12
ⵜⴻⵎⵥⵉ ⴷ ⵜⴰⵡⴻⵙⵙⴰⵔⵜ
1 ⵉⴷⴰⵔ ⵡⴻⵏⵏⵉ ⵛⴻⴽ ⴷⴷ-ⵉⵅⴻⵍⵇⴻⵏ ⴷⴻⴳ ⵡⵓⵙⵙⴰⵏ ⵏ ⵜⴻⵎⵥⵉ ⵏⵏⴻⵛ, ⵇⴱⴻⵍ ⵉ ⴷⴷ ⵖⴰ ⵢⴰⵡⴹⴻⵏ ⵡⵓⵙⵙⴰⵏ ⵏ ⵍⵖⴰⵔ ⵉ ⵣⵉ ⵖⴰ ⵜⵉⵏⵉⴷ: “ⵡⴰⵔ ⴷⴰⵢⵙⴻⵏ ⵓⴼⵉⵖ ⵍⴻⴼⵔⴰⵃⴻⵜ!”, 2 ⵇⴱⴻⵍ ⴰⴷ ⵜᵉⵜⵜⵡⴰⴱⴰⵔⵛⴻⵏ ⵜⴼⵓⵛⵜ ⴷ ⵜⴼⴰⵡⵜ ⴷ ⵜⵣⵉⵔⵉ ⴷ ⵉⵜⵔⴰⵏ ⵓⵛⴰ ⴰⴷ ⴷⴷ-ⵄⴻⵇⴱⴻⵏ ⵉⵙⴻⵢⵏⵓⵜⴻⵏ ⴰⵡⴰⵔⵏⵉ ⵉ ⵡⴻⵏⵥⴰⵔ, 3 ⵖⴰⵔ ⵡⴰⵙⵙ ⵎⵉⵏ ⴷⵉ ⵉⵄⴻⵙⵙⴰⵙⴻⵏ ⵏ ⵜⴰⴷⴷⴰⵔⵜ ⴰⴷ ⴰⵔⵊⵉⵊⴻⵏ, ⵉⵔⵢⴰⵣⴻⵏ ⵉⵊⴻⵀⴷⴻⵏ ⴰⴷ ⵇⴻⵡⵙⴻⵏ, ⵜⵉⵏⵏⵉ ⵉⵃⴰⵔⵔⵢⴻⵏ ⵜⴰⵙⵉⵔⵜ ⴰⴷ ⵙⵙⴱⴻⴷⴷⴻⵏⵜ ⵜⴰⵡⵡⵓⵔⵉ ⵏⵙⴻⵏⵜ, ⵎⵉⵏⵣⵉ ⵏⵉⵜⴻⵏⵜⵉ ⵇⵇⵉⵎⴻⵏⵜ ⴷⵔⵓⵙ ⵉⴷⵙⴻⵏⵜ, ⵓⵛⴰ ⵜⵉⵎⵖⴰⵔⵉⵏ ⵏⵏⵉ ⴷⴷ-ⵉⵙⵙⴰⵊⵊⴰⵏ ⵣⵉ ⵍⴽⵡⴰⵣⵉ, ⴰⴷ ⵜⵜⵡⴰⵍⴻⵃⵃⴼⴻⵏⵜ ⵙ ⵜⴰⴵⴻⵙⵜ, 4 ⵓ ⵜⵏⴰⵢⴻⵏ ⵏ ⵜⴻⵡⵡⵓⵔⴰ ⵖⴰⵔ ⵣⵣⴻⵏⵇⵇⴻⵜ ⴰⴷ ⵜⵜⵡⴰⴱⴻⵍⵍⵄⴻⵏⵜ, ⵅⵎⵉ ⴷⴷⵔⵉⵣ ⵏ ⵜⵙⵉⵔⵜ ⴰⴷ ⵉⵙⵙⴻⵖⴷ ⵓⵛⴰ ⵍⵃⴻⵙⵙ ⵏ ⵓⵊⴹⵉⴹ ⴰⴷ ⵜ ⵉⵙⵙⵉⴳⴳⵡⴻⴷ ⴷⴻⴳ ⵢⵉⴹⴻⵙ ⵓ ⵎⴰⵔⵔⴰ ⵢⴻⵙⵙⵉⵙ ⵏ ⵓⵖⴻⵏⵏⵉⵊ ⴰⴷ ⴷⴻⵡⵍⴻⵏⵜ ⵇⴻⵡⵙⴻⵏⵜ, 5 ⵓ ⴱⵏⴰⴷⴻⵎ ⴰⴷ ⵉⴳⴳⵯⴻⴷ ⵣⵉ ⵎⴰⵔⵔⴰ ⵎⵉⵏ ⵉⴵⴰⵏ ⵢⵓⵄⵍⴰⵏ, ⵓⵛⴰ ⴰⴷ ⴷⵉⵏ ⵉⵍⵉⵏⵜ ⵄⵍⴰⵎ ⴽⵓⵍ ⵍⴻⵃⵡⴰⵢⴻⵊ ⵉⵏⴻⵅⵍⵉⵄⴻⵏ ⴷⴻⴳ ⵡⴻⴱⵔⵉⴷ, ⵓ ⵜⴰⵛⴻⵊⵊⴰⵔⵜ ⵏ ⴵⴻⵡⵣ ⴰⴷ ⵜⵏⴻⵡⵡⴰⵔ ⵓ ⴰⴱⵓⵔⵅⴻⵙ ⴰⴷ ⵉⴷⵡⴻⵍ ⴷ ⵜⴰⵎⴰⵔⴰ ⵓ ⵜⴰⵏⴻⵡⵡⴰⵛⵜ ⵏ ‘ⵓⴽⴻⴱⴱⴰⵙ’ ⵡⴰⵔ ⴷ ⴰⵙ ⴷⴷ-ⵢⵓⵙⵉ ⵄⴰⴷ ⵖⴰⵔ ⵍⴱⴰⵍ - ⵎⴰⵖⴰⵔ ⴱⵏⴰⴷⴻⵎ ⵉⴳⴳⵓⵔ ⵖⴰⵔ ⵜⴰⴷⴷⴰⵔⵜ ⵏⵏⴻⵙ ⵏ ⵍⴻⴱⴷⴰ ⵓ ⵉⵏⵏⵉ ⵉⵛⴻⵟⵟⵏⴻⵏ ⴰⴷ ⵔⴰⵃⴻⵏ ⴰⴷ ⴷⴷ-ⵜⴰⵙⴻⵏ ⴷⴻⴳ ⵉⴱⵔⵉⴷⴻⵏ - ◼12:5 ⵜⴰⵏⴻⵡⵡⴰⵛⵜ ⵏ ‘ⵓⴽⴻⴱⴱⴰⵙ’-ⵉⵙⴻⵎ-ⴰ ⵏ ⵜⵏⴻⵡⵡⴰⵛⵜ ⵜⴰⵏⵉⵜⴰ ⵙ ⵜⵓⵜⵍⴰⵢⵜ ⵏ ⵜⵍⴰⵜⵉⵏⵉⵜ: ‘ⵛⴰⴱⴱⴰⵔⵉⵙ’. ⵙ ⵜⴻⵄⵔⴰⴱⵜ ‘الكَبَر’.
6 ⵇⴱⴻⵍ ⵉ ⵖⴰ ⵜᵉⵜⵜⵡⴰⵔⵅⵓ ⵜⴻⵙⵖⵓⵏⵜ ⵏ ⵏⵏⵓⵇⴰⵔⵜ, ⴰⴷ ⵜᵉⵜⵜⵡⴰⵔⵥ ⵟⵟⴰⵡⵢⵢⴻⵜ ⵏ ⵡⵓⵔⴻⵖ, ⴰⴷ ⵉⵏⵏⴻⴼⵔⴰⵔ ⵡⴻⵇⴱⵓⵛ ⵖⴰⵔ ⵜⴰⵍⴰ ⵓⵛⴰ ⴰⴷ ⵜⴻⵇⴹⵓ ⵜⵊⴰⵔⵔⴰⵔⵜ ⴷⴻⴳ ⵡⴰⵏⵓ, 7 ⵓⵛⴰ ⵓⵛⴰⵍ ⴰⴷ ⴷⴷ-ⵉⵄⵇⴻⴱ ⵖⴰⵔ ⵜⴻⵎⵎⵓⵔⵜ ⴰⵎ ⵎⴰⵎⵎⴻⵛ ⵜ-ⵜⵓⵖⴰ, ⵓ ⴱⵓⵃⴱⴻⵍ ⴰⴷ ⴷⴷ-ⵉⵄⵇⴻⴱ ⵖⴰⵔ ⴰⵔⴻⴱⴱⵉ, ⵡⴻⵏⵏⵉ ⵜ ⵉⵡⵛⵉⵏ. ◘12:7 ⴰⵎⵥ. 2:7; 3:19; ⵍⵅⵍ. 16:22
ⴰⵡⴰⵍ ⴰⵏⴻⴳⴳⴰⵔⵓ
8 ⴷ ⵉⴱⴻⵟⵟⴰⵍⴻⵏ ⵇⴰⵄ, ⵉⵇⵇⴰⵔ ⵓⵎⴱⴰⵔⵔⴻⵃ, ⴰⵇⴰ ⴽⵓⵍⵛⵉ ⴷⵉ ⵍⴱⴰⵟⴻⵍ. ◘12:8 ⵉⵥⵀⴷ. 62:10; 144:4; ⴰⵎⴱ. 1:2
9 ⵙⴻⵏⵏⴻⵊ ⵉ ⵓⵢⴰ, ⵎⵉⵏⵣⵉ ⴰⵎⴱⴰⵔⵔⴻⵃ ⵜⵓⵖⴰ-ⵜ ⴷ ⴰⵎⵉⵖⵉⵙ, ⵉⵙⵙⴻⵍⵎⴻⴷ ⵄⴰⵡⴻⴷ ⵜⵓⵙⵙⵏⴰ ⵉ ⵍⴳⴻⵏⵙ, ⵜⵓⵖⴰ ⵉⵜⵜⴱⴰⵍⵓ, ⵉⵜⵜⴱⴻⵇⵇⴰⵛ ⵎⵍⵉⵃ, ⵓⵛⴰ ⵉⵄⴷⴻⵍ ⴰⵟⵟⴰⵙ ⵏ ⵡⴰⵡⴰⵍⴻⵏ ⵉⵡⴻⵣⵏⴻⵏ. ◘12:9 1 ⵉⵊ. 5:26 10 ⵢⴰⵔⵣⵓ ⵓⵎⴱⴰⵔⵔⴻⵃ ⵎⴰⵃⴻⵏⴷ ⴰⴷ ⵢⴰⴼ ⴰⵡⴰⵍⴻⵏ ⵉⵄⴻⴷⵍⴻⵏ, ⵓ ⵎⵉⵏ ⵢⵓⵔⴰ, ⴰⵇⴰ-ⵜ ⵏⵉⵛⴰⵏ, ⴰⵡⴰⵍⴻⵏ ⵏ ⵜⵉⴷⴻⵜⵜ. 11 ⴰⵡⴰⵍⴻⵏ ⵏ ⵉⵎⵉⵖⵉⵙⴻⵏ ⴰⵎ ⵢⵉⵙⴻⵏⵏⴰⵏⴻⵏ ⵓ ⴰⵎⴻⵛⵏⴰⵡ ⵉⵎⴻⵙⵎⵉⵔⴻⵏ ⵉⵜⵜⵡⴰⵙⵙⵉⴷⴼⴻⵏ, ⵉ ⵣⵣⴰⵢⵙⴻⵏ ⵉ-ⴷⴷ-ⵜⵜⴰⵙⴻⵏⵜ ⴰⵟⵟⴰⵙ ⵏ ⵜⵎⴻⵙⵍⴰⵢⵉⵏ, ⴰⵇⴰ-ⵜⴻⵏ ⵎⵎⴻⵡⵛⴻⵏ ⵣⴻⴳ ⵓⵢⴻⵏⵏⵉ ⵏ ⵓⵎⴻⴽⵙⴰⵡ. ◼12:11 ⴰⵎⴻⴽⵙⴰⵡ-ⵏⵉⵖ ‘ⴰⵏⵉⵞⵉ’.
12 ⵙⴻⵏⵏⴻⵊ ⵉ ⵎⴰⵔⵔⴰ ⴰⵢⴰ, ⴰ ⵎⵎⵉ, ⵃⴹⴰ ⵉⵅⴻⴼ ⵏⵏⴻⵛ: ⵡⴰⵔ ⴷⵉⵏ ⴰⵇⴻⵟⵟⵓ ⵏ ⵜⵉⵔⴰ ⵏ ⵡⴰⵟⵟⴰⵙ ⵏ ⵉⴷⵍⵉⵙⴻⵏ ⵓ ⴰⵟⵟⴰⵙ ⵏ ⵜⵖⵓⵔⵉ ⵜⴻⵙⵙⴰⵃⴰⵍ ⴰⵔⵔⵉⵎⴻⵜ.
13 ⴰⵡⴰⵍ ⴰⵏⴻⴳⴳⴰⵔⵓ ⵏ ⵎⴰⵔⵔⴰ ⵎⵉⵏ ⵜⴻⵙⵍⵉⴷ, ⴰⵇⴰ ⵜ ⴷ ⵡⴰ: “ⴳⴳⵯⴻⴷ ⴰⵔⴻⴱⴱⵉ ⵓ ⵃⴹⴰ ⵜⵉⵡⴻⵚⵚⴰ ⵏⵏⴻⵙ!”, ⵎⴰⵖⴰⵔ ⵎⴰⵏ ⴰⵢⴰ ⵉ ⵢⵓⵔⵉⵏ ⵉ ⴽⵓⵍ ⵉⵊⵊ ⵏ ⴱⵏⴰⴷⴻⵎ. ◘12:13 ⴰⵄⵡⴷ. 6:2; 10:12; ⴰⵡⵍⵏ. 3:7 14 ⵎⴰⵖⴰⵔ ⵙⵉⴷⵉ ⴰⴷ ⵢⴰⵡⵉ ⴽⵓⵍ ⵜⴰⵎⴻⴳⴳⵉⵜ ⵣⵣⴰⵜ ⵉ ⵜⴰⴷⴷⴰⵔⵜ ⵏ ⵛⵛⵔⴻⵄ ⵅ ⵎⴰⵔⵔⴰ ⵎⵉⵏ ⵉⵏⵏⵓⴼⴼⴰⵔⴻⵏ, ⵎⴰ ⵜⵓⵖⴰ ⵉⵚⴱⴻⵃ ⵏⵉⵖ ⵜⵓⵖⴰ ⵡⴰⵔ ⵉⵃⵍⵉ.◘12:14 1 ⴽⵓⵔ. 4:5; 2 ⴽⵓⵔ. 5:10
◼12:5 12:5 ⵜⴰⵏⴻⵡⵡⴰⵛⵜ ⵏ ‘ⵓⴽⴻⴱⴱⴰⵙ’-ⵉⵙⴻⵎ-ⴰ ⵏ ⵜⵏⴻⵡⵡⴰⵛⵜ ⵜⴰⵏⵉⵜⴰ ⵙ ⵜⵓⵜⵍⴰⵢⵜ ⵏ ⵜⵍⴰⵜⵉⵏⵉⵜ: ‘ⵛⴰⴱⴱⴰⵔⵉⵙ’. ⵙ ⵜⴻⵄⵔⴰⴱⵜ ‘الكَبَر’.
◘12:7 12:7 ⴰⵎⵥ. 2:7; 3:19; ⵍⵅⵍ. 16:22
◘12:8 12:8 ⵉⵥⵀⴷ. 62:10; 144:4; ⴰⵎⴱ. 1:2
◘12:9 12:9 1 ⵉⵊ. 5:26
◼12:11 12:11 ⴰⵎⴻⴽⵙⴰⵡ-ⵏⵉⵖ ‘ⴰⵏⵉⵞⵉ’.
◘12:13 12:13 ⴰⵄⵡⴷ. 6:2; 10:12; ⴰⵡⵍⵏ. 3:7
◘12:14 12:14 1 ⴽⵓⵔ. 4:5; 2 ⴽⵓⵔ. 5:10