60
1 I umeqqran n imeɣnajen. S teɣnint n ‘Talillect d acehhad’. Tira ineqcen n Dawud i useřmed. ◼60:1 Talillect - ict n marka n nnuwarat daysen aẓri aṭṭas.
2 X řami tuɣa ittmenɣa ak-d imezdaɣ n Aram-Nahrayn, aqa-tt d Misuputamya, u ak-d ayt n Aram zi Ṣuba, umi dd-idweř Yuwab, iwta ayt n Idum di teɣzurt n Tmeǧaḥt, ɛecra ařaf n yeryazen.◘60:2 2 Ṣm. 8:3, 13; 1 Im. 18:3, 12
3 A AREBBI, Cek tenḍareḍ aneɣ,
tarẓid aneɣ.
Tuɣa tesɛared aṭṭas!
Sbedd aneɣ ɛawed! ◘60:3 Izhd. 144:10
4 Cek tessenhezzed tammurt,
tfeǧqed tt.
Sgenfa tireẓẓa nnes,
maɣar aqa tᵉttenhezza.
5 Cek tessecned Ixef nnec
i řgens nnec s řeqsaḥet.
Cek tewcid aneɣ
ad nsu ccrab issdewwaxen. ◘60:5 Ica. 51:17-23
6 Inni Cek itteggʷeden,
teggid asen taɛeǧant
i ɣar ttrakkwařen
zi fřitcat n řqews. Silah.
7 Ḥima imɛizzen nnec ad ttwafekken,
awi asenjem s ufus afusi nnec
u arr-dd xaneɣ. ◘60:7 Izhd. 108:7-14
8 AREBBI tuɣa issawař
di Zzawect nnes Iqeddsen,
s uyenni ad negzeɣ s řefraḥet.
Necc ad bḍiɣ Cakim,
ad ɛebbareɣ taɣzurt n Sukkut.
9 Jilɛad inu, Manassa inu,
Ifrayim d aseřqi ijehden n uzeǧif inu,
Yahuda d amgewwed inu.
10 Mu’ab d ssarij inu i usird,
x Idum ad nḍareɣ sandaliyat inu,
necc ad dduqzeɣ s usřiwřew
x temmurt n Filicit.
11 Wi d ayi i ɣa inedhen
di tendint ifaryen?
Wi d ayi ɣa igewwden ɣar Idum?
12 Ma war d aneɣ tenḍared, a, AREBBI,
u ak-d řɛeskarat nneɣ
ma war akidsen dd-teffiɣed ɛad,
a AREBBI?
13 Ewc aneɣ afus
ḥima ad aneɣ tessnejmed zi řeḥṣaret,
maɣar asenjem s ufus n yijj n bnadem
aqa-t baṭeř.
14 Ak-d AREBBI ad negg s wemḥad,
Netta ad iɛfes x yinni d aneɣ iḥeṣṣaren.
◼60:1 60:1 Talillect - ict n marka n nnuwarat daysen aẓri aṭṭas.
◘60:2 60:2 2 Ṣm. 8:3, 13; 1 Im. 18:3, 12
◘60:3 60:3 Izhd. 144:10
◘60:5 60:5 Ica. 51:17-23
◘60:7 60:7 Izhd. 108:7-14