1 Izdeɣ Israil di Ciṭṭim uca ibda řgens ad issefsed ixef nnes ak-d yessis n Mu’ab. ◘25:1 Řxř. 31:16; 33:49 2 Ɛarḍen-dd řgens ɣar tɣarṣi n irebbiten nsent uca řgens icca zzaysent, uca nitni bendqen i irebbiten nsent. ◘25:2 Izhd. 106:28; Ḥuc. 9:10 3 Ammu imun řgens ak-d Baɛl-Faɣur uca yarɣa weɣḍab n SIDI x Israil. ◘25:3 Izhd. 106:29

4 Inna SIDI i Musa: “Ksi marra iryazen nni iǧan d izeǧifen n řgens uca ayeř i-ten zzat i SIDI di tfuct iḥarren, xenni ad iggʷej řḥaduq n weɣḍab n SIDI x Israil.” ◘25:4 Aɛwd. 4:3; Yac. 22:17 5 Xenni inna Musa i řquḍat n Israil: “Ejj kuř ijj ad ineɣ inni zi jar yeryazen nnes i imunen ak-d Baɛl-Faɣur!”

6 Uca xzar, ijj n weryaz zeg ayt n Israil yusa-dd uca netta yiwi-dd ict n temɣart Tmidiyanect ɣar aytmas zzat i tiṭṭawin n Musa u zzat i tiṭṭawin n marra tamesmunt n ayt n Israil, am ttrun nitni ɣar wadaf n Uqiḍun n Umsagar. 7 Iẓra i-t Finaḥas, mmis n Aliɛazar, mmis n Harun. Netta ikkar zi řwesṭ n tmesmunt, iksi ijj n uḥric deg ufus nnes ◘25:7 Izhd. 106:30 8 uca iruḥ awarni i weryaz zi Israil ɣar uqiḍun s řqubbet uca issnuqqeb i-ten s tnayen, am weryaz nni zi Israil, am temɣart s uɛeddis nnes. Xenni tbedd jjriḥect x ayt n Israil. 9 Uca mmuten di jjriḥect arebɛa u-ɛicrin-ařef n iwdan. ◘25:9 1 Kur. 10:8

10 Issiweř SIDI ak-d Musa, inna:

11 “Fineḥas, mmis n Aliɛazar, mmis n Harun, akehhan, isseggwej asɛar inu x ayt n Israil, minzi netta tuɣa imḥeḍ aṭṭas di řwesṭ nsen di ṭṭweɛ n tusmi inu iqeddsen, ařami Necc war hdijeɣ ɛad ad teḥḥiɣ ayt n Israil di řweqt n tusmi inu iqeddsen. ◘25:11 2 Kur. 11:2 12 S uya ini: ‘Xẓar, Necc ad as wceɣ Řɛahd inu n řehna. ◘25:12 106:31 13 I netta u i zzariɛet nnes awarni as ad ɣarsen yiři Řɛahd n tukehhant i řebda, minzi netta tuɣa imḥeḍ di ṭṭweɛ n AREBBI nnes uca igga aṣřaḥ di ṭṭweɛ n ayt n Israil.’ ”

14 Isem n weryaz n Israil nni inɣa Fineḥas, i tuɣa ittwaneɣ jmiɛ ak-d temɣart Tamidyanect, tuɣa-t d Zimri, mmis n Salu, ijj n řḥakem x taddart n babatsen, x Icimɛuniyyen. 15 Isem n temɣart Tamidyanict i tuɣa ittwanɣen tuɣa-tt Kuzbi, yeǧis n Ṣur, wenni d ijj n uzeǧif x tqebbařt n taddart n ijj n tbabat n Imidyaniyyen.

16 Issiweř SIDI ak-d Musa, inna:

17 “Ḥṣarem x Imidyaniyyen uca ɣellbem xasen,◘25:17 Řxř. 31:2 18 minzi nitni ḥṣaren kenniw s teḥraymect nsen s minzi kenniw zeřɣen zi jjihet n Faɣur d Kuzbi, yeǧis n řḥakem n Midyan, učmatsen, tenni ittwanɣen deg wass n jjriḥect di ssibbet n Faɣur.” ◘25:18 Asa. 18:6

19 Uca awarni i jjriḥect imsar min dd-igguren.