1 SIDI iḥekkem,

ejj tammurt ad tfarḥ,

ad arecqent marra tegzirin. ◘97:1 Izhd. 93:1; 96:10

2 Quwwaren as iseynuten

d yijj n useynu ibbumbes,

tasegda d řḥeqq

aqa aten d dsas n řɛarc nnes.

3 Timessi teggur as

zzat n wudem nnes,

tqedd iɣrimen nnes

i d as dd-ittennḍen.

4 Assamen nnes ssřaqqan ddunect,

tammurt tẓarr i-tt, tenhezza. ◘97:4 Izhd. 77:17; Asa. 4:5

5 Idurar fessyen am ccmeɛ

zzat i wudem n SIDI,

zzat i wudem n Sidi n marra tammurt.

6 Ijenwan ttbarrḥen tasegda nnes,

marra řegnus ttwařan aɛuǧi nnes. ◘97:6 Izhd. 19:2; 50:6

7 Ejj ad seḍḥan marra inni ɛebbden

i řexyařat ineqcen n ukeccuḍ,

marra inni ittcennɛen di l’aṣnam.

Bendqem zzates, kenniw,

marra irebbiten!

8 Ṣihyun isřa, ifarḥ,

yessis n Yahuda arecqent,

zi ssibbet n řeḥkamat nnec, a SIDI.

9 Maɣar Cek, a SIDI,

d Amɛuǧi x marra tammurt,

Cek d wenni yuɛřan qaɛ

x marra irebbiten.

10 Kenniw i ittexsen SIDI, carhem řɣar.

Netta iḥeṭṭa x řeɛmur n imtiqqan nnes,

Netta ittfekka i-ten zeg ufus n iɛeffanen. ◘97:10 Ɛam. 5:15; Rum. 12:9

11 Tafawt tᵉttwazarɛ i umsegged,

řefraḥet i yinni ɣar iǧa uř iseggmen.

12 Kenniw imseggaden, farḥem zi SIDI,

qadam xmi tᵉttidarem taqeddast nnes.