94
1 A Arebbi n untaqem, a SIDI,
Arebbi n untaqem,
ban-dd di tissiqt!
2 A, Řqaḍi n temmurt, sgeɛɛed Ixef nnec,
arr tasɣart i imɛeffaren
am min ssdaḥeǧen nitni.
3 Mecḥař i ɣa kken ɛad iɛeffanen, a SIDI,
mecḥař i ɣa kken neggzen
iɛeffanen s řefraḥet,
4 ad qqimen ssawařen awařen iqesḥen,
mecḥař i ɣa qqimen marra
inni itteggen řmuɛṣiyyet
ad ssemɣaren ixef nsen?
5 A SIDI, nitni řebbzen řgens nnec,
ḥeṣṣaren tasɣart n řwart nnec.
6 Nitni neqqen tajjač d ubarrani,
ɣarrṣen i iyujiřen.
7 Nitni qqaren: “SIDi war tt ittwiři,
AREBBI n Yaɛqub war d as ittḥekkar.” ◘94:7 Izhd. 10:11, 13; 59:8
8 Fetnem kenniw iqeffuḥen di řgens,
jmiɛ ak-d ibuhařiyyen,
meřmi i ɣa tdewřem tfehhmem? ◘94:8 Izhd. 92:7
9 Ma war ittesři wenni iẓẓun amezzuɣ?
Ma war iẓarr wenni iggin tiṭṭ? ◘94:9 Uf. 4:11
10 Ma war ittɛaqeb
wenni ittwebbxen řegnus,
wenni isseřmaden tussna i bnadem?
11 SIDI yareggeb x ixarriṣen n iwdan,
aqa aten am yijj n usuḍi waha. ◘94:11 1 Kur. 3:20
12 Sseɛd n weryaz nni tᵉttwebbxed, a SIDi,
wenni tesseřmaded zi Ccariɛa nnec,
13 ḥima ad t tessareyyeḥed
zeg wussan iɛeffnen,
ař ɣa ḥfaren aḥfur n turṣuḍi i uɛeffan.
14 Maɣar SIDI war ineṭṭar řgens nnes,
war isemmeḥ di tesɣart nnes. ◘94:14 1 Ṣm. 12:22; Rum. 11:1, 2
15 Maɣar řḥukm ad dd-idweř ɣar tsegda,
marra inni ɣarsen uř iseggmen
ad tt-i-dd-ḍeffaren.
16 Man wen kidi i ɣa ibedden
ḍidd i iɛeffanen?
Man wen xafi i ɣa iwten
ḍidd i yinni itteggen řɣecc?
17 Mři war iǧi SIDI d twiza inu,
iři izdeɣ řeɛmar inu ɛřaḥař
18 Mařa nniɣ: ‘Aḍar inu ittefriɣ!’,
xenni tᵉṭṭef ayi
tmexsiwt nnec icewwaren, a SIDI!
19 Mařa mmarnin dayi ixarriṣen
ař ṭṭarf,
tuɣa řeɛmar inu ittarr meẓri
deg usfewwej nnec.
20 Ma texsed ad kidek issmun
řkursi n uhellek,
wenni issiwḍen řeɣben
x dsas n tewṣeyyet?
21 Nitni ḥeṣṣaren řeɛmar n umseggad,
cehhden x idammen imezdagen s řɣar.
22 SIDI tuɣa ayi d ijj n lburj yuɛřan,
AREBBI inu d Taṣḍart n tarewřa inu.
23 Netta ad xasen isseɛqeb
řmuɛṣiyyet nsen,
am tteggen řɣar nsen ad ten iteḥḥa.
SIDI, AREBBI nneɣ, ad ten iteḥḥa.
◘94:7 94:7 Izhd. 10:11, 13; 59:8
◘94:8 94:8 Izhd. 92:7
◘94:11 94:11 1 Kur. 3:20
◘94:14 94:14 1 Ṣm. 12:22; Rum. 11:1, 2
◼94:17 94:17 asɣaḍ - d man aya ixs ad yini ‘deg unuri’.