130
1 Izři n ugeɛɛed.
Zi řaǧaɣ řaɣiɣ-dd xak, a SIDI!
2 A Sidi inu, seř i tmijja inu,
ejj imezzuɣen nnec ad fetnen
x tmijja n tutra inu!
3 A SIDi, mařa teḥḍiḍ
řmuɛṣiyyat mliḥ,
a Sidi inu, man wen izemmaren
ad iqqim ibedd. ◘130:3 Izhd. 143:2
4 Maca ɣarek asameḥ,
maḥend ad zzayek ggʷeden. ◘130:4 2 Ṣm. 24:14
5 Necc sitimeɣ di SIDI,
řeɛmar inu iccur s usitem,
ttrajiɣ awař nnes, ◘130:5 Izhd. 27:14; 40:2; Ḥab. 2:3
6 Řeɛmar inu ittraja Sidi inu,
aṭṭas zeg iɛessasen ttrajan
ɣar uteffu. ◘130:6 Izhd. 5:4; 119:147; 123:1, 2
7 Ejj Israil ad iraja SIDI,
maɣar tamexsiwt icewwaren
aqa-tt ɣar SIDI,
ɣares afekki iceṭṭ.
8 Netta ad issenjem Israil
zi marra řmuɛṣiyyat nnes.
◘130:3 130:3 Izhd. 143:2
◘130:4 130:4 2 Ṣm. 24:14
◘130:5 130:5 Izhd. 27:14; 40:2; Ḥab. 2:3
◘130:6 130:6 Izhd. 5:4; 119:147; 123:1, 2