1 ⵙ ⵓⵢⴻⵏⵏⵉ, ⴰ ⴰⵢⵜⵎⴰ ⵉⵎⵇⴻⴷⴷⴰⵙⴻⵏ, ⵉⵏⵏⵉ ⵉⵜⵜⵡⴰⵍⴰⵖⴰⵏ ⵙ ⵜⵍⴰⵖⵉⵜ ⵏ ⵓⵊⴻⵏⵏⴰ, ⵅⵣⴰⵔⴻⵎ ⵖⴰⵔ ⵔⵔⴰⵙⵓⵍ ⵡⴰⵏⵉⵜⴰ, ⵖⴰⵔ ⴰⵔⵔⴰⵢⵙ ⵏ ⵉⴽⴻⵀⵀⴰⵏⴻⵏ ⵏ ⵛⵛⵀⴰⴷⴻⵜ ⵏⵏⴻⵖ, ⵢⴰⵙⵓⵄ ⵍⵎⴰⵙⵉⵃ, ◼3:1 ⵔⵔⴰⵙⵓⵍ-ⵏⵉⵖ ‘ⴰⵎⴰⵥⴰⵏ’.  ◘3:1 ⵄⴱⵔ. 4:14; 6:20; 8:1; 9:11. 2 ⵡⴻⵏⵏⵉ ⴷ ⴰⵎⵜⵉⵇⵇⵉ ⵉ ⵡⴻⵏⵏⵉ ⵉ-ⵜ-ⵉ-ⴷⴷ-ⵉⵙⵙⴳⴻⵄⵄⴷⴻⵏ, ⴰⵎ ⵎⴰⵎⵎⴻⵛ ⵜⵓⵖⴰ ⵎⵓⵙⴰ ⴷ ⴰⵎⵜⵉⵇⵇⵉ ⴷⵉ ⵎⴰⵔⵔⴰ ⵜⴰⴷⴷⴰⵔⵜ ⵏⵏⴻⵙ. ◘3:2 ⵍⵅⵍ. 12:7. 3 ⵎⵉⵏⵣⵉ ⴰⵄⵓⴵⵉ ⵏ ⵡⴰⵏⵉⵜⴰ ⴷ ⴰⵎⴻⵇⵇⵔⴰⵏ ⵙ ⵡⴰⵟⵟⴰⵙ ⵅ ⵡⴻⵏⵏⵉ ⵏ ⵎⵓⵙⴰ, ⴰⵎ ⵛⵛⴰⵏ ⵏ ⵓⴱⴻⵏⵏⴰⵢ ⵏ ⵜⴰⴷⴷⴰⵔⵜ ⵉⵎⵖⴰⵔ ⵅ ⵛⵛⴰⵏ ⵏ ⵍⴻⴱⵏⵉ ⵏⵏⴻⵙ. 4 ⵎⵉⵏⵣⵉ ⵎⴰⵔⵔⴰ ⵜⴰⴷⴷⴰⵔⵜ ⵜᵉⵜⵜⵡⴰⴱⵏⴰ ⵣⴻⴳ ⵉⵊⵊⴻⵏ, ⵎⴰⵛⴰ ⵡⴻⵏⵏⵉ ⵉⴱⴻⵏⵏⴰⵏ ⵎⴰⵔⵔⴰ ⴷ ⴰⵔⴻⴱⴱⵉ. ◘3:4 2 ⴽⵓⵔ. 5:17, 18; ⴰⴼⴰ. 2:10. 5 ⵜᵉⵜⵜⵡⴰⵡⴻⴽⴽⴻⵍ ⵉ ⵎⵓⵙⴰ ⵎⴰⵔⵔⴰ ⵜⴰⴷⴷⴰⵔⵜ ⵏⵏⴻⵙ ⴰⵎ ⵉ ⵢⵉⵊⵊ ⵏ ⵓⵎⵙⴻⵅⵅⴰⵔ, ⵎⴰⵃⴻⵏⴷ ⴰⴷ ⵉⵛⵀⴻⴷ ⵅ ⵜⵎⴻⵙⵍⴰⵢⵉⵏ ⵎⵉⵏ ⵅⴻⴼ ⵖⴰ ⵉⵙⵙⵉⵡⴻⵍ ⵏⴻⵜⵜⴰ. ◘3:5 ⴰⵄⵡⴷ. 18:15, 18. 6 ⵎⴰⵛⴰ ⵍⵎⴰⵙⵉⵃ ⴰⵎ ⵎⵎⵉⵙ ⵉⵜⵜⵡⴰⴳⴳ ⵅ ⵜⴰⴷⴷⴰⵔⵜ ⵏⵏⴻⵙ, ⵓ ⵜⴰⴷⴷⴰⵔⵜ ⵏⵏⴻⵙ ⴷ ⵏⴻⵛⵛⵉⵏ, ⵎⴰⵍⴰ ⵏⴻⵇⵇⵉⵎ ⵏᵉⵜⵜⴻⵟⵟⴻⴼ ⴷⵉ ⵍⴰⵎⴰⵏ ⵓ ⴷⴻⴳ ⵓⵄⵓⴵⵉ ⵏ ⵓⵙⵉⵜⴻⵎ ⵏⵏⴻⵙ ⴰⵍ ⴰⵏⴻⴳⴳⴰⵔ. ◘3:6 ⵔⵓⵎ. 5:2; 1 ⴽⵓⵔ. 3:16; 6:19; 2 ⴽⵓⵔ. 6:16; 1 ⴱⵟ. 2:5.

7 ⵎⴰⵛⴰ ⵎⵉⵏⵣⵉ ⴰⵔⵔⵓⵃ ⵉⵇⴻⴷⴷⵙⴻⵏ ⵉⵏⵏⴰ ...

“ⴰⵇⴰ ⴰⵙⵙ-ⴰ ⵎⴰⵍⴰ ⵜⴻⵙⵍⵉⵎ ⵜⵎⵉⵊⵊⴰ ⵏⵏⴻⵙ, ◘3:7 ⵉⵥⵀⴷ. 95:7; ⵄⴱⵔ. 4:7.

8 ⵡⴰⵔ ⵜⵜᵉⵙⵙⴻⵇⵙⵉⵃⴻⵎ ⵛⴰ ⵓⵍⴰⵡⴻⵏ ⵏⵡⴻⵎ

ⵎⴰⵃⴻⵏⴷ ⴰⴷ ⵜ ⵜⴻⵙⵄⴰⵔⴻⵎ,

ⴰⵎ ⵉⵏⵏⵉ ⵉⵖⴻⵡⵡⵖⴻⵏ,

ⴰⵎ ⴷⴻⴳ ⵡⴰⵙⵙ ⵏ ⵓⵊⴰⵔⵔⴻⴱ ⴷⵉ ⵍⴻⵅⵍⴰ, ◘3:8 ⵓⴼ. 17:2, 7; ⵉⵥⵀⴷ. 95:8

9 ⵓⵎⵉ ⴷ ⴰⵢⵉ ⵊⴰⵔⵔⴱⴻⵏ ⵍⴻⵊⴷⵓⴷ ⵏⵡⴻⵎ, ⵇⴻⴵⴱⴻⵏ ⴰⵢⵉ,

ⴰⵎ ⵥⵔⵉⵏ ⵜⵉⵎⴻⴳⴳⴰ ⵉⵏⵓ

ⴰⵔⴻⴱⵄⵉⵏ ⵏ ⵉⵙⴻⴳⴳⵯⵓⵙⴰ.

10 ... ⵙ ⵓⵢⴰ ⵄⵉⴼⴼⴻⵖ ⵣⵉ ⵊⵊⵉⵍ ⵏⵏⵉ, ⵏⵏⵉⵖ:

‘ⵡⴰ ⴷ ⵉⵊⵊ ⵏ ⵍⴳⴻⵏⵙ ⵉ ⵉⵡⴻⴷⴷⴰⵔⴻⵏ ⴷⴻⴳ ⵡⵓⵍ ⵏⵏⴻⵙ

ⵏⵉⵜⵏⵉ ⵡⴰⵔ ⵙⵙⵉⵏⴻⵏ ⵛⴰ ⵉⴱⵔⵉⴷⴻⵏ ⵉⵏⵓ!’,

11 ⴰⵍⴰⵎⵉ ⵊⵊⵓⴵⴻⵖ ⴷⴻⴳ ⵡⴻⵖⴹⴰⴱ ⵉⵏⵓ:

‘ⵡⴰⵔ ⴷⴷ-ⵜⵜⵉⴷⴼⴻⵏ ⵛⴰ ⵖⴰⵔ ⴰⵔⵔⴰⵃⴻⵜ ⵉⵏⵓ!’ ” ◘3:11 ⵍⵅⵍ. 14:21-23; ⴰⵄⵡⴷ. 1:34; ⵉⵥⵀⴷ. 95:7-11.

12 ⵙ ⵓⵢⴻⵏⵏⵉ, ⴰ ⴰⵢⵜⵎⴰ, ⵃⴹⴰⵎ ⵃⵉⵎⴰ ⵄⴻⵎⵎⴰⵔⵚ ⵡⴰⵔ ⵉⵜⵜⵉⵍⵉ ⵃⴻⴷ ⵣⵣⴰⵢⵡⴻⵎ ⵖⴰⵔⴻⵙ ⵓⵍ ⴷ ⴰⵄⴻⴼⴼⴰⵏ ⵉ ⵡⴰⵔ ⵉⵜⵜⵉⵎⵏⴻⵏ ⵓⵎⵉ ⵖⴰ ⵜⴰⴳⴳⵯⴻⵊⴻⵎ ⵅ ⴰⵔⴻⴱⴱⵉ ⵉⴷⴷⴰⵔⴻⵏ, 13 ⵎⴰⵛⴰ ⵇⴻⴵⴱⴻⵎ ⵉⵅⴻⴼ ⵏⵡⴻⵎ ⴽⵓⵍ ⴰⵙⵙ, ⴰⵍ ⴰⵙⵙ ⵓⵎⵉ ⵇⵇⴰⵔⴻⵏ: ‘ⴰⵙⵙ-ⴰ!’, ⵃⵉⵎⴰ ⵓⵍⴰ ⴷ ⵉⵊⵊ ⵣⵣⴰⵢⵡⴻⵎ ⵡⴰⵔ ⵉⵜⵜⴻⵇⵙⵉⵃ ⵛⴰ ⵙ ⵓⵖⴻⴽⴽⵡⵉ ⵏ ⴷⴷⴻⵏⴱ. 14 ⵎⵉⵏⵣⵉ ⵏⴻⵜⵜⵡⴰⵙⵙⵎⵓⵏ ⴰⵟⵟⴰⵙ ⴰⴽ-ⴷ ⵍⵎⴰⵙⵉⵃ ⵎⴰⵍⴰ ⵏⴻⵇⵇⵉⵎ ⵏⵛⴻⴱⴱⴰⵔ ⵣⴻⴳ ⵓⵎⴻⵣⵡⴰⵔ ⴰⵍ ⴰⵏⴻⴳⴳⴰⵔ ⴷⵉ ⵍⵄⴰⵀⴷ-ⴰ ⵉ ⴷⴰⵢⴻⵙ ⵍⴰⵎⴰⵏ.

15 ⵙ ⵓⵢⴰ ⵉⵜⵜⵡⴰⵏⵏⴰ ⴰⵎⵎⵓ:

“ⴰⵇⴰ ⴰⵙⵙ-ⴰ,

ⵎⴰⵍⴰ ⵜⴻⵙⵍⵉⵎ ⵍⵃⴻⵙⵙ ⵏ ⵜⵎⵉⵊⵊⴰ ⵏⵏⴻⵙ,

ⵡⴰⵔ ⵜⴻⵙⵙⴻⵇⵙⵉⵃⴻⵎ ⵛⴰ ⵓⵍⴰⵡⴻⵏ ⵏⵡⴻⵎ

ⵎⴰⵃⴻⵏⴷ ⴰⴷ ⵜ ⵜⴻⵙⵄⴰⵔⴻⵎ.” ◘3:15 ⵄⴱⵔ. 3:7.

16 ⵅⴻⵏⵏⵉ ⵎⵉⵏ ⵉⵄⵏⴰⵏ ⵏⵉⵜⵏⵉ ⵉⵏⵏⵉ ⵉⵙⵍⵉⵏ ⵜ, ⵅⴻⵏⵏⵉ ⵖⴻⵡⵡⵖⴻⵏ? ⵎⴰ ⵡⴰⵔ ⴵⵉⵏ ⵏⵉⵜⵏⵉ ⵎⴰⵔⵔⴰ ⴷ ⵉⵏⵏⵉ ⴷⴷ-ⵉⴼⴼⵖⴻⵏ ⵣⵉ ⵎⵉⵚⵔⴰ ⵙ ⵓⴼⵓⵙ ⵏ ⵎⵓⵙⴰ? 17 ⵣⵉ ⵎⴰⵏ ⵡⴻⵏ ⵉⵄⵉⴼⴼ ⵏⴻⵜⵜⴰ ⵅⴻⵏⵏⵉ ⴰⵔⴻⴱⵄⵉⵏ ⵏ ⵉⵙⴻⴳⴳⵯⵓⵙⴰ? ⵎⴰ ⵡⴰⵔ ⵉⴵⵉ ⵣⴻⴳ ⵢⵉⵏⵏⵉ ⵉⵅⴹⴰⵏ, ⵉⵏⵏⵉ ⵓⵎⵉ ⵉⵡⴹⴰⵏ ⵉⵖⵙⴰⵏ ⵏⵙⴻⵏ ⴷⵉ ⵍⴻⵅⵍⴰ? ◘3:17 ⵍⵅⵍ. 14:36; ⵉⵥⵀⴷ. 106:26; 1 ⴽⵓⵔ. 10:10; ⵢⴰⵀ. 5. 18 ⵉ ⵓⵎⵉ ⵉⵊⵊⵓⴵ ⵏⴻⵜⵜⴰ, ⴱⴻⵍⵍⵉ ⵡⴰⵔ ⴷⴷ-ⵜⵜⵉⴷⴼⴻⵏ ⵛⴰ ⵖⴰⵔ ⴰⵔⵔⴰⵃⴻⵜ ⵏⵏⴻⵙ? ⵎⴰ ⵡⴰⵔ ⵉⴵⵉ ⵉ ⵢⵉⵏⵏⵉ ⵡⴰⵔ ⴷ ⴰⵙ ⵜⵜⵉⵇⵇⴻⵏ? ◘3:18 ⴰⵄⵡⴷ. 1:34. 19 ⴰⵇⴰ ⵏⴻⵜⵜⵡⴰⵍⴰ ⴱⴻⵍⵍⵉ ⵏⵉⵜⵏⵉ ⵡⴰⵔ ⵣⴻⵎⵎⴰⵔⴻⵏ ⴰⴷ ⴰⴷⴼⴻⵏ ⵅ ⵙⵙⵉⴱⴱⴻⵜ ⵏ ⴱⵍⴰ ⵍ’ⵉⵎⴰⵏ ⵏⵙⴻⵏ.