أَسَا. 18‏:‏18. ٥ إِمّوْشْ أَسْ إِ ڒْْوحْشْ أَقمُّومْ نِّي إِسَّاوَاڒنْ س ؤُكبَّارْ ؤُ س ؤُشقّفْ ذِي أَربِّي، ؤُشَا ثمّوْشْ أَسْ صُّولْطَا حِيمَا أَذْ إِخْذمْ إِ يِيجّْ ن ڒْْقدّْ ن ثْنَاينْ ؤُ-ربْعِينْ ن إِيُورنْ. ◼13:‏5 ’ثْنَاينْ ؤُ-ربْعِينْ ن إِيُورنْ‘ - مَانْ أَيَا إِخْسْ أَذْ يِينِي 1260 ن وُوسَّانْ نِيغْ 3½ ن إِسڭّْوُوسَا (خْزَارْ أَسَا. 12:6، 14).  ◘13:‏5 أَيُوبْ 15‏:‏25؛ أَسَا. 11‏:‏2. ٦ ؤُشَا نتَّا يَارْزمْ أَقمُّومْ نّسْ حِيمَا أَذْ إِشقّفْ ذِي أَربِّي، ؤُ حِيمَا أَذْ إِشقّفْ ذڭْ يِيسمْ نّسْ ؤُ ذِي ثْزذِّيغْثْ ن يِينِّي إِزدّْغنْ ذڭْ ؤُجنَّا. ٧ إِمّوْشْ أَسْ صُّولْطَا مَاحنْذْ أَذْ إِمّْنغْ أَكْ-ذ إِمْقدَّاسنْ ؤُ مَاحنْذْ أَذْ خَاسنْ إِغلّبْ. ثمّوْشْ أَسْ صُّولْطَا خْ مَارَّا ثِيقبَّاڒْ ذ شُّوعُوبْ ذ يِيڒْسَاونْ ذ ڒڭْنُوسْ. ◘13:‏7 دَان. 7‏:‏21؛ أَسَا. 11‏:‏7. ٨ مَارَّا إِنِّي ثُوغَا إِزدّْغنْ ذِي ثمُّورْثْ أَذْ ثعبْذنْ، إِنِّي ؤُمِي وَارْ إِتّْوَازمّمنْ إِسْمَاونْ نْسنْ ذڭْ وذْلِيسْ إِتّْوَانْضنْ ن ثُوذَارْثْ ن يزْمَارْ ونِّي ؤُمِي إِتّْوَاغَارْصْ قْبڒْ ثَامَارْسِيوْثْ ن دُّونشْثْ. ◘13:‏8 ؤُف. 32‏:‏33؛ فِيل. 4‏:‏3؛ أَسَا. 3‏:‏5؛ 17‏:‏8؛ 20‏:‏12؛ 21‏:‏27؛ أَسَا. 21‏:‏27. ٩ ونِّي غَارْ دْجَانْ إِمزُّوغنْ، أجّْ إِ-ث أَذْ إِسڒْ.

١٠ مَاڒَا ذِينْ إِجّنْ ونِّي إِسِّيذْفنْ غَارْ ثْمحْبَاسْثْ، أَذْ إِتّْوَانْذهْ نتَّا س يِيخفْ نّسْ غَارْ ثْمحْبَاسْثْ. إِنِّي إِنْغِينْ س سِّيفْ، أَذْ تّْوَانْغنْ س سِّيفْ: أَقَا ذَا إِتّْبَانْ-د لْ-إِيمَانْ ذ صّْبَارْ ن إِمْقدَّاسنْ. ◘13:‏10 أَمز. 9‏:‏6؛ إِرْم. 43‏:‏11؛ مت. 26‏:‏52؛ أَسَا. 14‏:‏12.

١١ خنِّي ژْرِيغْ إِجّْ ن ڒْْوحْشْ نّغْنِي إِتّْڭعَّاذْ-د زِي ثمُّورْثْ. ثُوغَا غَارسْ ثْنَاينْ ن وَاشَّاونْ ؤُشَا يَارْوسْ ذڭْ إِزْمَارْ، مَاشَا إِسِّيوڒْ أَمْ ڒْْهَايْشثْ. ◘13:‏11 أَسَا. 11‏:‏7. ١٢ ثُوغَا إِحكّمْ س مَارَّا صُّولْطَا ن ڒْْوحْشْ أَمزْوَارُو زَّاثسْ، يَارَّا-د ثَامُّورْثْ ذ إِمزْذَاغْ نّسْ مَارَّا أَذْعبْذنْ ڒْْوحْشْ أَمزْوَارُو، ونِّي إِڭّنْفَانْ زڭْ ؤُيزِّيمْ إِ إِڭِّينْ أَخْمِي إِيْزمْ أَڒْ ڒْْموْثْ. ◘13:‏12 أَسَا. 19‏:‏20. ١٣ نتَّا أَذْ إِڭّْ ڒعْڒَامَاثْ ثِيمقّْرَانِينْ أَڒَامِي إِ غَا يَارّْ ثِيمسِّي أَذْ د-ثهْوَا زڭْ ؤُجنَّا خْ ثمُّورْثْ قِيبَاتْشْ إِ ثِيطَّاوِينْ ن إِوْذَانْ. ◘13:‏13 2 تس. 2‏:‏9؛ أَسَا. 16‏:‏14. ١٤ أَذْ إِغْوَا إِنِّي إِزدّْغنْ ذِي ثمُّورْثْ س ڒعْڒَامَاثْ إِ ذ أَسْ إِمّوْشنْ حِيمَا أَذْ ثنْثْ إِڭّْ قِيبَاتْشْ إِ ثِيطَّاوِينْ ن ڒْْوحْشْ أَمزْوَارُو، مَاحنْذْ أَذْ يِينِي إِ يِينِّي إِزدّْغنْ ذِي ثمُّورْثْ أَذْ كَّارنْ أَذْ سّْبدّنْ إِجّْ ن ڒخْيَاڒْ إِ ڒْْوحْشْ، ونِّي ثُوغَا إِيْزمْ س سِّيفْ، مَاشَا إِدَّارْ عَاذْ. ◘13:‏14 أَعَوذ. 13‏:‏2؛ مت. 24‏:‏24؛ أَسَا. 16‏:‏14؛ 19‏:‏20. ١٥ ؤُشَا إِمّوْشْ أَسْ أَذْ إِڭّْ إِجّْ ن أَرُّوحْ إِ ڒخْيَاڒْ ن ڒْْوحْشْ ؤُ حِيمَا أَذْ إِڭّْ بلِّي مَارَّا إِنِّي وَارْ إِعبّْذنْ ڒْْوحْشْ، أَذْ تّْوَانْغنْ. ◘13:‏15 أَسَا. 19‏:‏20. ١٦ ؤُشَا أَذْ إِڭّْ مَاحنْذْ أَذْ ثمّوْشْ إِ مَارَّا، إِ إِمژْيَاننْ ذ إِمقّْرَاننْ، إِ أَيْثْبَابْ ن وَاڭْڒَا ذ إِمزْڒَاضْ، إِ أَيْثْ ن شَّانْ ذ إِسمْغَانْ، إِشْثْ ن ڒْْمَارْكَا خْ ؤُفُوسْ نْسنْ أَفُوسِي نِيغْ خْ ثنْيَارْثْ نْسنْ، ◼13:‏16 ’ثَانْيَارْثْ‘ - نِيغْ: ’ثَاوَارْنَا‘. ١٧ مَاحنْذْ ؤُڒَا ذ إِجّْ وَارْ إِزمَّارْ أَذْ إِسغْ نِيغْ أَذْ إِزّنْزْ مْغِيرْ ونِّي خْ ثدْجَا ڒْْمَارْكَا ن يِيسمْ ن ڒْْوحْشْ نِيغْ نُّومْرُو ن يِيسمْ نّسْ. ◘13:‏17 أَسَا. 14‏:‏11.

١٨ ذَانِيثَا ثدْجَا ثِيغِيثْ: ونِّي غَارْ إِدْجَا ڒعْقڒْ، أجّْ إِ-ث أَذْ إِحْسبْ نُّومْرُو ن ڒْْوحْشْ، مِينْزِي نتَّا ذ نُّومْرُو ن إِجّْ ن بْنَاذمْ ؤُشَا نُّومْرُو نّسْ ذ ستَّا-مْيَا ؤُ-ستَّا ؤُ-ستِّينْ. ◘13:‏18 1 إِج. 10‏:‏14؛ 2 إِم. 9‏:‏13؛ عِز. 2‏:‏13؛ أَسَا. 17‏:‏9.